ရီပတ်ဘလီကန်ပါတီ၏ ဖလော်ရီဒါပြည်နယ် သမ္မတလောင်း အကြိုရွေးကောက်ပွဲတွင် မက်ဆားချူးဆက်ပြည်နယ် အုပ်ချုပ်ရေးမှူး ဟောင်းမစ်ရွမ်နေ အနိုင်ရခဲ့ကြောင်း စီအင်န်အင်န် သတင်းဌာန၏ အကြိုတွက်ချက်မှု များအရ သိရသည်။
ဇန်န၀ါရီလ ၃၁ ရက်နေ့တွင် အကြိုရွေးကောက်ပွဲပြုလုပ်သည့် စတုတ္ထမြောက်ပြည်နယ် ဖလော်ရီဒါတွင် အနိုင်ရခဲ့ခြင်းနှင့်အတူ သမ္မတလောင်းများထဲတွင် အခြေအနေ အကောင်းဆုံးအနေအထားကို ရွမ်နေက ဆက်လက် ရယူနိုင်ခဲ့သည်။
နောက်ဆုံးမဲပေးမှုအပြီး မိနစ် ၃၀ မျှ ရှိချိန်ကတည်းက မစ်ရွမ်နေသည် အနိုင်ရကြောင်း ကြေညာနိုင်ခဲ့ခြင်းဖြစ်သည်။ ဖလော်ရီဒါပြည်နယ်တွင် မဲဆွယ်မှုများ၌ ရွမ်နေနှင့် အနီးကပ်ဆုံးပြိုင်ဘက် နယူတန်ဂင်းရစ်ခ်ျတို့ အကြား ပြင်းထန်သော ပုဂ္ဂိုလ်ရေးတိုက်ပွဲများဖြစ်ပေါ်ခဲ့ခြင်းကြောင့် မည်သူနိုင်သည်ဖြစ်စေ လာမည့်နိုဝင်ဘာလတွင် ဒီမိုကရက်တစ်ပါတီဘက်မှ လက်ရှိသမ္မတ ဘာရက်အိုဘားမားနှင့် ယှဉ်ပြိုင်သည့်အခါတွင် ထိခိုက်နိုင်ကြောင်း ဝေဖန်မှုများလည်း ပေါ်ထွက်လာခဲ့သည်။
ယင်းသို့ သုံးသပ်ချက်များ ထွက်ပေါ်နေခြင်းနှင့်ပတ်သက်ပြီး ရွမ်နေက''ယှဉ်ပြိုင်မှုအားကောင်းတဲ့ အကြိုရွေးကောက်ပွဲတွေဟာ ကျွန်တော်တို့အကြားမှာ ကွဲပြားစေမှာမဟုတ်ဘဲ ကြိုတင်ပြင်ဆင်ရာ ရောက်စေပါတယ်။ကျွန်တော်တို့ အနိုင်ရမှာပါ''ဟု ရွမ်နေက ရီပတ်ဘလီကန် ထောက်ခံသူမျာ ကို ပြောကြားခဲ့သည်။
စီအင်န်အင်န်၏ အကြိုရေတွက် မှုအရ မဲ ၇၆ ရာခိုင်နှုန်း ရေတွက်အပြီးတွင် ရွမ်နေက ၄၇ ရာခိုင်နှုန်း၊ ဂင်းရစ်ခ်ျက ၃၂ ရာခိုင်နှုန်း၊ ပင်ဆီလ်ဗေးနီးယား အထက်လွှတ်တော်အမတ်ဟောင်း ရစ်ဆန်တိုရမ်က ၁၃ ရာခိုင်နှုန်း၊ တက္ကဆက် အောက်လွှတ်တော်အမတ် ရွန်ပေါလ်က ၇ ရာခိုင်နှုန်း ရရှိခဲ့သည်ဟု သိရသည်။
ပြည်နယ်တွင်း မှတ်ပုံတင်ထားသည့် ရီပတ်ဘလီကန်ပါတီဝင် ၄သန်း ရှိသည့်အနက် ၁ သန်းခွဲခန့်က မဲပေးခဲ့ကြသည်ဟု ပြည်နယ်ဝက်ဘ်ဆိုက်က ဖော်ပြသည်။ ရွမ်နေသည် ကြိုတင်မဲ ထည့်သွားသူ ၆ သိန်းကျော်၏ မဲများတွင်ကတည်းက သိသိသာသာ ဦးဆောင်နေခဲ့ခြင်းဖြစ်သည်။
Ref;CNN
0 comments:
Post a Comment