နေပြည်တော်ရောက် အမေရိကန် နိုင်ငံခြားရေး ၀န်ကြီး ဟီလာရီ ကလင်တန်နှင့် ပြည့်သူ့လွှတ်တော် ဥက္ကဋ္ဌ သူရဦးရွှေမန်း တွေ့ဆုံစဉ် သူရဦးရွှေမန်းက ပြောကြားချက် အချို့
အဆွေတော်၏ ခရီးစဉ်ကို ကမ္ဘာက စောင့်ကြည့်နေသည်ဟု ထင်ပါသည်။ ယခုလိုလာရောက်သည့် အတွက် ၀မ်းသာပါသည်။ အဆွေတော်တို့ သိရှိသည့် အတိုင်း ယခင်အစိုးရလက်ထက်တွင် လွှတ်တော်ဆိုသည်မရှိခဲ့ပါ။ သို့သော်ယခု စနစ်သစ်၏ ထူးခြားချက်မှာ လွှတ်တော်များပေါ်ပေါက်လာခြင်းဖြစ်ပါသည်။
ကျွန်တော်တို့ လွှတ်တော်မှာ ပြည်သူများအကျိုးစီးပွားနှင့် နိုင်ငံတော် အကျိုးစီးပွားအတွက် အဓိကထား ဆောင်ရွက်သွားမှာ ဖြစ်ပါသည်။ လွှတ်တော်ကို ခိုင်ခန့်အောင် ခိုင်မြဲအောင် ကြိုးစားဆောင်ရွက်နေပါသည်။ အဘယ်ကြောင့်ဆိုသော် ပြုပြင်ပြောင်းလဲရေးနှင့် ဒီမိုကရေစီ စနစ်ကို နောက်ကြောင်းပြန်မလှည်ပဲ ရှေ့သို့တိုးတက်အောင် ဆောင်ရွက်လို၍ ဖြစ်ပါသည်။ အုပ်ချုပ်ရေး စီးပွားရေး လူမှုရေး ကိစ္စများစွာဆောင်ရွက်ရန် ကျန်နေသေး၍ ဖြစ်ပါသည်။
နိုင်ငံသားများ၏ မူလအခွင့်အရေး ဒီမိုကရေစီအရေး၊ လူ့အခွင့်အရေး တိုင်းရင်းသားအရေးနှင့် ပြည်တွင်းငြိမ်းချမ်းရေး များတွင် နိုင်ငံသားတိုင်း All inclusive ပါဝင်ပြီး နိုင်ငံရေး လုပ်ဆောင်ခွင့်ရရေး၊ ထိုသို့လုပ်ဆောင်နိုင်ရန် အတွက်၎င်း၊ တိုင်းရင်းသားညီညွတ်မှုရရေး၊ အကျဉ်းသားများ ပြစ်ဒဏ်လွတ်ငြိမ်းသက်သာခွင့်ရရေး တို့တွင်လည်း အိမ်နီးချင်းနိုင်ငံများ ကမ္ဘာ့ကုလသမ္မဂတို့နှင့် ချစ်ကြည်ရင်းနှီးစွာပူးပေါင်းဆောင်ရွက်မှု အပြည့်အ၀ရှိရေးတို့တွက် မိမိတို့နိုင်ငံ၏ နိုင်ငံခြားရေး မူဝါဒ ၊ ကုလမသမ္မဂ လုံခြုံရေး ကောင်စီ၏ ဆုံးဖြတ်ချက်များအပြည့်အ၀လိုက်နာရေး တို့ဖြစ်ပါကြောင်း ပါရှိသည်။ ။
0 comments:
Post a Comment