(ကဗျာရှင် နေရဲနီ)
၈၈ အရေးတော်ပုံပြီးတဲ့ နောက်ပိုင်းမှာ
ချောက်ထဲကျလုဆဲဆဲ တိုင်းပြည်ကို
အာဏာသိမ်းခဲ့တဲ့ စစ်အစိုးရဟာ
ငရဲရောက်အောင် တွန်းပို့ခဲ့တယ်။
အချိန်ကျရင်
စစ်သားဆိုတာ စစ်တန်းလျားကို ပြန်ပါ့မယ်လို့
ခေါင်းဆောင်လုပ်သူက တဖွဖွပြောခဲ့ပေမဲ့
မပြန်ချင်တဲ့ နောက်လိုက်တွေက
(၉၂) မှာ ခေါင်းဆောင်လုပ်သူကို ဖယ်ရှားခဲ့ပြီး
ဝေသာလီပြည်ကို ဘီလူးစီးသလို အုပ်ချုပ်တော့တာပါဘဲ။
အဲဒီအချိန်ကစပြီး
မြန်မာပြည်လည်း သင်းသတ် ခံရတော့တာပါဘဲ။
ကောသလ အိပ်မက်ထဲမှာ
အနားကြည်ပြီး အလယ်နောက်တဲ့ ရေကန်ဆိုတာပါတယ်။
ဒါပေမဲ့ ကျုပ်တို့ တိုင်းပြည်ကတော့
တကန်လုံး နောက်ကျိနေတဲ့ ရေကန်နဲ့တူခဲ့တယ်။
လယ်သမားတွေ အဖိနှိပ်ခံနေကြရပြီး
အလုပ်သမားတွေက အလုပ်လက်မဲ့ဖြစ်နေကြတယ်။
ဒါပေမဲ့ ပေါ်တာကြေး၊ ကင်းကြေးဆိုတာတော့ မှန်မှန်ပေးနေကြရတယ်။
အိမ်ကသားသမီး ထမင်းမ၀တာထက်
လုပ်အားပေးဆိုတာက ပိုလို့အရေးကြီးတယ်
ရပ်ရွာဥက္ကဌ မျက်မုန်းကြိုးရင်
အာဏာဖီဆန်မှုနဲ့ တဆက်တည်း
နယ်စပ်အထိ ပေါ်တာအဖြစ် ရောက်သွားနိုင်တယ်။
ဒီလိုနဲ့ လူတွေရဲ့ဘ၀ဟာ
ကျီးလန့်စာစားနဲ့ ရပ်တည်နေကြရပြီး
မရှိတာနဲ့ နေသားကျနေတော့တယ်။
ကမ္ဘာ့အလယ်မှာ မျက်နှာပျက်နေရတဲ့ ခေါင်းဆောင်လုပ်သူတွေဟာ
နိုင်ငံတကာရဲ့ တံတွေးခွက်က ရုန်းထွက်ကူးနိုင်ဘို့အတွက်
နိုင်ငံတကာက မျက်မုန်းကြိုးနေတဲ့
တရုပ်ငပွကြီးကို ရှေ့ကနေ မားမားမတ်မတ် ရပ်နိုင်ဘို့အတွက်
ခြေသလုံး ဖက်ခဲ့ရတယ်။
ဒီနေရာမှာတော့
အတောင်ကျိုးနေတဲ့ ဇရက်ဟာ
ခံတွင်းပျက်နေတဲ့ ကြောင်ရှေ့ကို
ဖုတ်ကနဲ ပြုတ်ကျသလိုပါဘဲ။
ရေနစ်နေတဲ့ သတ္တ၀ါကို
ချောင်းထဲက မိကျောင်းက ပါစပ်ဖြဲပြီး ၀မ်းသာအားရ ကြိုဆိုသလိုမျိုး
ပထ၀ီအနေထားနဲ့ သယံဇာတ ပေါကြွယ်လှတဲ့ မြန်မာပြည်ဟာ
တံခါးတွေကို ဖွင့်လိုက်ပါ
လေကောင်းလေသန့်တွေ ၀င်လာမယ်
ဒါပေမဲ့ ယင်ကောင်တွေ တစ်ကောင်နှစ်ကောင် လောက်တော့ပါမှာပေါ့ဆိုတဲ့
တရုပ်ပြည်အတွက်ကတော့
ခွေးဘုရားပွဲ တွေ့နေသလိုမျိုးပါဘဲ။
အရှက်မရှိတဲ့ မြန်မာအတွက်
ကမ္ဘာကို မျက်နှာပြောင်တိုက်ဝံ့တဲ့ တရုပ်ဟာ
နောက်ကွယ်ကနေ မြန်မာ့သယံဇာတတွေကို
အချောင် နှိုက်တော့တာပါဘဲ။
ရေနံသဘာဝဓာတ်ငွေ့ ရွှေငွေသတ္တုရိုင်း ကျောက်စိမ်းပတ္တမြား
အစရှိတဲ့ မြေအောက်မှ ထွက်သမျှ အရာအားလုံး
ဖွတ်၊ ပဒက်၊ လိပ်၊ ဖားတောက်တဲ့၊ ပုရစ်ငါးပုစွန် ငါးရှဥ့်
အစရှိသော ကုန်းနေ၊ ရေနေသတ္တ၀ါအားလုံး လူပါမကျန်
သစ်တော သစ်ပင်ဟူသမျှ အငုတ်ပါမကျန်
မြစ်ချောင်းဟူသမျှက ရရှိလာတဲ့ လျှပ်စစ်ဓာတ်အားလုံး
တရုပ်ပြည်သို့ အားလုံး အားလုံး
အလုံးအရင်းနှင့် တင်ပို့လေ၏။
ယောက်မသည် ဟင်း၏အရသာကို မသိ
ပင်လယ်ကို မမြင်ဘူးသော ဖားသည်
ကန်တွင်းမှ ရေကိုများသည်ဟုထင်၏။
မြန်မာပြည်မှ ဈေးပေါပေါနှင့် ၀ယ်ခဲ့သော ကျောက်သည်
တရုပ်ပြည်သို့ ရောက်သောအခါ
ဒေါ်လာသန်းချီတန်၍ ကမ္ဘာ့တန်းဝင်ဖြစ်ခဲ့သည်။
မြန်မာပြည်က အမှိုက်လို့ထင်ရတဲ့အရာ
တရုပ်ပြည်မှာ ရွှေဖြစ်ခဲ့တယ်။
မြို့ပြနဲ့ စီးပွားရေး အချက်အချာကျရာ ဒေသတွေမှာ
တရုပ်တွေဘဲ နေရာယူ လာလိုက်တာ
မြန်မာစစ်စစ်က စကားပြောရင်တောင် တရုပ်လေသံဝဲလေ၏။
ဒီလိုနဲ့ တစတစ မြွေမြိုသလိုမျိုး ၀ါးမြိုလာလိုက်တာ
တရုပ်လက်ကျန် အရိုးအရင်းကိုက်ရတဲ့
အုပ်ချုပ်သူ လူတန်းစားနဲ့ သူ့အသိုင်းအ၀ိုင်းကတော့
အေးချမ်းသာယာပြီး ဖွံ့ဖြိုးနေပေမယ့်
ပြည်သူတွေ ဘ၀မှာတော့ အငတ်တောမှာ တ၀ဲလည်လည်နဲ့
မွေးလာတဲ့ကလေး သမီးမိန်းကလေး မဖြစ်ပါစေနဲ့လို့ဘဲ
ဆုတောင်း နေကြရတော့တယ်။
တရုပ်ကလာတဲ့ စက်ပစ္စည်းတွေကိုလည်း ကြည့်ဦးမလား
ပျက်လွယ်ပြင်လွယ် ပစ်လွယ်ဘဲ။
တရုပ်နီလို့ခေါ်တဲ့ တလုံးထိုး အင်ဂျင်ဆိုတာ
အသစ်မှာတော့ အရောင်တ၀င်းဝင်းနဲ့
လုံးကြီးပေါက်လှ တရုပ်မ အပျိုစင်လိုပါဘဲ
လင်ရလို့ ကလေးတစ်ယောက် မွေးပြီးရင်တော့
အသားတွေကျပြီး အရိုးတွေက ငေါထွက်လာမယ်။
နဂိုဖြူတဲ့ အသားဟာ အင်္ကျီအဖြူကို ဖားဥစွဲသလို
ညစ်ထေးထေး ဖြစ်လာပြီး ရှုပ်ပွနေတဲ့ ဆံပင်တွေက
လင်ဖြစ်သူကို စိတ်ပျက်စေသလိုမျိုး
တရုပ်အင်ဂျင်သည်လည်း
အစမှာတော့ ရုပ်ပြကောင်းပြီးသိပ်မကြာပါဘူး
မီးခိုးက မှောင်ထွက်လာတယ်
ဘယ်ကထွက်မှန်း မသိရလောက်အောင် စက်ဆီတွေကရွှဲလို့
ဖြုတ်ပြင်တပ် သံသရာမှာ လည်နေပြိး
နောက်ဆုံးမှာတော့
စက်အပို ပစ္စည်းရောင်းတဲ့ တရုပ်နဲ့
သံတိုသံစ၀ယ်တဲ့ ကုလားတို့ ကြီးပွားသွားတာပါဘဲ။
အသုံးပြုမိတဲ့ လယ်သမားတွေမှာတော့
အကြွေးနွံမှာ ရုန်းမထက်နိုင်တဲ့ အပြင်
နစ်သထက် နစ်တော့တာပါဘဲ။
စောင်းတီးသံကို ကျွဲနားမလည်
နွားကို တရားဟော၍မရ
သို့သော်ကျောသပ်ခိုင်းလျှင် တရုပ်နဲ့မြန်မာ ရန်ဖြစ်သည်ကိုပင်
မြန်မာကို လက်ထိပ်ခတ်ပြီး တရုပ်ကို လည်ပင်းဖက်ခေါ်သွား၏။
အိမ်ရှေ့မှာ သူတောင်းစား လာရပ်ခဲ့သော်
ရှိတာပေးလျှင်သာဓုခေါ်၍ ထွက်သွား၏။
ဆယ်အိမ်ခေါင်းအစ ရာအိမ်မှူးအလယ် ဥက္ကဌအဆုံး
စစ်သားနှင့်ရဲ ကြံ့ခိုင်ရေး လူကြီးအပါအ၀င်
တစ်ယောက်ယောက်များ အိမ်ရှေ့ လာရပ်ခဲ့သော်
အိမ်ရှင်မှာ ရင်ထိတ်၍
မယားမှာ စိတ်ပူရ၏။
အိမ်သူအိမ်သား လူအများလည်း
ပူပင်သောက ရောက်ကြရ၏။
မြန်မာဘုရင်များ အုပ်ချုပ်စဉ်ကာလ
အင်္ဂလိပ်က မြန်မာပြည်ကိုလာပြီး ကျွန်ပြု အုပ်ချုပ်ခဲ့သည်။
မြန်မာစစ်တပ် မြန်မာပြည်ကို အုပ်ချုပ်သောအခါ
မြန်မာပြည်သူပြည်သားများ
တိုင်းတပါးထွက်ပြီး ကျွန်ခံကြရသည်။
မြန်မာအမျိုးသမီးတွေ ပြည်တွင်းမှာရောပြည်ပမှာပါ
အရွယ်မရောက်ခင်ရော အရွယ်ရောက်ပြီးသူရော
ရေတိမ်နစ်ကြရသည်။
မြန်မာမြန်မာချင်း ရောင်းစားခံနေကြရပြီး
တရုပ်ကို လင်လုပ်နေရတဲ့ မြန်မာအမျိုးကောင်းသမီးတွေ
ကလေးလည်းမွေး တရုပ်တမိသားစုလုံးကိုလည်း
လုပ်ကျွေးနေကြရသည်မှာ တရုပ်ပြည်၌ ဒုနဲ့ဒေး။
တရုပ်ပြည်က ကျေးဇူးသိစွာ ပေးဆပ်လာတဲ့
အပေါစားဆေးတွေ အရည်အသွေးမမှီတဲ့
တံတားတွေနဲ့ သုံးမရတဲ့ စက်ပစ္စည်းတွေအတွက်
ကျော်ဟိန်းကြီး လေသံနဲ့ ကျေးဇူး P . R . C
ဆိုတဲ့ဆောင်းပါးကိုတောင် တခါက ဖတ်ခဲ့ဘူးသေးတယ်။
ဘယ်လောက်ကြီးတဲ့ သစ်ပင်ဖြစ်ပါစေ
ပင်စည်ရင်း ပတ်ပတ်ကို လက်နှစ်လုံးလောက် အခွံကိုခွာပြီး
ဓားနဲ့အသာ ထစ်ရုံထစ်လိုက်ပါက
တဖြေးဖြေးနဲ့ အရွက်ကြွေ ခြောက်သွေ့ပြီး သေသွားပေမည်။
ဤသည်ကို သင်းသတ်သည် ဟုခေါ်သည်။
တရုပ်နှင့် ပေါင်းမိသည့် နေ့မှစ၍
မြန်မာပြည်သည်လည်း
သင်းသတ်ခံရ လေတော့သည်။
မှတ်ချက်
လူမျိုးရေးအရ တရုပ်လူမျိုးကို မုန်း၍မဟုတ်ပါ။ ပညာမဲ့၍ အသိဥာဏ်နည်းပြီး တကိုယ်ကောင်းဆန်၍ အာဏာမက်သော မြန်မာစစ်ခေါင်းဆောင်များနှင့် အောက်တန်းကျသော တရုပ်ပြည်၏ လုပ်ရပ်နှင့် စိတ်ဓာတ်ကို ရွံမုန်းသောကြောင့် ဤကဗျာကို ရေးပါသည်။
နေရဲနီ
