မန္တလေးမြို့တွင်း လှည့်လည်ကာ ကွန်ပျူတာနှင့် မိုဘိုင်းဟန်းဆက်များကို လိုက်၍လိမ်ရောင်းချနေခြင်းမျိုး ရန်ကုန်မြို့သို့ စတင်ရောက်ရှိလာပြီဖြစ်ကြောင်း သတင်းရရှိသည်။ထိုကဲ့သို့ ကွန်ပျူတာလက်ပ်တော့နှင့် မိုဘိုင်းဟန်းဆက်ကဲ့သို့ နည်းပညာပစ္စည်းများကို အာရှနွယ်ဖွားနိုင်ငံခြားသားများက ရန်ကုန်မြို့တွင်းရှိ လမ်းသွားလမ်းလာများ၊ နေအိမ်များ
သို့ လှည့်လည်ကာ ၄င်းတို့တွင်ပါလာသည့် ပစ္စည်းများကို ပြန်လည်ရောင်းချခြင်းများဖြစ်ကြောင်း ကိုယ်တွေ့ကြုံသူအချို့က ပြောသည်။
““နိုင်ငံခြားသားတစ်ယောက် အိမ်ထဲဝင်လာတယ်။ ၀င်လာပြီးတော့ သူ့လက်ထဲမှာ ကိုင်လာတဲ့ပစ္စည်းတစ်ခုကို မိုဘိုင်း၊မိုဘိုင်းဆိုပြီးပြောတယ်။ ပြီးတော့ ကျပ်တစ်သိန်းခွဲပဲပေးပါ။ ပိုက်ဆံပြတ်သွားလို့ပါလို့ပြောတယ်။ ကျွန်တော်တို့ကတော့ကိုယ့်မှာလည်း မလိုအပ်တာနဲ့ မ၀ယ်လိုက်ပါဘူး”” ဟု ရန်ကုန်မြို့၊ ဒဂုံမြို့နယ် ယောမင်းကြီးလမ်း၌ နေထိုင်သူ ၃၅ နှစ်ဝန်းကျင်
အမျိုးသားတစ်ဦးကပြောသည်။ အဆိုပါအဖြစ်အပျက်သည် မန္တလေးမြို့တွင်ဦးစွာဖြစ်ပွားခဲ့ခြင်းဖြစ်ပြီး ထိုကဲ့သို့ နိုင်ငံခြားသားများထံမှ အမှန်တကယ်လိမ်လည်ခံ လိုက်ရသူများလည်း ရှိနေကြောင်း မန္တလေးမြို့ခံများထံမှစုံစမ်းသိရှိရသည်။
ရန်ကုန်မြို့တွင်လည်း နေအိမ်များတွင်းသို့ဝင်ရောက်ကာ ထိုကဲ့သို့ပြုလုပ်နေကြခြင်းအပြင် လမ်းသွားလမ်းလာများကိုပါ လိုက်လံရောင်းချမှုများပြုလုပ်နေခြင်းဖြစ်ပြီး ယခုရက်ပိုင်း
အတွင်း ထိုကဲ့သို့သော ပုံစံတူများကို ပိုမိုတွေ့မြင်လာကြကြောင်းသိရသည်။
““ကျွန်တော်က အလံပြဘုရားလမ်းပေါ်မှာ အလုပ်ကိုသွားနေတာ။ အဲ့ဒီအချိန် နိုင်ငံခြား သားလို့ထင်ရတဲ့သူတစ်ယောက်က သူ့လက်ထဲကပစ္စည်းတစ်ခုကိုလာပြတယ်။ ဟန်းဆက်ဖြစ်
နေတယ်။ သူက ရောင်းဖို့ပြောလာတာနဲ့ ကျွန်တော်ကလည်းမန္တလေးမှာ ဒီလိုအဖြစ်တွေဖြစ်နေတာကိုသိတော့ မ၀ယ်ဘူးဆိုပြီး အပြတ်ပြောလိုက်တယ်””ဟု အသက် ၂၇နှစ်အရွယ် ကုမ္ပဏီ
ဝန်ထမ်း အမျိုးသားတစ်ဦးကပြောသည်။ ထိုသူများသည်၎င်းတို့ရောင်းချသည့် ကွန်ပျူတာ(သို့မဟုတ်)မိုဘိုင်းပစ္စည်းများကိုအဆင့်မြင့်ဆုံး နောက်ဆုံးပေါ်နည်းပညာမြင့်ပစ္စည်းများ ဟုပြောဆိုကာ ရောင်းချကြသော်လည်း အမှန်တကယ်တွင်မူ ထိုပစ္စည်းများသည် အရည်အသွေးနိမ့်ပါးပြီး ဈေးနှုန်းပေါလွန်းသည့် ပစ္စည်းများသာဖြစ်ကြောင်း ကွန်ပျူတာနှင့် ဆက်စပ်ပစ္စည်း အရောင်းဆိုင်များ၊ မိုဘိုင်းဖုန်း ၀န်ဆောင်မှုဆိုင်များတို့မှစုံစမ်းသိရှိရသည်။
ထိုကဲ့သို့ မိမိနှင့်မသိကျွမ်းသူများက နည်းပညာဆိုင်ရာ ပစ္စည်းအပါအ၀င် အခြားသောပစ္စည်းများကို လာရောက်ရောင်းချခြင်းများပြုလုပ်လာပါက နိုင်ငံခြားသားပင်ဖြစ်စေ
ကာမူ မ၀ယ်ယူသင့်ကြောင်း ရန်ကုန်မြို့တွင်း ဖွင့်လှစ်ထား သည့် ကွန်ပျူတာနှင့် မိုဘိုင်းအရောင်းဆိုင်များက တာဝန်ရှိသူ များက အကြံပြုပြောကြားသည်။
0 comments:
Post a Comment