ကိုဂျင်မီဦးဆောင်သော ၈၈မျိုးဆက်ကျောင်းသားများ အဖွဲ့သည် စက်တင်ဘာလ၊(၂၀)ရက် နံနက်(၇း၂၅)နာရီက ရန်ကုန်မြို့မှထွက်ခွာ၍ ဧရာဝတီတိုင်းဒေသကြီးပုသိမ်မြို့သို့သွားရောက်ကာ ရေဘေးသင့်ဒုက္ခသည်များအား ဆန်၊ အချိုရည်၊ အ၀တ်အထည်မျိုးစုံ၊ ဆေးဝါး၊ ဆပ်ပြာ၊ ကလေးဝတ်ဘောင်းဘီများကိုသွားရောက်လှူဒါန်းခဲ့ကြသည်။
အဆိုပါခရီးစဉ်တွင် ကိုဂျင်မီနှင့်အတူ ကိုဗသက်အောင်၊ ကိုကိုကြီး(စမ်းချောင်း)၊ မနီလာသိန်း၊ ကိုအောင်ကျော်(ဗ.က.သ)၊ ကိုထက်အောင်နှင့် ကိုကျော်ဇော(၈၈ သတင်းနှင့်ပြန်ကြားရေး) တို့သည်လည်းလိုက်ပါသွားခဲ့ကြသည်။
၈၈မျိုးဆက်ကျောင်းသားများအဖွဲ့သည် နံနက်(၉း၃၀)နာရီတွင် ရန်ကုန်-ပုသိမ် ကားလမ်းရှိ ပန်းတနော်-ဓနုဖြူ-ညောင်တုန်းသုံးမြို့နယ်(သုံးပွင့်ဆိုင်)သို့ရောက်ရှိကာ ကျေးရွာပေါင်း(၁၆)ရွာမှအိမ်ထောင်စုပေါင်း(၁၄၉၆)စုဖြစ်ကြသော ရေဘေးသင့် ဒုက္ခသည်များအား တွေ့ဆုံအားပေး၍ ဆန်အိတ်(၃၀၀)၊ အချိုရည်၊ အ၀တ်အထည်၊ ဆေးဝါး၊ ဆပ်ပြာနှင့်ကလေးဝတ်ဘောင်းဘီများကို လှူဒါန်းပေးအပ်ခဲ့သည်။
ကိုဂျင်မီဦးဆောင်သော ၈၈မျိုးဆက်ကျောင်းသားများ အဖွဲ့သည် ရန်ကုန်-ပုသိမ်ကားလမ်းရှိ ပန်းတနော်(အင်းမ)သို့နံနက်(၁၀း၁၅)နာရီတွင် ရောက်ရှိ၍ ပန်းတနော်မြို့နယ်၊ အင်းတကော်ကျေးရွာအုပ်စု၊ ကန်ကျောင်းကြီးကျောင်းတိုက်တွင် လူလုပ်ရေဘေးအကျဉ်းသားများ ကူညီစောင့်ရှောက်ရေးကွန်ယက် ကပြုလုပ်သည့် ဟောပြောပွဲသို့တက်ရောက်ခဲ့ကြသည်။ အဆိုပါဟောပြောပွဲ၌၈၈မျိုးဆက်ကျောင်းသားခေါင်းဆောင် တစ်ဦးဖြစ်သောကိုဂျင်မီကဒုက္ခရောက်ရှိနေသော တောင်သူလယ်သမားများကို အားပေးစကားပြောကြားခဲ့သည်။
0 comments:
Post a Comment