တံတားပြိုကျသည့်နေရာတွင် ရဲတပ်ဖွဲ့ဝင်များက နိုဝင်ဘာလ ၂၇ ရက်တွင် စစ်ဆေးနေစဉ်
အင်ဒိုနီးရှားနိုင်ငံအလယ်ပိုင်းရှိ ကာလီမန်တန်ပြည်နယ် အရှေ့ဘက်တွင် အရှည် ၇၁၀ မီတာ (၂၃၃၀ ပေ) ရှိသော တံတားတစ်ခုသည် နိုဝင်ဘာလ ၂၆ ရက် ညနေက ပြိုကျခဲ့ရာ နိုဝင်ဘာလ ၂၈ ရက်တွင် သေဆုံးသူ ၁၀ ဦးအထိ ရှိလာခဲ့ကြောင်း သဘာဝဘေးအန္တရာယ်ဆိုင် ရာ စီမံခန့်ခွဲရေးအေဂျင်စီက ထုတ်ပြန်ခဲ့သည်။
တံတားပြိုကျမှုကြောင့် ကားများနှင့် အခြားယာဉ်များသည် အနက်မီတာ ၄၀ ရှိသည့် ရွံ့ထူသော ရေထဲသို့ ပြုတ်ကျခဲ့ပြီး လူ ၂၈ ဦး မှာ ပျောက်ဆုံးနေကြောင်း ယင်းအေဂျင်စီက ထုတ်ပြန်ခဲ့သည်။ သက်တမ်း ၁၀ နှစ်ရှိပြီဖြစ်သော တံတားကို ပြင်ဆင်မှု ပြုလုပ်နေစဉ် ထောက်ပံ့ထားသော ကေဘယ်တစ်ခုမှာ ကျိုးကျခဲ့ပြီးနောက် အခြားကေဘယ်များမှာလည်း ကျိုးကျခဲ့ခြင်းဖြစ်ကြောင်း ယင်းအေဂျင်စီဥက္ကဋ္ဌ ဆူတိုပိုပါဝို နူဂရိုဟိုက ပြောကြားခဲ့သည်။
တံတားပြန်လည်ပြင်ဆင်မှု ပြုလုပ်နေစဉ် သွားလာမှုအဆင်ပြေရေးအတွက် ယင်းတံတားအနီး ယာယီဆိပ်ကမ်းတစ်ခု တည်ဆောက်သွားရန် စီစဉ်နေကြောင်းလည်း သိရသည်။
Ref:Bloomberg
0 comments:
Post a Comment