ကျမတို့မှာ ခေါင်းဆောင်မရှိဘူး .. ရှင်တို့မှာခေါင်းမရှိဘူး

ဒီကဗျာလေးကိုလည်း ရွက်သစ်ကလောင်နာမည်နဲ့ ၂၀၁၀ လှိုင်သာယာစက်မှုဇုံ ဆန္ဒပြပွဲတွေစလာတဲ့အချိန်တုန်းက အဲ ဒီနေရာအထိသွားပြီး သူတို့မျက်နှာလေးတွေကိုကြည့်ပြီး ပြန်ရောက်တော့ရေး ဖြစ်ခဲ့တာပါ။ ခုနောက်ပိုင်းမှ လှိုင်သာယာ ဆန္ဒပြပွဲတွေဆိုတာ လူတိုင်းသိလာတာပါ။ ဒီကဗျာကို သူငယ်ချင်းတယောက် ပြည်ပက ၀ဘ်ဆိုဒ်တခုကို ကျနော်မသိခင် လှမ်းပို့လိုက်ပြီး ပြည်ပမှာအခြေချနေတဲ့ ကဗျာဆရာမ (နိုင်ငံရေးကဗျာတွေ)တယောက်ကနည်းနည်းကို များများလှုံ့ဆော် ရေးတဲ့ ကဗျာဆိုပြီး ကဗျာအောက်မှာကွန်မန့်ပေးသွားခဲ့တာလေးကို စိတ်မကောင်းဖြစ်လွန်းလို့ သိမ်းထားခဲ့တာပါ။ ခုမှ ပြန်ရှယ်လိုက်ပါတယ်။ အဲဒါတွေဟာ အမှန်တရားတွေဟုတ် မဟုတ် အခု ကဗျာဖတ်သူဆီက သက်သေပြုပေးဖို့ အကူ အညီတောင်းပါရစေ….။

“ကျမတို့မှာခေါင်းဆောင်မရှိဘူး .. ရှင်တို့မှာခေါင်းမရှိဘူး”

ငယ်ငယ်က
ဥရောပကျွန် တော်လှန်ရေးသမိုင်းမှာ
အဖမ်းခံရတဲ့ ကျွန်သူရဲကောင်းတွေအကြား
ဘယ်ကောင်လဲ စပါတာကပ်လို့မေးတော့
အားလုံးမတ်မတ်ရပ်ပြီး
ငါပဲ၊ ကျုပ်ပဲ..၊ ဒီမှာပဲ .. ဆိုပြီး
တော်လှန်သူအားလုံးက သောင်းသောင်းဖျဖျ
ရင်ကော့ဖြေခဲ့ကြတယ်
ငါ့ငယ် အိမ်မက်ထဲကသူရဲကောင်းတွေလေ
ကြက်သီးတွေ ဖြန်းဖြန်းဝေ အားကျခဲ့ဖူးတယ်….။

အခု အရှင်လတ်လတ်ကြီး မြင်တွေ့ခဲ့ရပြီ
ဒါပေမယ့်
စပါတန်တွေလို့ ယောင်္ကျားတွေမဟုတ်ဘူး
စပါတန်တွေလို့ လက်နက်တွေကိုင်တိုက်ခဲ့သူတွေမဟုတ်ဘူး
သူတို့ ရင်ထဲမှာ ဒုက္ခသစ္စာဒိုင်းနဲ့
သူတို့နှုတ်ဖျားက သံမဏိသွားလိုလက်နက်က
“ကျမတို့မှာ ခေါင်းဆောင်မရှိဘူး….
ကျမတို့မှာ ခေါင်းဆောင်မရှိဘူး…..
ကျမတို့မှာ ခေါင်းဆောင်မရှိဘူး……
ကျမတို့မှာ ခေါင်းဆောင်မရှိဘူး……..
ကျမတို့မှာ ခေါင်းဆောင်မရှိဘူး……….”
ဟုတ်ပါရဲ့
ကျမတို့မှာခေါင်းဆောင်မရှိဘူး
ကျမတို့မှာ ကျမတို့ဘဲရှိတယ်…
ခေါင်းဆောင်မရှိတဲ့ ကျမတို့လေးတွေက
ခေါင်းမရှိတဲ့ လူတွေကိုအော်ပြောလိုက်တဲ့ အသံ
ကမ္ဘာကို ခါညံသွားခဲ့တယ်။

အော်လှိုင်သာယာ .. လှိုင်သာယာ
နာမည်ကလွဲပြီး
ဘာမှ မလှိုင်ခဲ့၊ မသာခဲ့ မယာခဲ့တဲ့နေရာ

လှိုင်သာယာဆိုတာ
ကျမတို့ကို ရှိရင်းစွဲနေရာတွေကနေ
ကန်ထုတ်ခံခဲ့ရတဲ့နေရာ
ကျမတို့ကို ကျူးကျော်ဆိုပြီး
ကျမတို့ဘဝတွေထဲကို
ခေါင်းမရှိသူတွေ ကျူးကျော်လာပြီး
လှိုင်သာယာဆီကို ပို့ပစ်ခဲ့တာလေ။

ဒါပေမယ့် ကျမတို့ရိုးသားခဲ့တယ်
ကျမတို့သစ္စာမြဲခဲ့တယ်။ ကျမတို့သီးခံခဲ့တယ်။
ကျမတို့နိုင်တဲ့ဝန်၊ ကျမတို့စွမ်းတဲ့အားနဲ့
ကျမတို့ဘဝကို အစွင့်ဆုံးကားချဲ့ခဲ့တယ်။

ကျမတို့အားလုံး
လှိုင်သာယာမှာပျော်အောင်နေခဲ့ပါတယ်။
ကျမတို့တတွေ ကျော်အောင်မနေခဲ့ဖူးသလို…
ကြွားအောင်နေဖို့လည်းဝေး.. ဝေးလွန်းခဲ့ပါတယ်။

အဖေရှာမလောက်တာကို အမေဝင်ကူထောက်ပြီး
မောင်နဲ့နှမတတွေ
တခွန်တအားစီ ဝင်ရုန်းခဲ့ရတဲ့နေရာဟာ
လှိုင်သာယာပါ။

တနေ့ ၅၀၀ – ၁၀၀၀ ကနေ
တလ ၂၅၀၀၀ – ၃၀၀၀၀ တွေ စုဝေးရာ
အောင်မြေဌာနေ လှိုင်သာယာမြေပါ။

ကျမတို့ရဲ့ ဒုက္ခသစ္စာဟာ
တော်လှန်ရေးဂါထာဖြစ်လာတဲ့တနေ့ကျတော့
တာဝန်ယူညှိနှိုင်းပေးတတ်ပုံများ
ကမ္ဘာမှာ ဘုရားတည်ကျောင်းဆောက်နေပါတယ်လို့ အူတတ်တဲ့
ခေါင်းမရှိ လူကြီးမင်းများခမျာ
ပြာပြာသလဲ ခေါဘဏီတပ်ကြီးချီလို့
ဒိုင်းလွှားသေနတ်တကားကားစီလို့
ကျမတို့ဆီရောက်လာပုံများ
သူတို့နဲ့ ကျမတို့အကြား ရန်၊ ငါစည်းများခြားထားသလိုလို။
ကျမတို့များ လက်နက်ဆွဲကိုင် နိုင်လှန်နိုင်သလိုလို။
ကျမတို့များ ဒေါင်းအလံလွှင့်လို့ သူတို့ကို တော်လှန်သတ်ဖြတ်တော့မလိုလို။
ကျမတို့များ သူတို့ကိုအကြောဆွဲစေတတ်တဲ့ ဒီမိုကရေစီ တောင်းနေသလိုလို။
ကျမတို့စုရုံးနေတယ်ဆိုတာ
ရှင်တို့ရှာခဲ့တဲ့ပြဿနာရဲ့နောက်ဆက်
ကုန်ဈေးနှုန်းတွေပျက်ကုန်လို့
လစာတိုးပေးရေးအတွက်
ကျမတို့အလုပ်ရှင်နဲ့ ဆွေးနွေးနေတာပါရှင်။

ခေါင်းမရှိတော့ ပြန်မစဉ်းစားနိုင်ထင်ပါ့
လှိုင်သာယာကို
ရှင်တို့ပို့ခဲ့တာ
အထည်ချုပ်တွေရှင်တို့တည်ခဲ့တာ
စက်မှုဇုံတွေရှင်တို့ဆောက်ခဲ့တာ
အရသာက ရှင်တို့လျှာပေါ်မှာ
ဘဝနာတာက ကျမတို့ပါရှင်။

အခုကြည့်
အိတ်ဂ်ျအိုင်ဗွီရောဂါသည်နဲ့ အဆင်းရဲဆုံးကလေးငယ်တွေကို
လှိုင်သာယာမှာမွေးတယ်
(ဒါရှင်တို့နဲ့ မဆိုင်ဘူးလား)
ဒုစရိုက်အထူပြောဆုံးနဲ့ ပျံကျတွေအပေါဆုံးကို
လှိုင်သာယာမှာ ဖွေးနေအောင်မြင်ရတယ်
(အဲဒါရှင်တို့နဲ့ တကယ်မဆိုင်ဘူးလား)
ကျမတို့တွေထဲကတချို့
ငတ်လာရင် ဖာခံစားခဲ့ရပေမယ့်
ရှင်တို့လိုတိုင်းပြည်ကို လည်ပင်းညှစ်ခိုးမစားခဲ့ဘူး။

ကျမတို့ရသမျှလစာငွေဟာ
ထမင်းနပ်မှန်ဖို့ပဲ တွေးနိုင်ခဲ့တာပါ
ရှင်တို့ခြစ်ကောက်နေတဲ့ အခွန်ဘဏ္ဍာတွေလို့
သားမြေးတီတွတ်ဝလင်ရေး၊
နိုင်ငံခြားမှာ ကျောင်းထားရေး၊
စိန်စီလမ်းကို လျောက်လှမ်းရေးနဲ့
လူသတ်လက်နက်ဝယ်ရေး တွေးတောင်မသိခဲ့ပါဘူး
တကယ့်တခုတည်းပါ
ထမင်းနပ်မှန်ဖို့ဆိုတဲ့ တခုတည်းပါရှင်။

လူစုစုမြင်ရင် နိုင်ငံရေးလုပ်မယ်ထင်တဲ့
ခေါင်းမရှိတဲ့ ရှင်တို့လိုလူတွေ အုပ်ချုပ်တဲ့တဲ့ တိုင်းပြည်မှာ
ကျမတို့ဆုံးဖြတ်ချက် ဘာမှမလွဲမှားခဲ့ပါဘူး
ကျမတို့ယုံတယ်
ရှင်တို့သာ ရူးနေတာပါ။

အဲဒီလိုအကျိုးဆက်ကြောင့်
အဲဒီ အသီးတွေသီးခဲ့တယ်။
အဲဒီလမ်းပေါ်မှာ အဲဒီသွေးတွေ မြေကျဖို့
ဘယ်နတ်သိကြားကများ နှစ်လိုပျော်ရွှင်ခဲ့ပါလိမ့်
ကျမတို့တွေးရင်း ကျောစိမ့်ဖူးပေမယ့်
တခါမှ အမှန်တရားနဲ့ မကင်းကွာခဲ့ပါဘူးရှင့်။

ဟုတ်မှာပါလေ…..
ကျမတို့မှာ ခေါင်းဆောင်မရှိဘူး
ရှင်တို့မှာခေါင်းမရှိဘူး….။
ကျမတို့မှာ ခေါင်းဆောင်မရှိဘူး
ရှင်တို့မှာခေါင်းမရှိဘူး….။
ကျမတို့မှာ ခေါင်းဆောင်မရှိဘူး
ရှင်တို့မှာခေါင်းမရှိဘူး….။
ကျမတို့မှာ ခေါင်းဆောင်မရှိဘူး
ရှင်တို့မှာခေါင်းမရှိဘူး….။
ကျမတို့မှာ ခေါင်းဆောင်မရှိဘူး
ကျမတို့အ်ိပ်မက်ထဲမှာ
ကျမတို့ရင်ဘတ်ထဲမှာ
အဲဒီစကားသံတွေသာ သစ္စာတခုအဖြစ်
ဆူညံမြည်ဟီးနေကြတယ်ပါတယ် ရှင်….။ ။

စိမ်းခက်စိုး

၉.၂. ၂၀၁၀

by Sein Khat Soe on Saturday, July 28, 2012 at 2:10am

Posted in: ကဗျာ