ပြည်မြို့၊ ရွှေပေါက်ပင်တောရကျောင်းတိုက်သို့ နေ့လည် (၁၂း၀၀) နာရီအချိန်တွင် ဆိုဒ်ရောက်ရှိ ခဲ့ပြီးခေတ္တခဏအနားယူကြပြီးညနေပိုင်းတွင် ဥက္ကဋ္ဌ ဦးကျော်သူနှင့်ဇနီးတို့မှ အသင်းသား/သူများအား ပြည်မြို့ရှိ ဘုရားစေတီများထံသို့ ပို့ဆောင်ပေးခဲ့ပြီး ည (၆း၀၀) နာရီအချိန်တွင် ရွှေပေါက်ပင်ကျောင်းတိုက်သို့ ပြန်လည်ရောက်ရှိခဲ့ကြပြီးနောက် “ရွှေရန်ပြေဘုရား”ကြီးအားပန်းပေါင်းတစ်ထောင်ပူဇော်ပွဲကျင်းပခဲ့ပြီးည (၉း၀၀) နာရီအချိန်တွင် “ရွှေရန်ပြေဘုရား” ဗုဒ္ဓပူဇနိပွဲတော် အထိမ်းအမှတ်အဖြစ် ဂီတဖျော်ဖြေပွဲအခမ်းအနားတွင်လည်းနာရေးကူညီမှုအသင်း(ရန်ကုန်)ရှိ ဝါသနာရှင် အဆိုတော်များမှလည်းကုသိုလ်ဖြစ် ပါဝင်သီဆိုခဲ့ကြပြီးနောက် တစ်နေ့တာပင်ပန်းနွမ်းနယ်မှုများအတွက် အိပ်စက်အနားယူခဲ့ကြတော့သည်။
၇.၃.၂၀၁၂ နံနက် (၅း၀၀) နာရီအချိန်တွင် သစ်သီးဆွမ်းဆက်ကပ်လှူဒါန်းခြင်း၊ အာရုံဆွမ်းဆပ်ကပ်လှူဒါန်းခြင်းများ ပြုလုပ်ခဲ့ကြပြီးရွှေပေါက်ပင်ကျောင်းတိုက်တွင်နယ်အသီးသီးမှ ဒုလ္လဘရဟန်းခံမည့် သံဃာတော်အပါး (၅၀)အတွက် သင်္ကန်း (၅၀)စုံအားနာရေးကူညီမှုအသင်း(ရန်ကုန်)မှ လှူဒါန်းခဲ့ပြီးနောက် ဗုဒ္ဓမြတ်စွယ်တော်ပွားတစ်ဆူအားလှည့်လည်ပူဇော်ပွဲတွင် ဥက္ကဋ္ဌ ဦးကျော်သူမှ သာသနာ့ အလံတော်အားဦးဆောင်လွှင့်ထူကာစွယ်တော်များအားဆက်ကပ်မည့် ပန်းမာလာများအားဒေါ်ရွှေဇီးကွက် နှင့် အသင်းသား/သူများကကိုင်ဆောင်ကာရွှေပေါက်ပင်ကျောင်းဝင်းအတွင်းဓမ္မမိတ်ဆွေ ဧည့်ပရိသတ်(၅၀၀၀၀)ခန့်နှင့် စည်ကားသိုက်မြိုက်စွာကျင်းပခဲ့သည်။ နံနက် (၁၀း၀၀) နာရီအချိန်၌ နိဗ္ဗာန်ဈေးပွဲတော် ဖွင့်ပွဲအခမ်းအနားအား ရွှေပေါက်ပင်ဆရာတော်ကြီးမှ ဖဲကြိုးဖြတ်ဖွင့်လှစ်ပေးခဲ့ပြီးနိဗ္ဗာန်ဈေးဆိုင်ခန်းပေါင်း (၂၀၀) ကျော်ရှိခဲ့ရာနာရေးကူညီမှုအသင်း(ရန်ကုန်)သည်လည်းစတီးပန်းကန်ပြား၊ စတီးသောက်ရေခွက်၊ စတီးမတ်ခွက်တို့အားကံစမ်းမဲကဒ်ပြား(၆၀၀)နှင့် အမျိုးသမီး(ကြီး/ငယ်) အဝတ်အစား (၃၀၀)အားမဲဖောက်၍ လှူဒါန်းဒါနပြုခဲ့သည်။ ထို့ပြင် နာရေးကူညီမှုအသင်း(ရန်ကုန်)ရှိ သုခကုသိုလ်ဖြစ်ဆေးခန်း(ရန်ကုန်)၏ဆေးခန်းခွဲဖြစ်သည့် ပြည်မြို့ရှိ မိုးမေတ္တာပရဟိတလူငယ်များဦးစီးသောသုခကုသိုလ်ဖြစ်ဆေးခန်း(ပြည်)မှ ဆရာဝန်များ၊ အသင်းသား/သူများ၊ ဝန်ထမ်းများတို့သည်လည်း “ရွှေရန်ပြေ” ဗုဒ္ဓပူဇနိယပွဲတော်သို့ လာရောက်ကြသောဓမ္မမိတ်ဆွေပရိသတ်များ၏ ကျန်းမာရေးစောင့်ရှောက်မှုများ ပြုလုပ်ပေး နိုင်ရန်အတွက် ရွှေပေါက်ပင်ကျောင်းဝင်းအတွင်းရှိ တည်ဆောက်ဆဲဓမ္မရုံ၌ ဖွင့်လှစ်ကာကျန်းမာရေး(အခမဲ့) ကူညီစောင့်ရှောက်မှုများပေးလျက်ရှိပါသည်။ ၇.၃.၂၀၁၂ နေ့လည်ပိုင်းတွင် ပြည်မြို့၊ မိုးမေတ္တာပရဟိတလူငယ်များဦးစီးသည့် နာရေးကူညီမှုအသင်း(ရန်ကုန်)၏ သုခကုသိုလ်ဖြစ်ဆေးခန်း(ပြည်)၏ တိုးချဲ့ဆောင်ရေစက်ချအလှူတော်နှင့် ဂုဏ်ပြုလွှာပေးအပ်ပွဲအခမ်းအနားသို့ ဥက္ကဋ္ဌ ဦးကျော်သူနှင့်ဇနီးအတွင်းရေးမှူး ဒေါ်ရွှေဇီးကွက်၊ အသင်းသား/သူများတက်ရောက်၍ ရေစက်သွန်းချပြီးနောက် သုခကုသိုလ်ဖြစ်ဆေးခန်း(ပြည်)၏ ထပ်မံတိုးချဲ့ဆောင်အား လှူဒါန်းခဲ့ကြသည့် အလှူရှင်များအားဂုဏ်ပြုမှတ်တမ်းလွှာများပြန်လည်ပေးအပ်ခဲ့ပြီးနောက် ခေတ္တရာမြို့သစ်၊ “ဓမ္မောဒယကျောင်း” ဘုန်းတော်ကြီးသင်ပညာရေးကျောင်းရှိ ကလေးများအတွက် ဆရာတော်ကြီးအားအဝတ်အထည်များ လှူဒါန်းပေးအပ်ပြီးဥက္ကဋ္ဌဦးကျော်သူမှ အလှူရှင်များအားကျေးဇူးတင်စကားပြောကြားခဲ့သည်။ထို့နောက် ပြည်မြို့၊ နာရေးကူညီမှုအသင်း(ပေါင်းတလည်)သို့နာရေးကူညီမှုအသင်း(ရန်ကုန်)မှ နိဗ္ဗာန်ယာဉ်တစ်စီးလှူဒါန်းသည့် အတွက် ပေါင်းတလည် နာရေးအသင်းမှ မှတ်တမ်းတင်ဂုဏ်ပြုလွှာ ပြန်လည်ပေးအပ်ခဲ့ရာဥက္ကဋ္ဌ ဦးကျော် သူနှင့်ဇနီးအတွင်းရေးမှူး ဒေါ်ရွှေဇီးကွက်တို့မှ လက်ခံရယူခဲ့ပြီးနောက် ရန်ကုန်မြို့သို့ ပြန်လည်ထွက်ခွာခဲ့ရာနာရေးကူညီမှုအသင်း(ရန်ကုန်)ရုံးချုပ်သို့ ည (၆း၃၀) နာရီအချိန်တွင် ပြန်လည်ရောက်ရှိလာခဲ့တော့သည်။
အလှူတော်မင်္ဂလာပွဲခရီးစဉ်စ/ဆုံးအတွက် လိုက်လံပို့ဆောင်ပေးခဲ့သော “ရွှေစင်စင်္ကြာ” ခရီးသည်ပို့ဆောင်ရေးမော်တော်ယာဉ်မိသားစုနှင့်တကွ မငြီးမငြူ လိုက်လံပို့ဆောင်ပေးခဲ့သောမော်တော်ယာဉ်အဖွဲ့သားများအားလုံးကိုကျေးဇူးတင်ရှိပြီးမှတ်တမ်းတင်
ဂုဏ်ပြုအပ်ပါသည်။ထိုထိုသောကောင်းမှုအလှူတော်များသည် နာရေးကူညီမှုအသင်း(ရန်ကုန်)သို့ လှူဒါန်းကြသည့် ပြည်တွင်း/ပအလှူရှင်များနှင့် နာရေးကူညီမှုအသင်း(ရန်ကုန်) အသင်းသူ/သားများ၏ အများပြည်သူအတွက် အများပြည်သူကောင်းမှုအလှူဒါနပင်ဖြစ်တော့သည်။
0 comments:
Post a Comment