ငြိမ်းချမ်းရေး ခ၇ီးအဖြစ် ခရီးရှည် လမ်းလျောက်ချီတက်သူများ သည် ယနေ့ညတွင် ကျွဲပွဲ မြို့တွင် အနားယူတည်းခိုနေ

ငြိမ်းချမ်းရေး ခ၇ီးအဖြစ် ခရီးရှည် လမ်းလျောက်ချီတက်သူများ သည် ယနေ့ညတွင် ကျွဲပွဲ မြို့တွင် အနားယူတည်းခိုနေပါသည်။ ယနေ့ ထူးခြားသည့် ဖြစ်စဉ် တခုအဖြစ် တောင်ငူမြို့တွင်း ရပ်ကွက်နေရာ အနှံ့အပြားတွင် အုပ်ချုပ်ရေး အဖွဲ့များက အသံချဲ့စက်များဖြင့် လှည့်လည်ကာ စီတန်းလမ်းလျောက်မှု မပြုလုပ်ရန်နှင့် ၊ ကြိုဆိုခြင်း ဧည့်ခံခြင်း များ မပြုလုပ်ရန်။ ည မထွက်ရန် သဘောမျိုးပါသည့် တားမြစ်ချုပ်ချယ် အမိန့်များကို အော်ဟစ် ဖတ်ကြားနေကြောင်း သိရှိရပါသည်။ မနက်ဖြန် မနက်တွင် အသေးစိတ် သိရှိမည်ဖြစ်ပြီး တောင်ငူမြို့ကို မနက်ဖြန်တွင် ဖြတ်သန်းမည်ဖြစ်ပါသည်။ အုပ်ချုပ်ရေး အဖွဲ့ များက ငြိမ်းချမ်းရေးတောင်းဆိုသည့် ငြိမ်းချမ်းစွာ လမ်းလျောက်သူများကို နှောက်ယှက် ဟန့်တားမှုများ ပြုလုပ်လာမည်ဆိုပါက မြို့ခံ များနှင့် အုပ်ချုပ်ရေး အဖွဲ့များ အကြား မလိုလားအပ်သော ပြသနာများ ဖြစ်ပွားလာနိုင်သည်ကို မိမိတို့ ငြိမ်းချမ်းရေး အဖွဲ့များက စိုးရိမ်မိပါသည်။ ထို့ကြောင့် သက်ဆိုင်သော ဒေသ အုပ်ချုပ်ရေး အဖွဲ့များ အနေဖြင့် ငြိမ်းချမ်းစွာ လမ်းလျောက်နေသော လူငယ်ထုကို မည်သည့် နှောက်ယှက် ဟန့်တားမှုမှ မပြုလုပ်ပါရန် မိမိတို့က ပန်ကြားလိုက်ပါကြောင်း။ ငြိမ်းချမ်းစွာ ဆူပူမှု မဖြစ်ပေါ်စေပဲ၊ စနစ်ကျသော လမ်းလျောက်ချီတက်မှုဖြင့် ရည်မှန်းချက်ဖြစ်သော ကချင်ဒေသဆီ သွားရောက်မည့ မိမိတို့ ကိုယ့်အသိစိတ်ဓါတ်ဖြင့် ကိုယ် တာဝန်ယူ ဖြတ်သန်းနေချိန်တွင် အုပ်ချုပ်ရေး အဖွဲ့မှ မလိုလားအပ်သော ကန့်သတ် ပိတ်ဆို့ တားမြစ်မှုများဖြစ်ပေါ်လာပါက ငြိမ်းချမ်းရေးကို ဖျက်ဆီးသူများ အဖြစ်သာ သမိုင်း တွင် ကျန်ရစ်မည်ဖြစ်ပါကြောင်း။ Nay Myo Zin

Posted in: သတင်း