မန္တလေးတိုင်း ကျောက်ဆည်ခရိုင် မြစ်သားမြို့မှာ စမာဆည် ဖျက်သိမ်းပေးဖို့ မြို့ခံပြည်သူ ၁၀၀ လောက်က ဇူလိုင်လ ၂၅ ရက်နေ့က ငြိမ်းချမ်းစွာ ဆန္ဒပြခဲ့ကြပါတယ်။ ဒီဆည်ကြောင့် မြစ်သာမြို့မှာ နှစ်စဉ် ရေဘေးဒုက္ခ ကြုံနေရတာတွေ မြို့ရဲ့ပတ်ဝန်းကျင်မှာရှိတဲ့ လယ်ယာမြေ ပျက်ဆီးဆုံးရှုံးတာတွေ မြေအောက်ရေညစ်ညမ်မှု ဖြစ်လာတာတွေ စတာတွေကြောင့် စမာဆည်ကို ဖျက်သိမ်းပေးဖို့ တောင်းဆိုဆန္ဒပြခဲ့ကြတာဖြစ်ပါတယ်။ အဲဒီလို တောင်းဆိုဆန္ဒပြဖို့အတွက် ဒေသခံအာဏာပိုင်တွေကို လူဦးရေ ၅၀၀ တင်ပြတောင်းဆိုခဲ့ပေမယ့်လည်း လူ ၁၀၀ သာခွင့်ပြု ခဲ့တာကြောင့် မြို့ခံပြည်သူအချို့ဟာ ဆန္ဒပြပြည်သူတွေရဲ့ ဘေးကနေလိုက်လံအားပေး ခဲ့ရပြီး ဆန္ဒပြည်သူ ၁၀၀ ဟာ နံနက် ၉ နာရီလောက်ကနေစတင်ပြီး ဆိုင်းဘုတ်ကိုယ်စီကိုင်ဆောင်ရင်း မြစ်သာမြို့ကို ၁ နာရီ လောက်သာ လှည့်လည် ဆန္ဒပြခွင့်ရခဲ့ကြတာ ဖြစ်ပါတယ်။
by BurmaVJMedia
0 comments:
Post a Comment