ရွေးကောက်ပွဲ ကျင်းပသည့်စနစ် ပြောင်းလဲရန် ဒီမိုကရေစီမိတ်ဆွေပါတီများက ရွေးကောက်ပွဲကော်မရှင် ဥက္ကနှင့် ပြည်သူ့လွှတ်တော်ဥက္ကဌတို့အားတောင်းဆို

( NDF ပါတီခေါင်းဆောင် ဒေါက်တာသန်းငြိမ်း PR စနစ်နှင့်ပတ်သက်၍ ရှင်းလင်းတင်ပြနေစဉ်)

နေပြည်တော် ဇူလိုင် ၂၇

လက်ရှိရွေးကောက်ပွဲကျင်းပသည့်စနစ်ပြောင်းလဲရန် ဒီမိုကရေစိမိတ်ဆွေပါတီမျာ မှ ရွေးကောက်ပွဲကော်မရှင် ဥက္ကဌနှင့် ပြည်သူ့လွှတ်တော်ဥက္ကဌတို့အား တင်ပြတောင်းဆိုခဲ့ကြောင်း ယင်းပါတီများ၏ပြောကြားချက်အရသိရသည်။

“ကျွန်တော်တို့နိုင်ငံမှာ ပါတီကြီးတွေကပဲအမြဲ ကြီးစိုးခဲ့တယ် ၂၀၁၀ မှာရော အခုကြားဖြတ်မှာရော ဒီလိုပဲပါတီကြီးတွေကပဲအနိုင်ရခဲ့တယ် ၊အဲဒီတော့ ဒီစနစ်ကိုကျွန်တော်တို့သေသေချာချာလေ့လာဖို့လိုပါအုံးပါ ဒီစနစ်ရဲ့အားသာချက်တွေ အားနည်းချက်တွေသိရအောင် နိုင်ငံတော်ဖွဲ့စည်းပုံအခြေခံဥပဒေခုံရုံးကိုလည်းတင်ပြထားပါတယ် ပြီးတော့ သမ္မတရုံးကိုလည်း ဒီကိစ္စနဲ့ပတ်သက်ပြီးစာလည်းပို့ထားပါတယ်” ဟု ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေးက ပြောသည်။

ဒီမိုကရေစီမိတ်ဆွေပါတီများအနေဖြင့် လက်ရှိကျင့်သုံးနေသောရွေးကောက်ပွဲများတွင် မဲအများဆုံးရရှိသူတစ်ဦးသာ အနိုင်ရကိုယ်စားလှယ်ဖြစ်သည့်စနစ်( First Past The Post- FPTP system) အစား မိမိတို့ရရှိသည့် ဆန္ဒမဲအနည်းအများအလိုက် လွှတ်တော်၌ကိုယ်စားပြုခွင့်ရစေမည့် အချိုးကျကိုယ်စားပြုစနစ် (proportional Representation –PR system) ကိုပြောင်းလဲအသူံးပြုရေးနှင့် ပတ်သက်၍ ကော်မရှင်ဥက္ကဌနှင့် လွှတ်တော်ဥက္ကဌတို့အားတင်ပြခဲ့ခြင်းဖြစ်သည်။

“ကျွန်တေ်ာအခုPRစနစ်နဲ့ပတ်သက်ပြီးတော့ စာတမ်းတင်ပြထားပါတယ် ကျွန်တော်တို့နိုင်ငံက ကျင်းပခဲ့တဲ့ေ၇ွးကောက်ပွဲတွေကိုကြည့်မယ်ဆိုရင် ပါတီကြီးတစ်ခုကပဲ အမြဲတမ်းအနိုင်ရတယ် ၊ဒါကြောင့် အချိုးကျတဲ့ကိုယ်စားပြုစနစ် PR စနစ်ကိုကျင့်သုံးမယ်ဆိုရင် စစ်မှန်တဲ့ပါတီစုံ စနစ်ထွန်းကားပြီးတော့ရွေးကောက်ခံ အာဏာရှင်စနစ်ကိုတားဆီးနိုင်မယ်။ ဒီစနစ်ကိုဆောင်ရွက်သွားဖို့အတွက် အားလုံးကိုတိုက်တွန်းချင်ပါတယ်” ဟု အမျိုးသားဒီမိုကရေစီအင်အားစု (NDF) ခေါင်းဆောင် ဒေါက်တာသန်းငြိမ်းကပြောသည်။

မြန်မာနိုင်ငံတွင် ၁၉၅၂ ခုမှ ၂၀၁၂ အထိ ရွေးကောက်ပွဲခြောက်ကြိမ်တိုင်ကျင်းပခဲ့ပြီး အဆိုပါရွေးကောက်ပွဲတိုင်းတွင် မဲအများဆုံးရရှိသူက အနိုင်ရကိုယ်စားလှယ်ဖြစ်သည့်စနစ်( First Past The Post- FPTP system)ကို သာအသုံးပြုခဲ့သည်။

“ဒီစနစ်အတွက်ကျွန်တော်တစ်ယောက်ထဲဆုံးဖြတ်လို့မရဘူးအခုနိုင်ငံတော်အစိုးရကလည်း ပြည်သူကရွေးချယ်ထားတဲ့အစိုးရဖြစ်တယ် ဒီကိစ္စက လွှတ်တော်ကဆုံးဖြတ်ရမယ့်ကိစ္စပါ ကျွန်တော် ဒီစနစ်နဲ့ပတ်သက်ပြီး ပြည်သူ့လွှတ်တော်ကိုရော အမျိုးသားလွှတ်တော်ကိုရောတင်ပြသွားပါမယ်။”ဟု ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေးက ပြောသည်။

ဒီမိုကေ၇စီမိတ်ဆွေပါတီများတင်ပြတောင်းဆိုသော ဆန္ဒမဲအနည်းအများအလိုက် လွှတ်တော်၌ ကိုယ်စားပြုခွင့်ရစေမည့် အချိုးကျကိုယ်စားပြုစနစ် (proportional Representation –PR system) ကို ဂျာမနီနိုင်ငံအပါအ၀င် ဥရောပနိုင်ငံ အချို့တွင်ပါကျင့်သုံးနေကြောင်းသိရသည်။

Posted in: သတင်း