မန္တလေး ဈေးချိုသို့ ၈၈မျိုးဆက် ကျောင်းသားများ ရောက်ရှိလာစဉ်။
မန္တလေး ဈေးချိုမှ ဈေးသူ ဈေးသားများကို နှုတ်ဆက်နေသော ၈၈မျိုးဆက် ကျောင်းသားများ။
ဈေးချို ဈေးအကျိုးတော်ဆောင်အဖွဲ့ ရူံးခန်းအတွင်းမှ တစ်ဈေးလံးရှိ ဈေးသူ ဈေးသားများကို ကျေးဇူးတင်စကား ပြောကြားနေသော ကိုမင်းကိုနိုင်။
၈၈ မျိုးဆက် ကျောင်းသားများအဖွဲ့ ဈေးချိုမှ ပြန်လည် ထွက်ခွာလာစဉ်။
- ကိုမင်းကိုနိုင် (မန္တလေး ဈေးချို သို့ ရောက်ရှိစဉ် ပြောကြားခဲ့သော
ကျေးဇူးတင်စကားမှ ကောက်နုတ်ချက်)
ဈေးချိုသူ ဈေးချိုသားများ ခင်ဗျာ၊ ကျွန်တော်တို့ ရန်ကုန်မြို့ကနေ ရောက်ရှိလာတဲ့ ၈၈မျိုးဆက် ကျောင်းသူ ကျောင်းသားများ ဖြစ်ပါတယ်။ ကျွန်တော်တို့ရဲ့ မန္တလေးခရီးစဉ်မှာ ဈေးချိုဟာ မဖြစ်မနေ ၀င်ကို ၀င်ရမယ့် ခရီးတစ်ခုဖြစ်ပါတယ်။ ဈေးချိုကို ကျွန်တော်တို့ ၀င်ရတဲ့ အကြောင်းက ဈေးချိုရဲ့ အင်မတန် ကြီးမားလှတဲ့ အစဉ်အလာ ဂုဏ်ရောင်ကို ဦးညွတ်ချင်လို့ ၀င်လာတာပါ။ ကိုလိုနီခေတ် နယ်ချဲ့ ဆန့်ကျင်ရေး ခေတ်ကတည်းက အာဇာနည် ၁၇ဦး အသက်ပေးခဲ့ရတဲ့ မန္တလေးမြို့က ဂုဏ်ရောင်ပြောင်တဲ့ တိုက်ပွဲတွေမှာ ဈေးချိုသူ ဈေးချိုသားတွေ ဘယ်လောက်ကူညီ ပံ့ပိုးခဲ့တယ်ဆိုတာ ကျွန်တော်တို့ မကြုံခဲ့ပေမယ့် သမိုင်းမှာ အထင်အရှား ရှိပါတယ်။ ခေတ်အဆက်ဆက်မှာလည်း ဒီမိုကရေစီရေး လှုပ်ရှားမှုတွေမှာ ဈေးချိုသူ ဈေးချိုသားတွေ အားပေးရုံမက ကိုယ်တိုင်ကိုယ်ကျ ၀င်ရောက်ဆင်နွှဲခဲ့လို့ မန္တလေးမြို့ရဲ့ သမိုင်းကို ပြောမယ်ဆိုရင် ဈေးချိုရဲ့ သမိုင်းဟာ ချန်ထားလို့ မရအောင် အမျိုးသားရေး လှုပ်ရှားမှုတွေမှာ အစဉ်အလာ ကြီးခဲ့တာကို ကျွန်တော်တို့ သိပါတယ်။
ရှေ့ဆက်ပြီးတော့ လူ့အဖွဲ့အစည်းကို ပွင့်လင်းတဲ့ လူ့အဖွဲ့အစည်းဖြစ်အောင် ကျွန်တော်တို့ ကြိုးစားနေပါတယ်။ ပွင့်လင်းတဲ့ လူ့အဖွဲ့အစည်းဆိုတာ ကျန်ခဲ့တဲ့ ခေတ်ကလို ပိတ်ဆို့ခံထားရတဲ့ လူ့အဖွဲ့အစည်း မဟုတ်တာမျိုးကို ပြောချင်တာပါ။ ပိတ်ဆို့ခံထားရတဲ့ လူ့အဖွဲ့အစည်းက ဘာလဲဆိုတော့ ၂၆နှစ် ကြာသွားတဲ့အခါမှာ ကမ္ဘာမှာ အဆင်းရဲဆုံး ဖွံ့ဖြိုးမှုအနည်းဆုံး တိုင်းပြည် အဖြစ် ဒေ၀ါလီခံလိုက်ရတဲ့ စနစ်မျိုးကို ပြောတာပါ။ အဲတာဟာ ပိတ်ဆို့ထားတဲ့ လူ့အဖွဲ့အစည်းပါ။ ကျွန်တော်တို့ လိုချင်တာက ပွင့်လင်းတဲ့ လူ့အဖွဲ့အစည်းပါ။ အဲတာက ဘာလဲဆိုတော့ လွတ်လွတ် လပ်လပ် ပွင့်ပွင့်လင်းလင်း ကျွန်တော်တို့ အခွင့်အရေးတွေကို ပြောကြ ဆိုကြဖို့ပါ။
Eleven Media Group
0 comments:
Post a Comment