စာဖတ်နေသူပေါင်း

We can check your plugins and stuff
ဆုံနေကြ မှ လာရောက်ကြသော မိတ်ဆွေများကို အထူးကျေးဇူးတင်ရှိပါသည်..
We can check your plugins and stuff လူထုနဲ့ တိုင်းပြည်သာကောင်းစားအောင်လုပ်ပေး ဘယ်သူပဲ ဖြစ်ဖြစ် ဘယ်ပါတီပဲဖြစ်ဖြစ် ထောက်ခံတယ်

Sunday, February 10, 2013

အစ်ကိုတို့သိစေဖို့ရာ အိတ်ဖွင့်ပေးစာ

ကိုဇာဂနာနဲ့ ကိုမင်းကိုနိုင်ဆိုတာ ကျွန်မတို့ချစ်ရတဲ့ပုဂ္ဂိလ်နှစ်ဦးပါ။ပုဂ္ဂိုလ် ရေးခင်မင်မှုမရှိပေမဲ့ ၁၉၈၈ ရဲ့ ရန်ကုန် တက္ကသိုလ်ဟောပြောပွဲတွေမှာ ထမင်း ထုပ်တွေဝေရင်း၊ တတ်နိုင်သလောက် လုပ်အားပေးရင်းလက်ခုတ်တီးခဲ့တဲ့ ကျောင်းသူပါ။

ကိုဇာဂနာရဲ့ ၁၉၉၀ လောက်ကပွဲတွေဆိုရင်လည်းလိုက်ပြီး အားပေးခဲ့တာ။ ပဲခူးပွဲဟာဘယ်လောက် အောင်မြင်လိုက်သလဲဆို မြို့လုံးကျွတ် နီးပါးလာပြီးအားပေးလို့ပွဲမိန့်တောင် ပိတ်ခံလိုက်ရတာမှတ်မိနေပါတယ်။

အမှတ်တရဓာတ်ပုံလေးတွေလည်း သိမ်းထားပါတယ်။ အခုချိန်မှာတော့ တရားဝင်ဟောပြောခွင့်တွေရလာလို့ စာပေပရိတ်သတ်အနေနဲ့ အတူတက် လိုက်ပြီး နားထောင်ဖြစ်ခဲ့ပါတယ်။ အစ်ကိုတို့မသိနိုင်လောက်ဘူးထင် တဲ့ စာပေဟောပြောပွဲနဲ့ ပတ်သတ်ပြီး ပြဿနာလေးတစ်ရပ်ကို အစ်ကို တို့သိအောင်ပြောပြချင်နေမိတာ ထိန်းမ နိုင်သိမ်းမရမို့လို့ Hot News မှတစ်ဆင့် ရေးလိုက်မိတာပါ။ (ဂျာနယ်ဖတ်မှ သူတွေသိရင်လည်း အကျိုးရှိမယ့် ကိစ္စမို့လို့ပါ)

 ပြဿနာရဲ့အကြောင်း ရဲ့ခေါင်းစဉ်ကတော့စာပေဟောပြော ပွဲကိုအကြောင်းပြုပြီး ရပ်ကွက်ထဲ မြို့နယ်ထဲမှာ ထောင်းလမောင်းထအောင် အလှူတွေကောက်ခံနေတဲ့ ကိစ္စပါပဲ။ 

အစ်ကိုတို့(၂)ယောက်နဲ့ ပုဂ္ဂိုလ်ရေးခင်မင် သူတစ်ယောက်ကဦးဆောင်ပါတယ်။ ဒီလူကအရင်ကတော့ ကျမတို့ပါတီအဖွဲ့ အစည်းမှာ မြို့နယ်ဦးဆောင်သူပါ။ (အခု တော့မဟုတ်တော့ပါဘူး) သူက အစ်ကို တို့နှစ်ယောက်ရဲ့ နာမည်ကိုအမြှုပ် ထွက်အောင်သုံးပြီး အလှုခံနေတာပါ။ ခံတာမှရိုးရိုးခံတာမဟုတ်ဘူး။ ကျွန်မ တို့မြို့နယ်ပါတီအမည်ပါတဲ့ ဖြတ်ပိုင်းတွေ နဲ့ခံနေတာပါ။ ကျွန်မတို့ပါတီဟာ လူထု လေးစား ချစ်ခင်မှု အရရှိဆုံးပါတီကြီးပါ။ ကျွန်မက ဒီပါတီရဲ့မြို့နယ်အဆင့် တာဝန် ခံတစ်ယောက်ပါ။ ကျွန်မတို့ မြို့နယ်ပါတီ ရုံးကဘာမှမသိရပါဘဲနဲ့ ကျွန်မတို့ မြို့နယ်ပါတီခေါင်းစည်းပါတီရဲ့ လိုဂို အမှတ်တံဆိပ် ဖြတ်ပိုင်းကိုသုံးပြီး မြို့နယ်ထဲမှာ စာပေဟောပြောပွဲအတွက် အလှူငွေတွေကောက်နေတာ တချို့ဆို သိန်းဂဏန်းထိထည့်ကြပါတယ်။

ဒါဟာ လိမ်လည်မှု(၄၂၀)ပါပဲ။ သက်သေ အထောက်အထားဖြတ်ပိုင်းတွေရှိပါ တယ်။ ဒါပေမဲ့ ပါတီကြီးရဲ့ နာမည်နဲ့ ဂုဏ်သိက္ခာကို ထောက်ထားပြီးအထက် အဖွဲ့အစည်းအဆင့်ဆင့်ကို ဒီလိုစာပေ ဟောပြောပွဲပြုလုပ်ခြင်း၊ ငွေကောက်ခံ ခြင်းကိစ္စအရပ်ရပ်ကို ကျွန်မတို့မြို့နယ် ပါတီရုံးက ပြုလုပ်ခြင်းမဟုတ်ကြောင်း ဖြစ်လာတဲ့ ပြဿနာအရပ်ရပ်ကိုလည်း တာဝန်မယူပါကြောင်းအကြောင်းကြား စာလောက်ပဲပို့ခဲ့ပါတယ်။ ဟုတ်တယ် လေပြည်သူတွေခမျာ စားဝတ်နေရေး ခက်ခဲရတဲ့ကြားထဲက သူတို့ချစ်တဲ့ပါတီက ဦးဆောင်ပြုလုပ်တယ်ဆိုတော့ သူတို့ချစ် တဲ့ ဆရာတွေဟောပြောမယ်ပွဲမှာမရှိ ရှိတာ လေးတွေတော့ လှူကြတာပေါ့။

 ဒါတွေကို အစ်ကိုနှစ်ယောက် သိမှမဟုတ်လို့ ကျွန်မ တော်တော်လေးစိတ်မကောင်းဖြစ်ရ ပါတယ်။ စာပေဟောပြောပွဲတွေခေတ်စားလာ တာ ကျွန်မတို့အားပေးတယ်။ စာပေဟောပြောပွဲတွေရဲ့ နောက်ကွယ် မှာလည်းလုပ်စားနေတဲ့ လူမျိုးတွေရှိနေ ပါတယ်ဆိုတာ စိတ်ရင်းအမှန်နှင့် အိတ် ဖွင့်စာရေးလိုက်ရပါတယ်။

ဇာခြည်ဝေနှင်း 

ACM Re-post Time: 2013 Feb 10 2:01 

News from: The Hot News

0 comments: