ဓာတ်ပုံ-စုလှိုင်ထွန်း
နေပြည်တော်ကောင်စီနယ်မြေတွင် နေပြည်တော်စည်ပင်သာယာရေး ကော်မတီမှ မြန်မာမီနီဆလွန်းကားများဖြင့် မီတာတက္ကစီကို နိုဝင်ဘာ လတွင် စတင် ပြေးဆွဲလျက်ရှိသည်။
ငှားရမ်းစီးနင်းမည့် သူများမှာ ငှားရမ်းခ ကျပ် ၁,၀၀၀ နှင့် တစ်ကီလို မီတာလျှင် ကျပ် ၅၀၀ နှုန်းတို့ ဖြင့် ငှားနိုင်မည်ဖြစ်သည်။
အဆိုပါ မြန်မာမီနီဆလွန်း မီတာတက္ကစီငှားရမ်းခြင်းလုပ်ငန်းကို နေပြည်တော် စည်ပင်သာယာရေးကော်မတီမှ မတည်၍ လုပ်ငန်း လုပ်ကိုင်ခွင့်ကို မက်စ်မြန်မာကုမ္ပဏီက လုပ်ကိုင်သွားမည်ဟု နေပြည်တော်စည်ပင်သာယာ ရေးကော်မတီ၊ လုံခြုံရေးနှင့်စည်းကမ်း ထိန်းသိမ်းရေးဌာနမှ ဌာနမှူး ဦးသက်နှင်းဦးက ပြောသည်။
"ခရီးသည်တွေ လုံလုံခြုံခြုံသွားလာနိုင်ဖို့ စတင်ပြေးဆွဲပေးတာပါ။ ဈေးနှုန်း ကိုလည်း နောက်ပိုင်းမှာ ထပ်လျှော့ပေးဖို့ ရှိပါတယ်။ ခုက စမ်းသပ်ဆဲပါ။ အစီးရေလည်း ထပ်တိုးသွားပါမယ်"ဟု ၎င်းအရာရှိက ပြောသည်။
မီနီဆလွန်း မီတာတက္ကစီများကို စီးရေ ၁၀ စီးဖြင့် ပြေးဆွဲလုပ်ကိုင်နေပြီး နေပြည်တော် မြို့မဈေးတွင် ဂိတ်ထားရှိလျက်ရှိသည်။
စမ်းသပ်ကာလ နောက်ပိုင်းတွင် မီနီဆလွန်း ၃၀ အထိ တိုး၍ လုပ်ကိုင်မည်ဟု သိရသည်။
"ဒီလိုပြေးဆွဲပေးတာ နေပြည်တော်ကို ညပိုင်းမှာ ရောက်လာတဲ့ခရီးသည်တွေအတွက် ပိုကောင်းတာပေါ့။ စိတ်ချလက်ချ သွားလာ နိုင်ပါပြီ"ဟု မြို့နယ် အုပ်ချုပ်ရေးမှူးတစ်ဦးက ပြောသည်။
"ဒီဈေးနှုန်းနဲ့ဆို များသေးတာပေါ့။ ထပ်လျှော့ဖို့ရှိတယ်ဆိုလည်း လျှော့ပေးကြပါ။ ခရီးသည်တွေအတွက်ကလည်း လုံခြုံစိတ်ချဖို့ကော၊ ဈေးနှုန်းသက်သာဖို့လည်း လိုသေးတာပါပဲ"ဟု ခရီးသွားတစ်ဦးက ပြောသည်။
မက်စ်မြန်မာမှ နေပြည်တော် တက္ကစီ ငှားရမ်းခြင်းကို စီးရေ ၁၀ စီးခန့်ဖြင့် လုပ် ကိုင်လျက်ရှိပြီး ယခု မြန်မာမီနီဆလွန်း မီတာ တက္ကစီများဖြင့် တိုးချဲ့ပြေးဆွဲခြင်း ဖြစ်သည်။
နေပြည်တော် ကျောက်မျက် အရောင်းပွဲချိန်များတွင် ရန်ကုန်မှ တက္ကစီ စီးရေ ၁၀၀ ခန့် လာရောက်ပြေးဆွဲပေးလျက်ရှိသည်။ နေပြည်တော်တွင် ကိုယ်ပိုင်နံပါတ်နက်များဖြင့် ငှားရမ်းသုံးစွဲနိုင်သည့် ကားစီးလုံးငှားလုပ်ငန်းလုပ်ကိုင်သူ ၁၅ ဦးခန့် ရှိသည်။
"ကောင်းပါတယ်။ နေပြည်တော်မှာ က အမြဲတမ်းလုပ်ကိုင်မယ့် တက္ကစီတွေလည်း လိုနေပါသေးတယ်။ တချို့ရုံးတွေက နံပါတ်နီ တွေကို ၀င်ခွင့်မပေးတဲ့အတွက် နံပါတ်နက်တွေကလည်း လုပ်ကိုင်နေရဦးမှာပါပဲ။ နောက်တစ်ခုက အဝေးသွားနိုင်ဖို့ဆို စီးလုံး ငှားရမ်းတာတွေကသာ ပိုအဆင်ပြေမှာပါ"ဟု နေပြည်တော် ပျဉ်းမနားတွင် ကားစီးလုံး ငှားလုပ်ငန်း လုပ်ကိုင်လျက်ရှိသည့် 'လွင်' ကားငှားရမ်းရေးမှ ဦးအေးလွင်က ပြောသည်။
Monday, November 14, 2011
မီနီဆလွန်း မီတာတက္ကစီ စတင်ပြေးဆွဲ
နေပြည်တော်တွင် ပြေးဆွဲသွားမည့် မြန်မာမီနီဝက်ဂွန် အငှားယာဉ်တစ်စီး။
0 comments:
Post a Comment