UNFC ဆက်စပ်အဖွဲ့များကို အစိုးရက ဆွေးနွေးရန် ကမ်းလှမ်းမှု မရှိ

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ၏ ဆက်စပ်အဖွဲ့များကို အစိုးရက တွေ့ဆုံဆွေးနွေးရန် ကမ်းလှမ်းမှုမရှိကြသေးဟု အဖွဲ့တာဝန်ရှိသူများက ပြောသည်။

နိုင်ငံရေးပါတီ၊ လက်နက်ကိုင်တပ်အင်အား၊ နယ်မြေနှင့် လူထုအပေါ်မူတည်ပြီး UNFC ကို အခြေခံနှင့် ဆက်စပ် အဖွဲ့ဟူ၍ နှစ်မျိုးခွဲထားရာ ဆက်စပ်အဖွဲ့များတွင် ကချင်အမျိုးသား အစည်းအရုံး KNO၊ ပလောင်ပြည်နယ် လွတ်မြောက်ရေးတပ်ဦး PSLF၊ လားဟူ ဒီမိုကရက်တစ်သမဂ္ဂ LDU၊ ညီညွတ်သော ရခိုင် အမျိုးသားပါတီ NUPA၊ ပအိုဝ်း အမျိုးသားလွတ်မြောက်ရေးအဖွဲ့ PNLO၊ ဝ' အမျိုးသားအဖွဲ့ချုပ် WNO တို့ ဖြစ်ကြသည်။

UNFC အခြေခံအဖွဲ့များအနက် ကရင်အမျိုးသားအစည်းအရုံး၊ ကရင်နီ အမျိုးသား တိုးတက်ရေးပါတီ၊ ချင်းအမျိုးသား တပ်ဦးတို့နှင့် သီးခြားစီတွေ့ဆုံမှုကို ရထားပို့ဆောင်ရေးဝန်ကြီး ဦးအောင်မင်းက နိုဝင်ဘာ ၁၉ ရက်နေ့တွင် ထိုင်း-မြန်မာ နယ်စပ် ချင်းရိုင်ခရိုင်၊ မယ်ဆိုင်မြို့တွင် ပြုလုပ်ခဲ့သည်။

ထို့အပြင် ရှမ်းပြည်တပ်မတော် (မြောက်ပိုင်း) ခေါ် ရှမ်းပြည်တိုးတက်ရေးပါတီ SSA/ SSPP နှင့် တိုင်းရင်းသား
ရေးရာနှင့် ပြည်တွင်းငြိမ်းချမ်းရေး ဖော်ဆောင်မှုကော်မတီဥက္ကဋ္ဌ ဦးသိန်းဇော်တို့ အောက်တိုဘာ ၂၉ ရက်နေ့တွင်
နေပြည်တော်၌ တွေ့ဆုံခဲ့ကြသေးသည်။

“အပစ်ရပ်ကတော့ တဖွဲ့ချင်း လုပ်တယ်ဆိုပေမယ့် အပစ်ရပ်နောက်မှာ နိုင်ငံရေးဆွေးနွေးပွဲ ပါရမယ်လို့ UNFC က တောင်းဆိုထားတာ။ ကျနော်တို့ကတော့ UNFC ထဲမှာ ပါထားတယ်ဆိုတော့။ UNFC အစည်းအဝေးက ဆုံးဖြတ်တာ လိုက်လုပ်ရမှာပေါ့။” ဟု ပအိုဝ်းအမျိုးသားလွတ်မြောက်ရေးအဖွဲ့မှ ခွန်ဥက္ကာက ပြောသည်။

UNFC ကလည်း အခြေခံအဖွဲ့ ခြောက်ဖွဲ့မှ တဖွဲ့စီပါဝင်ပြီး ဆက်စပ်အဖွဲ့ တဦးပါသည့် ဆွေးနွေးရေးအဖွဲ့တခု ဖွဲ့စည်းပြီး ကိုင်ဆွဲရမည့်အချက်များ၊ ဆွေးနွေးပွဲအဆင့်ဆင့်နှင့် တင်ပြမှုအဆင့်ဆင့်တို့ ပြင်ဆင်ထားသည်။ အဖွဲ့ခေါင်းဆောင်မှာ UNFC အတွင်းရေးမှူး နိုင်ဟံသာဖြစ်ပြီး လဖိုင်လှ KIO၊ ဗိုလ်မှူးခွန်ဥက္ကာ PNLO၊ ဦးအောင်ဆန်းမြင့် KNPP၊
စောဒေါလေးမူ (ယာယီ) KNU၊ ဦးစိုင်းထူး SSA/SSPP၊ ပေါလ်ဆီတာ CNF တို့သည် အဖွဲ့ဝင်များ ဖြစ်သည်။

ပအိုဝ်းတပ်ဖွဲ့ အင်အားနည်းသဖြင့် ရှမ်းပြည်တောင်ပိုင်း ဟိုပုန်း၊ မောက်မယ်နှင့် လင်းခေးမြို့နယ်များအတွင်း လူထု စည်းရုံးရေးလုပ်ငန်းများကိုသာ ဦးစားပေးပြီး အစိုးရတပ်များနှင့် အပစ်ခတ်မရှိဟု ခွန်ဥက္ကာက ပြောသည်။ အလားတူ အခြား ဆက်စပ်အဖွဲ့များသည်လည်း အင်အားကြီးအဖွဲ့များ မဟုတ်ဟု ဆိုသည်။

အစိုးရက သြဂုတ်လ ၁၈ ရက်နေ့က အပစ်ရပ်လိုသည့် တိုင်းရင်းသားအဖွဲ့အစည်းအများ အနေဖြင့် သက်ဆိုင်ရာ
ပြည်နယ် အစိုးရများသို့ ဆက်သွယ် ဆောင်ရွက်နိုင်ကြောင်း ကြေညာထားသော်လည်း UNFC အဖွဲ့ဝင်များက မဆက်သွယ်သဖြင့် အစိုးရဘက်မှ စတင်၍ လိုက်လံညှိနှိုင်းနေရသည်။

PSLF ကမူ သူတို့ အဖွဲ့သည် ပလောင်နယ်မြေအတွင်း တပ်ဖွဲ့အခိုင်အမာ ခြေကုတ်မယူနိုင်သေးသဖြင့် အစိုးရက မကမ်းလှမ်းခြင်းဟု ယူဆသည်။ အဖွဲ့အနေဖြင့်မူ စတင်သွားရောက်တွေ့ဆုံမည် မဟုတ်ကြောင်း PSLF အတွင်းရေးမှူး မိုင်ဘုန်းကျော်က ဆိုသည်။

ထိုင်း-မြန်မာနယ်စပ်တွင်လည်း တပ်ဖွဲ့ဝင်တချို့ရှိနေသည့် PSLF အဖွဲ့သည် ယခုအခါ ပလောင်အများစုရှိသည့် ရှမ်းပြည်နယ်မြောက်ပိုင်း သံလွင်မြစ် အနောက်ဘက် ကွတ်ခိုင်၊ မန်တုံ၊ နမ့်စမ်၊ နမ့်ခမ်း ဒေသများနှင့် ခြေလျင် တရက်ခရီးသာ ကွာဝေးသည့် KIO တပ်မဟာ-၃ နယ်မြေတွင် အခြေခံ၍ တပ်ဖွဲ့တဖွဲ့ ထပ်ထူထောင်နေပြီး “ကချင်နဲ့ တိုက်ပွဲ ဆက်ဖြစ်နေမယ်ဆိုရင် ဒီနှစ်ကုန်ရင် ကချင်နဲ့ ပူးတွဲစစ်ဆင်ရေးတွေ ကျနော်တို့ စလုပ်တော့မယ်။ ကျနော်တို့ နယ်ထဲ ပြန်ဝင်ပြီပေါ့။” ဟု မိုင်ဘုန်းကျော်က ဆက်ပြောသည်။

လားဟူ ဒီမိုကရက်တစ်သမဂ္ဂ LDU ဒုဥက္ကဋ္ဌ ဗိုလ်မှူးဆော်လမွန်ကမူ ရှမ်းပြည်အရှေ့ပိုင်း သံလွင်အရှေ့ဘက် ကျိုင်းတုံ၊ မိုင်းပြင်း၊ မိုင်းတုံ၊ မိုင်းဖြတ်၊ မိုင်းဆတ်၊ တာချီလိတ်မြို့နယ်များတွင် သူတို့၏တပ်များကို လျှို့ဝှက်ဖွဲ့စည်း ထားပြီး UNFC ၏ ဆုံးဖြတ်ချက်အတိုင်း ဆောင်ရွက်သွားမည်ဟု ဆိုသည်။ “ကျနော်တို့က ဖျောက်ထားတဲ့ သဘောလောက်ပဲရှိတယ်။ ရှမ်းပြည်မှာ အင်အားကြီးတဲ့ UWSA က ဘာမှမလုပ်ဘဲ သွားလုပ်လိုက်ရင် လူထုက လည်း ထောက်ခံမှာမဟုတ်ဘူး။ လက်နက်တွေကတော့ တောထဲမှာ ဝှက်ထားတယ်။”ဟု ပြောသည်။

UNFC ၏ ဆုံးဖြတ်ချက်ကို လိုက်နာဆောင်ရွက်သွားမည်ဟု ဆုံးဖြတ်သည့် နောက်တဖွဲ့မှာ ဝ’ အမျိုးသားအဖွဲ့ချုပ် WNO ဖြစ်ပြီး ထိုင်း-မြန်မာနယ်စပ် ထိုင်းနိုင်ငံ မယ်ဟောင်ဆောင်မြို့နယ်နှင့် မျက်နှာချင်းဆိုင်၊ ရှမ်းပြည်နယ်
တောင်ပိုင်း လွယ်လင်၊ နမ့်စမ်မြို့နယ်တွင် အခြေချလှုပ်ရှားနေသည်။ လက်ရှိတွင် WNO ဗဟိုကော်မတီများက အစည်းအဝေးလုပ်နေပြီး ရှမ်းပြည်နယ် မြောက်ပိုင်းရှိ UWSA ဝ’ တပ်ဖွဲ့ ထံမှလည်း အကြံဉာဏ်ရယူသွားရေး ပါဝင်သည်ဟု WNO ယာယီ အတွင်းရေးမှူး တာ့အိုက်ရီ ကပြောသည်။

“လောလောဆယ်တော့ ကိုယ့်ဟာကိုယ် ရပ်တည်နေဆဲပဲ။ မဆက်သွယ်ရင်လည်း တော်လှန်ရေးဘဝနဲ့ပဲ ဆက်သွား မှာပေါ့။ တိုက်ပွဲတွေတော့ လောလောဆယ်မဖြစ်သေးဘူး။ ကျနော်တို့ အင်အားကို အဝေးကနေ ခေါ်ရတာပေါ့။ ဥပမာ တန့်ယန်း၊ လားရှိုးဘက်တွေကပေါ့။” သူက ပြောသည်။ တပ်ဖွဲ့ဝင်အင်အား မည်မျှရှိသည်ကိုမူ ပြောဆိုရန် သူက ငြင်းဆိုသည်။

တန်းတူရေးအတွက် ဖွဲ့စည်းထားသည့် UNFC ၏ ဥက္ကဋ္ဌမှာ ဗိုလ်ချုပ်အင်ဘန်လ KIO၊ ဒုဥက္ကဋ္ဌ အေဘယ်တွိ (KNPP)၊ အတွင်းရေးမှူး နိုင်ဟံသာ (NMSP)၊ တွဲဘက်အတွင်းရေးမှူး စောဒေါလေးမူ (KNU) တို့ဖြစ်ပြီး အဖွဲ့ဝင်များ၏ တပ်ဖွဲ့ဝင် အားလုံးပါသော ဖက်ဒရယ်တပ်မတော်တရပ်ကို ဖွဲ့စည်းရန်ပြင်ဆင်နေကာ KNU စစ်ဦးစီးချုပ်ဗိုလ်ချုပ်ကြီး မူတူးစေးဖိုး က ဦးဆောင်မည်ဟုလည်း မေလအတွင်းက ဆုံးဖြတ်ထားခဲ့ကြသေးသည်။

Read More

မွန်ပါတီ မှတ်ပုံတင်ရေး၊ မတင်ရေး ဒီဇင်ဘာတွင် ဆုံးဖြတ်မည်

ချင်းမိုင် (မဇ္ဈိမ) ။ ။ အမေရိကန် နိုင်ငံခြားရေးဝန်ကြီး ဟီလာရီ ကလင်တန် ဒီဇင်ဘာလအတွင်း မြန်မာနိုင်ငံ သို့ လာရောက်မည့် ခရီးစဉ် အပြီး တိုးတက်ပြောင်းလဲမှုများကို သုံးသပ်ကာ ပါတီမှတ်ပုံတင်ခြင်း ကိစ္စကို ဆုံးဖြတ်မည်
ဖြစ်ကြောင်း မွန်အမျိုးသား ဒီမိုကရေစီ အဖွဲ့ (မွန်ဒီမို)က ပြောသည်။

“နိုင်ငံရေး အကျဉ်းသားတွေကို မလွှတ်ပေးသေးသရွှေ့ ကျနော်တို့မှာ သံသယတွေ ရှိတယ်။ ဟီလာရီ ကလင်တန် လာပြီးတဲ့ အထိ စောင့်ကြည့်ဦးမယ်။ ဒါ့ကြောင့် ပါတီမှတ်ပုံတင်တဲ့ ကိစ္စကို ကျနော်တို့ ရွှေ့ဆိုင်းထားတယ်။” ဟု မွန်ဒီမို၏ အထွေထွေ အတွင်းရေးမှူး ဒေါက်တာမင်းစိုးလင်းက ပြောသည်။

“ခွန်ထွန်းဦးတို့ စိုင်းညွန့်လွင်တို့ကို ဖမ်းထားတာ မလွှတ်သေးဘူး။ ဒါကို ကျနော်တို့ ဂရုမစိုက်လို့ မရဘူး။ ကျနော်တို့ မွန်တွေကိုထိမှ ကျနော်တို့သိတာ လုပ်လို့မရဘူး။ ကျနော်တို့က UNLD (တိုင်းရင်းသား လူမျိုးများ ဒီမိုကရေစီ အဖွဲ့ချုပ်)၊ UNA (တိုင်းရင်းသားလူမျိုးများ မဟာမိတ်အဖွဲ့) ကနေ ပေါင်းလာတာ ဒီနေ့ထိပဲ။” ဟု သူက ဆက်ပြော သည်။

တနင်္ဂနွေနေ့က မော်လမြိုင်မြို့တွင် ကျင်းပသည့် ပါတီ ပြန်လည်ဖွဲ့စည်းခြင်း အခမ်းအနားသို့ မြို့နယ်အသီးသီးမှ ပါတီဝင် တရာကျော် တက်ရောက်ပြီး ပါတီမှတ်ပုံတင်ခြင်း ကိစ္စကို ဒီဇင်ဘာလ ၂၂ ရက်နေ့တွင် ကျင်းပမည့် ဗဟိုကော်မတီ အစည်းအဝေးတွင် ဆုံးဖြတ်ချက်ချရန် ရွှေ့ဆိုင်းခဲ့သည်။

အမျိုးသား ဒီမိုကရေစီအဖွဲ့ချုပ် (NLD) မှတ်ပုံတင်ရန် ဆုံးဖြတ်ခြင်းနှင့် ပတ်သက်ပြီး မွန်ဒီမိုအတွင်း ဝေဖန်မှု မရှိသော်လည်း မိမိတို့အနေနှင့် အချိန်အနည်းငယ် စောသေးကြောင်း ဒေါက်တာမင်းစိုးလင်းက သုံးသပ်သည်။

“NLD မှတ်ပုံတင်ဖို့ ဆုံးဖြတ်ပြီး နောက်နေ့မှာပဲ သမ္မတ ဦးသိန်းစိန် ပြောတာရှိတယ်၊ မြန်မာနိုင်ငံမှာ ယုံကြည်ချက်
ကြောင့် အကျဉ်းကျနေတဲ့သူတွေ မရှိဘူးတဲ့၊ ဒါဟာ နိုင်ငံရေးသမားတွေကို အသိအမှတ် မပြုတာပဲ။” ဟု သူက
ပြောသည်။

ပါတီမှတ်ပုံတင်ခြင်း ကိစ္စ အပါအဝင် ပါတီခေါင်းဆောင် ပြောင်းလဲခြင်း၊ ဗဟိုကော်မတီဝင်များ ထပ်မံ ဖြည့်ဆည်း
ခြင်းနှင့် မွန်နိုင်ငံရေးပါတီ တခုတည်း ဖြစ်ရန်အတွက် မွန်ဒေသလုံးဆိုင်ရာ ဒီမိုကရေစီပါတီနှင့် ညှိနှိုင်းရန် စသည် တို့ကိုလည်း ပါတီ ပြန်လည်ဖွဲ့စည်းခြင်း အခမ်းအနားတွင် ဆွေးနွေးခဲ့ကြသည်။

အသက် ၉၅ နှစ် ရှိပြီး ပါတီ၏ လုပ်ငန်းများ ထမ်းဆောင်နိုင်ခြင်း မရှိတော့သည့် ဥက္ကဋ္ဌ နိုင်ထွန်းသိန်းနေရာတွင် အသက် ၈၉ နှစ် ရှိပြီ ဖြစ်သည့် နိုင်ငွေသိမ်းဖြင့် အစားထိုးခဲ့ကာ နိုင်ထွန်းသိန်းကို ဂုဏ်ထူးဆောင် နာယကအဖြစ် တင်မြှောက်ခဲ့သည်။

မွန်ဒီမို၏ ဖွဲ့စည်းပုံအရ ဗဟိုကော်မတီ ၄၅ ဦး ရှိသည့်အနက် ဗဟိုအလုပ်အမှုဆောင် ကော်မတီဝင် ၂၁ ဦး ရှိကာ လစ်လပ်နေသည့် ဗဟို အလုပ်အမှုဆောင် ကော်မတီ ခုနှစ် ဦးနေရာတွင် မွန်ပြည်သစ်ပါတီမှ အနားယူခဲ့သည့်
ခေါင်းဆောင် ငါး ဦးဖြင့် အစားထိုးခဲ့သည်။

မွန်အမျိုးသား ဒီမိုကရေစီအဖွဲ့ကို ၁၉၈၈ ခုနှစ် အောက်တိုဘာလ ၁၁ ရက်နေ့၌ စတင်ဖွဲ့စည်းခဲ့ပြီး ၁၉၉၀
ရွေးကောက်ပွဲတွင် ကိုယ်စားလှယ် ၁၉ ဦး ဝင်ရောက်ယှဉ်ပြိုင်ခဲ့ရာ ငါးနေရာ အနိုင်ရခဲ့သည်။ ထိုစဉ်က စစ်အစိုးရ မှ ရွေးကောက်ပွဲရလဒ်ကို အသိအမှတ်ပြုရန် ငြင်းပယ်ခဲ့ပြီးနောက် ၁၉၉၁ ခုနှစ်တွင် ပါတီခေါင်းဆောင်များ ဖမ်းဆီး ခံရကာ မွန်ပြည်နယ်နေ့ ဖြစ်သည့် ၁၉၉၂ မတ်လ ၁၉ ရက်နေ့တွင် ပါတီ ဖျက်သိမ်းခံရသည်။

မွန်အမျိုးသား ဒီမိုကရေစီအဖွဲ့သည် NLD အပါအဝင် တိုင်းရင်းသား နိုင်ငံရေးပါတီများနှင့် ပူးပေါင်းပြီး ပြည်ထောင်စု တိုင်းရင်းသားလူမျိုးများ ဒီမိုကရေစီ အဖွဲ့ချုပ် (UNLD)၊ ညီညွတ်သော တိုင်းရင်းသား လူမျိုးများ မဟာမိတ်အဖွဲ့ (UNA) နှင့် ပြည်သူ့လွှတ်တော် ကိုယ်စားပြုကော်မတီ (CRPP) တွင် အဖွဲ့ဝင်အဖြစ် ပါဝင်နေသော တိုင်းရင်းသားပါတီ တခု ဖြစ်သည်။

Read More

မဲဆန္ဒနယ်တွေ အတွက် NLD နှင့် ညှိနှိုင်းလိုကြောင်း ၁၀ ပါတီပြော

နယူးဒေလီ (မဇ္ဈိမ) ။ ။ နှစ်ကုန်ပိုင်းတွင် ကျင်းပဖွယ်ရှိသည့် ကြားဖြတ် ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ် NLD မှ လစ်လပ်နေရာအားလုံး ဝင်ရောက်ယှဉ်ပြိုင်ရန် ဆုံးဖြတ်လိုက်သည့် အတွက် ဆွေးနွေး ညှိနှိုင်းရန် ဆန္ဒရှိကြောင်း ဒီမိုကရေစီမိတ်ဆွေ ၁ဝ ပါတီက ပြောဆိုသည်။

ယခင်က လစ်လပ်နေရာများတွင် တပါတီဝင်ပြိုင်မည်ဆိုပါက ကျန်သည့် ပါတီများက ဝင်ရောက်ယှဉ်ပြိုင်ခြင်း မပြုဘဲ ဝိုင်းဝန်းပံ့ပိုးပေးရန် ဒီမိုကရေစီ ၁၀ ပါတီတွင်း သဘောတူထားသည်ပြီးဖြစ်ကာ ယခုကဲ့သို့ NLD မှ ပါဝင်ယှဉ်ပြိုင် လာမည့်အတွက် ဆွေးနွေးညှိနှိုင်းလိုခြင်း ဖြစ်သည်။

“NLD ပါတီက အသစ်ဝင်မယ်ဆိုတော့ ကျနော်တို့က ဘာပဲဖြစ်ဖြစ် သူ့ကို ဦးစားပေးနိုင်ပါတယ်။ တကယ်လို့ NLD ပါတီအနေနဲ့ ဒီမိတ်ဆွေပါတီတွေနဲ့ ညှိနှိုင်းပြီးတော့ ရွေးကောက်ပွဲဝင်မယ်ဆိုရင် ကျနော်တို့ မိတ်ဆွေပါတီတွေအနေ နဲ့ စဉ်းစားလို့ ရတယ်” ဟု ဒီမိုကရေစီမိတ်ဆွေ ၁၀ ပါတီဝင် ရှမ်းတိုင်းရင်းသားများ ဒီမိုကရက်တစ်ပါတီ SNDP မှ ဘဏ္ဍာရေးမှူး ဦးစောသန်းမြင့်က မဇ္ဈိမကို ပြောသည်။

ယခုကဲ့သို့ ဆွေးနွေးလိုခြင်းမှာ NLD ပါတီတွင်သာမက မှတ်ပုံတင်ထားသည့် ပါတီသစ်များကိုလည်း ဆွေးနွေးလို
ခြင်း ဖြစ်သည်။

အမျိုးသားဒီမိုကရေစီအင်အားစုပါတီ NDF ခေါင်းဆောင် ဦးခင်မောင်ဆွေကလည်း “NLD ဘက်က ညှိနှိုင်းချင်တယ် ဆိုရင် ကျနော်တို့ဘက်က တံခါးဖွင့်ထားတာပဲလေ။ ညှိနှိုင်းတယ်၊ ဆွေးနွေးတယ်၊ တိုင်ပင်တယ် ဆိုတာကတော့
ကောင်းတဲ့ ကိစ္စချည်းပဲ။ ဒီမိုကရေစီအင်အားစုအချင်းချင်း ဆိုတာကတော့ ပိုပြီးတော့ ကောင်းတာပေါ့ဗျာ။ ကျနော် တို့လည်း တချိန်တုန်းက NLD ဟောင်းတွေပဲ” ဟု ဆိုသည်။

NLD မှာ နိုဝင်ဘာလ ၁၈ ရက်နေ့က ပြုလုပ်သည့် ဗဟိုဦးစီးအဖွဲ့ စည်းဝေးပွဲဆုံးဖြတ်ချက်အရ မှတ်ပုံတင်ရန်နှင့်
ရွေးကောက်ပွဲဝင်ရန် ဆုံးဖြတ်ခဲ့ခြင်း ဖြစ်သည်။ ယင်းကဲ့သို့ မှတ်ပုံတင်၊ ရွေးကောက်ပွဲ ဝင်မည့်အပေါ် ကြိုဆို
ကြောင်းလည်း ဒီမိုကရေစီ ၁၀ ပါတီက နိုဝင်ဘာလ ၂၂ ရက်နေ့က ကြေညာချက် ထုတ်ပြန်ခဲ့ပြီး ဖြစ်သည်။

လက်ရှိတွင် တိုင်းရင်းသား ဒေသအခြေစိုက် ပါတီများမှာ ပြည်နယ် လွှတ်တော်များတွင် နေရာ အများအပြားစီ ရရှိ ထားသော်လည်း ပြည်မတွင်မူ ဒီမိုကရက်များမှ အားနည်းနေကြောင်း၊ NLD အနေဖြင့် ဝင်ရောက် ယှဉ်ပြိုင်မည် ဆိုပါက ဒီမိုကရက်များဘက်မှ အင်အား ကောင်းလာနိုင်ဖွယ်ရှိသည်ဟု SNDP က ရှုမြင်ထားသည်။

“လွှတ်တော်မှာ ပြည်မပါတီကြီးအနေနဲ့ အင်အားတိုးလာမယ်ဆိုရင် ပြောရေးဆိုခွင့်ပါ အများကြီး ပိုပြီး အင်အားပြည့် လာမယ်ပေါ့။ ကျနော်တို့ တောင်းဆိုချင်တဲ့အရာ တော်တော်များများကို ကျနော်တို့ ညှိညှိနှိုင်းနှိုင်းလုပ်တဲ့အခါမှာ NLD ပါလာရင် ကျနော်တို့ အခြေခံဥပဒေနဲ့ ပတ်သက်ပြီးတော့ လိုအပ်လို့ လိုတိုးပိုလျော့၊ နောက် အသစ် ပြန်လည်
ပြင်ဆင်ပြဋ္ဌာန်းတဲ့အခါမှာ ပိုပြီးတော့ အင်အားပြည့်လာလိမ့်မယ်” ဟု SNDP ဘဏ္ဍာရေးမှူး ဦးစောသန်းမြင့်က
ပြောသည်။

သို့သော် ဒီမိုကရေစီ ၁ဝ ပါတီအနေဖြင့် ဆွေးနွေးညှိနှိုင်းရန် ဆန္ဒရှိသော်လည်း မဖြစ်မြောက်ခဲ့ပါက ယခင် စီစဉ် ထားသည့် ကြားဖြတ်ရွေးကောက်ပွဲ ဝင်ပြိုင်မည့်နေရာများအတိုင်း ဝင်ရောက်ယှဉ်ပြိုင်သွားမည် ဖြစ်သည်။

“ပြည်သူသာ အဓိကဆိုတဲ့အတွက် ဒီမိုကရေစီလမ်းကို သွားဖို့အတွက် ဘာမှ အနှောင်အဖွဲ့ မရှိပါဘူး။ ဘယ်သူပဲ ဦးဆောင်ဦးဆောင် ဒီမိုကရေစီခေတ်ကို ရောက်မယ်ဆိုရင် နောက်က လိုက်ဆိုလည်း လိုက်ကြမှာ ပါပဲ။ ရင်ဘောင်တန်း ချီကြမယ်ဆိုရင်လည်း လက်ချင်းချိတ်ပြီး သွားရုံပါပဲ” ဟု NDF ပါတီမှ ဦးခင်မောင်ဆွေက ဆိုသည်။

ဒီမိုကရေစီမိတ်ဆွေပါတီများတွင် NDF၊ ဒီမိုကရက်တစ်ပါတီ (မြန်မာ)၊ ဒီမိုကရေစီနှင့် ငြိမ်းချမ်းရေး၊ ပြည်ထောင်စု ဒီမိုကရေစီ၊ ရှမ်းတိုင်းရင်းသားများ ဒီမိုကရက်တစ်၊ ရခိုင်တိုင်းရင်းသားများ ဖွံ့ဖြိုးတိုတက်ရေး၊ ဝံသာနု NLD ၊ ချင်းအမျိုးသား၊ ဖလုံ-စဝေါ် ဒီမိုကရက်တစ်နှင့် အမျိုးသား မဟာမိတ်များ အဖွဲ့ချုပ်ပါတီတို့ ပါဝင်သည်။

ယခုကဲ့သို့ ဒီမိုကရေစီ ၁ဝ ပါတီဘက်မှ ပြောဆိုမှုနှင့်ပတ်သက်၍ မှတ်ပုံပင် မတင်ရသေးသည့်အတွက် တစုံတရာ မှတ်ချက်ပေးမည် မဟုတ်ကြောင်း NLD ဘက်မှ တုံ့ပြန်သည်။

“ရွေးကောက်ပွဲလို့ ဆုံးဖြတ်ထားတာပဲ ရှိသေးတယ်။ မှတ်ပုံလည်း မတင်ရသေးဘူးဆိုတော့ကာ အခုနေတော့ ကျနော်တို့က ဘာမှ ပြောနိုင်ဦးမှာ မဟုတ်ဘူး။ သို့သော် အဲဒါဟာ ရွေးကောက်ပွဲ Pre Election Strategy လား ဆိုတာ ကျနော် မပြောတတ်သေးဘူး” ဟု ပါတီပြောခွင့်ရ ဦးအုန်းကြိုင်က မဇ္ဈိမကို ပြောသည်။

ပါတီအနေဖြင့် ကြားဖြတ်ရွေးကောက်ပွဲတွင် နေရာအားလုံး ယှဉ်ပြိုင်ရန် ဆုံးဖြတ်ထားပြီးဖြစ်ကာ ပါတီအထွေထွေ အတွင်းရေးမှူး ဒေါ်အောင်ဆန်းစုကြည်လည်း ဝင်ရောက်ယှဉ်ပြိုင်မည်ဟု သိရသည်။ သို့သော် မည်သူများ ပါဝင်
ရွေးချယ်ခံမည်ကိုမူ လစ်လပ်နေရာများနှင့် ပတ်သက်၍ ပြည်ထောင်စု ရွေးကောက်ပွဲ ကော်မရှင်မှ တရားဝင် မကြေညာသေးသည့် အတွက် တရားဝင် မရွေးချယ်ရသေးပေ။

ပါတီအနေဖြင့် ရွေးချယ်ခံရ၍ လွှတ်တော်တွင်းရောက်မည်ဆိုပါက ဒီမိုကရေစီပါတီများနှင့် လက်တွဲ လုပ်ကိုင်နိုင်ဖွယ် ရှိသည်ဟု NLD က မှတ်ချက်ပေးသည်။

“ဒီမိုကရေစီပါတီတွေနဲ့ လက်တွဲလုပ်ဆောင်တာပေါ့ဗျာ။ တူတဲ့ဟာတွေ တွဲပြီးလုပ်မယ်၊ မတူတာတွေ ခွဲလုပ်မယ်။ ကျနော်တို့ နဂိုကတည်းက အဲဒီတွေ ရှိပါတယ်။ ဒေါ်စု ထွက်လာကတည်းက ချထားတာပဲ” ဟု ဦးအုန်းကြိုင်က ဆိုသည်။

ပါတီမှတ်ပုံခွင့်ပေးရန်အတွက် နေပြည်တော်ရှိ ရွေးကောက်ပွဲ ကော်မရှင်သို့ ရှေ့နေကြီး ဦးဉာဏ်ဝင်းမှ ကြာသပတေးနေ့တွင် သွားရောက် တင်ပြမည်ဖြစ်ကာ၊ ယင်းမှ ခွင့်ပြုချက်ရပါက ပါတီမှတ်ပုံတင်ရန် လျှောက်ထား မည် ဖြစ်သည်။

Read More

အမေရိကန်ရဲ့ခြေလှမ်း မြန်မာအစိုးရကြိုဆို

အမေရိကန်ပြည်ထောင်စုအနေနဲ့ မြန်မာအာဏာပိုင်တွေနဲ့ နောက်ပိုင်းမှာ တိုရိုက်ထိစပ်ဆက်ဆံလာမှုတွေ၊ အထူးသဖြင့် လာမယ့်ဒီဇင်ဘာလ ၁ ရက်နေ့ အမေရိကန်နိုင်ငံခြားရေးဝန်ကြီး ကလင်တန် မြန်မာနိုင်ငံကို လာရောက်မယ့်ကိစ္စတွေ အပေါ်မှာ မြန်မာအစိုးရသမ္မတ ဦးသိန်းစိန်က ကြိုဆိုလိုက်ပါတယ်။

တချိန်တည်းမှာပဲ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အတူလက်တွဲ လုပ်ကိုင်သွားမယ်လို့လည်း သမ္မတဦးသိန်းစိန်က ကတိပြုခဲ့ပါတယ်။ မြန်မာနိုင်ငံမှာ ပြုပြင်ပြောင်းလဲ လုပ်ဆောင်စရာတွေ ကျန်နေသေးတယ်ဆိုတာကို သမ္မတ ဦးသိန်းစိန်က လက်ခံ အသိအမှတ်ပြုပေမယ့်လို့ တဘက်မှာ မြန်မာပြည်မှာ နိုင်ငံရေးအကျဉ်းသားတွေ ရှိတယ်ဆိုတဲ့ အချက်ကိုတော့ ငြင်းဆန်ပါတယ်။ ဗွီအိုအေ သတင်းထောက် Daniel Schearf သတင်းရေးသားပေးပို့ထားတာကို ကိုသားညွန့်ဦးက တင်ပြပေးထားပါတယ်။

အမေရိကန်သမ္မတ အိုဘားမားအနေနဲ့ နိုင်ငံခြားရေးဝန်ကြီး ဟီလာရီကလင်တန်ကို လာမယ့်ဒီဇင်ဘာလဆန်း မြန်မာနိုင်ငံကို သွားရောက်ဖို့ စေလွှတ်တဲ့အပေါ်မှာ သမ္မတ ဦးသိန်းစိန်က ကြိုဆိုလိုက်ပါတယ်။ ပြီးခဲ့တဲ့မတ်လကစလို့ သမ္မတတာဝန် ယူပြီးကတည်းက ပထမဆုံးအကြိမ် လုပ်တဲ့ သတင်းစာရှင်းလင်းပွဲမှာ သမ္မတဦးသိန်းစိန်က ပြောသွားပါတယ်။

“အိုဘားမားအနေနဲ့ မြန်မာနိုင်ငံနဲ့ပတ်သက်ပြီးတော့ လတ်တလောပေါ့-နိုင်ငံရေးဖြစ်ပေါ်တိုးတက်မှုတွေရှိတယ်ဆိုတာကို ဘာပဲဖြစ်ဖြစ် ဖွင့်ထုတ်ပြီး ပြောကြားသွားတာ ရှိပါတယ်။ အကုန်လုံးပကတိအကောင်းကြီးတော့ မဟုတ်သေးဘူး။ ဆက်ပြီးတော့ ကျနော်တို့ လုပ်ရမယ့်ဟာတွေ ဆက်ပြီး သူတို့အနေနဲ့ စောင့်ကြည့်ရမယ့်ဟာတွေ၊ ဒါတွေလည်း သူပြောပါတယ်။ သို့သော်လည်းပဲ ဘာပဲဖြစ်ဖြစ် ခုနက ကျနော်တို့ရဲ့ ဖြစ်ပေါ်တိုးတက်မှုကို အသိအမှတ်ပြုတယ် ဆိုကတည်းက ကိုယ့်နိုင်ငံအတွက်တော့ ဒါ အများကြီး ကောင်းတယ်လို့ ပြောရမှာပေါ့။ မင်္ဂလာသတင်းပဲလို့ ကျနော်တို့ ပြောရမှာပေါ့”

အခု နိုင်ငံခြားရေးဝန်ကြီးကလင်တန် မြန်မာပြည်သွားမယ်ဆိုတာဟာ နှစ် ၅၀ ကျော်အတွင်းမှာ မြန်မာပြည်ကို အမေရိကန် ပြည်ထောင်စု ဘက်က အဆင့်မြင့်ကိုယ်စားလှယ်တဦး သွားရောက်မယ့် အခြေအနေဖြစ်ပါတယ်။ စစ်တပ်က ထောက်ခံတဲ့ အစိုးရသစ်အနေနဲ့ မြန်မာနိုင်ငံမှာ ပြောင်းလဲမှုအချို့လုပ်လာခဲ့ပြီး အခုလို အမေရိကန် မြန်မာ ဆက်ဆံရေးဖြစ်လာတာပါ။

ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်ဟာလည်း လာမယ့်ကြားဖြတ်ရွေးကောက်ပွဲကို ၀င်ရောက် ယှဉ်ပြိုင်မယ် ဆိုပြီး ပြီးခဲ့တဲ့အပတ်ကပဲ ကြေညာလိုက်ပါပြီ။

Kelly Currie ဟာ ၀ါရှင်တန်ဒီစီအခြေစိုက် the Project 2049 အဖွဲ့မှာ မြန်မာပြည်လူ့အခွင့်အရေးနဲ့ ဒီမိုကရေစီကိစ္စတွေအပေါ် သုတေသန ပြုနေသူ တဦးပါ။ အခုလို အမျိုးသားဒီမိုကရေစီအဖွဲ့ချုပ်က လာမယ့်ရွေးကောက်ပွဲဝင်မယ်လို့ ဆုံးဖြတ်လိုက်တာဟာ လက်ရှိအစိုးရရဲ့ ပြုပြင် ပြောင်းလဲမှုတွေအပေါ် အများယုံကြည်လက်ခံမှုရလိုက်စေတယ်လို့ သူက Skype က တဆင့် ဗွီအိုအေနဲ့မေးမြန်းခန်းမှာ ပြောသွားပါတယ်။

“ဒါဟာ အတော်လေးကို သိသာထင်ရှားမှုဖြစ်ပါတယ်။ လက်ရှိအစိုးရလုပ်နေတာတွေအပေါ် အတိုင်းအတာတခု ထောက်ခံတယ်ဆိုတာ ပြလိုက်တာပါ။ ဒီ လုပ်ငန်းစဉ်အပေါ်မှာလည်း ဒေါ်အောင်ဆန်းစုကြည်ဘက်က တစုံတရာ ယုံကြည်မှုရှိတယ်ဆိုတာ ပြလိုက်တာပါ။ လာမယ့် ရွေးကောက်ပွဲအတွင်း မျှမျှတတ ယှဉ်ပြိုင်နိုင်မယ့် အခွင့်အလမ်းမရှိဘူးလို့ သံသယရှိနေတယ်ဆိုရင် ဒီလို လုပ်မယ်လို့တော့ ကျမ မထင်ပါဘူး။ ဒါကြောင့်လည်း မြန်မာ့ဒီမိုကရေစီရေးကိစ္စကို ထောက်ခံအားပေးနေတဲ့ အမေရိကန်ပြည်ထောင်စုနဲ့ အခြားတိုင်းပြည်တွေအနေနဲ့က ဒါကို သတိတကြီး ကြည့်နေရတယ်လို့ ထင်ပါတယ်”

ဒါပေမယ့်လည်း Currie အပါအ၀င် အခြားသုံးသပ်သူတွေရဲ့အမြင်မှာ မြန်မာနိုင်ငံဟာ အတိတ်အခြေအနေကို ပြည်လှည့်သွားနိုင်တာကို သတိထားကြသလို အစိုးရရဲ့ လုပ်ရပ်တွေကို အနီးကပ်စောင့်ကြည့်သွားရမယ်လို့ ပြောပါတယ်။ မြန်မာနိုင်ငံထဲမှာ ရာနဲ့ချီတဲ့ နိုင်ငံရေး အကျဉ်းသားတွေ ရှိနေတုန်းပဲလို့လည်း ထောက်ပြပါတယ်။ ဗိုလ်ချုပ်ကြီးဟောင်းလည်းဖြစ်တဲ့ သမ္မတဦးသိန်းစိန်ကတော့ ဒီလို နိုင်ငံရေးအကျဉ်းသားတွေဆိုတဲ့ကိစ္စကို အသိအမှတ်ပြုဖို့ ငြင်းဆန်နေပါတယ်။

“ယုံကြည်ချက်ကြောင့် ဆိုတဲ့ဟာကတော့ ပြောရမှာခက်တယ်။ ကျနော်တို့က ယုံကြည်ချက်ကြောင့် ဆိုတာကို လက်မခံဘူး။ ဥပဒေတခုခုကို ကျူးလွန်ထားတဲ့အတွက်ကြောင့် ကျနော်တို့က အရေးယူထားတာ။ အဲဒီတော့ ဥပဒေတခုခုကို ကျူးလွန်ထားတဲ့သူတွေလည်း ပါကောင်းပါမယ်။ ဒီလိုနဲ့ပဲ ပြောမယ်ဆိုရင်တော့ ကျန်တဲ့အဖွဲ့ အဖွဲ့မှာ ခင်ဗျားတို့ ကိုယ်ချင်းမစာရာကျမယ်”

David Steinberg ဟာ ၀ါရှင်တန်ဒီစီ Georgetown တက္ကသိုလ်က မြန်မာ့အရေးသုံးသပ်သူဖြစ်ပါတယ်။ စစ်တပ်ဟာ အာဏာ လုံးဝ လက်လွှတ်ဖို့တော့ မရှိဘူးလို့ သူက မြင်ပါတယ်။ ဒါပေမယ့်လည်း အင်ဒိုနီးရှားနဲ့ တောင်ကိုရီယားက စစ်အစိုးရတွေလိုမျိုး အတန်ငယ် အာဏာ လျှော့ပေးဖို့ စဉ်းစားတယ်လို့ ထင်ပါတယ်။

“လူ့အဖွဲ့အစည်းအတွင်း လူမှုကိစ္စရပ်အဝဝကို စစ်တပ်က ချုပ်ကိုင်ထားတာက အဓိက အခြေခံပြဿနာပါ။ ဒါကိုပြောင်းလဲဖို့ဆိုရင်တော့ အခြေခံအားဖြင့် မျိုးဆက်တဆက် အချိန်ယူရပါလိမ့်မယ်။ နိုင်ငံရေး၊ စီးပွားရေး၊ ပညာရေး၊ လူထုအခြေပြုအဖွဲ့အစည်းတွေကတဆင့် အပြောင်းအလဲတွေ ဖော်ဆောင်ရပါမယ်။ ဒီလို အပြောင်းအလဲတွေဖြစ်မှသာ စစ်တပ်ရဲ့ အခန်းကဏ္ဍက တဖြေးဖြေးအားနည်းသွားမှာပါ။”

မြန်မာနိုင်ငံမှာ စစ်တပ်ရဲ့ ဆယ်စုနှစ်ကြာ အုပ်ချုပ်မှုကြောင့် ဒေသတွင်း အချမ်းသာဆုံးနိုင်ငံကနေ အဆင်းရဲဆုံးနိုင်ငံဖြစ်သွားရတယ်ဆိုတာကို သဘောပေါက် နားလည်မှုတွေ တိုးလာတယ်လို့ Steinbverg က ပြောပါတယ်။ အခု ၂၀၁၄ အာဆီယံ ဥက္ကဋ္ဌဖြစ်လာမယ်၊ အာဆီယံ အိမ်ရှင်နိုင်ငံ ဖြစ်လာမယ် ဆိုရင်တော့ ပြုပြင်ပြောင်းလဲမှုတွေအတွက် အတွင်းဖိအားတွေ ပိုလာလိမ့်မယ်လို့ သူက သုံးသပ်ပါတယ်။

Read More

အစိုးရသစ်ဖွဲ့ပေးဖို့ အီဂျစ်ခေါင်းဆောင်တွေ ကတိပေး

အီဂျစ်နိုင်ငံမှာ အစိုးရသစ်ဖွဲ့ပေးဖို့ လက်ရှိအုပ်ချုပ်နေတဲ့ အီဂျစ်စစ်ခေါင်းဆောင်တွေက သဘောတူလိုက်သလို ၂၀၁၂ ခုနှစ် ဂျူလိုင်လထဲမှာ အရပ်သားအစိုးရအဖွဲ့ကို အာဏာလွှဲပေးမယ်လို့ ကတိပေးခဲ့ပါတယ်။ အီဂျစ်နိုင်ငံရဲ့ နိုင်ငံရေးအဖွဲ့အစည်းပေါင်းစုံနဲ့ အီဂျစ်မှာဖြစ်ပွားနေတဲ့ ပြသာနာဆိုင်ရာ ဆွေးနွေးပွဲတွေအပြီးမှာ အင်္ဂါနေ့က အီဂျစ်စစ်ဦးစီးကောင်စီ အကြီးအကဲ မိုဟာမက်တန်ဒါဝီ ကခုလိုကြေညာခဲ့တာပါ။

အရပ်သားကက်ဘိနက်အဖွဲ့ဝန်ကြီးချုပ် အဆမ်ရှရစ်ရဲ့ နုတ်ထွက်လွှာကို သူလက်ခံခဲ့တယ်လို့ဆိုပါတယ်။ ဒါပေမဲ့ အစိုးရသစ် ဖွဲ့ပြီးသည့် တိုင်အောင် လက်ရှိဝန်ကြီးအဖွဲ့က သူတို့တာဝန်တွေကို ဆက်ထမ်းဆောင်မှာ ဖြစ်တယ်လို့ဆိုပါတယ်။ တကယ်လို့် လိုအပ်ရင် အာဏာကို ချက်ခြင်းလွှဲပေးနိုင်အောင် လူထုဆန္ဒခံယူပွဲ ကျင်းပပေးဖို့အတွက် စစ်အုပ်ချုပ်ရေးအဖွဲ့ တာဝန်ရှိသူတွေက ပြင်ဆင်နေတယ်လို့လည်း ပြောပါတယ်။

ဝန်ကြီးအဖွဲ့က နိုဝင်ဘာ ၂၈ ရက်မှာ လွှတ်တော်ရွေးကောက်ပွဲ ကျင်းပပေးဖို့နဲ့ ၂၀၁၂ ခုနှစ် ဂျူလိုင်လမတိုင်ခင် သမ္မတရွေးကောက်ပွဲ ကျင်းပပေးဖို့ပါ ကတိပေးခဲ့တယ်လို့လည်း မစ္စတာ တန်ဒါဝီက ပြောပါတယ်။ သူ့ကြေညာချက်ကို မကျေနပ်ကြတဲ့အတွက် ကိုင်ရိုမြို့က တာရီယာရင်ပြင်မှာ သောင်းနဲ့ ချီတဲ့လူတွေ စုဝေးပြီး ကန့်ကွက်ရှုတ်ချခဲ့ကြသလို စစ်အုပ်ချုပ်ရေး ချက်ခြင်းရပ်ဆိုင်းပစ်ဖို့ တောင်းဆိုခဲ့ ကြပါတယ်။ တချို့က မစ္စတာတန်ဒါဝီနုတ်ထွက်ပေးဖို့ တောင်းဆိုခဲ့ကြပါတယ်။

ဆန္ဒပြပွဲတွေဟာ အလက်ဇန်းဒရီးယားအပါအ၀င် တခြားမြို့ကြီးတွေကိုလည်း ပျံ့နှံ့သွားခဲ့ပါတယ်။ ပြီးခဲ့တဲ့ ၄ ရက်အတွင်း ဆန္ဒပြမှု အရှိန်တိုးလာခဲ့ပြီး ဒီဆန္ဒပြပွဲတွေအတွင်း သေဆုံးရသူ ၂၉ ဦးထက်မနည်း ရှိခဲ့တယ်လို့ အီဂျစ်ကျန်းမာရေးဝန်ကြီးဌာနက ပြောပါတယ်။ ဒီဆန္ဒပြပွဲတွေဟာ ဖေဖော်ဝါရီလ သမ္မတ မူဘာရက်နုတ်ထွက်သွားစေတဲ့ လူထုဆန္ဒပြပွဲတွေနောက်ပိုင်း အီဂျစ်မှာ အကြီးမားဆုံးဖြစ်ခဲ့ပါတယ်။

Read More

မြန်မာနဲ့လို အမေရိကန်-မြောက်ကိုရီးယား ဆက်ဆံရေး မဖြစ်နိုင်သေး

အမေရိကန်ပြည်ထောင်စုအနေနဲ့ မြန်မာနိုင်ငံနဲ့ သံတမန် ဆက်ဆံရေးသစ်တရပ် တည်ဆောက်နိုင်နေပြီဖြစ် လို့ မြောက်ကိုရီးယားနဲ့လည်း ဒီလိုမျိုး ဆက်ဆံရေး စနိုင်တဲ့ အခြေအနေမှာရှိနေပြီလို့ မဆိုနိုင်ကြောင်း တောင်ကိုရီးယားနိုင်ငံကို ရောက်နေတဲ့ အမေရိကန် အကြီးတန်း သံတမန်တစ်ဦးက ပြောလိုက်ပါတယ်။ ပြီးခဲ့တဲ့အပတ်ကပဲ အမေရိကန်သမ္မတ ဘာရက်အိုဘားမားက နိုင်ငံခြားရေးဝန်ကြီး ဟီလာရီကလင်တန်ကို မြန်မာနိုင်ငံကို စေလွှတ်မယ်လို့ ကြေညာခဲ့တာပါ။

မြောက်ကိုရီးယားအနေနဲ့ အမေရိကန်နဲ့ အလားတူ သံတမန်ဆက်ဆံရေးမျိုး တည်ဆောက်ချင်ရင် ဘယ်လို ခြေလှမ်းတွေ ယူရမလဲ ဆိုတာနဲ့ပတ်သက်လို့ အမေရိကန်နိုင်ငံခြားရေးဌာနရဲ့ နိုင်ငံရေးရာ လက်ထောက်နိုင်ငံခြားရေးဝန်ကြီး ၀မ်ဒီရှာမန်း (Wendy Sherman) က သတင်းထောက်တွေကို ပြောဆိုခဲ့တဲ့အကြောင်းကို Jason Strother က သတင်းပေးပို့ထားတာကို မခင်ဖြူထွေးက အပြည့်စုံ အစီရင်ခံထားပါတယ်။

မြန်မာနိုင်ငံဟာ အမေရိကန် နိုင်ငံခြားရေးဝန်ကြီး ကလင်တန် လာရောက်နိုင်လောက်တဲ့ နိုင်ငံရေးအရ ပွင့်လင်းလာတဲ့ ခြေလှမ်းတချို့ လုံလုံလောက်လောက် လှမ်းလာနေပြီဖြစ်တယ်လို့ မစ္စ်ရှားမန်း က ပြောပါတယ်။ ဒီလိုဆိုတဲ့နေရာမှာ နိုင်ငံရေး အကျဉ်းသားတချို့ကို ပြန်လွှတ်ပေးတာ၊ သတင်းမီဒီယာ တင်းကျပ်မှုတချို့ လျှာ့ပေါ့ပေးလာတာအပြင် အမျိုးသားဒီမိုကရေစီအဖွဲ့ချုပ်၊ ဒီမိုကရေစီခေါင်းဆောင် ဒေါ်အောင်ဆန်းစုကြည်တို့နဲ့ တွေ့ဆုံဆွေးနွေးမှုတွေ လုပ်လာတာ စသဖြင့် ခြေလှမ်းတွေပဲ ဖြစ်ပါတယ်။

မြောက်ကိုရီးယားအနေနဲ့ ဒီလိုမျိုး အလားတူခြေလှမ်းတွေယူပြီးတော့ အမေရိကန်နဲ့ ဆက်ဆံရေးကောင်းမွန်အောင် လုပ်လိမ့်မယ်လို့ မျှော်လင့်နိုင်ပါသလား ဆိုပြီိးတော့ မစ္စ် ရှားမန်းကို မေးမြန်းခဲ့ကြတာမှာ သူက မြောက်ကိုရီးယားအနေနဲ့ အခုထပ်ပိုပြီး အများကြီး လုပ်ပြရဦးမယ်လို့ ဆိုပါတယ်။

“နိုင်ငံခြားရေးဝန်ကြီး ကလင်တန် မြောက်ကိုရီးယားကို ရောက်လာတာကိုမြင်ချင်တယ် ဆိုရင်တော့ စိုးရိမ်စရာ အခြေအနေတွေ ရှိနေဆဲဖြစ်တဲ့ မြောက်ကိုရီးယားနိုင်ငံ အနေနဲ့ လုပ်ဆောင်ရမယ့် ခြေလှမ်းတွေ အများရှိပါတယ်။ မြောက်ကိုရီးယားဘက်က လုပ်ပါ့မယ်လို့ ကတိပေးထားတဲ့ ကိစ္စရပ်တွေကို အကောင်အထည် ဖော်ခြင်းအားဖြင့် သူတို့အနေနဲ့ စလုပ်နိုင်ပါတယ်”

မြောက်ကိုရီးယားက သူ့ရဲ့ နျူကလီးယားလက်နက် အစီအစဉ်တွေကို အဆုံးသတ်ပေးမယ်၊ အပြန်အလှန်အားဖြင့် အမေရိကန်ဘက်က အကူအညီ အထောက်အပံ့တွေနဲ့ သံတမန်ဆက်ဆံရေး ထားရှိသွားမယ်လို့ ၂၀၀၅ ခုနှစ်က သဘောတူခဲ့တာပါ။ ဒါပေမဲ့ မြောက်ကိုရီးယားဟာ အမေရိကန်၊ ရုရှား၊ တောင်ကိုရီးယား၊ တရုတ်နဲ့ ဂျပန်နိုင်ငံတွေပါဝင်တဲ့ ၆ ပါတီဆွေးနွေးပွဲကနေ ၂၀၀၉ ခုနှစ်က နုတ်ထွက်ခဲ့ပါတယ်။ သူ့အနေနဲ့ ယူရေနီယံ သန့်စင်မှုတွေ လုပ်နေတယ်လို့လည်း ပြီးခဲ့တဲ့နှစ်က မြောက်ကိုရီးယားက ဖွင့်ချပြောဆိုခဲ့ပါသေးတယ်။ ဒါပေမဲ့ အခု ဆွေးနွေးပွဲတွေ ပြန်စချင်တယ်လို့ မြောက်ကိုရီးယားဘက်က ပြန်လည် ပြောဆိုလာတာပါ။

မြောက်ကိုရီးယားအနေနဲ့ ဆွေးနွေးပွဲတွေ ပြန်စချင်ရင် ဘာတွေလုပ်ဆောင်ဖို့ လိုတယ်ဆိုတာကို အမေရိကန်နဲ့ တောင်ကိုရီးယားအစိုးရတွေက ရှင်းရှင်းလင်းလင်း ပြောဆိုထားပြီးဖြစ်တယ်လို့ မစ္စ် Sherman က ပြောပါတယ်။ ရှေ့ဆက်သွားဖို့အတွက်ကတော့ မြောက်ကိုရီးယားရဲ့သဘောပဲဖြစ်တယ်လို့ သူက ဆိုပါတယ်။

“ယူရေနီယံသန့်စင်မှု အစီအစဉ် ရပ်ဆိုင်းတာ အပါအ၀င် သူတို့လုပ်ပါ့မယ်လို့ ကတိပေးထားတဲ့ ကိစ္စတွေကို မြောက် ကိုရီးယားက ခုထိ မလုပ်သေးပါဘူး။ ၂၀၀၅ ခုနှစ် သဘောတူညီချက်ပါ ကတိက၀တ်တွေအတိုင်း ဆောင်ရွက်လာတဲ့ အချိန်ထိ ကျမတို့ စောင့်ကြည့်ရမှာပါ။ ပြီးတော့ ခြောက်ပါတီဆွေးနွေးပွဲ ပြန်စနိုင်အောင် သူတို့ဘက်က ဘာတွေ ဆောင်ရွက်လာမလဲ ဆိုတာကိုလည်း ကြည့်ရပါဦးမယ်”

မြောက်ကိုရီးယားအနေနဲ့ သူ့ရဲ့ နျူကလီးယား လက်နက် အစီအစဉ်တွေကို အဆုံးသတ်ဖို့ တကယ်ပဲ ဆန္ဒရှိတယ် ဆိုတာကို ပြနိုင်ရင် နိုင်ငံခြားရေးဝန်ကြီး ကလင်တန် သွားရောက်တဲ့ခရီးစဉ်မျိုး အပါအ၀င် တခြား ဘယ်ကိစ္စမျိုးမဆို ဖြစ်နိုင်ပါတယ်လို့ မစ္စ် Sherman က ပြောပါတယ်။ ဒါပေမဲ့ အဲဒီလိုဖြစ်ဖို့ အများကြီး လိုနေသေးတယ်လို့လည်း သူက ပြောဆိုခဲ့ပါတယ်ရှင်။

Read More

ရန်ကုန်ရောက် စွယ်တော်အတွက် လုံခြုံရေးတင်းကျပ်

တရုတ်ပြည်မှ ပင့်ဆောင်လာသည့် ဗုဒ္ဓမြတ်စွယ်တော် ကိန်းဝပ်စံပယ်နေသော ရန်ကုန်မြို့ ကမ္ဘာအေးကုန်းမြေ မဟာပါသာဏ ဂန္ဓကုဋိ လိုဏ်တော်အတွင်း လုံခြုံရေး အထူး တင်းကျပ်ထားကြောင်း တွေ့ရသည်။

လိုဏ်တော်အတွင်းရှိ ဗုဒ္ဓမြတ်စွယ်တော်အား ၀င်ရောက် ဖူးမြော်သူများကို စိစစ်ရန် စစ်ဆေးရေးဂိတ် ၃ ဂိတ် ချထားသည်။

ရန်ကုန်မြို့ကမ္ဘာအေးကုန်းမြေရောက် ဗုဒ္ဓမြတ်စွယ်တော် (ဓာတ်ပုံ - ဧရာဝတီ)

”လုံခြုံရေးအင်အား ရာနဲ့ချီ ထားထားတယ်၊ တခုခု မသင်္ကာတာ တွေ့ရင် လိုအပ်သလို အရေးယူ ဆောင်ရွက်ဖို့ လုပ်ပိုင်ခွင့်တွေ ပေးထားတယ်” ဟု လိုဏ်တော်အတွင်း တာဝန်ကျသူ လုံခြုံရေးဝန်ထမ်းတဦးက ပြောသည်။

ကင်မရာ၊ အသံဖမ်းစက်၊ အမ်ပီသရီး စသည့် အီလက်ထရွန်နစ် ပစ္စည်းမျိုးစုံ၊ ပန်း၊ ဖယောင်းတိုင်၊ ပိုက်ဆံအိတ်၊ ရေပုလင်း၊ ဦးထုပ်၊ ထီး စသည့် ပစ္စည်းများ ယူဆောင်လာသူတို့ကို ကမ္ဘာအေးကုန်းမြေရှိ လိုဏ်တော်အတွင်း ၀င်ရောက်ခွင့် ပြုမည်မဟုတ်ကြောင်း ရန်ကုန်တိုင်းဒေသကြီး အစိုးရ အဖွဲ့ ထံမှ သိရသည်။

ရန်ကုန်မြို့သို့ ၁၉၉၆ ခုနှစ်က ဗုဒ္ဒမြတ်စွယ်တော် ကြွချီလာပြီး ကမ္ဘာအေးကုန်းမြေတွင် ပူဇော်ထားစဉ်က ဗုံးပေါက်ကွဲမှုဖြစ်ပွားပြီး လူအများအပြား သေဆုံး၊ ဒဏ်ရာရခဲ့သဖြင့် ယခုတကြိမ်တွင် လုံခြုံရေး ပိုမို တင်းကျပ်ထားခြင်းဖြစ်သည်ဟု သိရသည်။

လုံခြုံရေး အထူး တင်းကျပ်ထားမှုကြောင့် အခက်အခဲ တွေ့နေရသည်ဟု ဘုရားဖူးတချို့က ပြောသည်။

”မိသားစုဝင်တဦးကို ပစ္စည်းတွေ စောင့်ခိုင်းပြီး ၀င်ဖူးနေရတာ၊ ဖူးချင်လွန်းလို့သာ ဖူးရတာ၊ စည်းကမ်းများတော့ စိတ်ရှုပ်တယ်” ဟု လာရောက် ဖူးမြော်သူတဦးက ပြောသည်။

ဗုဒ္ဓမြတ်စွယ်တော်အား နေပြည်တော်၊ ရန်ကုန်၊ မန္တလေး စသည့် မြို့ကြီး ၃ မြို့တွင် ၁၆ ရက်စီ အပူဇော်ခံမည်ဟု အစိုးရက ကြေညာထားသည်။

လဆန်းပိုင်းမှ စတင်ပြီး နေပြည်တော်တွင် ၁၆ ရက်ကြာ ကိန်းဝပ် စံပယ်ခဲ့သော မြတ်စွယ်တော်အား ယမန်နေ့က ရန်ကုန်သို့ ပင့်ဆောင်လာခြင်းဖြစ်သည်။

မြန်မာနိုင်ငံသို့ စွယ်တော်မြတ် ကြွချီခြင်းမှာ ယခုတကြိမ်နှင့်ဆိုလျှင် ၄ ကြိမ်မြောက် ဖြစ်သည်။
/span>

Read More

NLD ပါတီသစ်၏ ဦးဆောင်အဖွဲ့ဝင် ၂၀ ကို ရွေးကောက်ပွဲကော်မရှင်သို့ တင်ပြမည်

အမျိုးသားဒီမိုကရေစီအဖွဲ့ချုပ် (NLD) ကို ပြန်လည်မှတ်ပုံတင်ခြင်းမဟုတ်ဘဲ နိုင်ငံရေးပါတီ အသစ်အဖြစ် တရားဝင် လျှောက်ထားမည်ဖြစ်ကာ ဒေါ်အောင်ဆန်းစုကြည်၊ ဦးတင်ဦး၊ ဦးဝင်းတင်တို့အပါအဝင် ပြည်နယ်နှင့် တိုင်း ၁၄ ခုမှ တိုင်းရင်းသားနှင့် လူငယ် စုစုပေါင်း ၂၀ ကို ရွေးကောက်ပွဲကော်မရှင်သို့ ပါတီဦးဆောင်အဖွဲ့အဖြစ် တင်ပြမည်ဟု သိရသည်။

ပါတီသစ်အဖြစ် ပြန်လည် မှတ်ပုံတင်တော့မည့် NLD ၏ ပညာရေးကွန်ရက် ၁ နှစ်ပြည့် အခန်းအနားမစမီ ဤသို့ တွေ့ရသည် (ဓာတ်ပုံ - ဧရာဝတီ)

NLD ကို ပါတီသစ်အဖြစ် မှတ်ပုံတင်ရန် လာမည့် နိုဝင်ဘာလ ၂၅ ရက်နေ့တွင် နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်ထံသို့ တရားဝင် သွားရောက် လျှောက်ထားမည်ဖြစ်ကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်းက ဧရာဝတီသို့ ပြောသည်။

“ကြာသပတေးနေ့မှာ ကျနော်ရယ်၊ ဦးဝင်းမြင့်ရယ် နှစ်ယောက် နေပြည်တော်ကို သွားဖို့ရှိတယ်။ သောကြာနေ့မှာ ပါတီအဖြစ် မှတ်ပုံတင်ဖို့ ကော်မရှင်ကို တရားဝင် စလျှောက်ပါမယ်” ဟု ၎င်းက ဆိုသည်။

ဒေါ်အောင်ဆန်းစုကြည်သည် ရွေးကောက်ပွဲတွင် ၀င်ရောက်ယှဉ်ပြိုင်ရန် မျှော်မှန်း ထားသော်လည်း ယခုအချိန်တွင် မည်သည့် မဲဆန္ဒနယ်မှ ၀င်ရောက်ယှဉ်ပြိုင်မည်ကို ထုတ်ဖော်မပြောနိုင်သေးဘဲ ပြည်ထောင်စု ရွေးကောက်ပွဲကော်မရှင် ထုတ်ပြန် ကြေညာမည့် ကြားဖြတ် ရွေးကောက်ပွဲ ကျင်းပမည့်အချိန် လစ်လပ်မဲဆန္ဒ နယ်မြေများ စာရင်း ရရှိမှသာ အတိအကျ ထုတ်ပြန် နိုင်မည်ဖြစ်ကြောင်း ဦးဉာဏ်ဝင်းက ဆက်ပြောသည်။

NLD မှတ်ပုံတင်ခွင့် ရရှိသည်နှင့် ယခင်ပါတီဝင် ဟောင်းများနှင့် ပါတီဝင်အဖြစ် ၀င်ရောက် လိုသူများအားလုံးသည် ပါတီသို့ လျှောက်လွှာဖြင့် တရားဝင် ပြန်လည် လျှောက်ထား ရမည်ဖြစ်ကြောင်း၊ ၎င်းပါတီအနေဖြင့် ခမောက်တံဆိပ်ကို ပြန်လည် အသုံးပြုတော့မည် မဟုတ်ကြောင်း NLD ပြန်ကြားရေး တာဝန်ခံ ဦးအုန်းကြိုင်ကဆိုသည်။

“ခမောက်တံဆိပ်အစား အားလုံးသဘောတူမယ့် တခြားတံဆိပ် တခုကို အများဆန္ဒနဲ့ အညီ သုံးဖို့ ဆုံးဖြတ်မှာပါ” ဟု သူက ပြောသည်။

NLD သည် လစ်လပ် မဲဆန္ဒနယ်များ အားလုံးတွင် ၀င်ရောက်ယှဉ်ပြိုင်မည် ဖြစ်ပြီး လွှတ်တော် ကိုယ်စားလှယ်လောင်းများကို ဗဟိုအလုပ်အမှုဆောင် အဖွဲ့ကသာ ဆုံးဖြတ်သွားမည်ဖြစ်ကြောင်း၊ ပညာအရည်အချင်း ကိုလည်း ဦးစားပေးမည် ဖြစ်သည့် အပြင် တိုင်းရင်းသားလူငယ်များ၊ အမျိုးသမီး များကို လွှတ်တော်ကိုယ်စားလှယ် လောင်းများအဖြစ် ရွေးချယ်သွားရန် ရှိကြောင်း ဦးဉာဏ်ဝင်း၏ ပြောဆိုချက်အရ သိရသည်။

ပါတီသစ်အဖြစ် ပြန်လည်မှတ်ပုံတင်ရန် NLD က နိုဝင်ဘာလ ၁၈ ရက်နေ့တွင် အစည်းအဝေးခေါ်ယူ ဆုံးဖြတ်ခဲ့ပြီး အဆိုပါ ဆုံးဖြတ်ချက်အပေါ် ပြည်သူလူထု၏ ထောက်ခံမှု လိုအပ်ကြောင်း ဒေါ်အောင်ဆန်းစုကြည်က နိုဝင်ဘာလ ၂၁ ရက်နေ့တွင် ကျင်းပသည့် ပညာရေးကွန်ရက် တနှစ်ပြည့်အခမ်းအနား၌ ပြည်သူလူထုသို့ ပန်ကြားခဲ့သည်။

Read More

ပြင်သစ် လူ့အခွင့်အရေးဝန်ကြီး မြန်မာ NGO များနှင့် တွေ့ဆုံ

ပြင်သစ်နိုင်ငံ လူ့အခွင့်အရေး ၀န်ကြီး မစ္စတာ ဖရန်စွာ ဒမွန့်တ်ရေးက မြန်မာပြည်တွင်း အစိုးရမဟုတ်သောအဖွဲ့(NGO)များ ၏ ကိုယ်စားလှယ် ၁၅ ဦးကို ယမန်နေ့က ရန်ကုန်မြို့ရှိ ပြင်သစ်ယဉ်ကျေးမှုဌာန၌ ခေါ်ယူတွေ့ဆုံသည်။


ပြင်သစ် လူ့အခွင့်အရေး ၀န်ကြီးနှင့်တွေ့ဆုံ ဆွေးနွေးခဲ့သော ကုမုဒြာ ပညာရေးဖောင်ဒေးရှင်း က သင်တန်းတခု(ဓာတ်ပုံ - ကုမုဒြာ ပညာရေးဖောင်ဒေးရှင်း)

ထိုသို့တွေ့ဆုံရာတွင် မြန်မာ့လူ့အဖွဲ့ အစည်းတွင် ပြည်တွင်း NGO များ အနေဖြင့် ပိုမိုထိရောက်စွာ လုပ်ကိုင်နိုင်ရေး နှင့် ပတ်သက်ပြီး ဆွေးနွေးခဲ့ကြကြောင်း ကုမုဒြာ ပညာရေးဖောင်ဒေးရှင်းမှ ကိုယ်စားလှယ် ကိုနိုင်ဝင်းထွန်းက ဧရာဝတီကို ပြော သည်။

“ပြင်သစ် လူ့အခွင့်အရေး ၀န်ကြီးက မြန်မာနိုင်ငံမှာ လူ့အခွင့်ရေးချိုးဖောက်မှုများ ဆက်ရှိသေးလား အဓိက သိချင်တယ်။ ကျနော်တို့ကတော့ ပြည်တွင်း ပညာရေးနဲ့ ကျန်းမာရေးဘက်တွေမှာ ဒေသခံ NGO တွေအနေနဲ့ ပိုမိုထိရောက်ရေး တိုင်ပင် ဆွေးနွေးကြတယ်”ဟု ဆွေးနွေးပွဲတက်ခဲ့သည့် ကိုနိုင်ဝင်းထွန်းက ဆိုသည်။

ပြည်တွင်း NGO များအနေဖြင့် သက်ဆိုင်ရာ ဘာသာရပ်အလိုက် တင်ပြဆွေးနွေးမှုများလုပ်ဆောင်ပြီး လယ်ယာမြေ သိမ်း ဆည်းမှု၊ ကလေးသူငယ်များဆိုင်ရာ လူ့အခွင့်အရေးချိုးဖောက်မှု၊ ကလေးစစ်သား အဓမ္မ စုဆောင်း ခံရမှု၊ ကလေး အလုပ် သမားများကိစ္စ စသည်တို့ကို ပြည်တွင်း NGO ကိုယ်စားလှယ်များဘက်က တင်ပြဆွေးနွေးခဲ့သည်ဟု ဆိုသည်။

မိဘများသည် ကလေးသူငယ်အခွင့်အရေး ကာကွယ်စောင့်ရှောက်ရန် တိုက်ရိုက်ပတ်သက်ကြောင်း၊ သို့သော် မိဘတချို့ မှာ ပညာမတတ်သည့် အခြေအနေများနှင့် စီးပွားရေး အဆင်မပြေမှုများကြောင့် သားသမီးများကို ပညာသင်ကြားရေး ပိုင်း တွင် ကန့်သတ်မှုများရှိကြောင်း စသည့် ကလေးသူငယ်ဆိုင်ရာ အခွင့်အရေးကိစ္စများကိုလည်း ဆွေးနွေးကြောင်းသိရ သည်။

“ကလေးသူငယ်ဆိုင်ရာ လူ့အခွင့်ရေးချိုးဖောက်တာမှာ အာဏာပိုင်က တိုက်ရိုက်ချိုးဖောက်တာမျိုးရှိသလို၊ မိဘ ကိုယ် တိုင် က ကလေးတွေအပေါ်မှာ ချိုးဖောက်တာတွေရှိတယ်။ မိဘခွင့်မပြုလို့ ကလေးတွေ ကျောင်းမတက်နိုင်တာမျိုးရှိနေလို့ မိဘတွေရဲ့အခန်းကဏ္ဍ အရမ်းအရေးကြီးကြောင်းလည်း ဆွေးနွေးခဲ့တယ်”ဟု ကိုနိုင်ဝင်းထွန်းက ပြောပြသည်။

ဆွေးနွေးပွဲတွင် လူ့အခွင့်အရေးချိုးဖောက်မှုနှင့်ပတ်သက်၍ မြန်မာနိုင်ငံသာမက နိုင်ငံတိုင်းတွင် ပြဿနာရှိကြောင်း ပြင် သစ် ၀န်ကြီးဘက်က ပြောဆိုခဲ့ပြီး မြန်မာပြည်တွင်း NGO များအနေဖြင့် လူ့အခွင့်အရေးအခြေအနေများ တိုးတက်ကောင်း မွန်ရေး အတွက် ထိရောက်မှုရှိစေရန် ပြင်သစ်နိုင်ငံဘက်က အသေးစား အကူအညီပေးရေး အစီအစဉ်များ ရှိကြောင်း ထုတ်ဖော် ပြောဆိုသည်ဟု ကိုနိုင်ဝင်းထွန်းက ဆိုသည်။

အဆိုပါဆွေးနွေးပွဲတွင် ပြင်ပမှလာရောက်လုပ်ကိုင်သော INGO များနှင့်ပတ်သက်ပြီးလည်း ဆွေးနွေးခဲ့ကြောင်း၊ အဓိက အားဖြင့် နိုင်ငံခြားသား INGO ၀န်ထမ်းများအနေဖြင့် အလှူရှင်များ၏ ငွေကြေးသုံးစွဲရာတွင် ဒေသဆိုင်ရာအသိ ဗဟုသုတ ကျွမ်းကျင်မှု အားနည်းခြင်း တို့ကြောင့် ငွေကုန် ကြေးကျ များကြောင်း၊ ပြည်တွင်း NGO များအနေဖြင့် စရိတ်သက်သာပြီး ပိုမို ထိရောက်မှုရှိသည်ကို နိုင်ငံခြားအလှူရှင်များ သိရန်လိုကြောင်း ပြည်တွင်း NGO များဘက်က ဆွေးနွေးခဲ့ကြောင်းလည်း သိရသည်။

“ကျနော်တို့ဘက်ကတော့ ထပ်ပြီးပြောတာက ပြည်တွင်း NGO တွေကို ဥရောပ အလှူရှင်တွေအနေနဲ့ Grant (အသေးစား ကုန်ကျစရိတ် ငွေထုတ်ပေးမှု)တွေ ပိုပြီးတိုးလုပ်ပေးဖို့လိုတာကိုလည်း ဆွေးနွေးဖြစ်တယ်။ ဒါကို ၀န်ကြီးဘက်ကလည်း သူတို့ မှာ ဒီ အစီအစဉ်တွေ ရှိတယ်လို့ ပြောပါတယ်”ဟု ကိုနိုင်ဝင်းထွန်းက ပြောဆိုသည်။

ပြင်သစ်ဝန်ကြီးနှင့် ဆွေးနွေးပွဲတွင် စီးပွားရေး ဒဏ်ခတ်ပိတ်ဆို့မှုနှင့်ပတ်သက်၍လည်း ဆွေးနွေးမှုတချို့ ရှိခဲ့ကြောင်းနှင့် မြန်မာနိုင်ငံတွင် လူသားချင်းစာနာသော အားဖြင့် ပြည်ပမှ စီးပွားရေးဒဏ်ခတ်မှုများကို ရုပ်သိမ်းရန်သင့်ကြောင်းလည်း တက်ရောက်လာသူတချို့နှင့်ဆွေးနွေးခဲ့သည်ဟု ၄င်းက ဆိုသည်။

ပြင်သစ် လူ့အခွင့်အရေး ၀န်ကြီးသည် ယမန်နေ့က မြန်မာနိုင်ငံသို့ ရောက်ရှိ၍ ဒေါ်အောင်ဆန်းစုကြည်နှင့် လည်း တွေ့ဆုံခဲ့ပြီး အမျိုးသား ဒီမိုကရေစီ အဖွဲ့ချုပ် ရုံးတွင် နိုင်ငံရေးအကျဉ်းသားဟောင်းများနှင့်လည်း တွေ့ဆုံခဲ့သေးသည်။

ယနေ့တွင် ပြင်သစ် ၀န်ကြီးသည် နေပြည်တော်သို့ သွားရောက်မည်ဖြစ်ပြီး နေပြည်တော် အစိုးရ တာဝန်ရှိသူများနှင့် လူ့အခွင့်အရေး အခြေအနေများ ဆွေးနွေးပြောဆိုရန်ရှိသည်ဟု သိရသည်။

Read More

ပုဂ္ဂလိက ဘဏ် ၁၁ ခု ပြည်ပ ငွေကြေး လွှဲပြောင်း အပ်နှံမှု လုပ်ခွင့်ရ

ပည်ပကူးသန်းရောင်းဝယ်မှုနှင့် ပတ်သက်၍ ပြည်ပမှ နိုင်ငံခြားငွေ လွှဲပြောင်းခွင့်၊ အပ်နှံခွင့်လုပ်ငန်းများ လုပ်ကိုင်ရန် ပုဂ္ဂလိက ဘဏ် ၁၁ ခု ကို မြန်မာနိုင်ငံ ဗဟိုဘဏ်က ယမန်နေ့က လုပ်ကိုင်ခွင့်ပြုလိုက်ကြောင်း သတင်းရသည်။

အဆိုပါ ဘဏ်များအနေဖြင့် ကူးသန်းရောင်းဝယ်မှုနှင့်ပတ်သက်၍ ပြည်ပနိုင်ငံများနှင့် ငွေးပေးငွေယူပြုလုပ်ခြင်း၊ ပြည်ပနှင့် ဆက် သွယ်၍ အရောင်းအ၀ယ်ပြုလုပ်နေသည့် စီးပွားရေးကုမ္ပဏီများ အနေဖြင့် Letter of Credit(LC) ငွေစာရင်း ဖွင့်ခြင်း၊ နိုင်ငံခြား ငွေဖြင့် ငွေစာရင်းဖွင့်ကာ ငွေလွှဲပြောင်းမှုလုပ်ငန်းများကို လုပ်ဆောင်ရမည်ဖြစ်ကြောင်း အမည်မဖော်လိုသည့် ဘဏ်လုပ်ငန်းရှင် တဦး က ဧရာဝတီသို့ ပြောသည်။


ရန်ကုန်မြို့ ကမာရွတ်ရှိ အာရှစိမ်းလန်းမှု ဖွံ့ဖြိုးရေးဘဏ် (ဓာတ်ပုံ - AGD Bank)

“နိုင်ငံတကာနဲ့ ဆက်သွယ်ပြီး စီးပွားရေးလုပ်လိုတဲ့ဘဏ်တွေ၊ လုပ်နိုင်တဲ့ဘဏ်တွေ လျှောက်လွှာတင်ခိုင်းတာ၊ အခု နိုင်ငံတကာ ဘဏ်တွေနဲ့ ချိတ်ဆက်ဖို့ လုပ်နေတယ်”ဟု ၎င်းက ဆိုသည်။

နိုင်ငံခြားဘဏ်လုပ်ငန်း လုပ်ကိုင်ခွင့်ရရှိသည့် ဘဏ်များမှာ ထူးကုမ္ပဏီမှ ဦးတေဇပိုင် အာရှစိမ်းလန်းရေး ဖွံဖြိုးမှုဘဏ်၊ မက်စ်မြန်မာ ဦးဇော်ဇော်၏ ဧရာတီဘဏ်၊ မြန်မာနိုင်ငံ ဆန်လုပ်ငန်းရှင်များ အသင်း ဥက္ကဋ္ဌ ဦးချစ်ခိုင်၏ မြန်မာ့ရှေ့ဆောင်ဘဏ်၊ ၀န်ကြီးဟောင်း ဦးအောင်သောင်း၏ သား ဦးနေအောင်၏ ယူနိုက်တက် အမရာဘဏ်၊ ဦးအောင်ကိုဝင်း၏ ကမ္ဘောဇဘဏ်၊ ထွန်း ဖောင်ဒေးရှင်း၊ သမ၀ါယမ ဘဏ်(CB)၊ စက်မှုလက်မှုဖွံ့ဖြိုးရေးဘဏ်၊ မြန်မာ အရှေ့တိုင်းဘဏ်၊ မြ၀တီဘဏ်၊ အင်းဝဘဏ်တို့ ဖြစ်သည်။

လောလောဆယ်အခြေအနေတွင် အမေရိကန်နိုင်ငံနှင့် ဥပရောသမဂ္ဂ အဖွဲ့ဝင်နိုင်ငံများ၏ စီးပွားရေး ပိတ်ဆို့မှုကြောင့် စင်္ကာပူ၊ အိန္ဒိယ၊ တရုတ် စသည့် နိုင်ငံများမှ ဘဏ်များဖြင့်သာ ချိတ်ဆက်လုပ်ဆောင်နိုင်မည်ဖြစ်ကြောင်း အထက်ပါ ဘဏ်လုပ်ငန်းရှင်က ပြော သည်။

အဆိုပါ ခွင့်ပြုချက်ရထားသည့် ဘဏ်တချို့အနေဖြင့် လာမည့် ဒီဇင်ဘာလအတွင်း လုပ်ငန်းစတင်လည်ပတ်ရန် ရည်ရွယ်ထားပြီး လုပ်ငန်းနှင့် ပတ်သက်၍ နိုင်ငံခြားသား ကျွမ်းကျင်ပညာရှင်များကို ငှားရမ်း ခေါ်ဆောင်ထားပြီဖြစ်ကြောင်း သိရသည်။

မြန်မာ့ရှေ့ဆောင်ဘဏ် လုပ်ငန်းရှင် ဦးချစ်ခိုင်က“ရှေ့ကို စီးပွားရေး လုပ်ငန်းကိုင်ငန်းတွေ ပိုမိုပွင့်လင်းလာတော့မယ်၊ ဒါကြောင့် လက်ရှိ အစိုးရဘဏ်၂ခုတည်းနဲ့ မလုံလောက်ဘူးဆိုတော့ တိုင်းပြည်အတွက် ပိုကောင်းတဲ့အနေအထားဖြစ်လာမှာပါ”ဟု ဆိုသည်။

ပြည်တွင်းဘဏ်များအနေဖြင့် နိုင်ငံခြားဘဏ်များနှင့် ချိတ်ဆက်မှု အပါအ၀င် နည်းပညာပိုင်းတွင် ပိုမိုလုပ်ဆောင်ရမည်ဖြစ်ကြောင်း၊ ဘဏ်စနစ်နှင့် ပတ်သက်၍ လုပ်ကိုင်ခွင့်လည်း အပြည့်အ၀ ပေးအပ်လိမ့်မည်ဟု ယုံကြည်ကြောင်း ဦးချစ်ခိုင်က ဆက်လက်ပြောဆို သည်။

ပြည်ပသို့ ကူးသန်းရောင်းဝယ်မှုပြုလုပ်ရာမှ ရရှိသည့် ပြည်ပပို့ကုန်ဝင် ငွေ(Export Earning) အပါအ၀င် နိုင်ငံခြားငွေ လွှဲပြောင်း အပ်နှံခွင့်နှင့်ပတ်သက်ပြီး အစိုးရဘဏ်များဖြစ်သည့် မြန်မာ့ ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် (MICB)၊ မြန်မာ့နိုင်ငံခြား ကုန်သွယ်မှုဘဏ်(MFTB)၊ မြန်မာ့စီးပွားရေး ဘဏ်(MEB) တို့ကသာ လုပ်ကိုင်ခွင့် ရရှိထားသည်။

ပြီးခဲ့သည့် အောက်တိုဘာလအတွင်းကလည်း ဗဟိုဘဏ်က ပြည်တွင်းပုဂ္ဂလိကဘဏ် ၁၉ ခုကို နိုင်ငံခြားငွေကြေးလဲလှယ်မှု စင်တာ များ ဖွင့်လှစ်ခွင့် ပေးခဲ့သေးသည်။

Read More

Online Smart Card ဖြင့် အချိန်တို အတွင်း ငွေသွင်း/ ငွေထုတ် ပြုလုပ် နိုင်ပြီ

မြန်မာ့ စီးပွားရေး ဘဏ်များတွင် အချိန်တို အတွင်း ငွေသွင်း/ ငွေ ထုတ်ပြု လုပ်နိုင်သည့် ဝန်ဆောင်မှု (Quick Cash Online) ကို Online Smart Card ဖြင့်ဆောင် ရွက်နိုင် ပြီဖြစ်ရာ မန္တလေးမြို့ဘဏ်ခွဲ (၁)နှင့် (၂)တို့တွင် ဝန်ဆောင်မှုပေးနေပြီ ဖြစ်ကြောင်း သိရသည်။

ထိုသို့ပြုလုပ်နိုင်ရန် Online Accountစာရင်းကို မြန်မာ့စီးပွား ရေးဘဏ်များတွင် အနည်းဆုံး ငွေသား ကျပ်ဆယ်သိန်းဖြင့် ဖွင့် လှစ်ရမှာဖြစ်၍ စာရင်းရှင်နှင့် ငွေစု ဘဏ်စာရင်းတို့မှ Online Account သို့စာရင်းပြောင်းပေး သွင်းနိုင်ကြောင်း၊ စာရင်းဖွင့်ပြီး တစ်ပတ်အကြာ၌ ဘဏ်ခွဲမှ customer များအား Online smart Card တစ်ခုနှင့် Online Passbook တစ်အုပ်ထုတ်ပေးမှာဖြစ် ကြောင်း၊ Password နံပါတ်ကို ဂဏန်း၆လုံး အနည်းဆုံးထား၍ ခကျအသာနမ များမှ နှစ်သက်သလို လုံခြုံစွာမှတ်သားနိုင်ကြောင်း သိရသည်။

Online Smart Card ပြုလုပ်ပါက Online Account အတွက် နှစ်စဉ်ကြေး ၂၄၀ဝ၀ ကျပ်နှင့် ငွေသွင်း/ ငွေထုတ်ပြုလုပ် လျှင် ငွေလွှဲခအဖြစ် ဝ.၁% (၁၀ဝ ကျပ်လျှင် ၁၀)ပြားနှုန်းပေးဆောင် ရမှာ ဖြစ်သည်။ ゞင်း၏သက်တမ်း မှာ ၃ နှစ်ဖြစ်ပြီး သက်တမ်းကျော် လွန်ပါက ဆက်လက်လျှောက် ထားရန်လိုအပ်၍ ၃ နှစ်ပြည့်သည့် နေ့ရက်တွင် အလိုအလျောက် ရပ်တံ့သွားမှာဖြစ်ကြောင်း၊ ပျောက် ဆုံး/ ပျက်စီးပါကနီးစပ်ရာ မြန်မာ့ စီးပွားရေးဘဏ်များသို့ တရားဝင် စာဖြင့် ချက်ချင်းအကြောင်းကြား ရန်လိုအပ်ကြောင်း၊ အကြောင်း ကြားရန် ပျက်ကွက်မှုကြောင့် ဆုံးရှုံးမှု တစ်စုံတစ်ရာဖြစ်ခဲ့ပါက မိမိ တာဝန်သာဖြစ်ကြောင်း သိရသည်။

"Online Account မှာ လက်ကျန်ငွေလုံလောက်ရင် ကျပ် ငွေသောင်းဂဏန်းအလီလီထုတ် နိုင်တယ်။ အကန့်အသတ်မရှိ ထုတ် နိုင်သလို ပေးသွင်းနိုင်တယ်။ ကာ ယကံရှင်တွေက Password ကို အထူးလျှို့ဝှက်ထားပြီး Card ကို လုံခြုံအောင်သိမ်းထားပါ။
အဲဒီအား နည်းချက်တွေကြောင့် ဆုံးရှုံးမှု ရှိခဲ့လျှင် ကိုင်ဆောင်သူရဲ့တာဝန် သာဖြစ်ပါတယ်"

ဟု ဝန်ထမ်းတစ် ဦးက ပြောကြားသည်။Online Smart Card ဖြင့် ငွေသွင်း/ ငွေ ထုတ်ပြုလုပ်နိုင်သော မြန်မာ့စီးပွား ရေးဘဏ်ခွဲများမှာ နေပြည်တော် ဘဏ်ခွဲများ၊ ရန်ကုန်မြို့မှဘဏ်ခွဲ (၁)၊ ဘဏ်ခွဲ(၂)၊ ဘဏ်ခွဲ (၅)၊ ငွေစုဘဏ်ခွဲ(၃)၊ မန္တလေးမြို့တွင် ဘဏ်ခွဲ(၁)၊ ဘဏ်ခွဲ(၂)တို့ ဖြစ်ပြီး၊ မန္တလေးမြို့တွင် online smart card ပြုလုပ်သူ သုံးရာကျော်ရှိပြီ ဖြစ်ကြောင်း သိရသည်။
ကျော်ထက်

Read More

ကျပ်သုံးသောင်းဝန်းကျင် အရစ်ကျ ပေးသွင်း၍ ကျပ်ငါးသိန်းတန်ဖုန်းများ ဝယ်ယူနိုင်

ယခု သီတင်းပတ်အတွင်း ပုဂ္ဂလိက တယ်လီဖုန်းနှင့် ဆက်စပ် ပစ္စည်း အရောင်းဆိုင် များတွင် ကျပ် ငါးသိန်းတန် မိုဘိုင်းဖုန်းများကို အရစ်ကျ ငွေပေး ချေစနစ် အမျိုးမျိုးဖြင့် ရောင်းချပေးလျက်ရှိကြောင်း သိရသည်။ သင်္ဃန်းကျွန်း မြို့နယ် ရှိ ပုဂ္ဂလိက တယ်လီဖုန်း အရောင်း ဆိုင်တစ်ခုတွင် ငါးသိန်းတန် မိုဘိုင်းဖုန်း တစ်လုံး ဝယ်ယူမည်ဆိုပါက လက်ငင်း ကျပ်နှစ်သိန်းခွဲ တိတိ ပေးသွင်းရမည်ဖြစ်ပြီး ကျန်ငွေများကို တစ်လ ကျပ်တစ်သိန်းနှုန်းဖြင့် လေး လတိတိ အရစ်ကျ ပေးသွင်းရမည် ဖြစ်ကြောင်း တယ်လီဖုန်းဝယ်ယူရန် သွားရောက် မေးမြန်းခဲ့သူ တစ်ဦးက Venus News သို့ ပြောသည်။

သူတို့ဆိုင်မှာ ငါးသိန်းတန် ဖုန်းဝယ်မယ်ဆိုရင် ပိုက်ဆံနှစ် သိန်းငါးသောင်း အရင်စပေါ်တင် ရမယ်။ ဟန်းဆက်ကတော့ ကိုယ့် ဖာသာ ကြိုက်တဲ့အမျိုးအစားနဲ့ ကြိုက်တဲ့ဈေးနှုန်းနဲ့ ဝယ်နိုင်ပြီး တယ်။ ပြီးတော့ကျန်တဲ့ငွေကို တစ် လ တစ်သိန်းနှုန်းနဲ့လေးလအရစ် ကျ ခွဲသွင်းရမယ်လို့ ပြောပါတယ် ဟု ပညာရေးဝန်ထမ်းအမျိုးသမီး တစ်ဦးကရှင်းပြသည်။

အဆိုပါ ပုဂ္ဂလိကတယ်လီဖုန်း အရောင်းဆိုင်တွင် ကျပ်ငါးသိန်း တန် ဖုန်းကို အရစ်ကျဝယ်ယူမည် ဆိုပါက တယ်လီဖုန်းတစ်လုံးလျှင် ကျပ်ခြောက်သိန်း ငါးသောင်းကျော် ကျသင့်မည်ဖြစ်ပြီး အခြားစာရွက် စာတမ်းနှင့် အထောက်အထားတင် ပြရန်မလိုကြောင်း ဟန်းဆက်ကို လည်း မည်သည့်ဆိုင်တွင်မဆို ဝယ်ယူ အသုံးပြုနိုင်ကြောင်း အဆို ပါ အမျိုးသမီးက ရှင်းလင်းပြော ကြားသည်။

အချို့ တယ်လီဖုန်း အရောင်း ဆိုင်များတွင်မူ ကျပ်ငါးသိန်းတန် မိုဘိုင်းဖုန်း ဝယ်ယူမည်ဆိုပါက ၄င်းတို့ဆိုင်မှ ကျပ်တစ်သိန်းတန် ဟန်းဆက် အမျိုးအစားကို အနည်း ဆုံးဝယ်ယူအား ပေးရမည်ဖြစ်ပြီး ကနဦး ကျပ် တစ်သိန်းကိုးသောင်း ခြောက်သောင်းကျပ် ပေးသွင်းရ မည်ဖြစ်သည်။ ကျန်ငွေကို တစ်နှစ် အတွင်းလစဉ် အရစ်ကျစနစ်ဖြင့် ပေးချေရမည်ဖြစ်သည်။

မိုဘိုင်းဖုန်း ဝယ်မယ်ဆိုရင် သူတို့ဆိုင်က ဟန်းဆက်ကိုပဲ ဝယ်ရမယ်။ ကျပ်တစ်သိန်းတန် ဟန်း ဆက်ဝယ်မယ်ဆိုရင် ကျပ်တစ် သိန်း ကိုးသောင်းခြောက်ထောင် ကျပ်အရင်သွင်းရမယ်။ ဒီတော့ ဟန်းဆက်ဖိုး ကျပ်တစ်သိန်းနဲ့ မိုဘိုင်းဖုန်းတန်ဖိုးကျပ် ငါးသိန်း ပေါင်းတော့ ကျပ်ခြောက်သိန်းထဲက တစ်သိန်းကိုးသောင်းခြောက် ထောင်နုတ်လိုက်တော့ ကျပ်လေး သိန်းလေးထောင်ကျန်တယ်။ အဲ့ဒီ ကျန်ငွေကို တစ်နှစ်အရစ်ကျ ဘဏ် မှာ ပေးသွင်းတယ်၊

တစ်လကို ကျပ် သုံးသောင်းဝန်းကျင်လောက် သွင်း ရမှာပေါ့ဟု သွားရောက် စုံစမ်းခဲ့သူ တစ်ဦးက ပြောသည်။ အဆိုပါ မိုဘိုင်းဖုန်း အရောင်း ဆိုင်ကြီး များတွင် ကျပ်ငါးသိန်း တန် ဖုန်းများကို အရစ်ကျငွေပေး ချေစနစ်ဖြင့် ဝယ်ယူမည်ဆိုပါက ၄င်းတယ်လီဖုန်းအရောင်းဆိုင်ကြီး များနှင့် ချိတ်ဆက်ထားသည့် ပုဂ္ဂ လိကဘဏ်တွင် ဘဏ်ငွေစာရင်း ဖွင့်လှစ်ထားသူ တစ်ဦး၏ တာဝန် ယူကြောင်း ထောက်ခံချက်၊ တယ် လီဖုန်းဝယ်ယူလိုသူ၏ ရပ်ကွက် ထောက်ခံစာ၊ ရဲစခန်းထောက်ခံစာ များ လိုအပ်မည်ဖြစ်ကြောင်း သိရ သည်။

ဘာပဲပြောပြော လူလတ် တန်းစားတွေအတွက်တော့ အဆင် ပြေနိုင်တဲ့ အစီအစဉ်တစ်ခုပါပဲ။ ကျွန်တော်တို့လို ပွဲစားတွေအတွက် တယ်လီဖုန်းက မရှိမဖြစ် လိုအပ် တော့ အရင်က တစ်လ သုံးလေး သောင်းပေးပြီး ငှားရမ်းသုံးစွဲရ တယ်။ အခုလိုအရစ်ကျရောင်း တော့ ခြိုးခြံချွေတာပြီး ကိုယ်ပိုင် ဝယ်နိုင်တာပေါ့။ ဒါပေမယ့် ဒီထက် ပိုပြီးတော့ ဈေးနှုန်းသက်သာအောင် အဆင် ပြေလွယ်ကူအောင် ဝယ်ယူ ခွင့်ပေးရင် ပြည်သူလူထုတွေ ပိုပြီး အဆင်ပြေနိုင်ပါလိမ့်မယ်ဟု အိမ်ခြံ မြေ ပွဲစားတစ်ဦးက ပြောသည်။

Venus News Journal

Read More

ရန်ကုန်တိုင်းဒေသကြီးတွင် လျှပ်စစ်ဓာတ်အား (၄)ရက်ဖြတ်တောက်မည်

စွမ်းအင်ဝန်ကြီးဌာန၊ ရဲတံခွန် သဘာဝဓာတ်ငွေ့စီမံကိန်း၏ သဘာဝဓာတ်ငွေ့ထုတ်လုပ်ရေးစင် (Platform)တွင်လိုအပ်သော ပြုပြင် ခြင်းလုပ်ငန်းများဆောင်ရွက်မည် ဖြစ်သည့်အတွက် ၂၀၁၁ ဒီဇင်ဘာ ၂၉ ရက်မှ ၂၀၁၂ ဇန်နဝါရီ ၁ ရက် အထိ သဘာဝ ဓာတ်ငွေ့သုံးဓာတ် အားပေး စက်ရုံများသို့ ဓာတ်အား ပို့လွှတ်မှုရပ်ဆိုင်းထားမည်ဖြစ် ကြောင်း သက်ဆိုင်ရာမှ သတင်းရရှိ သည်။

လောလောဆယ်လျှပ်စစ်ဓာတ် အား (၆၇၀) မဂ္ဂါဝပ်ခန့်အသုံးပြု နေသော ရန်ကုန်တိုင်းဒေသကြီး တွင် ထိုကဲ့သို့သဘာဝဓာတ်ငွေ့ ပို့လွှတ်မှုရပ်ဆိုင်းထားစဉ် ရန်ကုန် တိုင်းဒေသကြီးအတွင်းရှိ သဘာဝ ဓာတ်ငွေ့သုံး ဓာတ်အားပေးစက်ရုံ (၄)ရုံမှ လျှပ်စစ်ဓာတ်အားထုတ်လုပ် မှုရပ်ဆိုင်းထားရမည်ဖြစ်ကြောင်း

ထို့ကြောင့် စုစုပေါင်း (၂၄၀) မဂ္ဂါ ဝပ်လျော့နည်းနေမည်ဖြစ်ကြောင်း သိရသည်။ သို့ဖြစ်ပါ၍ အများပြည်သူ အလင်းရောင်သုံးဓာတ်အားကို ဦး စားပေးဖြန့်ဖြူးပေးနိုင်ရေးအတွက် စက်မှုဇုန်များသို့ ဖြန့်ဖြူးမှုကို ၂၀၁၁ ဒီဇင်ဘာ ၂၉ ရက်မှ ၂၀၁၂ ဇန်နဝါ ရီ ၁ ရက်အထိ (၄) ရက်အား နေ့ လယ်ပိုင်းတွင်ရပ်ဆိုင်းပြီးည (၂၃းဝ၀) နာရီမှ နံနက် (ဝ၅းဝ၀) နာရီအထိ သာဖြန့်ဖြူးနိုင်မည်ဖြစ်ပါ သည်။

၎င်းအပြင် အဆိုပါနေ့ရက် များ၌ နိုင်ငံတော်ဓာတ်အားစနစ်မှ ဓာတ်အားပို့လွှတ်မှုအခြေအနေအရ အများပြည်သူများသို့ မျှတအောင် ဖြန့်ဖြူးပေးရမည်ဖြစ်သည့်အတွက် အလုံဓာတ်အားပေးစက်ရုံ၊ သာကေ တဓာတ်အားပေးစက်ရုံနှင့် သီတာ ဓာတ်အားခွဲရုံတို့မှ ဓာတ်အားဖြန့်ဖြူး ပေးနေသော အလုံ၊ ကြည့်မြင်တိုင်၊ ဗိုလ်တထောင်၊ ပုဇွန်တောင်၊ မင်္ဂ လာတောင်ညွန့်၊ တာမွေမြို့နယ်တို့ ၏ ဒေသအချို့တွင်အချိန်ပိုင်းဓာတ် အားပြတ်တောက်မှုများ ရှိနေမည် ဖြစ်ပါကြောင်း သတင်းရရှိသည်။
ENVOY

Read More

ကားစီးရေ နှစ်သောင်းခန့် ကုမ္ပဏီများနှင့် ပြည်ပရောက် မြန်မာလုပ်သားများ သွင်းခွင့်ရမည်

အစိုးရ၏ ကားသွင်းခွင့် မူဝါဒသစ်အရ ယာဉ်ဟောင်း အစားထိုးယာဉ်သစ် တင်သွင်းခွင့်အပြင် ကုမ္ပဏီများနှင့် ပြည်ပရောက် မြန်မာလုပ်သားများကို ဝန်ကြီးဌာန ငါးခုမှ တစ်ဆင့် ရက်ပိုင်းအတွင်း ကားစီးရေ နှစ်သောင်းခန့် တင်သွင်းခွင့်ပေးရန် စတင် လုပ်ဆောင် နေပြီ ဖြစ်ကြောင်း စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနမှ အကြီးတန်း အရာရှိတစ်ဦးနှင့် မော်တော်ယာဉ် တင်သွင်းမည့် ကုမ္ပဏီကြီး တစ်ခုတို့က The Voice Weekly ၏ ဆက်သွယ် မေးမြန်းမှုကို ကို အတည်ပြု ပြောကြားသည်။

ကားသွင်းမယ့် ကုမ္ပဏီတွေ၊ သံရုံး ဝန်ထမ်းတွေနဲ့ မြန်မာလုပ်သားတွေ လျာထားချက် တောင်းထားပါတယ်။ လာမယ့်တစ်ပတ်မှာ လျာထား ချက်တွေ ရမယ်။ လျာထားချက်ရတာနဲ့ ကားသွင်း ခွင့်တွေစပေးမှာပါဟု အဆိုပါအကြီးတန်း အရာရှိက ရှင်းပြသည်။ ကားတင်သွင်းခွင့်အတွက် ဟိုတယ်နှင့် ခရီးသွားလာရေး လုပ်ငန်း ဝန်ကြီးဌာနက ကားသွင်းမည့် ဟိုတယ် လုပ်ငန်းရှင်များ လျာထားချက်စာရင်း၊ အလုပ်သမားဝန်ကြီးဌာနက ကားသွင်း မည့် ပြည်ပရောက် မြန်မာလုပ်သားများ လျာထားချက်စာရင်း၊ ပို့ဆောင်ရေး ဝန်ကြီးဌာနက ကားသွင်းမည့်သင်္ဘော သားများ လျာထားချက်စာရင်း၊ စီးပွား ရေးနှင့် ကူးသန်း ရောင်းဝယ်ရေးဝန်ကြီး ဌာနက ကားသွင်းမည့် ပို့ကုန်လုပ်ငန်း ရှင်များ လျာထားချက် စာရင်းနှင့် နိုင်ငံခြားရေးဝန်ကြီးဌာနက ကားသွင်း မည့်ပြည်ပ မြန်မာ သံရုံးများမှ ကားသွင်းမည့် သံရုံးဝန်ထမ်းများစာရင်းတို့ကို မော်တော်ယာဉ်တင်သွင်းခွင့်ဆိုင်ရာ ကြီးကြပ်ရေး ကော်မတီထံသို့ ပေးပို့ရမည် ဖြစ်ကြောင်း၊ ယင်းကော်မတီက ပေးပို့ လာသောလျာထားချက်စာရင်းပေါ် မူတည်၍ ကားသွင်းခွင့် အမြန်ဆုံးပြန်ချ ပေးမည်ဖြစ်ကြောင်း၊ ယခုအစီအစဉ် အရ ဘဏ်၌ အမေရိကန်ဒေါ်လာ တစ်သိန်းသွင်းထားသောလုပ်ငန်းများ နှင့် ဘဏ်တွင် ဒေါ်လာသုံးသောင်း သွင်းထားသော လုပ်သားများသာ အကျုံးဝင်ကြောင်း ၄င်းကဆိုသည်။

အခု ကျွန်တော်တို့သိထားတာ အစီးရေနှစ်သောင်းကျော်လောက် ခွင့်ပြု ပေးဖို့ရှိတယ်။ ၂၀ဝ၇ ကနေ ၂၀၁၁ မော်ဒယ်လ်အထိ သွင်းခွင့်ပေးမှာ။ ဒီတော့ ပြည်တွင်းနိုင်ငံခြားငွေ ပေါက် ဈေး တစ်ဒေါ်လာကျပ် ၉၀ဝ နီးပါး ပြန် ရောက်နိုင်တယ်။ နောက် အခု ဂျပန် ဈေးကွက်မှာ ၂၀ဝ၂ မော်ဒယ်လ် အောက်တွေ ဈေးမြောက်နေတဲ့ပြဿနာ ရှင်းသွားမယ်။ ဂျပန်ဈေးကွက်မှာ ဈေးပြန်ငြိမ်သွားမယ်ပေါ့။

ပြည်တွင်း ကားဈေးတော့ ပြုတ်ကျသွားမယ်လို့ မှန်းတယ် ဟု ကားအရောင်းစင်တာဖွင့် လှစ်ရန် စီစဉ်နေသူ ပို့ကုန်လုပ်ငန်းရှင် ကြီးတစ်ဦးက သုံးသပ် ပြောကြားသည်။ အစိုးရ၏ ယင်းထပ်တိုးမှုဝါဒ သစ်အရ တင်သွင်းလာမည့်ယာဉ်များ မှာ ကားဟောင်းအပ်ရန်မလိုသဖြင့် စလစ်ပေါက် ဈေးမရှိတော့ခြင်း၊ မော်ဒယ်လ် အမြင့်သွင်းခွင့် ရခြင်းတို့ကြောင့် ပြည်တွင်း ကားဈေးကွက်တွင် ကား ဈေးနှုန်းများ ထပ်မံကျဆင်းနိုင်ကြောင်း၊ Mark II (ရွှေငါး)ကို ဂျပန် ဈေးကွက်တွင် အလု အယက်ဖြင့် ဈေးမြင့်ပေးဝယ်ထားသူ များ ရွှေငါးဈေးပြုတ်ကျသွားနိုင်သဖြင့် ထင်ထားသလောက် အကျိုးအမြတ်မရှိနိုင် တော့ ကြောင်း လုပ်သက်နှစ် ၂၀ ခန့်ရှိ ဝါရင့် ကားဝယ်ရောင်းတစ်ဦးက သုံးသပ်သည်။

အဆိုပါစနစ်ဖြင့် ကားသွင်းခွင့် ပေးရန်အတွက် ဘဏ်စာအုပ်တွင် ဒေါ်လာတစ်သိန်း ပြနိုင်သော ကုမ္ပဏီအရေအတွက် နိုဝင်ဘာလ ၉ရက်နေ့ အထိ တစ်ထောင်ကျော်ခန့်ရှိပြီး လတ်တလော ဒေါ်လာ တစ်သိန်းကျော် မပြနိုင် သေးသော်လည်း ရက်ပိုင်းအတွင်းပို့ကုန် များ တင်ပို့ပြီးပါက ဒေါ်လာတစ်သိန်း ပြည့်သွားမည့် သူများလည်းရှိရာ ၄င်းတို့ ကိုပါ ထပ်ပေးမည်ဟု ယူဆရကြောင်း၊ ပြည်ပရောက် မြန်မာလုပ်သားများနှင့် သင်္ဘောသားများ၊ သံရုံးဝန်ထမ်းများ မှာလည်း လတ်တလော ဘဏ်စာရင်း တွင် ဒေါ်လာသုံးသောင်းမပြနိုင်သော် လည်း ၁၀ ရာခိုင်နှုန်းဖြစ်သည့် ဒေါ်လာ ၃၀ဝ၀ အခွန်ဆောင်ထားပြီးပါက သတ်မှတ် ဒေါ်လာ ဘဏ်စာရင်း သွင်းပြီးချိန်တွင် ခွင့်ပြုသင့်ကြောင်း ပို့ကုန်လုပ်ငန်းရှင် များနှင့် ပြည်ပရောက် မြန်မာလုပ်သား များက ပြောဆိုသည်။

Read More

ပြန်လည်လွှတ်ပေးမည်ဟု ကိုမင်းကိုနိုင် မမျှော်လင့်

၂၀၀၇ ခုနှစ် သြဂုတ်လ လောင်စာဆီ ဈေးနှုန်း ကျဆင်းရေး လမ်းလျှောက် ဆန္ဒပြ ကာလ အတွင်း က တခြားသော ၈၈ မျိုးဆက်ကျောင်းသား ခေါင်းဆောင်များနှင့်အတူ တွေ့ရသည့် ကိုမင်းကိုနိုင်

နှစ်ရှည် ထောင်ဒဏ် ကျခံနေရသော ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင်က အစိုးရအနေနှင့် ၎င်းကို လွှတ် ပေးရန် မမျှော်လင့်ကြောင်း ပြောဆိုလိုက်သည်ဟု မကြာသေးမီက မိသားစုဝင်များနှင့် အတူ ထောင်ဝင်စာ သွားရောက်တွေ့ ဆုံခဲ့သည့် ကိုမြတ်သူက ပြောသည်။

“သူ့ကို လွှတ်မယ် မထင်ဘူး၊ သူရဲ့ ရဲဘော်တွေကိုလည်း သူ့အတွက် မရင်းကြပါနဲ့လို့ ပြောလိုက်တယ်”ဟု ၎င်းက ဆိုသည်။

ကိုမြတ်သူသည် ၈၈ ကျောင်းသားများ အဖွဲ့ဝင် တဦးဖြစ်ပြီး သရက်ထောင်ရှိ ကိုမင်းကိုနိုင်ကို မိသားစုဝင်နှင့် အတူ ယမန်နေ့ က ထောင်ဝင်စာ သွားရောက်တွေ့ ဆုံခဲ့ခြင်း ဖြစ်သည်။

ယခင် ရှမ်းပြည်နယ်အရှေ့ပိုင်း ကျိုင်းတုံထောင်တွင် ထောင်ဒဏ် ၆၅နှစ် ချမှတ်ခံထားရသည့် ကိုမင်းကိုနိုင်ကို အာဏာပိုင်များက ရန်ကုန် အင်းစိန်ထောင်မှတဆင့် ပြီးခဲ့သည့် သောကြာနေ့က မကွေးတိုင်း သရက်ထောင်သို့ ထပ်မံပြောင်းရွှေ့ခဲ့ကြောင်း မိသားစုဝင်များက ပြောသည်။

ယခုလ ၁၂ ရက်နေ့တွင် မြန်မာနိုင်ငံ အမျိုးသား လူ့အခွင့်အရေး ကော်မရှင်က သမ္မတ ဦးသိန်းစိန်ထံသို့ ယုံကြည်ချက်ကြောင့် အကျဉ်းကျခံနေရသည့် နိုင်ငံရေး အကျဉ်းသားများကို ထပ်မံ လွှတ်ပေးရေးနှင့် ထိန်းသိမ်းရန် လိုအပ်သေးသည့် သူများကို
မိသားစုဝင်များ တွေ့ဆုံသွားလာလွယ်ကူသော အကျဉ်းထောင်များသို့ ပြောင်းရွှေ့ပေးရန် တင်ပြခဲ့သည်။

အဆိုပါ ကော်မရှင်က တင်ပြခဲ့ပြီးနောက် နိုင်ငံရေး အကျဉ်းသားများ လွတ်မြောက်မည်ဟု အများက မျှော်လင့်နေကြသော် လည်း ယခုအချိန်အထိ အစိုးရက လွှတ်ပေးခြင်း မရှိသေးပေ။

၂၀၁၀ ပြည့်နှစ်က ရန်ကုန်မြို့ ကန်တော်ကြီးပတ်လမ်းရှိ X2O ရေကစားမဏ္ဍပ်တွင် ဗုံးပေါက်ကွဲမှုအား သွားရောက် ဓာတ်ပုံရိုက် သတင်းယူခဲ့သည့်အတွက် ထောင်ဒဏ် ၁၀နှစ် ချမှတ်ခံခဲ့ရသည့် ကိုစည်သူဇေယျကိုလည်း အင်းစိန်ထောင်မှ ဟင်္သာတ ထောင်သို့ ပြောင်းရွှေ့လိုက်ကြောင်း မိခင်ဖြစ်သူ ဒေါ်ရီရီတင့်က ဧရာဝတီသို့ ပြောသည်။

“လွှတ်ပေးမယ်လို့ ပြောနေတော့လည်း မျှော်လင့်တာပေါ့၊ အခု ဒီအတိုင်း ဆိုရင် မပါဘူးလို့ပဲ ပြောရမလား မသိဘူး၊ ကနေ့ အထိ မထွက်လာဘူး ဆိုတော့ မဟုတ်သေးဘူးလို့ ထင်တာပဲ”ဟု ၎င်းက ဆိုသည်။

၈၈ မျိုးဆက် ကျောင်းသား ခေါင်းဆောင် တဦးဖြစ်သည့် မနီလာသိန်း၊ ရွှေဝါရောင် အရေးအခင်းတွင် ပါဝင်ခဲ့သော သံဃာ တော် အရှင်ဂမ္ဘီရ တို့ကိုလည်း အာဏာပိုင်များက ထောင်ပြောင်းရွှေ့မှုများ ပြုလုပ်ခဲ့ကြသည်။

စစ်ကိုင်းတိုင်း ကလေးမြို့ အကျဉ်းထောင်တွင် ထောင်ဒဏ် ၆၃ နှစ် ချခံနေရသည့် အရှင်ဂမ္ဘီရကို ဧရာဝတီတိုင်း မြောင်းမြ ထောင်၊ မကွေးတိုင်း သရက်ထောင်တွင် ထောင်ဒဏ် ၆၅ နှစ် ချမှတ်ခံထားရသည့် မနီလာသိန်းကို သာယာဝတီ ထောင်တို့ကို ပြောင်းရွှေ့လိုက်ကြောင်း သိရသည်။

မနီလာသိန်းသည်၂၀၀၇ ခုနှစ် လောင်စာဆီနှင့် ကုန်ဈေးနှုန်းကျဆင်းရေးအတွက် လမ်းလျှောက်ဆန္ဒပြခဲ့သောကြောင့် ဖမ်း ဆီး ၍ ထောင်ဒဏ် ချမှတ်ခံရပြီး ခင်ပွန်းဖြစ်သူ ၈၈ မျိုးဆက်ကျောင်းသား ခေါင်းဆောင်တဦးဖြစ်သည့် ကိုဂျင်မီမှာ တောင်ကြီး ထောင်တွင် ထောင်ဒဏ် ၆၅ နှစ် ကျခံနေရသည်။

ကိုမင်းကိုနိုင် အပါအ၀င် ကိုကိုကြီး၊ ကိုဌေးကြွယ်၊ ကိုဂျင်မီ၊ ကိုမြအေး၊ ကိုမင်းဇေယျာ၊ ကိုပဏ္ဍိတ်ထွန်း စသည့် ကျောင်းသား ခေါင်းဆောင် ၁၅ ဦးကို စစ်အစိုးရက ၂၀၀၇ ခုနှစ် သြဂုတ်လအတွင်း လောင်စာဆီနှင့် ကုန်ဈေးနှုန်း ကျဆင်းရေးလမ်းလျှောက် ဆန္ဒပြခဲ့သည့်အတွက် ထောင်ဒဏ် ၆၅ နှစ်စီ အသီးသီးချမှတ်ပြီး နယ်ဝေးထောင်များသို့ ပို့ခဲ့သည်။

Read More

စစ်ဘေးဒုက္ခသည်များကို ပြည်တွင်း ပရဟိတ အဖွဲ့များ ကူညီမည်

ကချင်ပြည်နယ်တိုက်ပွဲများကြောင့် နေရပ်စွန့်ခွာထွက်ပြေးရသူများကို တွေ့ရပုံ။ ကချင်ပြည်နယ်အတွင်း စစ်ပြေးဒုက္ခသည် ငါးထောင်ကျော် ရှိသည်ဟု အစိုးရက ပြောသည် (ဓာတ်ပုံ - Jinghpaw Kasa Blog)

ကချင်ပြည်နယ်တွင် ဖြစ်ပွားနေသည့် စစ်ပွဲများကြောင့် ထွက်ပြေးနေရသည့် ဒုက္ခသည်များကို ပြည်တွင်းအခြေစိုက် လူမှုရေးလုပ် ငန်း လုပ်ကိုင်နေသည့် အဖွဲ့အစည်းများက မကြာမီရက်ပိုင်းတွင် သွားရောက်ကူညီမည် ဖြစ်ကြောင်း သတင်းရရှိသည်။

အစိုးရနှင့် ကချင်လွတ်လပ်ရေး တပ်မတော် (KIA) တို့အကြား ဖြစ်ပွားနေသည့် လက်နက်ကိုင်ပဋိပက္ခများ၌ အပြစ်မဲ့ပြည်သူများ ဒုက္ခရောက်နေကြောင်း၊ ထို့ကြောင့် လူသားချင်းစာနာသည့် အနေဖြင့် ရန်ကုန် အခြေစိုက် လူမှုရေးလုပ်ငန်းများ လုပ်ကိုင်နေသည့် အဖွဲ့များနှင့် ပူးပေါင်းကာ သွားရောက်ကူညီရန် ဆုံးဖြတ်ခြင်း ဖြစ်ကြောင်း မန္တလေး အခြေစိုက် “ဘ၀အလင်း” ပရဟိတ လူမှုရေး အဖွဲ့၏ ဦးစီးပဓာန နာယက ဆရာတော် ဦးဥတ္တမသာရ က ဧရာဝတီသို့ မိန့်ကြားသည်။

“အရင်တုန်းကတော့ ရေဘေးတို့၊ လေဘေးတို့ သဘာဝ ဘေးအန္တရာယ်ဖြစ်မှ အကူအညီပေးတယ်။ အခုတော့ ဒုက္ခရောက်တဲ့ သူတိုင်းကို အကူအညီပေးဖို့ ဆုံးဖြတ်ထားတယ်” ဟု ဆရာတော်က ဆိုသည်။

စစ်ဘေးဒုက္ခသည်များအား လာမည့် နိုဝင်ဘာ ၂၅ ရက်နေ့တွင် သွားရောက်လှူဒါန်းမည်ဖြစ်ပြီး မန္တလေးမြို့ရှိ ကျောက်စိမ်း ရောင်းဝယ်ရေး ပွဲရုံများ၏ ကူညီပံ့ပိုးမှုဖြင့် စုစုပေါင်းလှူဒါန်းငွေကို ကျပ်သိန်း ၃၀၀ အထိ ရည်ရွယ်ထားကြောင်း ဆရာတော်က ဆက်လက် မိန့်ဆိုသည်။

လက်ရှိ အခြေအနေအရ ကချင်ပြည်နယ် မြစ်ကြီးနား၊ ၀ိုင်းမော်၊ မိုးကောင်း၊ ဗန်းမော်စသည့် မြို့နယ်ရှိ ကျေးရွာများနေ ပြည်သူ များမှာ မိုင်းနှင့် ဗုံးအန္တရာယ်များကြောင့် အထိတ်တလန့်ဖြစ်ကာ သွားလာနေရကြောင်း သိရသည်။

ကချင်ပြည်နယ် မြစ်ကြီးနားနှင့် ၀ိုင်းမော်မြို့နယ်တို့တွင် ယခုအခါ ဒုက္ခသည်စခန်ေးပါင်း ၂၂ ခုရှိနေပြီး လူမှုရေးကိုသာ အဓိကထား လုပ်ကိုင်သည့် ပြည်တွင်းအခြေစိုက် ပရဟိတ လူမှုရေးအသင်းများ အနေဖြင့် စစ်ပွဲနှင့် ပတ်သက်သည့် ဒုက္ခသည်များကို ပထမဆုံး အကြိမ် ကူညီခြင်းဖြစ်ကြောင်း၊ ယခုလှူဒါန်းမှုကြောင့် တခြားသော လူမှုရေးအသင်းများလည်း ပါဝင် ကူညီလာနိုင်ကြောင်း ဆရာတော်က ဆိုသည်။

ဘ၀အလင်း ပရဟိတအသင်းသည် ပညာရေး၊ ကျန်းမာရေးနှင့် ပတ်သက်ပြီး အကူအညီပေးရေး လုပ်ငန်းများကို လုပ်ကိုင်နေပြီး မကြာသေးခင်က မကွေးတိုင်း ပခုက္ကူ၊ ဆိပ်ဖြူ၊ ပေါက်ဒေသများရှိ ရေဘေးဒုက္ခသည်များကို လှူဒါန်းခဲ့သေးသည်။

ပြီးခဲ့သည် ဇွန်လကတည်းက အစိုးရစစ်တပ်များနှင့် ကချင်လွတ်လပ်ရေး တပ်မတော် (KIA) တို့အကြား စတင်ဖြစ်ပွားခဲ့သည့် တိုက်ပွဲများမှာ ယခုထက်တိုင် ဆက်လက်ဖြစ်ပွားနေပြီး ယခုအခါ ဆောင်းရာသီသို့ ရောက်ရှိလာပြီ ဖြစ်၍ အ၀တ်အထည် အသုံးအဆောင်များ လိုအပ်နေကြောင်း တရုတ် – မြန်မာနယ်စပ်အခြေစိုက် အကူအညီပေးရေး အဖွဲ့များ အဆိုအရ သိရသည်။

Read More

ရှမ်းပြည်မြောက်ပိုင်း ဒေသခံများ၏ မြေဧက ၄ သောင်းကျော် အစိုးရသိမ်းယူ

အစိုးရ အဓမ္မသိမ်းယူခဲ့သော ရှမ်းပြည်မြောက်ပိုင်း ဒေသခံများပိုင်ဆိုင်ခဲ့သည့် မြေယာမြင်ကွင်း (ဓာတ်ပုံ - TSYO အစီရင်ခံစာမှ)

မြန်မာနိုင်ငံ ရှမ်းပြည်မြောက်ပိုင်းရှိ မြို့နယ် ၁၀ ခုတွင် အာဏာပိုင်များက ဒေသခံပြည်သူများ၏ မြေယာ များကို အစိုးရစီမံကိန်းများအတွက် ဧက ၄၂၉၄၀ ခန့်သိမ်းယူခဲ့ကြောင်း ထိုင်းနယ်စပ် အခြေစိုက် တအောင်း ပလောင် ကျောင်းသားနှင့် လူငယ်အစည်းအရုံး (TSYO) က ပြောသည်။

ရှမ်းပြည်မြောက်ပိုင်းတွင် မြန်မာအစိုးရနှင့် တရုတ်အစိုးရတို့ ဆောင်ရွက်နေသည့် ရေအားလျှပ်စစ်၊ ဓာတ်ငွေ့ ပိုက်လိုင်း သွယ်တန်းမှု၊ မီးရထားလမ်းဖောက်လုပ်မှု စီမံကိန်းများအတွက် ဒေသခံများ၏ မြေယာများကို အာဏာပိုင်းများက အဓမ္မ သိမ်းယူခဲ့သဖြင့် ဒေသခံများ အတိဒုက္ခ ရောက်နေရသည့်အကြောင်းကို နိုင်ငံတကာက သိရှိနိုင်ရန်အတွက် “ခြံမြေများအဓမ္မ သိမ်းပိုက်ခြင်း” အမည်ရှိ အစီရင်ခံစာတစောင်ကို TSYO အဖွဲ့က ထိုင်း – မြန်မာနယ်စပ်၌် ဖြန့်ချိသည့် အခမ်းအနားတွင် ယနေ့ပြောဆိုလိုက်ခြင်း ဖြစ်သည်။

TSYO အဖွဲ့၏ ပြောရေးဆိုခွင့်ရှိသူ မိုင်ပန်လက “အထူးသဖြင့် ဒီကိစ္စကို လူမသိသူမသိ ဥပေက္ခာ ပြုခံ နေရတယ်။ ဒါတွေကို နိုင်ငံတကာမှာ ထင်ဟပ်စေဖို့ အတွက် ဒီသုတေသန စာတမ်းကို ထုတ်ဝေ ရတာပါ” ဟု ဆိုသည်။

စာမျက်နှာ ၇၀ ပါရှိသည့် ၎င်းအစီရင်ခံစာတွင် ရှမ်းပြည်မြောက်ပိုင်းရှိ မန်တုန်၊ နမ့်ဆန်၊ နမ့်ခမ်း၊ မူဆယ်၊ လားရှိုး၊ကျောက်မဲ၊ သီပေါ၊ ကွတ်ခိုင်၊ သိန္နိ၊ နမ္မတူ စသည့် မြို့နယ်များအတွင်း အစိုးရ၏ အဓမ္မ သိမ်းယူ မှုကြောင့် အိမ်ခြေ ၈၅၈၈ အိမ် ထိခိုက်ခံစားခဲ့ရပြီး လယ်ယာခြံမြေ ဧကပေါင်း ၄၂၉၄၀ ခန့်ကို သိမ်းယူ သွားခဲ့ကြောင်း ၂၀၀၉ ခုနှစ် ဧပြီလမှ စတင်ကာ ၂၀၁၁ ဧပြီ လအထိ ကွင်းဆင်း သတင်းထောက်များ၏ တွေ့ရှိချက်များကို ကိုးကား ဖော်ပြထားသည်။

မြန်မာနှင့် တရုတ်နိုင်ငံတို့၏ ဖက်စပ်စီမံကိန်းမှ ထွက်ရှိလာမည့် အကျိုးရလဒ် များကို ဒေသခံ ပြည်သူများ ရရှိ ခံစားရမည် မဟုတ်ဘဲ အိမ်နီးခြင်း တရုတ်နိုင်ငံကသာ ရရှိမည်ဖြစ်ကြောင်း၊ ခြံမြေ သိမ်းပိုက်ခြင်း ခံရသူ များမှာ ဆွေးနွေးတိုင်ပင်ခြင်း မခံရဘဲ ရွှေ့ပြောင်းထွက်ခွာရန် အမိန့်ပေးခြင်းသာ ခံခဲ့ရကြောင်း TSYO အဖွဲ့က ပြောသည်။

ထိုင်းနိုင်ငံ မဲဆောက်မြို့ရောက် ပလောင်ဒေသခံ တဦးက “ကျနော်တို့ ဘိုးဘွားလက်ထက်က သီပေါနဲ့ လားရှိုးကြားမှာရှိတဲ့ ဥယာဉ်ခြံဆိုရင် ကာလပေါက်ဈေး သိန်း ရာနဲ့ချီ တန်ဘိုးရှိပေမယ့် စစ်တပ်က တပ်စခန်း ဆောက်ဖို့အတွက် အတင်းအဓမ္မ အသိမ်းခံခဲ့ရတယ်၊ ဘာနစ်နာကြေးမှ မပေးဘူး။ အခုတော့ ကျနော်တို့ ဥယာဉ်ခြံဟာ စစ်တပ်ပိုင် ဖြစ်သွားပြီ။ ကျနော်တို့လို ဘ၀တူတွေ အများကြီးပဲ၊ ဘာမှ မတတ်နိုင်ကြဘူး” ဟု ဆိုသည်။

အဓမ္မ မြေယာသိမ်းခံရသည့် ဒေသများနှင့်ပတ်သက်၍ အစီရင်ခံစာတွင် တည်နေရာဒေသများကို မှတ်တမ်း ဓာတ်ပုံများ၊ မြေပုံအညွှန်းများ၊ အချက်အလက် အကိုးအကားများဖြင့် ဖော်ပြထားပြီး သိရှိ လိုသူများ အနေဖြင့် အီးမေးလ်လိပ်စာ www.papaungland.org သို့ ဆက်သွယ်မေးမြန်း နိုင်မည်ဖြစ်သည်။

TSYO အဖွဲ့ကို ၁၉၉၈ ခုနှစ် ဒီဇင်ဘာလ ၂၇ ရက်နေ့က ထိုင်းမြန်မာနယ်စပ်တွင် တအောင်းပလောင် ကျောင်းသား လူငယ်များနှင့် စတင်ဖွဲ့စည်းခဲ့ပြီး ပလောင်ဒေသအတွင်း ပညာရေးနိမ့်ကျ နေမှုများကြောင့် ကလေးသူငယ်များ ပညာမသင်ကြားနိုင်သည့် အကြောင်းကို မီးမောင်း ထိုးပြထားသည့် “အလင်းမဲ့ဘ၀” အမည်ရှိ အစီရင်ခံစာကို ၁၉၉၈ ခုနှစ်က ထုတ်ဝေခဲ့သည်။ ရွှေလီမြစ်အတွင်း ရေကာတာ တည်ဆောက်မှု များ၏ ဆိုးကျိုးများကို ဖော်ပြထားသည့် “စစ်ဖိနပ်အောက် ရွှေလီမြစ်” အမည်ရှိ အစီရင်ခံစာကိုလည်း ၂၀၀၇ ခုနှစ်က နိုင်ငံတကာသို့ ဖြန့်ချိခဲ့ကြောင်း သိရသည်

Read More

ထိပ်တန်းခမာနီခေါင်းဆောင် ၃ ဦး ရုံးတင်စစ်ဆေးမှုစတင်

ခမာနီအဖွဲ့ မူဝါဒရေးရာခေါင်းဆောင်အဖြစ် ထင်ရှားသူ Nuon Chea (၀ဲ)၊ နိုင်ငံခြားရေးဝန်ကြီးဟောင်း Ieng Sary (လယ်)၊ ခမာနီအစိုးရခေါင်းဆောင်ဟောင်း Khieu Samphan (ယာ)။ (နိုဝင်ဘာလ ၂၁၊ ၂၀၁၁)

ကမ္ဘောဒီးယားနိုင်ငံမှာ ခမာနီခေါင်းဆောင်ဟောင်း ၃ ဦးကို ၂၀ ရာစုအတွင်း အဆိုးရွားဆုံး ပြစ်မှုတွေ ကျူးလွန်ခဲ့မှုနဲ့ တရားရုံးတင် စစ်ဆေးနေပါတယ်။ တနင်္လာနေ့က တရားခွင်အဖွင့် လျှောက်လဲချက်မှာတော့ အစိုးရရှေ့နေ Chea Leang က ခမာနီအစိုးရခေါင်းဆောင်ဟောင်း Khieu Samphan၊ ခမာနီအဖွဲ့ မူဝါဒရေးရာ ခေါင်းဆောင်အဖြစ်နဲ့ ထင်ရှားတဲ့ Nuon Chea နဲ့ နိုင်ငံခြားရေးဝန်ကြီးဟောင်း Ieng Sary တို့ဟာ တိုင်းပြည်လူဦးရေရဲ့ လေးပုံတစ်ပုံလောက်ကို သတ်ဖြတ်မှုတွေ ကျူးလွန်ခဲ့တာအပြင် အသက်ရှင်ကျန်ရစ်သူ သန်းပေါင်းများစွာရဲ့ ဘ၀တွေကို ပျက်စေခဲ့တဲ့ လူသတ်ကွင်းပြင် လှုပ်ရှားမှုကို ကြိုးကိုင်ခဲ့သူတွေအဖြစ်နဲ့ ပြောကြားသွားပါတယ်။

သူတို့ သုံးယောက်စလုံးကို လူတွေ အစုလိုက်အပြုံလိုက် သတ်ဖြတ်မှု၊ လူသတ်မှုနဲ့ နှိပ်စက်ညှင်းပမ်းမှု အပါအ၀င် လူသားမျိုးနွယ်ပေါ်ကျူးလွန်တဲ့ ပြစ်မှုတွေနဲ့ စွဲချက်တင်ထားတာ ဖြစ်ပါတယ်။ ကမ္ဘောဒီးယား နိုင်ငံမှာ ခမာနီတွေအုပ်စိုးခဲ့တဲ့ ၁၉၇၅ ခုနှစ်ကနေ ၁၉၇၉ ခုနှစ်အတွင်းမှာ လူ ၂ သန်းလောက်အထိ သေဆုံးခဲ့တယ်လို့ ခန့်မှန်းရပါတယ်။

ခုလို ခုံရုံးတင်စစ်ဆေးတာဟာ ကမ္ဘောဒီးယားနိုင်ငံမှာရှိတဲ့ နောင် မျိုးဆက်သစ် လူငယ်တွေကို သူတို့နိုင်ငံရဲ့ သမိုင်းကြောင်းကို နားလည်လာအောင် အထောက်အကူပြုလိမ့်မယ်လို့ ကုလသမဂ္ဂ လူ့အခွင့်အရေး ကော်မရှင်နာမင်းကြီး နာဗီပီလေး က ပြောပါတယ်။ ဒီလို ခုံရုံးတင်စတင်စစ်ဆေးတာကို သူက ကြိုဆိုလိုက်တာပါ။ နောက်နောင် အလားတူ သတ်ဖြတ်မှုတွေ မပေါ်ပေါက်ရေး နိုင်ငံတကာအသိုင်းအ၀ိုင်းရဲ့ ကြိုးပမ်းမှုတွေကို ပိုပြီးထိရောက်အောင် အားဖြည့်ပေးနိုင်လိမ့်မယ်လို့ မျှော်လင့်တဲ့အကြောင်း သူက ပြောပါတယ်။

တရားရုံးတင်ခံနေရတဲ့ ခမာနီခေါင်းဆောင်ဟောင်း ၃ ယောက်စလုံးကို အမြင့်ဆုံး ထောင်ဒဏ်တစ်သက်အထိ ပြစ်ဒဏ်ချမှတ်အောင်လို့ အစိုးရရှေ့နေတွေက တရားစွဲဆိုမယ်လို့ မျှော်လင့်ရပါတယ်။

Read More

NLD တပတ်အတွင်း ပါတီမှတ်ပုံတင်မည်

မြန်မာနိုင်ငံက အဓိက နိုင်ငံရေးအင်အားစု တခုဖြစ်တဲ့ NLD အမျိုးသားဒီမိုကရေစီအဖွဲ့ချုပ်က နိုင်ငံရေးပါတီအဖြစ် မှတ်ပုံတင်ခွင့်ရဖို့ ဒီတပတ်ထဲမှာ အာဏာပိုင်တွေထံ လျှောက်ထားဖို့ ရှိနေပါတယ်။ မြန်မာအစိုးရသစ်လက်ထက်မှာ ပေါ်ပေါက်လာတဲ့ လွှတ်တော်ထဲက လစ်လပ်သွားတဲ့နေရာတွေအတွက် ပြန်လည်ကျင်းပမယ့် ရွေးကောက်ပွဲမှာ ၀င်ရောက်ယှဉ်ပြိုင်သွားဖို့ကို ရည်ရွယ်ပြီး NLD က မှတ်ပုံတင် သွားမှာပါ။ အပြည့်အစုံကိုတော့ NLD တာဝန်ရှိသူနဲ့ ဆက်သွယ်မေးမြန်းထားတဲ့ မနန္ဒာချမ်းက တင်ပြထားပါတယ်။

NLD ပါတီက လာမယ့်သောကြာနေ့ နောက်ဆုံးထားပြီး ပါတီတည်ထောင်ခွင့်ပြုဖို့ တနည်းအားဖြင့် ပါတီကို မှတ်ပုံတင်ခွင့်ပြုဖို့ လျှောက်ထားမှာဖြစ်ပါတယ်။ ဒီအတွက် NLD တာဝန်ရှိသူတွေ ဒီကနေ့မှာ အစည်းအဝေး ပြုလုပ်ပြီး ဆွေးနွေးခဲ့ကြတာ ဖြစ်တယ်လို့ ပါတီ ဒုဥက္ကဋ္ဌ ဦးတင်ဦးက ဗွီအိုအေကို ပြောပါတယ်။

ပါတီမှတ်ပုံတင်တဲ့နေရာမှာ အမျိုးသားဒီမိုကရေစီအဖွဲ့ချုပ်ဆိုတဲ့ အမည်နဲ့သာ ပြန်လည် မှတ်ပုံတင်သွားမှာ ဖြစ်တယ်လို့လည်း NLD က ပြောပါတယ်။ ရွေးကောက်ပွဲဥပဒေအရ ပါတီတည်ထောင်ခွင့် လျှောက်တဲ့အခါ အနည်းဆုံး ၁၅ ယောက်နာမည်ကို တင်သွင်းရတာ ဖြစ်တဲ့အတွက် NLD ဘက်က ကိုယ်စားလှယ်တွေ အဖြစ် ရွေးချယ်ရာမှာတော့ လူငယ်တွေ၊ အမျိုးသမီးတွေကို ဦးစားပေး ထည့်သွင်းဖို့ ဆုံးဖြတ်ခဲ့တယ် လို့လည်း ဒုဥက္ကဋ္ဌ ဦးတင်ဦးက ပြောပါတယ်။

“လောလောဆယ်ကတော့ တိုင်တိုင်ပင်ပင်လုပ်ကြပြီးတော့ကာ သောကြာနေ့လောက်တော့ သွားပြီး တင်နိုင်အောင် ကြိုးစားမှာပါခင်ဗျ။ မျှတသွားအောင်ဆိုပြီး အသက်အရွယ်ကြီးတဲ့သူတွေကတော့ အောင်နိုင်ရေးသဘောမျိုးနဲ့ နေလိုက်ပြီးတော့ကာ လူငယ်များများ၊ တိုင်းရင်းသားထဲကလည်း လူငယ်အချို့နဲ့ အမျိုးသမီးအချို့ - အဲဒီလို ပါပါတယ်ခင်ဗျ။ အမည်တွေ ဘာတွေကတော့ လုံးလုံး၀၀ကြီး ပြောလို့ မဖြစ်သေးဘူးခင်ဗျ။ တင်တော့မှပဲ ဒါက ထွက်လာမယ့်သဘောပါ။

သူကတော့ အားလုံး လူငယ်တွေလည်းပါအောင်၊ အမျိုးသမီးတွေလည်းပါအောင်၊ တိုင်းရင်းသားတွေလည်း စည်းလုံးညီညွတ်မှုတွေပါအောင် ဒီလိုမျိုးလေး မျှမျှတတ ထည့်ထားတဲ့ သဘောပါပဲခင်ဗျ။ လုပ်နိုင်ကိုင်နိုင်မယ့် သဘောသဘာဝ၊ အဲဒါလေးကိုကြည့်ပြီးတော့ ရွေးကြချယ်ကြတဲ့ဟာ၊ အဲဒီဟာလေး စာရင်းပေါက်တာကို သွားပြီးတင်ကြမယ့် သဘောပဲခင်ဗျ။ ကျနော်တို့ အမှုဆောင်အဖွဲ့အနေနဲ့ တင်တယ်၊ ပို့တယ်ဆိုတဲ့ သဘော မဟုတ်ပါဘူးခင်ဗျ”

NLD အနေနဲ့ သမ္မတဦးသိန်းစိန်အစိုးရလက်ထက်မှာ ပါတီအသစ်တခုအနေနဲ့ မှတ်ပုံတင်ရမှာဖြစ်ပါတယ်။ NLD ပါတီဟာ - ၂၀၀၈ ဖွဲ့စည်းပုံထဲမှာပါဝင်တဲ့ ထောင်ဒဏ်ကျခံနေရသူဟာ နိုင်ငံရေးပါတီဝင် မဖြစ်ရဆိုတဲ့ ကန့်သတ်ချက်ကြောင့် - မနှစ်က ၂၀၁၀ ရွေးကောက်ပွဲမတိုင်ခင် ပါတီမှတ်ပုံတင်ရမယ်ဆိုတာကို ငြင်းဆန်ခဲ့တာပါ။

ဒါကြောင့် အစိုးရကနေ NLD အပါအ၀င် မှတ်ပုံတင်ခြင်းမရှိတဲ့ နိုင်ငံရေးပါတီ တော်တော်များများကို တရားဝင်နိုင်ငံရေးပါတီအဖြစ်က ပယ်ဖျက်ခဲ့တာဖြစ်ပါတယ်။ ဒါပေမဲ့ မှတ်ပုံတင်ခြင်းဆိုင်ရာ ဥပဒေ ပြင်ဆင်ချက်တချို့ကို အစိုးရက ပြုလုပ်ခဲ့ပြီးနောက် နိုဝင်ဘာလ ၄ ရက်နေ့မှာပဲ သမ္မတ ဦးသိန်းစိန်က အတည်ပြုကြေညာခဲ့တာဖြစ်ပါတယ်။

NLD ပါတီအနေနဲ့ မှတ်ပုံတင်ပြီးရင်တော့ - ဒီနှစ်မကုန်ခင် ကျင်းပဖို့ရှိတဲ့ ကြားဖြတ်ရွေးကောက်ပွဲတွေမှာ ၀င်ရောက်ယှဉ်ပြိုင်သွားဖို့ရှိပြီး - မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကိုယ်တိုင်လည်း ၀င်ရောက်ရွေးချယ်ခံဖို့ရှိတယ် - ဒီကြားဖြတ်ရွေးကောက်ပွဲမှာ လစ်လပ်တဲ့နေရာမှန်သမျှကို ၀င်ရောက် ယှဉ်ပြိုင်ဖို့ ကြိုးစားသွားမှာဖြစ်တယ်လို့ NLD က ပြောပါတယ်။ လောလောဆယ် ရွေးကောက်ပွဲ ကော်မရှင်ကနေ ဒီကြားဖြတ်ရွေးကောက်ပွဲနဲ့ပတ်သက်တဲ့ ကြေညာချက် မထုတ်ပြန်သေးတာကြောင့် ဒေါ်အောင်ဆန်းစုကြည်က ဘယ်မှာ ၀င်ပြိုင်မယ် ဘယ်နှစ်နေရာအတွက် ၀င်ပြိုင်မယ်ဆိုတာ အတိအကျ မဆုံးဖြတ်ရသေးဘူးလို့လည်း NLD က ပြောပါတယ်။

လက်ရှိမှာတော့ ပြည်သူ့လွှတ်တော်မှာ နေရာ ၄၀၊ အမျိုးသားလွှတ်တော်မှာ ၆ နေရာနဲ့ တိုင်းဒေသကြီးနဲ့ ပြည်နယ်လွှတ်တော်မှာ ၂ နေရာ လစ်လပ်နေတာ ဖြစ်ပါတယ်။ NLD အမျိုးသားဒီမိုကရေစီအဖွဲ့ချုပ်ဟာ ၁၉၉၀ ရွေးကောက်ပွဲမှာတုန်းက ထောက်ခံမဲ အပြတ်အသတ်နဲ့ အနိုင်ရရှိခဲ့တဲ့ပါတီဖြစ်ပေမဲ့လို့ အာဏာသိမ်း စစ်အစိုးရက ဒီ ၉၀ ရွေးကောက်ပွဲရလဒ်ကို ပယ်ချခဲ့တာဖြစ်ပါတယ်ရှင်။

Read More

Save Irrawaddy SF ရဲ့ ဧရာဝတီချစ်သူများဆွေးနွေးပွဲ ရုပ်သံမှတ်တမ်း ပထမပိုင်းထွက်

Save Irrawaddy SF ရဲ့ ဧရာဝတီချစ်သူများဆွေးနွေးပွဲ ရုပ်သံမှတ်တမ်း ပထမပိုင်းထွက်

မိုးမခ၊ နိုဝင်ဘာ ၂၂၊ ၂၀၁၁ (Save Irrawaddy SF Video Team)

နိုဝင်ဘာ ၁၉၊ ဆန်ဖရန်ဘေးဧရိယာ၊ ဖရီးမောင့်မြို့၊ စင်ထရယ်ဗီးလ်ကွန်မြူနီတီစင်တာမှာ ကျင်းပတဲ့ မြန်မာပြည်ရဲ့ ဧရာဝတီချစ်သူများဟောပြောပွဲနဲ့ ဆွေးနွေးပွဲက ရုပ်သံမှတ်တမ်းပထမပိုင်းကို Save Irrawaddy SF လုပ်အားပေးများက အများပြည်သူတို့ ကြည့်နိုင်ဖို့ ဝေမျှလိုက်ပါတယ်။



ပထမပိုင်းမှာ ဆန်ဖရန်ဘေးဧရိယာရဲ့ တေးသံရှင်တဦးဖြစ်တဲ့ ကိုမျိုးညွန့်က ခင်ဝမ်းသီဆိုခဲ့တဲ့ ဧရာဝတီသီချင်းနဲ့ ဖွင့်လှစ်ပါတယ်။ အိမ်ရှင်များက ဧည့်သည်တော် ဟောပြောသူများကို မိတ်ဆက်ပေးပါတယ်။ ပြီးနောက် ပထမဦးဆုံးဟောပြောသူ International River Network က ကျွမ်းကျင်သူ Grace Mang က တရုတ်ရင်းနှီးမြုပ်နှံမှုများနဲ့ မြန်မာပြည်အကြောင်းကို ဟောပြောပါတယ်။

တရုတ်ပြည်ရဲ့ ရပ်တန့်လို့မရတဲ့ ပြည်တွင်း စွမ်းအင်ဖြည့်ဆည်းနိုင်ရေးအတွက် ပြည်ပမှာ တိုးချဲ့ရင်းနှီးမြုပ်နှံမှုများ၊ ဧရာဝတီမြစ်သာမက မြန်မာပြည်အနှံ့ တရုတ်ပြည်ရဲ့ စွမ်းအင်ဈေးကွက် ခြေရာများကို ထုတ်ဖော်ရှင်းလင်းပြသွားတာ ဖြစ်ပါတယ်။
လူငယ်များ၊ ကျောင်းသူ ကျောင်းသားများ၊ မြန်မာပြည်အရေး၊ အာရှအရေး၊ တရုတ်ပြည်အရေး၊ ပတ်ဝန်းကျင်ထိန်းသိမ်းစောင့်ရှောက်ရေး စ်ိတ်ဝင်စားသူများ နားထောင်သင့်ပါကြောင်း တိုက်တွန်းလိုက်ပါတယ်။ သူရဲ့ ပါဝါပွိုင့်ဆလိုက်များကိုလည်း ကိုးကားနိုင်အောင် မေတ္တာရပ်ခံပေးပါ့မယ်။ နောက်ဆက်တွဲအပိုင်းများကို နေ့စဉ်ဆက်လက်တင်ဆက်ပါမယ်။

Read More

မြန်မာပန်းချီဆရာ ၈ ဦး၏ လက်ရာများ ဘန်ကောက်တွင် ပြသမည် – Eight contemporary artists’ show in Bangkok

လာမည့် စနေနေ့ (နိုဝင်ဘာ ၂၆) မှ စတင်ပြီး ဘန်ကောက်မြို့တွင် မြန်မာပန်းချီဆရာ ၈ ဦး၏ လက်ရာများ ဘန်ကောက်တွင် ပြသမည်ဖြစ်သည်။

Forward/Backward ဟု အမည်ပေးထားသော ယင်းပြပွဲတွင် ပါဝင်သည့် မြန်မာ ခေတ်ပေါ် ပန်းချီဆရာများမှာ အောင်မြတ်ဌေး၊ မအိ၊ မောင်ဒေး၊ မင်းသိန်းဆောင်၊ မိုးဆက်၊ သူမြတ်၊ သူရိန်၊ ဝေမာညွန့် တို့ ဖြစ်ကြောင်း H Project Space ပြခန်း အင်တာနက် စာမျက်နှာတွင် ဖော်ပြထားသည်။

ပြပွဲကို ဒီဇင်ဘာ ၃၁ ရက်နေ့အထိ သတ်မှတ်ထားသည်။

ပြပွဲဖွင့်လှစ်ခြင်း အစီအစဉ်ကို စနေနေ့ ည ၆း၀၀ နာရီတွင် ပြုလုပ်မည်ဟု www.hgallerybkk.com တွင် ရေးထားသည်။

ပြပွဲတွင် ပါဝင်သော ပန်းချီဆရာတို့နှင့် စကားပြောဆိုခြင်း အစီအစဉ်ကို လာမည့် တနင်္ဂနွေနေ့ နေ့ခင်း ၂း၀၀ နာရီတွင် ပြုလုပ်မည်ဖြစ်သည်။

မိုးမခ

Read More

ဦးခင်အောင်မြင့် စောဒက ကိုယ်တိုင်ပြန်ရုပ်

ချင်းမိုင် (မဇ္ဈိမ) ။ ။ ပြည်ထောင်စု လွှတ်တော်မှ အတည်ပြုပြီး ဖြစ်သည့် ဥပဒေများကြမ်းများကို အခြေခံ ဥပဒေ ခုံရုံးသို့ ပေးပို့စိစစ်ပြီး သမ္မတ လက်မှတ်ထိုးကာ ဥပဒေအဖြစ် ထုတ်ရန် အထက်လွှတ်တော် နာယက ဦးခင်အောင်မြင့်က လိုလားခဲ့သော်လည်း သောကြာနေ့တွင် ပြန်လည် ရုပ်သိမ်းလိုက်သည်။

ဦးခင်အောင်မြင့်က ပြန်လည် ပယ်ဖျက်ရခြင်းနှင့် ပတ်သက်၍ ပြည်ထောင်စု လွှတ်တော်တွင် ပြောကြားချက်ကို
နိုင်ငံပိုင် သတင်းစာ မြန်မာ့အလင်းက ကိုးကားဖော်ပြထားရာတွင် “ ပြည်ထောင်စု လွှတ်တော်တွင် ကောင်းမြတ် သည့် အစဉ်အလာ ကျန်ရှိရန်နှင့် အောက်လွှတ်တော်ကို အလေးထား၍” ဟု ပါရှိသည်။

အောက်တိုဘာ ၂၈ ရက်နေ့က ကျင်းပခဲ့သည့် ပြည်ထောင်စု လွှတ်တော် အစည်းအဝေးတွင် ဦးခင်အောင်မြင့်က
“ ဥပဒေကြမ်းများသည် ဖွဲ့စည်းပုံနှင့် ညီညွတ်ခြင်းရှိ၊ မရှိ သံသယရှိဖွယ် ကိစ္စများ ပါဝင်သည်ဟု ယူဆပါက ဖွဲ့စည်းပုံ အခြေခံဥပဒေဆိုင်ရာ ခုံရုံးသို့ ပေးပို့စိစစ်စေမည်”ဟု ဆုံးဖြတ်ခဲ့သည်။

ပြည်ထောင်စု လွှတ်တော်မှ အတည် မပြုသေးသမျှ တခြမ်းပဲ့ အဖြေပင် ဖြစ်ကြောင်း၊ တခြမ်းပဲ့ ဆုံးဖြတ်ချက်နှင့် နာယကအပေါ် ပုတ်ခတ် ဝေဖန်မှုများ ရှိခဲ့လျှင် ပြစ်ဒဏ်ပေး၍ရသည်ဟု ဦးခင်အောင်မြင့် ပြော (ဓါတ်ပုံ မဇ္ဈိမ)

သို့သော် သူ၏ဆုံးဖြတ်ချက်မှာ လွှတ်တော်နှစ်ခုအကြား ငြင်းစရာ ဖြစ်သွားခဲ့သည်။ အောက်လွှတ်တော် လွှတ်တော် အခွင့်အရေး ကော်မတီ အတွင်းရေးမှူး ဒေါက်တာ စိုးရင်က ဖွဲ့စည်းပုံ အခြေခံဥပဒေ၊ ပြည်ထောင်စု လွှတ်တော် ဆိုင်ရာ ဥပဒေများနှင့် ညီညွတ်ခြင်းကြောင့် ပြန်လည်ရုပ်သိမ်းပေးရန် နိုဝင်ဘာလ တရက်နေ့တွင် အဆိုတင်သွင်း ခဲ့သည်။ သူ၏အဆိုကို အောက်လွှတ်တော်ဥက္ကဋ္ဌ သူရဦးရွှေမန်းက ထောက်ခံလိုက်ပြီး “လွှတ်တော်၏ ဂုဏ်သိက္ခာ ကို ထိခိုက်စေနိုင်သည်” ဟု အပြစ်တင်ခဲ့သည်။

နိုဝင်ဘာ သုံးရက်နေ့တွင် အထက်လွှတ်တော် ဆွေးနွေးမှုများတွင်လည်း “ပြည်ထောင်စု လွှတ်တော်မှ အတည် မပြုသေးသမျှ တခြမ်းပဲ့ အဖြေပင် ဖြစ်ကြောင်း၊ တခြမ်းပဲ့ ဆုံးဖြတ်ချက်နှင့် နာယကအပေါ် ပုတ်ခတ် ဝေဖန်မှုများ ရှိခဲ့လျှင် ပြစ်ဒဏ်ပေး၍ရသည်”ဟု ဦးခင်အောင်မြင့်က ဆွေးနွေးသွားခဲ့သေးသည်။

ထို့အပြင် အဆိုပါကိစ္စကို ပြည်ထောင်စု လွှတ်တော်သို့ ထပ်မံ တင်ပြလာပါကလည်း “နာယက၏ မှန်ကန်သည့် ဆုံးဖြတ်ချက်ကို ဟန့်တား နောက်ယှက်ရာ ကျသည့်အတွက် ခွင့်မပြုနိုင်”ဟု ပြောကြားခဲ့သေးသည်။

သို့ဖြင့် ပြည်ထောင်စုလွှတ်တော်ကို လွန်ခဲ့သော သောကြာနေ့က ပြန်လည် စတင်ရာတွင် ဆွေးနွေးစရာ ဖြစ်လာခဲ့
သော်လည်း ဦးခင်အောင်မြင့်ကိုယ်တိုင် ပြန်လည်ရုပ်သိမ်းသွား၍ ပြီးဆုံးသွားသည်။

Read More

ဒယ်အိုးဆရာတော်ကို သတိပေးရန်ရှိ

ချင်းမိုင် (မဇ္ဈိမ)။ ။ မြန်မာတနိုင်ငံလုံးရှိ ပရဟိတ လုပ်ငန်းများ လုပ်ဆောင်နေသည့် အသင်း၊ အဖွဲ့များမှ ကိုယ်စားလှယ်များကို ခေါ်ယူကာ “ပရဟိတ နှီးနှောဖလှယ်ပွဲ” ကျင်းပခဲ့သည့် ရန်ကုန်တိုင်း မှော်ဘီမင်္ဂလာတိုက်မှ
ကျောင်းထိုင်ဆရာတော် ဦးသုမင်္ဂလကို သတိပေးရန် ဗုဒ္ဓဟူးနေ့တွင် ပင့်ဆောင်ထားသည်ဟု ရန်ကုန်တိုင်း သံဃာ့ နာယကရုံးမှ တာဝန်ရှိသူ တဦးက ပြောသည်။

“အာဏာပိုင် အဖွဲ့အစည်းတခုခုကနေပြီးတော့ မဟာ့န (သံဃာ့ မဟာနာယက) ဆရာတော်တွေကို တိုင်ပုံရပါတယ်။ မဟာ့န ဆရာတော်တွေကိုတိုင်တော့ တိုင်းသံဃာ့နာယက ဆရာတော်တွေက ခေါ်ပြီးတော့ သတိပေးမယ့် သဘောပါ။ ဆရာတော်ကို ခေါ်ယူပြီးတော့ သြဝါဒပေးမယ့် သဘော။” ဟု အမည်မဖော်လိုသူက ပြောသည်။

စက်တင်ဘာလအတွင်း မှော်ဘီမင်္ဂလာတိုက်တွင် “ပရဟိတ နှီးနှောဖလှယ်ပွဲ” ကျင်းပသည်ကို အာဏာပိုင်များနှင့် မြို့နယ်သံဃာ့ နာယကသို့ ကြိုတင်အကြောင်းကြား ခွင့်ပြုချက် မယူခြင်းကြောင့် ခေါ်ယူသတိပေးရခြင်း ဖြစ်သည်ဟု ဆိုသည်။

ဦးကျော်သူနှင့် ဇနီး “ပရဟိတ နှီးနှောဖလှယ်ပွဲ” သို့ တက်ရောက်၍ ဆရာတော် ဦးသုမင်္ဂလအား ဖူးမြော်နေစဉ်

ယင်းအပြင် တရားဟော ဓမ္မကထိကများ အနေဖြင့် တရားပွဲများကို အကြောင်းပြကာ နိုင်ငံရေး တရားပွဲများ ပြုလုပ် လာနိုင် သည်ဟု ဆိုလိုက်ပြီး သံဃာတော်များနှင့် မသင့်တော်သည့် ကိစ္စများဟုလည်း မဇ္ဈိမကို ပြောသည်။

“တချို့ကျတော့ စုန်းပြူးတွေရှိတယ်။ ပဲလှော်ကြား ဆားညှပ်တာတွေရှိတယ်။ အဲဒါမျိုးတွေ ကြိုကြား ကြိုကြားပေါ်လာ တဲ့ အခါကျတော့ ဌာနဆိုင်ရာတွေ၊ သူ့ဒေသအလိုက်ရှိတဲ့ ရပ်ကျေးတွေကို အသိပေး အကြောင်းကြားပြီး ထောက်ခံ ချက် ယူရတယ်။” ဟု ထိုပုဂ္ဂိုလ်က ပြောသည်။

ဒယ်အိုးဆရာတော်ဟု လူသိများသည့် ဆရာတော်ဦးသုမင်္ဂလ



ဒယ်အိုးဆရာတော်ဟု လူသိများသည့် ဆရာတော်ဦးသုမင်္ဂလ
ဦးစီး ကျင်းပသည့် “ စုံနံ့သာမြိုင် ပရဟိတ အသင်းအဖွဲ့ များ နှီးနှော
ဖလှယ်ပွဲ” ကို စက်တင်ဘာလ တရက်နေ့နှင့် နှစ်ရက်နေ့များတွင် ကျင်းပခဲ့ခြင်း ဖြစ်သည်။

အဆိုပါ နှီးနှောဖလှယ်ပွဲသို့ ပြည်နယ်နှင့်တိုင်း ၁ဝ ခုမှ ကျန်းမာရေး၊ လူမှုရေး၊ ပညာရေး၊ ဘုန်းတော်ကြီးသင် ပညာရေးကျောင်းများမှ ပရဟိတလုပ်ငန်း လုပ်ဆောင်နေသူ လူပုဂ္ဂိုလ်နှင့် သံဃာတော်များ
လေ့လာသူများ စုစုပေါင်း ၂,၅ဝဝ ကျော် တက်ရောက်သည်ခဲ့သည်
ဟု ဆရာတော် ဦးသုမင်္ဂလ၏ အင်တာနက် စာမျက်နှာတွင် ဖေါ်ပြ ထားသည်။

သက်တော် ၄၄ နှစ်ရှိ ဆရာတော်ဦးသုမင်္ဂလသည် မြန်မာ့ လူ့အဖွဲ့အစည်းအတွင်း အကျင့်စာရိတ္တနှင့် ပြုပြင်ပြောင်းလဲ
ရေးတရားများကို ဘာသာရေးနှင့် ဆက်နွယ်ကာ ဟောကြား
လေ့ရှိသည်။ ဆရာတော်၏ တရားပွဲများ ၂ဝဝ၈ ခုနှစ်နှင့် ၂ဝဝ၉ ခုနှစ်များအတွင်း ပိတ်ပင်ခံခဲ့ရဖူးသည်။

Read More

ပါတီမှတ်ပုံတင်မယ့် NLD ကို သံဃာအဖွဲ့ဝေဖန်

နယူးဒေလီ (မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် NLD မှ ပါတီမှတ်ပုံတင်ရန် ဆုံးဖြတ်ခဲ့အပေါ် တိုင်းပြည် ၏ လက်ရှိ အခြေအနေနှင့် မကိုက်ညီဟုဆိုကာ လွှတ်တော်ထဲတွင် မြန်မာ့နိုင်ငံရေး ပြဿနာများကို လုံးဝ ဖြေရှင်း
နိုင်မည် မဟုတ်ဘဲ တွေ့ဆုံဆွေးနွေးခြင်းဖြင့်သာ အဖြေရှာနိုင်မည်ဟု အတိုက်အခံ သံဃာအဖွဲ့ က ထုတ်ပြန်လိုက် သည်။

“ထူးခြားသည့် ပြောင်းလဲမှုများ မဖြစ်ပေါ်သေးသည့် အခြေအနေအောက်တွင် ရွှေဂုံတိုင် ကြေညာစာတမ်း လမ်းကြောင်းမှ ယခုကဲ့သို့ ပြောင်းလဲသွားခြင်းသည် တိုင်းပြည်၏ ပကတိ အခြေအနေများနှင့် မကိုက်ညီ မသင့်လျော်” ဟု တနင်္လာနေ့က ထုတ်ပြန်သော မြန်မာနိုင်ငံလုံးဆိုင်ရာ သံဃာ့တပ်ပေါင်းစု၏ ကြေညာချက်တွင် ပါရှိသည်။

လက်ရှိတွင် တိုင်းရင်းသားဒေသများ၌ စစ်ပွဲများဖြစ်၍ လူ့အခွင့်အရေး ချိုးဖောက်နေခြင်း၊ လူမှုရေး၊ စီးပွားရေးနှင့်
နိုင်ငံရေး ကဏ္ဍ အသီးသီး၌ ဒီမိုကရေစီ ကင်းမဲ့နေသေးကြောင်း၊ သံဃာတော်များ၏ လွတ်လပ်စွာ ဟောပြောခွင့်
နှင့် ဘုန်းကြီးကျောင်းများကိုလည်း ပိတ်ပင်ထားဆဲ ဖြစ်ကြောင်းလည်း ဖော်ပြထားသည်။

အဓိက အတိုက်အခံဖြစ်သော NLD မှာ ပါတီပြန်လည် မှတ်ပုံတင်ရေးနှင့် ရွေးကောက်ပွဲများတွင် ပါဝင်ရန်အတွက် တိုင်းနှင့် ပြည်နယ် အသီးသီးမှ ဗဟိုကော်မတီဝင် ၁၀၆ ဦး၏ သဘောတူညီချက်ဖြင့် နိုဝင်ဘာလ ၈ ရက်နေ့က ဆုံးဖြတ်ခဲ့သည်။

NLD က တောက်လျောက် ကိုင်စွဲခဲ့သော မူဝါဒဟု ပြောဆိုရမည့် ဧပြီ ၂ဝဝ၉ ခုနှစ်က ထုတ်ပြန်သော ရွှေဂုံတိုင်
ကြေညာစာတမ်းမှာ ၁၉၉ဝ ရွေးကောက်ပွဲ ရလဒ်အား အသိအမှတ် ပြုရေး၊ နိုင်ငံရေး အကျဉ်းသား အားလုံး လွှတ်ပေးရေး၊ ၂၀၀၈ အခြေခံဥပဒေ ပြန်လည်ပြင်ဆင်ရေး၊ သုံးပွင့်ဆိုင် ဆွေးနွေးရေးတို့ကို တောင်းဆိုထားခဲ့ သည်။

“ယနေ့ မြန်မာ့နိုင်ငံရေး ပြဿနာများကို စစ်ကြံ့ဖွံ့ လွှတ်တော်ထဲတွင် လုံးဝ ဖြေရှင်းနိုင်မည် မဟုတ်ဘဲ တန်းတူ ရည်တူ တွေ့ဆုံဆွေးနွေးခြင်းဖြင့်သာ ဖြေရှင်းနိုင်မည်” ဟု သံဃာ့တပ်ပေါင်းစုက ပြောသည်။

အလားတူ NLD မှတ်ပုံပြန်တင်ရန် ဆုံးဖြတ်ခဲ့သည့် နိုဝင်ဘာ ၁၈ ရက်အား “ပြည်သူ့ဆန္ဒ ပျက်သုန်းခြင်းနေ့” ဟု သတ်မှတ်ကြောင်း ၁၉၉ဝ ရွေးကောက်ပွဲ ရလဒ်အား ဆွဲကိုင်ထားသူ ဒီချုပ်အဖွဲ့ဝင်ဟောင်းများက ပြောဆို လိုက်သည်။

“နိုဝင်ဘာ ၁၈ ရက်ကျတော့ မှတ်ပုံပြန်တင်မယ့် အခါကျတော့ ကိုယ့်ရဲ့ ၉၀ ခုနှစ် ရွေးကောက်ပွဲရလဒ်ကို နင်းချေ ပစ်လိုက်ပြီးတော့ ပြည်သူတွေ လိုချင်တဲ့ စစ်မှန်တဲ့ ဒီမိုကရေစီ မဖော်ဆောင်နိုင်တဲ့ အတွက် ကျမတို့က ဒီနေ့ဟာ
ပြည်သူ့ဆန္ဒ ပျက်သုန်းတဲ့နေ့လို့ ကျမတို့ သတ်မှတ်လိုက်တယ်” ဟု အင်္ဂါဝတ်ပြုဆုတောင်းအသင်း ဦးဆောင်သူ
ဒေါ်နော်အုန်းလှက မဇ္ဈိမကို ပြောသည်။

ယင်းကဲ့သို့ ပြောဆိုရာတွင် ရန်ကုန်တိုင်းအတွင်းရှိ ပါတီ ပြန်လည် မှတ်ပုံမတင်စေလိုသူ NLD အဖွဲ့ဝင်နှင့် ပြည်သူ များ၊ ဧရာဝတီတိုင်း ပုသိမ်မြို့ပေါ်ရှိ မြို့နယ် သုံးခုမှ ပါတီဝင် တချို့လည်း ပါဝင်သည်ဟု သိရသည်။

ဒေါ်နော်အုန်းလှ အပါအဝင် NLD ပါတီဝင်အချို့နှင့် ရွေးကောက်ပွဲ မဝင်စေလိုသူ ပြည်သူတချို့က ပါတီထံ
ရွေးကောက်ပွဲ မဝင်သင့်သေးကြောင်း ပန်ကြားလွှာ နှစ်စောင်ကိုလည်း NLD သို့ ပေးပို့ခဲ့ပြီး ဖြစ်သည်။

“ပြောပြီးရင် လုပ်ရမယ်ဆိုတာ ခေါင်းဆောင်ရဲ့ တာဝန်ပဲလေ။ တောက်လျောက်ပဲ ဒီအပေါ်မှာ ရပ်တည်လာခဲ့တယ်
ပေါ့နော်။ အခု ၂၀၁၀ အထိ ကျမတို့ ရပ်တည်ခဲ့တာပေါ့နော်။ ဘာလို့ မရပ်တည်နိုင်ရမှာလဲ။ ရပ်တည်နိုင်တယ် ဆိုတာက ကျမတို့က သက်သေပဲလေ” ဟု NLD ပါတီမှ ထုတ်ပယ်ခံထားရသူ ဒေါ်နော်အုန်းလှက ပြောဆိုသည်။

NLD အနေဖြင့် မှတ်ပုံတင်တော့မည်ဖြစ်၍ မိမိတို့အနေဖြင့် လိုက်ပါမည် မဟုတ်ကြောင်း၊ မိမိတို့နှင့် ဆန္ဒတူသူများ ပူးပေါင်း၍ ပြည်တွင်း ငြိမ်းချမ်းရေး၊ နိုင်ငံရေး အကျဉ်းသား အားလုံး လွှတ်ပေးရေး၊ ပြည်သူ ရရှိသင့်သည့် အခွင့်အရေးနှင့် ဒီမိုကရေစီစံနှုန်းများ ရရှိစေရန် ကြိုးပမ်းသွားမည်ဟု မှတ်ပုံတင်ရေး မလိုလားသူများက ဆုံးဖြတ် ထားသည်။

Read More

သတင်းသမားနဲ. သတင်းလုပ်သူများ သတိထား ဆင်ခြင်ရမည့် အခေါ်အဝေါ်နဲ. ခြေလက်ကိုယ်အမူအရာများ

မြန်မာ သတင်း မီဒီယာတွေမှာ သတင်းထောက်တွေဖက်ရော သတင်းလုပ်တဲ့-သတင်းဖြစ်တဲ့ News Maker တွေဖက်မှာပါ သတိထားဖို. ဆင်ခြင်ဖို.တွေ အများကြီး လိုနေပါသည်။ အထူးသဖြင့် ကင်မရာရှေ.မှာ မိုက်ကရိုဖုန်းတွေ ရှေ.ကနေ လူအများစု လူထုကြီးဆီ ရောက်စေတဲ့ သတင်းစကားတွေ ပါးတဲ့အခါ စကားလုံး အသုံးအနှုန်း ခေါ်ဝေါသုံးစွဲတဲ့ အပြောအဆို စကားလုံးတွေ အထူးသိထားဖို. လိုပါသည်။

ဘာသိဘာသာနဲ. သတိမထားမိပဲ အမှတ်တမဲ့ လုပ်မိတဲ့အမူအရာတွေ အခေါ်အဝေါ်တွေဟာ News Media/ Public Broadcasting/ Mass Communication တွေ အပေါ်မှာဆိုရင် အတော်ကို အရုပ်ဆိုးပါတယ်။ မြင်ရတာ အကျီးတန်သွား စေပါသည်။

မြန်မာပြန်ကြားရေး ၀န်ကြီး ဦးကျော်ဆန်းနဲ. The Wall Street Journal သတင်းစာတို. အင်ဒိုနီးရှာနိုင်ငံမှာ လုပ်တဲ့ တွေ.ဆုံ မေးမြန်းခန်း-Exclusive Interview ကို သေခြာ ကြည့်ရင် ၀န်ကြီးဦးကျော်ဆန်းဟာ သတင်းထောက်နဲ. အင်တာဗျူးလုပ်နေတုန်း လက်တဖက်က ခြေဖ၀ါးကို ပွတ်လိုက် သတ်လိုက်နဲ. ခြေဖ၀ါးက အရေပြားခြောက်တွေကို ကုတ်ခြစ်ပြီး ခွာနေတာ Dried Skin ခြေထောက်က အရေခွံခြောက်တွေကို လက်ကြီးနဲ. ချေမွပွတ်သက်နေတာကို တွေ.ရမှာ ဖြစ်ပါသည်။ ဒါဟာ နိုင်ငံတော်အဆင့် ၀န်ကြီး တဦးအနေဖြင့် အထူးသဖြင့် ပြန်ကြားရေး ၀န်ကြီးတဦးအနေဖြင့် မလုပ်သင့်ပါဘူး။ အင်တာဗျူး လုပ်နေတဲ့အချိန် ကင်မရာတွေ ဗွီဒီယိုတွေနဲ. ရိုက်နေတုန်းမှာ အခုလို ညစ်ညစ်ပတ်ပတ်နဲ. လက်ကြီးနဲ. ခြေထောက်ကို ကိုင်နေတာ။ ခြေဖ၀ါးက အရေခွံတွေကို လက်ကြီးနဲ. လူကြားသူကြားမှာ ခွာနေတာ ကုတ်ခြစ်နေတာဟာ မြင်ရတာ အတော် ဆိုးပါသည်။ ၀န်ကြီးကတော့ သိမယ် မထင်ဘူး။ မြင်ရတာကတော့ တော်တော်ကို ဆိုးပါသည်။ ရွံစရာပါ။

အဲဒီလို လက်ကြီးနဲ. လူကြားမှာ ခြေဖ၀ါးကို ကိုင်နေ ပွတ်သတ်နေ အရေခွံတွေကို ခွာနေ ခြစ်နေတာကို တမင်လုပ်တာ မဟုတ်ပဲ အမှတ်တမဲ့ ဘာသိဘာသနဲ သတိမထားမိပဲ လုပ်နေခြင်းပါ။ ဒါပေမယ့် ဒီလို ကိုယ်အမူအရာတွေ လက်ဟန် ခြေဟန်တွေဟာ ကင်မရာတွေ ဗွီဒီယိုတွေထဲမှာ ပါသွားပြီး လူအများစုကို ပြသတဲ့ News Media & Mass Communication တွေ TV ဖန်သားပြင်တွေ ကွန်ပြူတာ Screen တွေကနေ ပြမြင်ရတဲ့အခါ အတော်ကို ရိုင်းနေပြီး မြင်ရသူအတွက် မသတီစရာလို ဖြစ်နေပါသည်။ ဒါမျိုးတွေဟာ မြန်မာ News Makers-သတင်းတွေလုပ်သူတွေအနေနဲ. နိုင်ငံတကာ သတင်းမီဒီယာတွေနဲ. တိုးမယ်ဆိုရင် ကြိုတင် စဉ်းစား သတိထားရမည့် အချက်ပါ။

ထို.အတူပဲ မြန်မာသတင်းသမားတွေဖက်မှာလဲ ဆင်ခြင်စရာတွေ ရှိနေပြန်ပါသည်။ ပြန်ကြားရေးဝန်ကြီး ဦးကျော်ဆန်းနဲ. ပြည်တွင်းပြည်ပက သတင်းသမားတွေ တွေ.ဆုံ မေးမြန်းတဲ့အခါ ပြန်ကြားရေးဝန်ကြီး ဦးကျော်ဆန်း ကို အဘ အဘ ဆိုပြီး ရည်ညွှန်းခေါ်ဆိုတာ သတင်းသမား တဦးအနေဖြင့် မသင့်တော်ပါ။ မခေါ်သင့်ပါ။ ပုဂ္ဂိုလ်ရေးအရ ရိုသေ လေးစားတာနဲ. အလုပ်သဘောအရ ဆက်ဆံရတာကို ခွဲခြားဖို. စည်းခြား ထားဖို. လိုပါသည်။ Personally အရ ရိုသေလေးစားလို. အသက်အရွယ် ကြီးသူဖြစ်လို. ဦးကြီး ဦးလေး အကို အဒေါ်။ ဆရာ အဘ အဖွား အမေ အပြင်မှာ ခေါ်တာ သင့်တော်ပါသည်။ ဒါပေမယ့် သတင်းလုပ်တဲ့အခါ သတင်းရေးဖို. သတင်းမေးတဲ့ Interview လုပ်တဲ့အချိန်မှာတော့ Professionally အရ စဉ်းစားပြီး အဓိက စိတ်ထဲ ခေါင်းထဲမှာ ရှိသင့် ထားသင့်တာက ပရိသတ်တွေက ဘာတွေ သိချင်သလဲ ပရိသတ်တွေ သိချင်တဲ့ဟာ သိဖို. လိုအပ်တဲ့အရာတွေကို မေးဖို.လိုပါသည်။ အဲဒီလို သတင်းမေးတဲ့အချိန်မှာတော့ သက်ရာဆိုင်ပုဂ္ဂိုလ်၏ နာမည် မဟုတ်ရင် ရာထူးကို ရည်ညွှန်းပြီး ခေါ်သင့်ပါသည်။ အခု ကိစ္စမှာဆိုရင် ၀န်ကြီးတို. အစိုးရအဖွဲ.အနေဖြင့် စသည်ဖြင့် ခေါ်ဝေါ် သုံးစွဲသင့်ပါသည်။ အခုတော့ RFA သတင်းထောက် ဦးခင်မောင်စိုးရော ရန်ကုန်တိုင်းစ် သတင်းထောက် ဦးကိုကို(စက်မှု) တို. ကိုယ်တိုင်က ၀န်ကြီး ဦးကျော်ဆန်းကို အဘ အဘ နဲ. ဆိုပြီး မေးမြန်းပြောဆို ခေါ်ဝေါ်သုံးစွဲခြင်းဟာ Journalistic Professional Standard အရ သတင်းလုပ်တဲ့အချိန်မှာ မခေါ်သင့်ပါ။ မသုံးသင့်ပါ။ သီးသန်. သတင်းမေးပြီးတဲ့အခါ အပြင်မှာ အလွတ်သဘော ပြောဆိုတဲ့အချိန် လူမှုရေးအရ သာရေး နာရေး Social Talk လုပ်တဲ့အချိန်မှာတော့ ကိုယ် ခေါ်ချင်သလို ခေါ်ပါ။ လူမှုရေးအရ အရိုအသေ ပေးလို. သင့်တော်ပါသည်။ အခုတော့ သတင်းနားထောင်ရတာမျိုး မဟုတ်တော့ပဲ မြေးအဖိုး စကားဝိုင်းလို ဖြစ်သွားပါသည်။ အဘိုးနဲ. မြေးပြောသလိုဖြစ်သွားရင် Objectivity, Impartiality and bias တွေမှာ ထိခိုက်မှု compromised ဖြစ်သွားနိုင်ပါသည်။

အခုတော့ သတင်းလုပ်တဲ့အချိန်မှာ အဘ အဘ ဆိုတာ သတင်းထောက်တဦးနဲ. နိုင်ငံရေးသမားတို. ၀န်ကြီးတို.အကြား ထားရှိရမည့် level တူ ဆက်ဆံရေးမျိုးနဲ. မညီပဲ ဖြစ်နေပါသည်။ ၀န်ကြီးက အုပ်ချုပ်ရေးတာဝန်နဲ. လူထုအကျိုး လုပ်နေသလို သတင်းသမားကလဲ လူထုအတွက် အစိုးရ၏ မူဝါဒတွေကို လူတွေ သိအောင် သတင်းပေးနေတဲ့ တာဝန်ကို ယူနေရသူမို. Equally Important အရေးကြီးတဲ့တာဝန်တွေကို လုပ်နေသူ အချင်းချင်း ဖြစ်ပါသည်။ ဒါကြောင့် အလုပ်သဘောအရ တန်းတူထားပြီး ဆက်ဆံ ပြောဆိုဖို. လိုပါသည်။ Professional Standard should not be compromised with Personal relation.

အဘ အဘ ဆိုတဲ့ ယဉ်ကျေးမှုဟာ စစ်တပ်ထဲက ယဉ်ကျေးမှုဖြစ်တာမို. စစ်တပ် အတွင်းမှာ ရာထူးကြီးသူ ၀ါကြီးသူကို ငယ်တဲ့သူက အဘ ခေါ်တာ သူတို. စနစ် သူတို.ယဉ်ကျေးမှုဖြစ်တာမို. ဘာမှ ပြောစရာ ဝေဖန်စရာ မလိုပါ။ ဗိုလ်ဖြစ်သူက ဗိုလ်မှူးကြီးကို အဘ ခေါ်သလို ဗိုလ်မှူးကြီးကလဲ ဗိုလ်ချုပ်တွေ ဗိုလ်ချုပ်ကြီးတွေကို အဘ ပြန် ခေါ်တာ ဒါဟာ မြန်မာ့ စစ်တပ်၏ တပ်တွင်း ယဉ်ကျေးမှုးပါ။ စစ်သား စစ်သားချင်း အပြန်အလှန် ခေါ်ဝေါ်တဲ့ အစဉ်အလာပါ။ ဒါပေမယ့် အခု ထောက်ပြတာက ၀န်ကြီးတဦးကို သတင်းထောက် တဦးက အဘ အဘနဲ. ခေါ်ပြီး သတင်းရေးတာ သတင်းလုပ်တာ တွေ.ဆုံမေးမြန်းခန်းလုပ်တာဟာ News Media & Mass Communication တွေကနေ ပြန်ပြီး တွေ.မြင်ရတာ ကြားရတာ လုံးဝ မသင့်တော်ပါ။ ကိုယ်အလုပ်နဲ. ကိုယ့်ရဲ့ Profession ကို လေးစား တန်ဘိုးထားဖို. သတင်းသမားတွေမှာ လိုပါသည်။ ကိုယ့်အလုပ်ကိုယ် လုပ်တာ ဖြစ်လို. ၀န်ကြီးအလုပ်က သတင်းသမားအလုပ်ထက် မြင့်တယ် ဂုဏ်ရှိတယ်လို. မယူဆ သင့်ပါ။ ၀န်ကြီးလဲ ၀န်ကြီးအလုပ် လုပ်သလို ငါတို. သတင်းသမားတွေလဲ သတင်းသမားအလုပ်ကို လုပ်နေတာပဲလို. သတိရှိဖို. လိုပါသည်။ ဒါကြောင့် ဒေါ်အောင်ဆန်းစုကြည်တို. ဦးဝင်းတင်တို.နဲ. မေးမြန်းတဲ့အခါမှာလဲ အန်တီတို. အမေစုတို. ဆရာတို.ဆိုတာ သတင်းထောက်တဦးအနေဖြင့် အလုပ် လုပ်နေတဲ့အခါ သတင်းရေးတဲ့အခါ မသုံးစွဲသင့်ပါ။ သက်ဆိုင်ရာ ရာထူးနှင့် တာဝန်တွေကို ရည်ညွှန်း ခေါ်ဆို သုံးစွဲသင့်ပါသည်။ ဒါအပြင် သတင်းနားထောင်တဲ့ပရိတ်သတ်တွေ သတင်းဖတ်တဲ့ စာဖတ် ပရိသတ်တွေထဲမှာ အဲဒီသူတွေထက် ၀ါရင့်တဲ့သူ အသက်ကြီးသူတွေလဲ ရှိနေနိုင်ပါသည်။ သတင်းသမားတဦးအနေဖြင့် အလုပ်ပြီးတဲ့အခါ အလွတ်သဘော စကားပြောတဲ့အခါ ပုဂ္ဂိုလ်ရေးအရ မိမိ၏ ဆန္ဒသဘောထားအတိုင်း ကြိုက်သလို ခေါ်ဆိုနိုင်ပါသည်။ သို.သော် သတင်းထဲမှာတော့ Personal believe or personal Respect တွေ ထည့် မရေး ထည့်မသုံးသင့်ပါ။ Keep your personal believe, opinion and feel from you are doing or writing news as a journalist. Otherwise there is conflict of interest.

CBC, ABC, CBS, BBC, CNN စတဲ့ နိုင်ငံတကာ သတင်းဌာနတွေမှာ Media Language Usage Guide ဆိုတာ ရှိပြီး သတင်းအခန်း-News Room မှာ စနစ်တကျ လိုက်နာရမည့် အခေါ်အဝေါ် အသုံးအစွဲ စကားလုံး သတ်မှတ်ချက် စည်းကမ်းတွေ ရှိပါသည်။ Doctor-Dr ဆိုတဲ့ အခေါ်အဝေါ်ကို ဆရာဝန် medical Physician ကိုပဲ ခေါ်ဝေါ် သုံးစွဲတာ ဖြစ်ပြီး တခြား ပညာရေး ဆိုင်ရာနဲ. PhD ဘွဲ.ရတဲ့ ပညာရှင်တွေကို သတင်းတွေအတွက် CG- Character Generation လုပ်ပြီး Creditation ပေးတဲ့အခါ သက်ဆိုင်ရာ ရာထူး ဌာနကိုပဲ ရည်ညွှန်း ခေါ်ဝေါပါသည်။ ဒေါက်တာဆိုပြီး ရှေ.ကနေ တပ်ပြီး မခေါ်ပါဘူး။ ဒေါက်တာ ဆိုတဲ့ အခေါ်အဝေါ်ကို News Media & Mass Communication မှာ ကျန်းမာရေး ဆိုင်ရာ ဆရာဝန် Medical Doctor ကိုပဲ နာမည်တပ် ခေါ်ပါသည်။ တခြား သိပ္ဗံပညာရှင် တဦးဦးက အသစ်တွေရှိမှုတွေကြောင့် သတင်းကိုယ်တိုင်က Even News itself related or Relevant ဖြစ်တဲ့ သတင်းမျိုးမှာပဲ ဒေါက်တာဆိုတဲ့ အခေါ်အဝေါ် အသုံးအနှုန်းကို သတင်းမီဒီယာတွေကို သုံးလေ့ ရှိပါသည်။

ဒါကြောင့်လဲ အမေရိကန်နိုင်ငံခြားရေး ၀န်ကြီးဟောင်း Condoleezza Rice ဟာ PhD ဘွဲ.ရ ဒေါက်တာတဦးဖြစ်ပေမယ့် နိုင်ငံခြားရေးဝန်ကြီးကို Secretary of State Condoleezza Rice လို.ပဲ ခေါ်ဝေါ် သုံးစွဲတာကို သတိထားမိမယ် ဖြစ်ပါသည်။ ဘယ်သတင်းဌာနမှ အမေရိကန် နိုင်ငံရေးဝန်ကြီးဟောင်းကို ဒေါက်တာ Condoleezza Rice လို. သတင်းမီဒီယာတွေက ခေါ်ဝေါ် ပြောဆို သုံးစွဲတာ မရှိပါဘူး။ ဒါကြောင့် အမေကန်နိုင်ငံခြားရေး ၀န်ကြီး Condoleezza Rice ဟာ PhD ပါရဂူဘွဲ.ရ ဒေါက်တာတဦးဆိုတာ သာမန်လူတွေ အများစု သတိတောင် မထားမိပါဘူး။ အကြောင်းကတော့ News Media & Mass Communication တွေမှာ သူမနဲ. ပတ်သက်တဲ့ သတင်းတွေ ရေးတဲ့အခါ နိုင်ငံခြားရေးဝန်ကြီး၏ နာမည်ကိုပဲ သုံးစွဲ ရေးသားလေ့ ဖြစ်ပါသည်။ ဒါကြောင့် News Media, Public Broadcasting & Mass Communications တွေမှာ ဒေါက်တာ ဆိုတဲ့ အသုံးအနှုန်းကို အခု မြန်မာ သတင်းဌာနတွေ သုံးနေသလို ဖောဖောသီသီ မသုံးပါ။ ဒါဟာ အဓိပ္ဗါယ်ရှိသလို လိုအပ်ချက် စည်းကမ်းသတ်မှတ်ချက်တွေအရလဲ ဖြစ်ပါသည်။

ဒါကြောင့် မြန်မာ သတင်းဌာနတွေ သတင်းသမားတွေ သတင်းဖန်တီးသူတွေ လုပ်သူတွေလဲ Public Broadcasting, News Media & Mass Communication တွေမှာ ရေးပြ ပြောကြမယ်ဆိုရင် ကိုယ်အမူအရာနဲ. ခေါ်ဝေါ် သုံးစွဲတဲ့ စကားလုံး အသုံးအနှုန်းတွေကို သတိထားဖို. ဆင်ခြင်ဖို. အထူး လိုပါသေးသည်။

Udp Myanmar Faebook

Read More