သာကေတ တွင် မီးလောင်မှု ဖြစ်ပွား

ယနေ့ ညနေ ၅နာရီခွဲက သာကေတ ၁၃ ရပ်ကွက် ဇေယျဝတီ ၂ လမ်းနောက်ဖက်ခြမ်း လောင်စာဆီသိုလှောင်ထားသည့် အိမ်မှ မီးစတင်လောင်ကျွမ်းရာ နေအိမ် ၈ လုံး မီးလောင်ကျွမ်းသွားပြီး အိမ်ထောင်စု ၁၇ စု လူဦးရေ ၉၀ အိုးအိမ်မဲ့ ဖြစ်သွားရသည်။ မီးကို ညနေ ၆ နာရီကျော်တွင် ငြိမ်းသတ်နိုင်ပြီး အရံမီးသတ် ၂ ဦးနှင့် အသက် ၃၀ အရွယ် အမျိုးသမီးတဦး ဒဏ်ရာရရှိသွားသည်။

Read More

ပြည်တွင်း၌ ပြန်ရောင်းပေးမည်ဆိုပါက မည်သည့် နိုင်ငံမှမဆို မြန်မာနိုင်ငံတွင် ကားထုတ်လုပ်ခွင့်ပြုမည်

မြန်မာနိုင်ငံတွင်း၌ ပြန်လည်ရောင်းချပေးမည်ဆိုပါက မည်သည့် နိုင်ငံမှ ကားထုတ်လုပ်သည့် ကုမ္ပဏီကိုမဆို မြန်မာနိုင်ငံတွင် ကားထုတ်လုပ်ခွင့်ပြုမည်ဖြစ်ကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင် MIC ဥက္ကဋ္ဌ ဦးစိုးသိန်းက ပြောကြားခဲ့ပါ သည်။

အဓိကအားဖြင့် ပြည်တွင်း၌ နိုင်ငံသားများ အလုပ်အကိုင်အခွင့် အလမ်းပေါများစေရန်အတွက် ဖြစ်ကြောင်း၊ ထုတ်လုပ်လိုသည့်နိုင်ငံများအနေဖြင့် MIC ဖြင့်လာရောက် ဆွေးနွေးနိုင်ကြောင်းနှင့် သတ်မှတ်ချက်ဖြင့်ညီပါက အမြန်ဆုံး ပြန်လည် ခွင့်ပြုသွားမည်ဖြစ်ကြောင်းလည်း သတင်းရရှိပါသည်။

"ဘယ်နိုင်ငံကမဆို သတ်မှတ်ချက်နဲ့ ညီရင် အမြန်ဆုံး ခွင့်ပြုပေးသွားမှာပါ။ MIC နဲ့လည်းလာပြီး ဆွေးနွေးနိုင်ပါတယ်။ အဓိကအချက်ကတော့ အလုပ်အကိုင် အခွင့်အလမ်းတွေ ပေါများအောင်လို့ပါ။ ဒီမှာက အလုပ်အကိုင် မပေါသေးတဲ့အတွက် ၀င်ငွေနည်းတယ်၊ ပြည်ပမှာထွက်ပြီး အလုပ်လုပ်ကြရတာတို့ ဖြစ်နေတာ။ ဒါကြောင့် Show Room ထက် ကားထုတ်လုပ်မယ်ဆို ပိုပြီးခွင့်ပြုပေးသွားမှာပါ။ Show Room ကနောက်မှသာ တစ်ဖြည်း ဖြည်းခွင့်ပြုမှာ။ Show Room ဆိုရင် လူလေး လေးငါးယောက်ပဲ အလုပ်ရမှာ။ ကားထုတ်လုပ်ရင် လူအများကြီး အလုပ်အကိုင်ရမှာ။ ဒါပေမယ့် ကားထုတ်လုပ်တဲ့အခါမှာတော့ ဘယ်နိုင်ငံ ဘယ်ကားကုမ္ပဏီရဲ့ Under License နဲ့ထုတ်မယ်။ ပြည်တွင်းမှာပဲ ပြန်ရောင်းပေးမယ်ဆိုတဲ့ သတ်မှတ်ချက်နဲ့ ကိုက်ညီဖို့တော့လိုတယ်။ Proton လည်းပေးမယ်၊ Toyota လည်းပေးမယ်။ ဘယ်နိုင်ငံကပဲ ဖြစ်ဖြစ်ပေးမယ်။ ရင်းနှီးမြှုပ်နှံမှုတွေလာမှ နည်းပညာတွေ တိုးတက်လာမယ်၊ အလုပ်အကိုင်တွေ များလာမယ်။ Foreign Investment ၁၀၀% လက်ခံမယ်။ ရှေ့လျှောက် JV, PPP အကုန်လက်ခံပေးသွား မယ်" ဟု မြန်မာနိုင်ငံရင်းနှီးမြှုပ်နှံမှု ကော်မရှင် MIC ဥက္ကဋ္ဌ ဦးစိုးသိန်း က ပြောကြားခဲ့ပါသည်။

"ရင်းနှီးမြှုပ်နှံမှုနဲ့ပတ်သက်လို့ လာဘ်ပေးလာဘ်ယူကြားရင် တိုင်ကြားပါ။ ဖြေရှင်းပေးမယ်" ဟု လည်း MIC ဥက္ကဋ္ဌ ဦးစိုးသိန်းက ထပ်မံ ပြောကြားခဲ့ပါသည်။

Read More

လွတ်ငြိမ်းချမ်းသာခွင့်များ ပေးပြီးနောက် ရန်ကုန်တွင် ရာဇဝတ်မှု ပိုမို ထူပြောလာ

မြန်မာ အစိုးရသစ်တက်ပြီးနောက် လွတ်ငြိမ်းချမ်းသာခွင့် နှစ်ကြိမ်ပေးခဲ့ရာတွင် ရာဇ၀တ်အကျဉ်းသား ဦးရေ များပြားသည့် အတွက် ရန်ကုန်မြို့တွင်း မြို့နယ်၊ ရပ်ကွက် တချို့တွင် ရာဇ၀တ်မှုများ ပိုမိုဖြစ်ပေါ်နေကြောင်း ရန်ကုန်မြို့ခံများထံမှ သိရသည်။

“ဒါကတော့ ခြွင်းချက်အနေနဲ့ ဖြစ်နိုင်ပါတယ်။ ထောင်ကထွက်လာရင် အပြင်မှာသူတို့အတွက် အလုပ်က မရှိရင် စားဝတ် နေရေးအတွက် အရင်လိုပဲ ခါးပိုက်နှိုက်တာ၊ ခိုးတာ၊ လုယက်တာတွေ ကျူးလွန်လေ့ရှိတတ်ပါတယ်” ဟု ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြောသည်။

နိုင်ငံတော်သမ္မတ လွတ်ငြိမ်းချမ်းသာခွင့် ပေးသည့် သတင်းကျွတ်လပြည့်နေ့က ရန်ကုန် အင်းစိန် အကျဉ်းထောင် ရှေ့တွင် ဤသို့တွေ့ရသည် (ဓာတ်ပုံ - ဧရာဝတီ)

သမ္မတဦးသိန်းစိန်၏ အမိန့်ဖြင့် လွတ်ငြိမ်းချမ်းသာခွင့် နှစ်ကြိမ်ပေးခဲ့ရာတွင် အကျဉ်းသား စုစုပေါင်း ၂၀၀၀၀ ခန့် လွှတ်ပေးခဲ့ သော်လည်း နိုင်ငံရေး အကျဉ်းသား ရာဂဏန်းသာ ပါဝင်သည်။

ပြန်လည်လွတ်မြောက်လာသူ များထဲ၌ အများစုသည် ရာဇ၀တ်မှု ကျူးလွန်ခြင်းကြောင့် ထောင်ဒဏ် ကျခံရသူများဖြစ်ပြီး အလုပ်အကိုင်ရှားပါးခြင်း၊ ဘ၀ရပ်တည်ရေး ခက်ခဲခြင်းတို့ကြောင့် ရာဇ၀တ်မှုများ ထပ်မံကျူးလွန်ခြင်း ဖြစ်နိုင်ကြောင်း ရန်ကုန်မြို့ခံ တချို့က သုံးသပ် ပြောဆိုနေသည်။

ထောင်မှ ပြန်လည်လွှတ်မြောက်လာသော ရာဇ၀တ်သားများအနေဖြင့် နောက်ထပ်တကြိမ် ရာဇ၀တ်မှု မကျူးလွန်နိုင်ရေး၊ အ လုပ်အကိုင် အခွင့်အလမ်းများ ရှာဖွေပေးနိုင်မည့် နည်းလမ်းများရှာဖွေရေး စသည့်အချက်များပါဝင်သော အကျဉ်းထောင် ဥပဒေပြင်ဆင်ရေး အဆိုတခုအား လွှတ်တော်၌ တင်သွင်းခဲ့သော်လည်း အောင်မြင်မှု မရခဲ့ကြောင်း ဦးသိန်းညွန့်က ရှင်းပြသည်။

ရာဇ၀တ်မှု ကျူးလွန်သူများသည် အုပ်စုဖွဲ့၍ လူသတ်မှုကျူးလွန်ခြင်း၊ လုယက်ခြင်း၊ ခိုးမှုကျူးလွန်ခြင်း စသည့်ကိစ္စရပ် များကို ကျူးလွန်နေခြင်းကြောင့် ရန်ကုန်ဒေသခံများ စိုးရိမ်နေကြကြောင်း သိရသည်။

မြောက်ဥက္ကလာပ မြို့နယ်၏ 6-Stars စားသောက်ဆိုင်ထဲရှိ ကိုကျော်မင်း ဆိုသူအား မျက်နှာဖုံး ကိုယ်စီစွပ်ထားသည့် လူ ၁၀ ဦးခန့်က ဓားဖြင့်ခုတ်သတ်မှု တခု နိုဝင်ဘာလ ၁၇ ရက် ညနေက ဖြစ်ပွားခဲ့ပြီး ယခုအခါ တရားခံ ၇ ဦးအား ဖမ်းမိ
ထားကြောင်း ပြည်တွင်း မီဒီယာ တချို့တွင် ရေးသားထားသည်။

“ဗီဒီယို ဇာတ်ကားထဲက လူမိုက်ဂိုဏ်းသားတွေ ရမ်းကားတဲ့ ပုံစံနဲ့အကြမ်းဖက် တိုက်ခိုက်သလိုမျိုးပါ။ လူဆိုးတွေက မျက်နှာဖုံးတွေ စွပ်ထားတော့ ပတ်ဝန်းကျင်ကလည်း ကူညီတာတွေ တားဆီးတာတွေ မလုပ်ရဲကြဘူး” ဟု မြောက်ဥက္ကလာပ ဒေသခံတဦးက ပြောသည်။

ပန်းပဲတန်းမြို့နယ်မှ ကိုသန့်ဇင်လတ် (ခ) ကိုမင်းဇင်အားလည်း ၎င်းနှင့် ရန်ငြိုးရှိသူတဦးက အငှားကားတစီးဖြင့် ဒရွတ်တိုက် ဆွဲခေါ်ကာ သတ်ဖြတ်မှု ယခုလဆန်းပိုင်းက ဖြစ်ပေါ်ခဲ့သေးသည်။

နိုဝင်ဘာလ အတွင်း အင်းစိန်မြို့နယ်၌ အနုကြမ်းစီးမှု၊ လမ်းမတော်မြို့နယ်၌ ဓားပြတိုက်ပြီး အိမ်ရှင်အား သတ်ဖြတ် ခဲ့မှုအပြင် ပုဇွန်တောင် မြို့နယ်တွင်လည်း ရာဇ၀တ်မှု တခုဖြစ်ပွားခဲ့ကြောင်း Eleven မီဒီယာ၏ အွန်လိုင်းစာမျက်နှာတွင် ဖော်ပြ ထားသည်။

ထိုကဲ့သို့ ရာဇ၀တ်မှုများ ဆက်တိုက် ဖြစ်ပေါ်လာရခြင်းသည် ရဲတပ်ဖွဲ့နှင့်သက်ဆိုင်နေရာ မြို့နယ် အာဏာပိုင်များ၏ အုပ်ချုပ်ရေးစနစ် လျော့ရဲမှုကြောင့် ဖြစ်ကြောင်း ရန်ကုန်မြို့ခံ တဦးက ပြောသည်။

“အဓိကကတော့ ရဲတပ်ဖွဲ့တွေရဲ့ အုပ်ချုပ်ရေး ကိစ္စ လျော့နေလို့ပါ။ တချို့အမှုတွေ ဆိုလည်း အမှုပေါ်အောင် မလုပ်ဘူး။ ဒီတော့ ထပ်ဖြစ်တယ်။ ဥပမာ- ၅ လောင်းပြိုင် လူသတ်မှု ဆိုရင် အခုထိမပေါ်သေးဘူး။ ဒါပေမယ့် အဲဒီတုန်းက ရဲချုပ်က အခု ၀န်ကြီးတောင် ဖြစ်နေတယ်” ဟု ရန်ကုန်မှ ရှေ့နေ ဦးအောင်သိန်းက ဆိုသည်။

ရန်ကုန်မြို့ တက္ကသိုလ်ရိပ်သာလမ်းတွင် ၅ လောင်းပြိုင် လူသတ်မှုတခု ၂၀၀၈ ခုနှစ် မတ်လက ဖြစ်ပေါ်ခဲ့သော်လည်း လူသတ်တရားခံအား ယနေ့အထိ ဖော်ထုတ်နိုင်ခြင်း မရှိသေးပေ။

ရာဇ၀တ်မှုများသည် ရန်ကုန်မြို့အပါအ၀င် တနိုင်ငံလုံး နီးပါး ဖြစ်ပေါ်နေခြင်းကြောင့် ဘက်မလိုက်သော စုံစမ်းဖော်ထုတ်ရေး ကော်မရှင် တရပ် ဖွဲ့စည်းနိုင်ရေး ကိစ္စကို တာဝန်ရှိသူများက စဉ်းစားသင့်ကြောင်းလည်း လွှတ်တော်ကိုယ်စားလှယ် ဦးသိန်းညွန့်က ဆိုသည်။

ရန်ကုန်မြို့၏ မြို့နယ်၊ ရပ်ကွက် အများစုတွင် လုံခြုံရေး ဆောင်ရွက်ထားမှု အားနည်းနေခြင်းကြောင့် နေအိမ်များ လုံခြုံရေး စိုးရိမ်နေကြရကြောင်း၊ ရပ်ကွက်၊ လမ်း လုံခြုံရေးအတွက် မီးကင်းကြေးကို အာဏာပိုင်များက ပုံမှန်ကောက်ခံသည့်တိုင် လုံခြုံရေး ကိစ္စကို တာဝန်ယူမှု အားနည်းကြောင်း ရန်ကုန်မြို့တချို့က ပြောသည်။

မှုခင်းကျဆင်းရေး လုပ်ငန်းများ ဆောင်ရွက်ရာတွင် ကြိုတင်တားဆီးရေး လုပ်ငန်းသည် အရေးကြီးပြီး ပြည်သူများ၏ ပါဝင် ပူးပေါင်းမှု ရှိမှသာ မြို့ပြ၏ လုံခြုံရေး ကို ထိရောက်စွာ ဆောင်ရွက်နိုင်မည်ဟု မြန်မာနိုင်ငံရဲတပ်ဖွဲ့ ရဲအရာရှိတဦး ကပြော ဆိုသည်ကို Eleven မီဒီယာ အင်တာနက် စာမျက်နှာ၌ ရေးသားထားသည်။

ရာဇ၀တ်မှုများနှင့် ပတ်သက်၍ အမှုလိုက်ရဲအရာရှိများ၊ ဥပဒေ ၀န်ထမ်းများနှင့် တရားသူကြီး တချို့၏ လာဘ်ပေး၊ လာဘ်ယူမှု များကြောင့် ပြစ်မှုထပ်မံကျူးလွန်ခြင်းများ ရှိတတ်ကြောင်း ရန်ကုန်မြို့ခံ ရှေ့နေတချို့က ပြောသည်။

“အဲဒီလို ပုဂ္ဂိုလ်တွေနဲ့ ပေါင်းပြီးတော့ များများလိမ်တာတွေ၊ တိမ်းရှောင်တာတွေ၊ ပြစ်ဒဏ်ပေါ့လျော့အောင် လုပ်တာတွေ ရှိတာ
ကြောင့် ပြစ်မှုတွေ ထပ်ကျူးလွန်တာ မျိုးတွေ တွေ့ရတယ်။ များများလိမ်ပြီး တရားရုံးမှာ ပြန်သုံးမယ် ဆိုတာမျိုးပေါ့” ဟု ရှေ့နေ
တဦးလည်းဖြစ်သည့် ဦးသိန်းညွန့်က ဆိုသည်။

ရှေ့နေ ဦးအောင်သိန်းကလည်း လက်ရှိ အခြေအနေပေါ်မူတည်၍ တရားဥပဒေစိုးမိုးရေး၊ အုပ်ချုပ်ရေး ယန္တယား ကိစ္စများကို ဥပဒေနှင့်အညီ မလုပ်ဆောင် နိုင်သေးပါက လူသတ်မှုများ၊ ရာဇ၀တ်မှု များသည် နည်းလမ်းစုံဖြင့် ပေါ်ပေါက်နေဦးမည်သာ ဖြစ်ကြောင်း ပြောသည်။

Read More

ရွှေလီ ရေကာတာစီမံကိန်း ဒေသခံ ၁၅၀၀၀ ခန့် အခက်ကြုံနိုင်

ရှမ်းပြည်နယ် မြောက်ပိုင်း ရွှေလီမြစ်ပေါ်တွင် တည်ဆောက်နေသည့် ရေကာတာစီမံကိန်း အမှတ်(၂)နှင့်(၃) ၂ ခုကြောင့် ရွာပေါင်း ၂၅ ရွာရှိ လူဦးရေ ၁၅၀၀၀ ခန့်သည် ရေလွှမ်းမိုးမှုအပါအ၀င် အခက်အခဲများနှင့် ကြုံတွေ့ရဖွယ်ရှိကြောင်း သိရသည်။

ရေကာတာ စီမံကိန်းဝန်းကျင်ရှိ ရေလွှမ်းမိုးနိုင်ဖွယ်ရှိသော ကျေးရွာ ၅ ရွာကိုလည်း အဓမ္မပြောင်းရွှေ့ခိုင်းထားသည်ဟု ပလောင် ကျောင်းသားလူငယ်များ အစည်းအရုံး(TSYO)က ယနေ့ ထိုင်းနိုင်ငံ မြောက်ပိုင်း ချင်းမိုင်မြို့တနေရာ၌ ပြုလုပ်သည့် သတင်းစာ ရှင်းလင်းပွဲတွင် ပြောကြားခြင်း ဖြစ်သည်။

“အဲဒီဒေသမှာရှိတဲ့ ရွာပေါင်း ၅ ရွာနဲ့ သူတို့လယ်မြေတွေဖြစ်တဲ့ လက်ဖက်ခြံနဲ့ စိုက်ပျိုးရေး ခြံတွေ ဧက ထောင်ပေါင်းများစွာ ရေ နစ်မြုပ်သွားနိုင်ပါတယ်”ဟု TSYO အဖွဲ့မှ မိုင်းအောင်ကိုက ပြောသည်။

ရွှေလီရေကာတာ အမှတ် ၃ တည်ဆောက်မည့်ဒေသအတွင်းရှိ မိုးလို၊ နားရုံး၊ နားယား၊ မိုးခပ်၊ နားဆော့ စသည့် ကျေးရွာဒေသ ခံများကိုလည်း လာမည့် ၂၀၁၃ ခုနှစ်တွင် ပြောင်းရွှေ့ပေးရန် မိုးမိတ်မြို့နယ် အာဏာပိုင်များက အမိန့်ပေးထားကြောင်း ၎င်းက ဆိုသည်။

မိုင်းအောင်ကိုက“မြန်မာ အစိုးရဟာ ရှေ့တမျိုးနောက်တမျိုးနဲ့ မျက်နှာနှစ်ခုလုပ်ပြီး ဧရာဝတီမြစ်လက်တက်တွေကို တရုတ် ဆီ ရောင်းရင်း ဧရာဝတီမြစ်ကြီးကို ကာကွယ်စောင့်ရှောက်မယ့် ဟန်ပြနေတယ်”ဟု ပြောသည်။

ရွှေလီမြစ်ပေါ်တွင် တည်ဆောက်နေသည့် လျှပ်စစ် ဓာတ်အား မဂ္ဂါဝပ် ၅၂၀ ထုတ်လုပ် ပေးနိုင်သော ရွှေလီ အမှတ် ၂ ရေကာတာ စီမံကိန်းကို တရုတ်အစိုးရက တည်ဆောက်၊ လည်ပတ်၊ လွှဲပြောင်း(BOT) စနစ်ဖြင့် ပြုလုပ်ရန် သဘောတူ လက်မှတ် ရေး ထိုးထားကြောင်း TSYO ၏ ယနေ့ ထုတ်ပြန်သည့် “ထိန်းချုပ်မှုအောက်က မြစ်ရွှေလီ” အစီရင်ခံစာတွင် ဖော်ပြထားသည်။

မဂ္ဂါဝပ် ၁၀၅၀ ထုတ်လုပ်ပေးမည့် အမှတ် ၃ ရေကာတာကိုမူ ဆွစ်ဇာလန်နိုင်ငံမှ ကိုလန်ကို စွမ်းအင် အင်ဂျင်နီယာ ကုမ္ပ္မဏီက မြန်မာနိုင်ငံ အမှတ် (၁) လျှပ်စစ် စွမ်းအားဝန်ကြီးဌာနနှင့် ၂၀၁၀ ပြည့်နှစ် ဖေဖော်ဝါရီလက နားလည်မှု စာချွန်လွှာ လက်မှတ် ရေးထိုးခဲ့ကြောင်း သိရသည်။

ရေကာတာကို အကြောင်းပြကာ အစိုးရတပ် စစ်သားများ ရောက်ရှိလာပြီး ဒေသခံ ပြည်သူများ၏ လယ်မြေများ သိမ်းပိုက်ခြင်း၊ မြစ် အတွင်း၌ ငါးဖမ်းမှု ကန့်သတ်ခြင်းများကြောင့် စားဝတ်နေရေး အခက်အခဲများ ကြုံတွေ့နေရကြောင်း မိုင်းအောင်ကိုက ပြော သည်။

“နိုင်ငံခြားကနေ လာပြီး ရေကာတာ ဆောက်လုပ်သူတွေဟာ ပတ်ဝန်းကျင်မှာ ဖြစ်နေတဲ့ စစ်မီးကို အလေးထားဂရုပြုပြီး ရင်းနှီး မြုပ်နှံမှုတွေကို ချက်ချင်း ပြန်ရုပ်သိမ်းသင့်ပါတယ်”ဟု ၎င်းက ဆိုသည်။

စီမံကိန်း အမှတ် (၂) နှင့် (၃) တို့မှာ မိုးမိတ်မြို့အနီးတွင် တည်ရှိပြီး ယင်း စီမံကိန်းမှ ရရှိမည့် လျှပ်စစ် ဓာတ်အားများကို မြန်မာ နိုင်ငံဘက်သို့ ဖြန့်ဖြူးပေးခြင်း မရှိဘဲ တရုတ်နိုင်ငံ ဘက်သို့ ဖြန့်ဖြူးပေးရန်ရှိသည်ဟု မိုင်းအောင်ကိုက ပြောသည်။

၂၀၁၁ ခုနှစ်မတ်လကလည်း ရေအားလျှပ်စစ် စီမံကိန်းများကြောင့် ကယားပြည်နယ် အတွင်းရှိ ရွာပေါင်း ၂၀၀ ကျော်မှ ဒေသခံ ၃၇၀၀၀ ခန့် ရွှေ့ပြောင်းရမည်ဖြစ်ပြီး ယင်းတလဲ လူမျိုးများ ပျောက်ဆုံးရမည့် အရေးနှင့် ရင်ဆိုင်နေရကြောင်း KDRG အဖွဲ့က ထုတ်ပြန် ခဲ့ဖူးသည်။

လက်ရှိ အချိန်အထိ ကချင် ၊ ရှမ်း၊ ကယားပြည်နယ် နှင့် မန္တလေးတိုင်း၊ စစ်ကိုင်းတိုင်းများတွင် ဆောက်လုပ်နေဆဲ ရေကာတာ စီမံကိန်း၂၁ ခုရှိကြောင်း သိရသည်။

Read More

အမေရိကန် ရင်းနှီးမြှုပ်နှံမှုများ ဝင်မလာနိုင်သေးကြောင်း စီးပွားရေးသမားများ ပြောဆို

အမေရိကန်နိုင်ငံခြားရေး ၀န်ကြီး ဟီလာရီ ကလင်တန်၏ ခရီးစဉ်ကို မြန်မာ့စီးပွားရေးလုပ်ငန်းရှင်ကြီးများက ကြိုဆိုသော်လည်း စီးပွားရေး ရင်းနှီးမြှုပ်နှံများ ဝင်ရောက်လာရန်မှာ လက်တွေ့အားဖြင့် ဖြစ်နိုင်ချေ မရှိသေးကြောင်း ပြောဆိုမှုများ ရှိသည်။

ရန်ကုန်စီးပွားရေး အသိုင်းအ၀န်းတွင် မစ္စ ကလင်တန်နှင့်အတူ အမေရိကန် စီးပွားရေးလုပ်ငန်းရှင်များ လိုက်ပါလာကြောင်း၊ ထို့ကြောင့် ရင်းနှီးမြှုပ်နှံမှုများ ၀င်ရောက်လာတော့မည် ဖြစ်ကြောင်း ပြောဆိုသည့် သတင်းများ ထွက်ပေါ်နေသည်။

မြန်မာနိုင်ငံ ဆန်လုပ်ငန်းရှင်များ အသင်း ဥက္ကဋ္ဌ ဦးချစ်ခိုင်က “အများကြီးတော့ မျှော်လင့်မထားဘူး။ ပိတ်ဆို့အရေးယူမှုတွေ ရုပ်သိမ်းမှပဲ အားလုံး အလုပ်လုပ်လို့ ရမယ်” ဟု ဆိုသည်။

အိုဘားမား နှင့် ကလင်တန် (ဓာတ်ပုံ - Getty Images)

အမေရိကန် နိုင်ငံအနေဖြင့် မြန်မာနိုင်ငံအပေါ်ထားရှိသည့် စီးပွားရေးပိတ်ဆို့မှုကို ရုပ်သိမ်းမည်ဆိုလျှင် မြန်မာနိုင်ငံနှင့် ပြည်သူများ အတွက် အကျိုးရှိမည်ဟု မျှော်လင့်ကြောင်း၊ သို့သော်လည်း အမေရိကန် အစိုးရအနေဖြင့် စီးပွားရေး ပိတ်ဆို့မှု ရုပ်သိမ်းရေး အတွက် အချိန်ယူလုပ်ဆောင်လိမ့်မည်ဟု ထင်ကြောင်း ၎င်းက ဆက်ပြောသည်။

ထို့အပြင် လာမည့် ၂၀၁၂ ခုနှစ်၌ ပြုလုပ်မည့် အမေရိကန်ရွေးကောက်ပွဲ အခြေအနေကိုလည်း စောင့်ကြည့်ရမည်ဟု ဦးချစ်ခိုင်က ဆိုသည်။

Eleven Media Group ၏ facebook စာမျက်နှာတွင် အမေရိကန် လုပ်ငန်းရှင်များက မြန်မာနိုင်ငံ၌ ရင်းနှီးမြှုပ်နှံမှုများ ပြုလုပ်ရန် အတွက် ရန်ကုန်မြို့ရှိ အမေရိကန်သံရုံး ယာယီတာဝန်ခံမှတဆင့် ကမ်းလှမ်းမှုများ ပြုလုပ်နေသည်ဟု ဖော်ပြထားသည်။

မစ္စ ကလင်တန်၏ ယခုခရီးစဉ်တွင် မြန်မာနိုင်ငံရှိ လူမှုအဖွဲ့အစည်းများနှင့် တွေဆုံမည်ဟု သိရသော်လည်း မြန်မာနိုင်ငံ စက်မှု လက်မှု လုပ်ငန်းရှင်များ အသင်း (UMFCCI) မှ တာဝန်ရှိသူများနှင့်မူ တွေ့ဆုံရန် ပြောကြားထားခြင်းမရှိကြောင်း သိရသည်။

အမည်မဖော်လိုသည့် စီးပွားရေးလုပ်ငန်းရှင် တဦးကလည်း “အမေရိကန်အနေနဲ့ စီးပွားရေးပိတ်ဆို့မှုကို ဒေါ်အောင်ဆန်းစုကြည်က ရုပ်ပါလို့ ပြောရင်တောင်မှ ပြန်ရုပ်ဖို့ မလွယ်သေးဘူး။ ဒီဥပဒေက အမေရိကန် အထက်လွှတ်တော်၊ အောက်လွှတ်တော်တွေက ပြဌာန်းထားတာ” ဟု ဆိုသည်။

စီးပွားရေးပိတ်ဆို့မှုများ ရုပ်သိမ်းရန် မြန်မာအစိုးရ အပေါ်တွင်လည်း မူတည်ကြောင်း၊ လက်ရှိအခြေအနေတွင် တိုင်းရင်းသားဒေသ များ၌ အစိုးရစစ်တပ်မှ ထိုးစစ်ဆင်မှုများကြောင့် လူ့အခွင့်အရေး ချိုးဖောက်မှုများ ရှိနေပြီး နိုင်ငံတကာမှ တောင်းဆိုထားသည့် နိုင်ငံရေး အကျဉ်းသားများအား ခြွင်းချက်မရှိလွှတ်ပေးရေးကိုလည်း အစိုးရက ဆောင်ရွက်ခြင်း မရှိသေးကြောင်း၊ ထိုကြောင့် စီးပွားရေးပိတ်ဆို့မှု ရုပ်သိမ်းရေးမှာ မလွယ်ကူကြောင်း ၎င်းက ထောက်ပြသည်။

လက်ရှိအခြေအနေတွင် မြန်မာအစိုးရအနေဖြင့် တိုင်းရင်းသား လက်နက်ကိုင်အဖွဲ့များနှင့် စေ့စပ်ဆွေးနွေးရေးများ ပြုလုပ်နေသော် လည်း လက်တွေ့ကျပြီး ခိုင်မာသည့် သဘောတူညီချက် မရရှိသေးပေ။

UMFCCI ဒု ဥက္ကဋ္ဌ ဦးလှမောင်ရွှေက ယခုအစိုးရသစ်လက်ထက် နိုင်ငံတကာ အသိုင်းအ၀န်းနှင့် ထိတွေ့ဆက်ဆံမှု ပိုမိုများပြား လာကြောင်း၊ အမေရိကန်အစိုးရ အနေဖြင့်လည်း တဖြည်းဖြည်းချင်း ပိတ်ဆို့အရေးယူမှုများ ရုပ်သိမ်းရေးကို လုပ်ဆောင် လိမ့်မည်ဟု ယုံကြည်ကြောင်း ပြောသည်။

နိုင်ငံရေး လေ့လာသူများကမူ အမေရိကန်နိုင်ငံ၏ စီးပွားရေး ပိတ်ဆို့မှုမှာ ချက်ခြင်းရုပ်သိမ်း၍ မရနိုင်ကြောင်း၊ ထိုကြောင့် စီးပွားရေး ရင်းနှီးမြှုပ်နှံမှုများ လာရောက်မည်ဟု မထင်ကြောင်း၊ သို့သော် ယခု အမေရိကန်နိုင်ငံခြားရေး ၀န်ကြီး၏ ခရီးစဉ်အပြီးတွင် လူသားချင်း စာနာထောက်ထားသည့် အကူအညီများ ပေးအပ်ခြင်း ရရှိလာနိုင်ကြောင်း ထင်မြင်ချက်ပေးသည်။

ရန်ကုန်အခြေစိုက် သတင်းသမားများကမူ မြန်မာအစိုးရအနေဖြင့် အမေရိကန်နိုင်ငံ၏ စီးပွားရေးပိတ်ဆို့မှုများ ရုပ်သိမ်း လိမ့်မည်ဟု မျှော်လင့်နေကြောင်း ခန့်မှန်း ပြောဆိုကြသည်။

ယမန်နေ့က ပြည်ထောင်စုဝန်ကြီး ဦးစိုးသိန်းသည် သတင်းစာရှင်းလင်းပွဲတရပ် ပြုလုပ်ခဲ့ရာ ရန်ကုန်မြို့အား စင်ကာပူနိုင်ငံကဲ့သို့ ခေတ်မီသော အဆောက်အဦ၊ လမ်း၊ တံတားများ ဖြစ်စေရန် အမြန်ဆုံးအကောင်အထည်ဖော် တည်ဆောက်ရန် ဖွံ့ဖြိုးရေး စီမံကိန်းများ ရေးဆွဲနေသည်ဟု သတင်းထောက်များအား ပြောခဲ့ကြောင်း သိရသည်။

အမေရိကန် နိုင်ငံခြားရေး ၀န်ကြီးသည် မနက်ဖြန် နိုဝင်ဘာ ၃၀ ရက်နေ့တွင် နေပြည်တော်သို့ ရောက်ရှိမည်ဖြစ်ပြီး ဟိုတယ်ဇုန်ရှိ သင်္ဂဟ ဟိုတယ်တွင် တည်းခိုကာ အစိုးရ တာဝန်ရှိသူများနှင့် တွေ့ဆုံမည် ဖြစ်သည်။

ဒီဇင်ဘာ ၁ ရက်နေ့တွင် ရန်ကုန်မြို့သို့ သွားရောက်ကာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် အမျိုးသား ဒီမိုကရေစီ အဖွဲ့ချုပ် အဖွဲ့ဝင်များနှင့်လည်ကောင်း၊ တခြားသော နိုင်ငံရေးပါတီများ၊ လူမှုအဖွဲ့အစည်းများနှင့် လည်းကောင်း တွေ့ဆုံမည်ဖြစ်သည်။

Read More

ထိပ်တန်း အတွေးအခေါ်ရှင် များတွင် ဒေါ်အောင်ဆန်းစုကြည် ပါဝင်

ဝါရှင်တန်အခြေစိုက် Foreign Policy မဂ္ဂဇင်းကြီးက ၂၀၁၁ ခုနှစ်အတွက် ကမ္ဘာ့ထိပ်တန်း အတွေးအခေါ်သမား ၁၀၀ ရွေးချယ်ရာတွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ထည့်သွင်း ဖော်ပြလိုက်သည်။



“အာဏာရှင်အုပ်ချုပ်မှုအောက်မှ မြန်မာပြည် ရုန်းထွက်နိုင်ပြီ ဆိုပါက ထိုဖြစ်ရပ်သည် ဒေါ်အောင်ဆန်းစုကြည်၏ နိုင်ငံရေးအရ ပါးနပ်လိမ္မာမှု နှင့် ကြံ့ကြံ့ခံရပ်တည်လှုပ်ရှားမှုကြောင့် ဖြစ်ပေလိမ့်မည်” ဟု ယခုလထုတ် Foreign Policy မဂ္ဂဇင်းတွင် ရေးသားထားသည်။

ဒေါ်အောင်ဆန်းစုကြည်၏ အမည်ကို မဂ္ဂဇင်း၏ ကမ္ဘာ့ထိပ်တန်း အတွေးအခေါ်သမားများစာရင်း အမှတ်စဉ် ၃၁ တွင် တွေ့ရသည်။

အာရပ်နွေဦးတော်လှန်ရေး ခေါင်းဆောင်များဖြစ်သည့် အီဂျစ်နိုင်ငံမှ Mohamed ElBaradei and Wael Ghonim တို့ကို အမှတ်စဉ် ၁ တွင် ဖော်ပြထားသည်။ အမေရိကန် သမ္မတ အိုဘားမားက အမှတ်စဉ် ၁၁ တွင် ရှိနေသည်။

Foreign Policy မဂ္ဂဇင်းက ဒေါ်အောင်ဆန်းစုကြည်သည် မြန်မာ့ဒီမိုကရေစီအရေးအတွက် အနှစ် ၂၀ ကျော် ဆောင်ရွက်ခဲ့သူဖြစ်ပြီး ထိုကာလအတွင်း ထိန်းသိမ်းခံရသည့် ကာလ ၁၅ နှစ် ရှိခဲ့သည်ဟု ရေးထားသည်။

ယမန်နှစ်က အချုပ်အနှောင်မှ ပြန်လွတ်လာသော်လည်း ဒီမိုကရေစီရေး ကြိုးပမ်းမှုများကို ဆက်လက် ဆောင်ရွက်ခဲ့ကြောင်း၊ နှစ် ၅၀ နီးပါး စစ်အုပ်ချုပ်မှုအောက်ရောက်ခဲ့သည့် မြန်မာနိုင်ငံသည် ဒေါ်အောင်ဆန်းစုကြည်နှင့်အတူ ရှေ့သို့ တက်လှမ်းနေပုံ ရှိကြောင်း ဖော်ပြထားသည်။

အစိုးရသစ်၏ သမ္မတ ဦးသိန်းစိန်သည် စာနယ်ဇင်းချုပ်ကိုင်မှုများ ဖြေလျှော့ပေးခဲ့ပြီး စီးပွားရေးပြုပြင်ပြောင်းလဲမှုနှင့် နိုင်ငံရေးအကျဉ်းသား ရာပေါင်းများစွာကို လွှတ်ပေးခဲ့ကြောင်းလည်း Foreign Policy မဂ္ဂဇင်းက မှတ်ချက်ပြုထားသည်။

Read More

မြန်မာသင်္ဘောသားများပါဝင်သော တောင်ကိုရီးယား ကုန်တင်သင်္ဘောနစ်မြုပ်ပြီး မြန်မာသင်္ဘောသား လေးဦး ပျောက်ဆုံးနေ

နစ်မြုပ်ခဲ့သည့် Bright Ruby ကုန်တင်သင်္ဘောအား တွေ့ရစဉ်

မြန်မာသင်္ဘောသားများပါဝင်သော တောင်ကိုရီးယား ကုန်တင်သင်္ဘောသည် တောင်တရုတ်ပင်လယ်ပြင်တွင် ရာသီဥတု ဆိုးရွားမှုကြောင့် နိုဝင်ဘာလ ၂၁ ရက်နေ့က နစ်မြုပ်ခဲ့ကြောင်း သတင်းရရှိပါသည်။

အဆိုပါသင်္ဘောနစ်မြုပ်ခဲ့ပြီးနောက် ယင်းသင်္ဘောတွင်ပါဝင်သော သင်္ဘောသား ၁၄ ဦးအား ကယ်တင်နိုင်ခဲ့ပြီး၊ မြန်မာလေးဦးနှင့် တောင်ကိုရီးယားသုံးဦးတို့ ပျောက်ဆုံးနေဆဲဖြစ်ကြောင်း သတင်းဖော်ပြချက်များအရ သိရသည်။

တောင်ကိုရီးယားကုမ္ပဏီပိုင် တန်ချိန် ၁၅၀၀၀ ခန့်ရှိ Bright Ruby ကုန်တင်သင်္ဘောသည် နိုဝင်ဘာလ ၂၁ရက်နေ့က တောင်တရုတ်ပင်လယ်ပြင်တွင် ရာသီဥတုဆိုးရွားမှုကြောင့် နစ်မြုပ်ခဲ့သည်။ အဆိုပါသင်္ဘောတွင် မြန်မာလူမျိုးများအပါအ၀င် စုစုပေါင်းသင်္ဘောသား ၂၁ ဦးပါဝင်သည်ဟု သိရသည်။

ဟောင်ကောင်ရေတပ်မှ တာဝန်ရှိသူများသည် ပျောက်ဆုံးလျှက်ရှိသော သင်္ဘောသားများအား အမြန်ဆုံး တွေ့ရှိနိုင်ရန် ရှာဖွေမှုများ ပြုလုပ်လျှက်ရှိသည်ဟု သိရသည်။

Bright Ruby သင်္ဘောမှ ပျောက်ဆုံးနေသော မြန်မာသင်္ဘောသားအချို့၏ မိသားစုဝင်များသည် မြန်မာနိုင်ငံ ပင်လယ်ကူးသင်္ဘောသားများအသင်းသို့ လာရောက်အကြောင်းကြားခြင်း၊ မေးမြန်းဆက်သွယ်ခြင်းများ ပြုလုပ်ခဲ့ကြောင်းသိရသည်။

Read More

မန္တလေး၌ ကချင်စစ် ရပ်စဲရေး ဆုတောင်း၍ ဒုက္ခသည်များသို့ ကူညီ

ကချင်ပြည်နယ်တွင် ဖြစ်ပွားနေသည့် ပြည်တွင်းစစ်ရပ်စဲရေး ဆုတောင်းပွဲနှင့် ထွက်ပြေးတိမ်းရှောင်နေရသည့် စစ်ပြေးဒုက္ခသည်များ ကူညီပေးရေးလှူဒါန်းပွဲကို မန္တလေးအခြေစိုက် လူမှုကူညီရေးအဖွဲ့များက ယနေ့နေ့လယ်၂နာရီခန့်တွင် မန္တလေးမြို့ ကံတက်ကုန်း မစိုးရိမ် ကျောင်းတိုက်၌ ကျင်းပသည်။

မန္တလေး အခြေစိုက် အမရသုခ၊ နှလုံးသားဖောင်ဒေးရှင်း၊ အာရှအလင်းရောင်၊ ပီတိမိုး ကောင်းကင် စသည့် လူမှုရေးအဖွဲ့ ၁၅ ဖွဲ့ခန့်မှ နယ်မြေလုံခြုံမှုမရှိသော ဒေသများရှိ ကလေးသူငယ်များသို့ ကူညီရေးနှင့် ငြိမ်းချမ်းရေးဆုတောင်းပွဲ ခေါင်းစဉ်ဖြင့် ကျင်းပကြောင်း လူမှုရေးလုပ်ငန်း လုပ်ကိုင်နေသူ တဦးက ပြောသည်။

မန္တလေးမြို့ ကံတက်ကုန်း မစိုးရိမ်ကျောင်းတိုက်မှ တိုင်ရင်းသား ကျောင်းသားကျောင်းသူလေးများ၏ ငြိမ်းချမ်းရေး ဆုတောင်းပွဲ(ဓာတ်ပုံ - ရဲဘော်သူရိန် facebook မှ)

“ကချင်ပြည်နယ်က စစ်ပွဲတွေအတွက် မိဘမဲ့တိုင်းရင်းသား ကျောင်းသားလေးတွေက ငြိမ်းချမ်းရေးဆုတောင်းမယ်၊ ပြီးရင် ပရဟိ တ အဖွဲ့တွေက ငွေသား ကျပ် သိန်း ၃၀ကျော် နဲ့ အ၀တ်အစား၊ အစားအသောက်တွေလှူမယ်”ဟု ၎င်းကဆိုသည်။

ယမန်နေ့ကလည်း ကံတက်ကုန်းမစိုးရိမ် ကျောင်းတိုက်ရှိ မိဘမဲ့တိုင်းရင်းသားကျောင်းသား ၂၀၀ကျော်က စစ်ပွဲ ဖြစ်ပွားရာ ဒေသမှ ကလေးသူငယ်များထံ စိတ်ဓာတ်အားပေးသည့် စာနှင့် ပန်းချီကားများ ပေးပို့ကြကြောင်း သိရသည်။

ထို့အပြင် မန္တလေးမြို့ခံ စာရေးဆရာများဖြစ်သည့် ဆရာညီပုလေး၊ ဆရာဆူးငှက်၊ ဆရာ ညီစေမင်းတို့လည်း ပြည်တွင်းစစ်နှင့် ပတ်သက်သည့် ဖြစ်ပေါ်လာသော ဆိုးကျိုးများ၊ တိုင်းရင်းသားညီအစ်ကိုချင်း ချစ်ကြည်မှုများကို ဟောပြောကြသည်။

ဆရာဆူးငှက်က“မိဘမဲ့ကျောင်းဆိုတော့ ကချင်၊ ကရင်၊ ရှမ်း လူမျိုးစုံပါတယ်၊ ဒါကြောင့် ညီညွတ်ရေးအကြောင်း ဟောတာ”ဟု ပြောပြသည်။

တခြားလူမှုရေးအဖွဲ့တခုဖြစ်သည့် မြင့်မြတ်ဧရာဝတီ လူမှုရေးအဖွဲ့မှလည်း ပြီးခဲ့သည့် ရက်ပိုင်းက မြစ်ကြီးနားဒေသရှိ စစ်ပြေးဒုက္ခသည်များအတွက် ပထမအကြိမ် အလှူငွေနှင့် အစားအသောက်၊ အ၀တ်အထည်များကို ဒေသရှိ ဘုန်းတော်ကြီးကျောင်း၊ ဘုရားကျောင်း များမှ တဆင့်လှူဒါန်းသည်။

ဘ၀အလင်း ပရဟိတနှင့် ရန်ကုန် နာရေးကူညီမှု အသင်းတို့ကလည်း မကြာမီ ကချင်ပြည်နယ်သို့ သွားရောက်လှူဒါန်းရန်ရှိကြောင်း သိရသည်။

ပြီးခဲ့သည် ဇွန်လကတည်းက အစိုးရစစ်တပ်နှင့် ကချင်လွတ်လပ်ရေး တပ်မတော်(KIA)တို့အကြား စတင်ဖြစ်ပွားသည့် တိုက်ပွဲများမှာ ယနေ့အထိ ဆက်လက်ဖြစ်ပွားနေပြီး ယခုအခါ ဆောင်းရာသီသို့ ရောက်ရှိလာပြီ ဖြစ်၍ အ၀တ်အထည် အသုံးအဆောင်များ လိုအပ်နေကြောင်း တရုတ် – မြန်မာနယ်စပ်အခြေစိုက် အကူအညီပေးရေး အဖွဲ့များ အဆိုအရ သိရသည်။

“ထိုးစစ်တွေ ကြောင့် ဒုက္ခသည်တွေပိုများလာတယ်”ဟု တရုတ်- မြန်မာနယ်စပ် မိုင်ဂျာယန်အခြေစိုက် ဒုက္ခသည်များကို ကူညီနေ သည့် ကချင် အမျိုးသမီးအစည်းအရုံး အဖွဲ့ဝင် မိုင်းဂျာ က ဆိုသည်။

ကချင်ပြည်နယ်အတွင်း တိုက်ပွဲများဖြစ်ပွားကာစက ထွက်ပြေးတိမ်းရှောင်နေသည့် ဒုက္ခသည် သုံးသောင်းခန့်ရှိသော်လည်း အစိုးရ စစ်တပ်များ တိုးချဲ့လာပြီး တိုက်ပွဲများ ပြင်းထန်လာ၍ ယခုအခါ လေးသောင်းကျော်ရှိလာရာ နေရာချထားရေးနှင့် စားဝတ် နေရေး၊ ရာသီဥတု ဒဏ်ခံနိုင်စေရန်အတွက် အနွေးထည် စသည်တို့ လုံလောက်မှုမရှိကြောင်း ၎င်းက ဆက်လက်ပြောဆိုသည်။

Read More

မွန် နှစ်ပါတီ ပေါင်းစည်းတော့မည်

အစိုးရ ကျင်းပခဲ့သော ၂၀၁၀ ရွေးကောက်ပွဲကို ဆန့်ကျင်ခဲ့သည့် မွန်အမျိုးသား ဒီမိုကရေစီ အဖွဲ့(MNDF)ပါတီနှင့် မွန်ဒေသလုံး ဆိုင်ရာ ဒီမိုကရေစီပါတီ(AMRDP) နှစ်ပါတီ ပူးပေါင်း၍ တပါတီအဖြစ် ရပ်တည်ရန် စီစဉ်နေကြောင်း သိရသည်။

NDF သည် ၁၉၉၀ ပြည့်နှစ် ရွေးကောက်ပွဲတွင် မွန်ပြည်နယ်ရှိ မဲဆန္ဒနယ် ၅ ခုတွင် အနိုင်ရခဲ့သော ပါတီဖြစ်ပြီး AMRDP က၂၀၁၀ ရွေးကောက်ပွဲတွင် အစိုးရ လွှတ်တော်သုံးရပ်၌ ကိုယ်စားလှယ် ၃၄ ဦး ၀င်ရောက် ယှဉ်ပြိုင်ခဲ့ရာ ၁၆ ဦး အနိုင်ရထားသော ပါတီ ဖြစ်သည်။

မွန်ဒေသလုံး ဆိုင်ရာ ဒီမိုကရေစီပါတီ ရေးမြို့ရုံး ဆိုင်းဘုတ်တင်ပွဲ(ဓာတ်ပုံ - ဧရာဝတီ)

ယခုရက်ပိုင်းအတွင်း ပါတီခေါင်းဆောင်များနှင့် တွေ့ဆုံခဲ့ပြီး ပါတီပူးပေါင်းရေးအတွက် မူအရလက်ခံ သဘောတူထားကြောင်း
AMRDP ပါတီ ဥက္ကဌ ဦးနိုင်ငွေသိန်းက ဧရာဝတီသို့ ပြောသည်။

“ဘာပဲ ဖြစ်ဖြစ် ကျနော်တုို့ မွန်က တဖွဲ့ပဲ ဖြစ်ရမယ်”ဟု ၎င်းက ဆိုသည်။

ယခုကဲ့သို့ ပူးပေါင်းရခြင်းသည် ရှေ့လာမည့် ရွေကောက်ပွဲ အတွက် ရည်ရွယ်ကြောင်း၊ မွန်ပြည်သူ လူထုနှင့် မွန်သံဃာတော်များ လည်း ထောက်ခံအားပေးကြကြောင်း ဦးနိုင်ငွေသိန်းက ဆက်ပြောသည်။

AMRDPပါတီမှ အတွင်းရေးမှူး ဒေါက်တာ မင်းစိုးလင်းကလည်း“မဲပေးတဲ့ အချိန်မှာ မွန်လူမျိုးတွေကို မရောထွေးစေချင်ဘူး၊ ဒါ ကြောင့် ကျနော်တို့မှာ ပါတီတခုပဲ ရှိစေချင်တယ်၊ ပါတီ၂ ခုကို တခုအဖြစ် ပေါင်းလိုက်ရင် ပိုအားကောင်းမယ်ဆိုတာတော့ ပြောဖို့ မလိုဘူးထင်တယ်”ဟု ၎င်းက ဆိုသည်။

ဒေါ်အောင်ဆန်းစုကြည်နှင့် အမျိုးသား ဒီမိုကရေစီ အဖွဲ့ချုပ်(NLD) ပါတီ မှတ်ပုံတင်ရေးကို နိုဝင်ဘာလ ၁၈ ရက်နေ့တွင် ဆုံဖြတ်ခဲ့ သောကြောင့် နောက်လာမည့် ရွေးကောက်ပွဲတွင် ပြင်ဆင်ထားရန် လိုအပ်သည်ဟု မွန်ခေါင်းဆောင်များက ယုံကြည်နေကြသည်။

သမ္မတ ဦးသိန်းစိန် စည်းရုံးသည့်ဘက်သို့ ပါသွားသော ဒေါ်အောင်ဆန်းစုကြည် အပေါ် ယုံကြည်၍ မရတော့သဖြင့် ၎င်းတို့အနေနှင့် စည်းလုံးသင့်ကြောင်း AMRDPမှ ဦးနိုင်ငွေသိန်းက ရှင်းပြသည်။

“တိုင်းရင်းသားတွေက ဟိုတုန်းကတည်းက သူ့ကို ယုံတယ်။ အခုတော့ သူက တိုင်းရင်းသားတွေကို သစ္စာဖောက်သလို ဖြစ်သွား တယ်၊ အခုချိန်က ကျနော်တို့ ညီညွတ်ရမယ့် အချိန်ပဲ၊ ကျနော်တို့ ပူးပေါင်းဆောင်ရွက်ဖို့ အတွက် တိုင်းရင်းသား အဖွဲ့အစည်းတွေကို ဆွေးနွေးကြမှာပါ” ဟု ၎င်းက ဆိုသည်။

မွန်ပြည်သစ်ပါတီအတွင်းရေးမှူး နိုင်ဟံသာကလည်း ဒေါ်အောင်ဆန်းစုကြည်၏ အင်အား၊ တိုင်းရင်းသားများ၏အင်အား ပူးပေါင်းနိုင် ပါက အစိုးရကို ဆွေးနွေးရေး စားပွဲဝိုင်းသို့ ဆွဲခေါ် ရာတွင် ပိုမိုလွယ်ကူစေမည်ဟု ပြောသည်။

“ဒေါ်အောင်ဆန်းစုကြည် တယောက်တည်း အပေါ်မှာပဲ တိုင်းရင်းသားတွေ အားကိုးမနေသင့်ဘူး၊ ကျနော်တို့ တိုင်းရင်းသားတွေက ကိုယ့်အခွင့်အရေး ကိုယ်ရဖို့ ကိုယ်တိုင် လုပ်မှပဲ ဖြစ်တော့မယ်”ဟု ၎င်းက ဆိုသည်။

Read More

အိန္ဒိယရောက် မြန်မာရေလုပ်သားများ ပြန်ရောက်

ရန်ကုန် (မဇ္ဈိမ) ။ ။ ပင်လယ်တွင်း လေပြင်းတိုက်ခက်မှုကြောင့် အိန္ဒိယနိုင်ငံသို့ ရောက်ရှိသွားသည့် မြန်မာ
ရေလုပ်သား ၁၄၂ ဦးမှာ နိုဝင်ဘာလ ၂၄၊ ၂၅ ရက်တွင် နှစ်သုတ်ခွဲ၍ မြန်မာနိုင်ငံသို့ ပြန်လည်ရောက်ရှိလာပြီ ဖြစ် သည်။

အဆိုပါ ရေလုပ်သားများမှာ မတ်လအတွင်းက ဧရာဝတီတိုင်း ဖျာပုံမြို့နယ် ပတ်ဝန်းကျင်ရှိ ပင်လယ်ပြင်တွင်း ကျားဖောင်ဖြင့် ငါး၊ ပုဇွန်ဖမ်းနေစဉ် ရာသီဥတုဆိုးဝါးကာ လေပြင်းတိုက်ခက်မှုကြောင့် ဖောင်နှင့်အတူ မျောပါ သွားကြသူများ ဖြစ်သည်။

“ရေလုပ်သားတွေ သေတာရှိတယ်။ ပျောက်တာရှိတယ်။ အိန္ဒိယကို ရောက်တာရှိတယ်။ သီရိလင်္ကာကို ရောက်တာ ရှိတယ်။ ပြီးခဲ့တဲ့ ဇွန်လက သီရိလင်္ကာနိုင်ငံကို ရောက်သွားတဲ့ရေလုပ်သား ၁၄ ဦးမှာ မြန်မာနိုင်ငံကို ပြန်ရောက်ခဲ့ပြီး ပြီ” ဟု မြန်မာနိုင်ငံ ငါးလုပ်ငန်း အဖွဲ့ချုပ် အထွေထွေ အတွင်းရေးမှူး ဦးဝင်းကြိုင်က မဇ္ဈိမကို ပြောသည်။

ဒုတိယအသုတ်အဖြစ် ရောက်ရှိလာမည့် ရေလုပ်သား ၇၂ ဦးမှာ သောကြာနေ့ ညနေပိုင်းတွင် ရောက်ရှိလာမည်
ဖြစ်သည်။

ယင်းရေလုပ်သားများမှာ ဧရာဝတီ၊ ရန်ကုန်နှင့် ပဲခူးတိုင်း၊ မကွေးနှင့် တနင်္သာရီတိုင်းတို့မှ ရေလုပ်သားများ ဖြစ်ပြီး အိန္ဒိယနိုင်ငံ၊ အက်ဒမန်ကျွန်းရှိ ပို့ဘလဲလ်မြို့တွင် ထိန်းသိမ်းခံထားရခြင်း ဖြစ်သည်။

ထိန်းသိမ်းခံထားရစဉ်အတွင်း အိန္ဒိယရဲများနှင့် ခိုက်ရန်ဖြစ်ပွားမှုများ ရှိခဲ့ပြီး နောက်ပိုင်းတွင် ပြေလည်သွားကြသည် ဟုလည်း ရေလုပ်သားများထံမှ ရန်ကုန်မြို့သို့ ပထမအသုတ်အဖြစ် ရောက်ရှိနေသည့် ရေလုပ်သားများက ဆိုသည်။

“ကျနော့်အသက် ၅၆ နှစ်ရှိပါပြီ။ ရေလုပ်ငန်းဟာ မိရိုးဖလာ လုပ်ငန်းပါ။ ဒီအဖြစ်မျိုး ဒီတကြိမ်ပဲ ခံဖူးခဲ့ရတာပါ။ အငတ်ငတ် အပြတ်ပြတ်နဲ့ ဒုက္ခပင်လယ်ဝေခဲ့ရပါတယ်။ ခုတော့ မိသားစုနဲ့ တွေ့ရမယ်ဆိုတော့ အရမ်း ဝမ်းသာပါ တယ်။ အိမ်ကတော့ ကျနော့်ကို ဆွမ်းတောင် သွတ်ပြီးလောက်ပြီလို့ ထင်ပါတယ်” ဟု ဧရာဝတီတိုင်း ဖျာပုံမြို့နယ် မှ ရေလုပ်သားဦးဘစံက ပြောဆိုကြောင်းလည်း နိုဝင်ဘာလ ၂၅ ရက်ထုတ် မြန်မာ့အလင်းသတင်းစာ၌ ပါရှိသည်။

ယင်းကဲ့သို့ မျှောပါသွားသူများတွင် သေဆုံးခဲ့သူများလည်း ရှိသည်ဟု သိရသည်။

ပြန်လည်ရောက်ရှိလာသူများကို ရန်ကုန်မြို့၊ ကြည့်မြင်တိုင်မြို့နယ်ရှိ သာဓု ပရိယတ္တိစာသင်တိုက်တွင် ခေတ္တ ထားရှိမည်ဖြစ်ကာ နိုဝင်ဘာလ ၂၈ ရက်နေ့တွင် သတင်းစာရှင်းလင်းပွဲပြုလုပ်မည်ဖြစ်ကြောင်း ငါးလုပ်ငန်း အဖွဲ့ချုပ်မှ သတင်းထုတ်ပြန်ထားသည်။

လွန်ခဲ့သည့် ၁၁ နှစ်ကျော်ကပင် လေပြင်းဒဏ်ကြောင့် အိန္ဒိယနိုင်ငံသို့ ရောက်ရှိသွားသည့် ဖျာပုံမြို့နယ်မှ
ရေလုပ်သား သုံးဦးမှာလည်း ယခုနှစ် သြဂုတ်လအတွင်း မြန်မာနိုင်ငံသို့ ပြန်လည်ရောက်ရှိခဲ့ပြီး ဖြစ်ကြောင်းလည်း သိရသည်။

Read More

ကမဲလ်ဂန်ဇိုရီကို အီဂျစ်ဝန်ကြီးချုပ်သစ်အဖြစ် ပြန်လည်ခန့်အပ်

အီဂျစ်နိုင်ငံမှာ အရင် အရပ်ဘက် ဝန်ကြီးအဖွဲ့က ဝန်ကြီးချုပ် အဆမ်ရှရစ် နုတ်ထွက်ပြီးနောက် အစိုးရသစ်တရပ်ဖွဲ့ဖို့အတွက် အရင်ဝန်ကြီးချုပ်ဟောင်း ကမဲလ်ဂန်ဇိုရီကို တာဝန်ပေးအပ်လိုက်တယ်လို့ စစ်အစိုးရအုပ်ချုပ်နေတဲ့ အီဂျစ်နိုင်ငံသတင်းမှာ ကြာသာပတေးနေ့က ဖော်ပြလိုက်ပါတယ်။

အစိုးရရဲ့ အယ်အဟန်းသတင်း ၀က်ဆိုက်စာမျက်နှာမှာတော့ ဂန်ဇိုရီဟာ အီဂျစ်စစ်ကောင်စီ SCAF ရဲ့ အကြီးအကဲ ဟူစိန်တန်တာဝီနဲ့ တွေ့ဆုံအပြီးမှာ အမျိုးသားကယ်တင်ရေး အစိုးရတရပ်ကို ဦးဆောင်ဖို့ အတွက် မူအားဖြင့် သဘောတူခဲ့တယ်လို့ ဖော်ပြထားပါတယ်။

အီဂျစ်နိုင်ငံမှာ အကြမ်းဖက်မှုတွေအရှိန်မြင့်လာခဲ့ပြီး လူပေါင်း ၃၅ ဦးထက်မနည်း သေဆုံးခဲ့ရပေမဲ့ အရင်စီစဉ်ထားတဲ့အတိုင်း တနင်္လာနေ့မှာပဲ လွှတ်တော်ရွေးကောက်ပွဲတွေ ကျင်းပပေးမှာဖြစ်ကြောင်း စစ်ကောင်စီက ခိုင်ခိုင်မာမာပြောကြားခဲ့ပါတယ်။

ဒီလိုဆန္ဒပြသူတွေကို ရက်ပေါင်းများစွာ ခြေမှုန်းနေရာကနေ ကြာသာပတေးနေ့ကတော့ သေဆုံးခဲ့ ရမှုတွေအတွက် စစ်ကောင်စီက ၀န်ချတောင်းပန်ခဲ့ပါတယ်။ ကြာသာပတေးနေ့မှာ ထောင်နဲ့ချီတဲ့ အီဂျစ်နိုင်ငံသား ဆန္ဒပြသူတွေနဲ့ ရဲတွေကြား ယာယီငြိမ်းချမ်းရေးတရပ် ရခဲ့ပေမယ့် ကိုင်ရိုမြို့က တဲရာရင်ပြင်မှာ ဆန္ဒပြသူ လူအုပ်ကြီးရှိနေဆဲဖြစ်ပြီး စစ်ခေါင်းဆောင်တွေ ချက်ခြင်း နုတ်ထွက်အောင် ဖိအားပေးတောင်းဆိုဖို့ ပြင်နေကြပါတယ်။

ဒါဟာယုံကြည်မှုကို သစ္စာဖောက်တာမျိုးလို့ စစ်ကောင်စီက ဗိုလ်ချုပ်မာ့ခ်တဒါ အယ်မာလာက ပြောပါတယ်။ ဆန္ဒပြပွဲလှုပ်ရှားသူတွေကတော့ သောကြာနေ့မှာ နောက်ထပ် လူထုဆန္ဒပြပွဲကြီး တရပ်ကို ကျင်းပဖို့ရှိတယ်လို့ ဆိုပါတယ်။

Read More

ဗိုလ်ချုပ်မှူးကြီးသန်းရွှေ အငြိမ်းစားယူမှုအပေါ်အမြင် အမျိုးမျိုး

ဖိနှိပ်တဲ့စစ်အာဏာရှင်အုပ်ချုပ်မှုအောက်မှာ ကာလတာရှည် နာမည်ပျက်နေခဲ့တဲ့မြန်မာနိုင်ငံအပေါ် နိုင်ငံတကာရဲ့အမြင်တွေ ပြန်ကောင်းလာစေဖို့ မြန်မာအစိုးရသစ်ကကြိုးပမ်းနေတဲ့အချိန်မှာ စစ်အစိုးရကို ခေါင်းဆောင်ခဲ့တဲ့ ဗိုလ်ချုပ်မှူးကြီးသန်းရွှေက နောက်ကွယ်မှာနေ နေခဲ့တာ တွေ့ရပါတယ်။ ဒါပေမယ့် မနေ့က ကြာသာပတေးနေ့မှာတော့ မြန်မာအစိုးရပိုင် သတင်းစာတွေထဲမှာ ဦးသိန်းစိန်အစိုးရ တက်လာပြီးနောက်ပိုင်း ပထဆုံးအချိန်အဖြစ် ဗိုလ်ချုပ်မှူးကြီးသန်းရွှေ အမည်ရဲ့နောက်မှာ အငြိမ်းစားလို့ ဖော်ပြခဲ့တာ တွေ့ရပါတယ်။ ဒီအကြောင်းနဲ့ပတ်သက်ပြီး ဘယ်လိုထူးခြားမှုတွေရှိခဲ့သလဲဆိုတာကို ဝါရှင်တန်ကနေ သတင်းထောက် William Ide က သတင်းပေးပို့ထားတာကိုတော့ ဒေါ်လှလှသန်းက တင်ပြပေးထားပါတယ်။

သမ္မတအစိုးရသစ် ဦးသိန်းစိန် မတက်လာမီက ဗိုလ်ချုပ်မှူးကြီးသန်းရွှေဟာ မြန်မာအစိုးရပိုင် သတင်း မီဒီယာတွေမှာ ထိပ်တန်းက အမြဲပါဝင်နေပြီး နိုင်ငံရေးစနစ်မှာ သူ့ရဲ့အာဏာလွှမ်းမိုးမှုကို မလွတ်တမ်း မီးမောင်းထိုးပြနိုင်ခဲ့တာ ဖြစ်ပါတယ်။ ဒါပေမယ့် လက်ရှိအစိုးရသစ် တက်လာပြီးနောက်ပိုင်း ဗိုလ်ချုပ်မှူးကြီးသန်းရွှေရဲ့နာမည်ဟာ သတင်းမီဒီယာတွေမှာ ပျောက်ခြင်းမလှ ပျောက်ခဲ့ပြီး ကြာသာပတေးနေ့ နိုဝင်ဘာလ ၂၄ ရက်နေ့၊ မြန်မာ့အလင်းနဲ့ ကြေးမုံသတင်းစာတွေမှာ ဗိုလ်ချုပ်မှူးကြီးသန်းရွှေသတင်းကို ရေးသားဖော်ပြထားတာ တွေ့ရပါတယ်။

အရှေ့မျက်နှာဖုံးမှာမဟုတ်ဘဲ အတွင်းပိုင်းမှာ ဖော်ပြထားတဲ့သတင်းကတော့ ကမ္ဘာအေး ပါသဏလှိုင်ဂူမှာ ပင့်ဆောင်ပူဇော်ထားတဲ့ တရုတ်နိုင်ငံက ဗုဒ္ဓစွယ်တော်မြတ်အတွက် အလှူငွေပေးအပ်သူတွေထဲမှာ ဗိုလ်ချုပ်မှူးကြီး သန်းရွှေနဲ့ မိသားစုရဲ့နာမည်တွေကို ဖော်ပြထားပြီး ဗိုလ်ချုပ်မှူးကြီးသန်းရွှေရဲ့နာမည်နောက်မှာ ကွင်းစ ကွင်းပိတ်နဲ့ (ငြိမ်း) ဆိုပြီး ဖော်ပြထားတာဖြစ်ပါတယ်။

ရာထူးကနေ တရားဝင်အနားယူသွားပြီဖြစ်တဲ့ စစ်ဘက်နဲ့ အရပ်ဘက်နာမည်တွေနောက်မှာ အဲဒီလိုဖော်ပြလေ့ ရှိတာကြောင့် ဗိုလ်ချုပ်မှူးကြီးသန်းရွှေဟာ သူရဲ့ရာထူးကနေ တရားဝင်အငြိမ်းစားယူသွားပြီ ဆိုတဲ့သဘော သက်ရောက်တာဖြစ်ပါတယ်။ စစ်ထောက်လှမ်းရေးဟောင်း အရာရှိလည်းဖြစ်၊ မြန်မာသံအရာရှိဟောင်း တစ်ဦးလည်းဖြစ်တဲ့ ဗိုလ်မှူးဟောင်း ဦးအောင်လင်းထွဋ်က ဒီလို ဗိုလ်ချုပ်မှူးကြီး အငြိမ်းစားယူတဲ့ သတင်း ဖော်ပြမှုဟာ အမေရိကန်ပြည်ထောင်စုကို တနည်းတဖုံ အရိပ်လက္ခဏာပြသရာရောက်တယ်လို့ ဆိုပါတယ်။

“ဘာဖြစ်လို့ အခုမှ အငြိမ်းစားဆိုပြီး ဖော်ပြလဲလို့ ပြောရရင်တော့ ကျနော်တို့ မီဒီယာတွေ အပါအဝင်ပေါ့လေ-ကျနော်တို့အားလုံးပေါ့။ ပြည်ပမှာ ဗိုလ်ချုပ်မှူးကြီးသန်းရွှေက ဆက်လက်ပြီးတော့မှ အာဏာကို ချုပ်ကိုင်ထားဆဲ ဆိုတာကို ပြောလာတာတွေ များတဲ့အတွက်ကြောင့်မို့လို့ အခုလို တရားဝင် မဟုတ်ပါဘူး၊ ဒီလို အငြိမ်းစား ယူသွားပါပြီ ဆိုတဲ့ဟာကို ကြေညာတယ်လို့ပဲ ကျနော်တို့ မြင်မိပါတယ်ခင်ဗျ။ အခု ဒီ ဗိုလ်ချုပ်မှူးကြီးသန်းရွှေ ကိစ္စက အမေရိကန်အစိုးရအတွက် မယုံသင်္ကာစရာ ဖြစ်ပါတယ်။ အဓိကအားဖြင့်တော့ ဗိုလ်ချုပ်မှူးကြီး သန်းရွှေ လက်ထက်မှာ ကျနော်တို့ မြောက်ကိုရီးယားနဲ့ဆက်ဆံတဲ့ကိစ္စတွေ၊ အဏုမြူကိစ္စတွေ၊ လှိုက်ခေါင်းတူးတဲ့ ကိစ္စတွေ၊ ပေါ်လာခဲ့ပါတယ်။ ဒီ ဗိုလ်ချုပ်မှူးကြီးသန်းရွှေ ဗမာ့နိုင်ငံရေးက လုံးဝ မရှိဘူးဆိုတဲ့ ဥစ္စာက သတင်းစာက ဒါ မသိမသာ high light လုပ်လိုက်တဲ့ အနေအထားဖြစ်ပါတယ်”

မြန်မာနိုင်ငံကို နှစ် ၂၀ နီးပါးကြာ အာဏာရှင်အဖြစ် အုပ်ချုပ်ခဲ့တဲ့ ပုဂ္ဂိုလ်တဦးအတွက် အနားယူတယ် ဆိုတာ ဘယ်လို အဓိပ္ပာယ်မျိုးပါလဲ၊ “Than Shwe: Unmasking Burma's Tyrant,” ဆိုတဲ့ ဗိုလ်ချုပ်မှူးကြီး သန်းရွှေရဲ့ ကိုယ်ရေး အထုပ္ပတ္တိကို ရေးသားခဲ့သူ ဘဲန်းနက်ဒစ် ရော်ဂျာစ်ကတော့ ဗိုလ်ချုပ်မှူးကြီးသန်းရွှေအနေနဲ့ ဂေါက်သီးပဲရိုက်ပြီး အချိန်ဖြုန်းနေတယ် ဆိုတာကတော့ မဖြစ်နိုင်ဘူးလို့ အခုလို ရှုမြင်ပါတယ်။

“မြန်မာအစိုးရရဲ့ ပြောခွင့်ရသူတဦးက မကြာခင်က ပြောခဲ့တာကို ကိုးကားရမယ်ဆိုရင် ဗိုလ်ချုပ်မှူးကြီးဟာ အများအားဖြင့်တော့ စာဖတ်နေတယ်လို့ ဆိုပါတယ်။ ဒါ့အပြင် သူဟာ ဂေါက်သီးရိုက်တာလည်း ဝါသနာပါ ပါတယ်။ သူ အဲဒီလိုပဲ အချိန်ဖြုန်းနေသလား၊ ဒါမှမဟုတ် တနည်းတဖုံပဲ ပါဝင်ပတ်သက်နေသလား ဆိုတာကတော့ မေးစရာပါ။ နေ့စဉ်ချမှတ်နေတဲ့ ဆုံးဖြတ်ချက်တွေမှာတော့ သူ ပါဝင်ချင်မှ ပါဝင်ချင်မှာ ဖြစ်ပေမယ့် အထူးသဖြင့် စစ်တပ်နဲ့ပတ်သက်လို့တော့ သူ့မှာ လွှမ်းမိုးနိုင်မှု ရှိနေသေးတယ်လို့ ကျနော်ထင်ပါတယ်”

ပါမောက္ခ ဒေးဗစ် စတိုင်းဘတ်ကတော့ ဂျော့ရ်ှတောင်း တက္ကသိုလ်က မြန်မာ့အရေး အကဲခတ် ပုဂ္ဂိုလ် ဖြစ်ပါတယ်။ သူကတော့ အာဏာချုပ်ကိုင်ရာမှာ အပြောင်းအလဲတွေရှိတာ တွေ့ရတယ်လို့ အခုလို ပြောပါတယ်။

“ဗိုလ်ချုပ်မှူးကြီးသန်းရွှေကို ဘယ်သူမှ ဘာမှ စမပြောရဲကြဘူး၊ ကိစ္စတခုခုကို သူကပဲ စပြောတာဖြစ်မယ်လို့ လူတွေက ကျနော့်ကို ပြောခဲ့ကြပါတယ်။ အခုတော့ အဲဒီအခြေအနေဟာ ပြောင်းလဲလာပြီလို့ ဆိုရမှာပေါ့။ ဒီလိုဖြစ်လာတာဟာလည်း သူ့ရဲ့စိတ်အနေအထား ပြောင်းလဲမှု တစိတ်တပိုင်းကြောင့်လို့ ဆိုနိုင်ပါတယ်။ နောက် ဖြစ်နိုင်တာက အာဏာကို ဘယ်သူက ချုပ်ကိုင်ထားသလဲ ဆိုတာကို အသေအချာ မသိနိုင်တဲ့အချက်ပါပဲ။ အခု အာဏာကို မျှကိုင်ထားကြတယ်လို့ မြင်ပါတယ်”

အခုလို အာဏာချုပ်ကိုင်မှု အပြောင်းအလဲနဲ့အတူ ပြုပြင်ပြောင်းလဲမှုတချို့ကို မြင်တွေ့ခဲ့ရတာ ဖြစ်ပါတယ်။ ဒီသီတင်းပတ်မှာပဲ ပြည်ထောင်စုလွှတ်တော်က မြန်မာနိုင်ငံမှာ ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့် ဥပဒေကြမ်းကို ခြွင်းချက်တချို့နဲ့အတူ အင်္ဂါနေ့က အတည်ပြုပေးလိုက်ပါတယ်။ ဒါ့အပြင် ရာဂဏန်းရှိတဲ့ နိုင်ငံရေး အကျဉ်းသားတွေကို ပြန်လွှတ်ပေးခဲ့တာ ရှိသလို အလုပ်သမားသမဂ္ဂတွေ ဖွဲ့စည်းခွင့် ဥပဒေကိုလည်း အတည်ပြုပေးခဲ့ပါတယ်။ ဒါ့အပြင် အခြေအတင် အငြင်းပွားဖွယ်ရာဖြစ်နေတဲ့ တရုတ်နဲ့ဖက်စပ်လုပ်ကိုင်နေတဲ့ မြစ်ဆုံရေကာတာ စီမံကိန်းကို ဖျက်သိမ်းပေးလိုက်တဲ့အပြင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့လည်း အစိုးရထိပ်ပိုင်းမှာ ဆွေးနွေးမှုတွေ ရှိခဲ့ပါတယ်။ နိုင်ငံရေးပါတီတွေ မှတ်ပုံတင်ခွင့်ဆိုင်ရာ ဥပဒေပြင်ဆင်ချက်ကိုလည်း အတည်ပြုပေးခဲ့တာ တွေ့ရပါတယ်ရှင်။

Read More

ယီမင်အကြမ်းဖက်မှု စုံစမ်းစစ်ဆေးဖို့ သမ္မတအမိန့်ပေး

ယီမင်နိုင်ငံသမ္မတ အလီ၊ အဗ္ဘဒူလာဆာလေးက ဆာနာ့သ်မှာ လူတွေသေကျေလောက်အောင် ဖြစ်ပွားခဲ့တဲ့ အကြမ်းဖက် အဓိကရုဏ်း ဖြစ်ပွားမှုကို စုံစမ်းစစ်ဆေးဖို့ ကြာသာပတေးနေမှာ အမိန့်ပေးလိုက်ပါတယ်။ သမ္မတဆာလေးဟာ သူ့ကို ရာထူးကနေ ဆင်းပေးဖို့အတွက် တောင်းဆိုတဲ့ အာရပ် လိဒ်အဖွဲ့ချုပ်(Arab League) ရဲ့ အစီအစဉ်ကို ဗုဒ္ဓဟူးနေ့မှာ သဘောတူညီခဲ့တာပါ။

ကြာသာပတေးနေ့စောစောပိုင်း သမ္မတဆာလေးအနေနဲ့ တရားစွဲဆိုခံရမှုကနေ ကင်းလွတ်ခွင့်ပေးပြီး အာဏာလွှဲပြောင်းရေး သဘောတူညီမှု အစီအစဉ်အပေါ် မကျေမနပ်ဖြစ်ပြီး ဆန္ဒပြကြတဲ့သူတွေကို သမ္မတရဲ့သစ္စာခံတပ်ဖွဲ့တွေက ပစ်ခတ်တဲ့အတွက် လူ ၅ ဦး သေဆုံးပြီး ၃၄ ဦး ဒဏ်ရာ ရရှိသွား တယ်လို့ မျက်မြင်သက်သေတွေကပြောပါတယ်။

အဲဒီလိုဖြစ်ပွားခဲ့မှုအပေါ် မစ္စတာဆာလေးက ပစ်တင်ရှုတ်ချကြောင်း နိုင်ငံပိုင် SABA သတင်းဌာနက ပြောပါတယ်။ ကြာသာပတေးနေ့မှာ ရုန်ုးရင်းဆန်ခတ် ဖြစ်ပွားခဲ့တာနဲ့ ပတ်သက်လို့ အစိုးရမှာ တာဝန်ရှိတယ် ဆိုတဲ့အချက်ကို ပြည်ထဲရေးဝန်ကြီးဌာနက ငြင်းဆိုလိုက်ပါတယ်။

ဒီအတောအတွင်း နိုင်ငံတောင်ပိုင်းမှာ လွန်ခဲ့တဲ့ ၂ ရက်က သူပုန်တွေရဲ့ ပြန်ပေးဆွဲသွားတာကို ခံခဲ့ရတဲ့ ကမ္ဘာ့ကြက်ခြေနီအဖွဲ့ ICRC ရဲ့ လုပ်သား ၃ ယောက် ပြန်လွတ်လာပြီလို့ ICRC အဖွဲ့ကပြောပါတယ်။

ဒီလိုပြန်ပေးဆွဲသွားသူတွေဟာ တောင်ပိုင်းယီမင်ကို လွတ်လပ်ရေးပေးဖို့ တောင်းဆို လှုပ်ရှားနေတဲ့ အဖွဲ့ရဲ့လက်ချက်ဖြစ်တယ်လို့ အစိုးရတာဝန်ရှိသူတွေက ပြောပါတယ်။ အစိုးရက ဖမ်းဆီးထားသူတွေကို ပြန်လွှတ်ပေးဖို့ ပြန်ပေးဆွဲသူတွေက တောင်းဆိုခဲ့တာဖြစ်ပါတယ်။

Read More

သီလ၀ါမြို့ပြစီမံကိန်းကြောင့် သံလျင် မြေဈေးတက်

ရန်ကုန်တိုင်း၊ သံလျင် သီလဝါဆိပ်ကမ်းနဲ့ ဆက်နေတဲ့နေရာမှာ တောင်ကိုရီးယားနိုင်ငံက ဒေါ်လာ သန်း ၅,၀၀၀ ဖိုးလာရောက်ရင်းနှီးမယ့် စီမံကိန်းတွေကြောင့် အဲဒီနေရာတွေမှာ မြေဈေးတွေ အရင်ကထက် ၁၀ ဆလောက် တက်သွားပါတယ်။ ဈေးတွေ ခေါင်ခိုက်နေပေမဲ့ မြေကွက်ဝယ်ဖို့ စိတ်ဝင်စားသူတွေကလည်း အများအပြားရှိနေတယ်လို့ လုပ်ငန်းရှင်တယောက်က ပြောပြပါတယ်။

ဒီတော့ ဘယ်လို စီမံကိန်းတွေလုပ်မှာမို့ ဘယ်လိုလူတွေက မြေတွေ လိုက်ဝယ်နေကြတာပါလဲ။ ဒီလို ကြီးကျယ်တဲ့ နိုင်ငံခြားက စီမံကိန်းကြီးတွေ မြန်မာနိုင်ငံမှာ နောက်ထပ် ဘယ်လောက်ရှိလာနိုင်မလဲ ဆိုတာကို စုံစမ်းထားတဲ့ ဘန်ကောက်ရုံးက မစုမြတ်မွန်က တင်ပြပေးထားပါတယ်။

တောင်ကိုရီးယားနိုင်ငံက HANA International Inc ကနေပြီး ရန်ကုန်မြို့နဲ့ မဝေးတဲ့ သီလဝါ အထူး စီးပွားရေးဇုန်မှာ မြန်မာနဲ့ ကိုရီးယားပေါင်းပြီး (Myanko) မြန်ကိုဆိုတဲ့ စီးပွားရေး မြို့တော်သစ် တည်ဆောက်သွားဖို့ ရှိနေချိန်မှာ မြေဈေးတွေ အဆမတန်တက်သွားခဲ့တာ ဖြစ်ပါတယ်။ သီလဝါ အထူးစီးပွားရေးဇုန်မှာ အဆင့်မြင့် အိမ်ယာစီမံကိန်း၊ စက်မှုဇုန်စီမံကိန်း၊ သဘာဝပတ်ဝန်းကျင်ကို ကာကွယ်ထိမ်းသိမ်းမဲ့ အစိမ်းရောင် စီမံကိန်း၊ အဆင့်မြင့်ဆိပ်ကမ်း စီမံကိန်း စ တဲ့ဘက်စုံဖွံ့ဖြိုးရေး စီမံကိန်းတွေ လုပ်ဖို့ရှိနေတာကြောင့် အဲဒီနေရာမှာ မြေဈေးတွေတက်သွားတာလို့ လုပ်ငန်းရှင် တယောက်က VOA ကို ပြောပြပါတယ်။

“အခုတက်တာကတော့ အကုန်ပဲ၊ အိမ်ခြံမြေတွေလည်းတက်သွားတယ်။ လူတွေနေတဲ့ မြေတွေလည်း တက်သွားတယ်။ အရင်က အဲဒီမှာ ဖလန်းဆိုတဲ့ ရပ်ကွက်လေးရှိတယ်။ ကျနော်တို့က ၄၀-၆၀ တကွက်ကို လွန်ခဲ့တဲ့ ၃ လက ၅၉ သိန်းပဲ ရှိတယ်။ လမ်းမကြီးဘေးမှာ။ အခုက သိန်း ၅၅၀ ဖြစ်သွားပြီ”

သီလဝါဆိပ်ကမ်းနဲ့ ကပ်နေတဲ့နေရာမှာ သီလဝါ အထူးစီးပွားရေးဇုန်အဖြစ် သတ်မှတ်လိုက်တဲ့ သီလဝါဟာ ရန်ကုန်မြို့ရဲ့ တောင်ပိုင်း ၁၅ မိုင်လောက်မှာတည်ရှိပြီး သွားရေးလာရေးလည်း လွယ်ကူလှတဲ့အတွက် စီးပွားရေးအတွက် အင်မတန် အချက်အခြာကျတဲ့ နေရာဖြစ်လာနိုင်ပါတယ်။ လောလောဆယ်မှာ ရန်ကုန်ဘက် ကနေ သံလျင်ဘက်ကို ဒါကြောင့် စီးပွားရေးသမားတွေက မြေတွေကို အလုအယက်ဝယ်ဖို့ ကြိုးစားနေကြတာဖြစ်ပါတယ်တဲ့။

“အရင်တုန်းကဆိုရင် သွားရင်ကားက တစီး ၂ စီးပဲရှိတယ်။ အခုကတော့ ပွဲတော်ကြီးလိုပဲ။ မြန်မာပြည်အနှံ့နှံ့ကနေလာပြီး investment လုပ်မယ့်သူတွေ အကုန်လုံးလာပြီးတော့ လက်ဦးမှုယူကြတာပေါ့။ အများဆုံးတွေ့ရတာတော့ တရုတ်လူမျိုးတွေလည်း တွေ့ရပါတယ်။ တချို့လုပ်ငန်းရှင်တွေလည်း သူတို့ ဒီမှာလာပြီးတော့ လက်ဦးမှုယူထားတာပေါ့နော်။ ဒီနေရာကြီးက တချိန်မှာ တကယ်ကို ဖွံ့ဖြိုးမယ့် နေရာကြီးဖြစ်တော့မှာကို”

ပြည်ပက ရင်းနှီးမြှုပ်နှံသူတွေကို စွဲဆောင်အောင်လို့ဆိုတဲ့ သီလဝါစက်မှုဇုန်နဲ့ဆိုင်တဲ့ ဥပဒေတခုကို အစိုးရက ထုတ်ပြန်လိုက်ပြီးတဲ့နောက်မှာ ခုလို တောင်ကိုရီးယားနိုင်ငံက Hana ကုမ္ပဏီက ဒေါ်လာ ၅ ဘီလျံ ရင်းနှီးမြှုပ်နှံပြီး ခေတ်မီမြို့သစ် တည်ဖို့အတွက် မြန်မာအစိုးရနဲ့ ညှိနှိုင်းဆွေးနွေးနေကြတာ ဖြစ်ပါတယ်။ မြန်မာနိုင်ငံ တောင်ပိုင်းမှာလည်း အထူးစီးပွားရေဇုံအဖြစ် သတ်မှတ်ထားတဲ့ နေရာမှာ Italian Thai ကုမ္ပဏီက ဒေါ်လာ ၈ ဘီလျှံ ရင်းနှီးမယ့် ထားဝယ်ရေနက်ဆိပ်ကမ်း စီမံကိန်းကြီးကို ဆောက်ရွက်နေပါတယ်။

ထားဝယ်ရေနက် ဆိပ်ကမ်း စီမံကိန်းကြီးကြောင့်လည်း အဲဒီဘက်မှာ မြေဈေးတွေ အဆမတန် တက်ခဲ့ပါတယ်။ အစိုးရက အပြောင်းအလဲတွေ စတင်လုပ်နေပြီလို့ နိုင်ငံတကာက လက်ခံစပြုနေပြီမို့ မြန်မာနိုင်ငံထဲမှာ ရင်းနှီးမြှုပ်နှံချင်သူတွေက သင့်တော်မယ့် အချိန်ကို စောင့်နေကြတယ်လို့ မြန်မာ့အရေး လေ့လာသူတချို့က ပြောကြပါတယ်။

စီးပွားရေး ပြုပြင်ပြောင်းလဲမှုတွေ လုပ်နေတဲ့ ကာလမှာ ကုန်သွယ်ရေးဆိုင်ရာ အထူးအခွင့်အရေးတွေ ပေးထားတဲ့ အထူးစီးပွားရေးဇုန်ဆိုင်ရာ ဥပဒေသစ်ကလည်း မြန်မာနိင်ငံမှာ လာရောက် ရင်းနှီးမြှုပ်နှံသူတွေအတွက် မျက်စိကျစရာဖြစ်တယ်လို့ စီးပွားရေး ပညာရှင် ဒေါက်တာဇော်ဦးက ပြောပါတယ်။

“အရင်ကလို ပြည်ပပို့ကုန်လုပ်တဲ့ကိစ္စတွေမှာ သိပ်ပြီးခက်ခက်ခဲခဲနဲ့ ကြန့်ကြာမှုတွေ မရှိဘဲနဲ့ ဒီဇုန်ထဲမှာ လာပြီးတော့ ရင်းနှီးမြှုပ်နှံတဲ့သူ မှန်သမျှဟာ ဒီဇုန်ကနေ အပြင်ကို တိုက်ရိုက် ဆက်သွယ်နိုင်မယ်၊ ပို့ကုန်တွေပို့နိုင်မယ်။ နောက်ပြီးတော့ ဒီဇုန်တွေဟာ အခုနပြောသလို ဒီ လမ်းပန်းဆက်သွယ်ရေး အချက်အခြာကောင်းပြီးတော့ ရေ၊ မီး၊ ပါဝါ စတဲ့ အခြေခံအဆောက်အဦးတွေကပါ တိတိကျကျ အစိုးရက ဖန်တီးပေးထားမှာ ဖြစ်တဲ့အတွက်ကြောင့်မို့လို့ ဒီဇုန်ထဲမှာလာပြီးတော့ စက်ရုံလုပ်လိုက်ရင် အနေအထားက အရင်ကလို ရေရမှာလား၊ မီးရမှာလား၊ ပါဝါကို ဘယ်လိုဆွဲရမှာလဲ၊ ဖုန်းက ဘယ်ကနေယူရမှာလဲဆိုတဲ့ နောက်ထပ် ဆင့်ပွားလုပ်ရမယ့် ကိစ္စတွေအားလုံးကို စိတ်ပူနေစရာမလိုဘူးလေ။ ဒီဇုန်ထဲကနေ တိုက်ရိုက်လုပ်သွားနိုင်တယ်ဆိုတဲ့ အခွင့်အလန်းတွေကိုလည်း တိုးချဲ့ဆောင်ရွက်ပေးထားမယ်ဆိုတဲ့ ကတိကဝတ်တွေလည်း ရှိနေတယ်ပေါ့လေ။ ဆိုတော့-အဓိက ကတော့ ကျနော်တို့ဟာ တနိုင်ငံလုံးအတိုင်းအတာနဲ့ စီးပွားရေးဝန်းကျင်ကောင်းတခုကို မဖန်တီးနိုင်ခင် စပ်ကြားမှာ အနည်းဆုံးတော့ ဒီစီးပွားရေးဇုန်တွေမှာ ကျနော်တို့ အစိုးရကနေ သတ်သတ်မှတ်မှတ်နဲ့ ဆောင်ရွက်ပေးထားမယ်ဆိုတဲ့ ကတိကဝတ်မျိုးကို ဒီဥပဒေက ပြဌာန်းပေးထားတယ်လို့ နားလည်လို့ရပါတယ်”

စီးပွားရေးကြီး တခုလုံးကို ကောင်းမွန်အောင် မလုပ်နိုင်ခင် အချိန်မှာ နိုင်ငံခြားရင်းနှီးမြှုပ်နှံသူတွေကို ဖိတ်ခေါ်နိုင်အောင် အထူးစီးပွားရေးဇုန်တွေ အစိုးရက လုပ်နေတဲ့ တချိန်တည်းမှာလည်း တနိုင်ငံလုံး စီးပွားရေး ပြုပြင်ပြောင်းလဲမှုတွေ လုပ်သွားဖို့ လိုတယ်လို့ စီးပွားရေး ပညာရှင် ဒေါက်တာဇော်ဦးက သုံးသပ်ပါတယ်။

“တချို့သော စီးပွားရေးရင်းနှီးမြှုပ်နှံမှုတွေဟာ မြန်မာနိုင်ငံဈေးကွက်အတွင်းမှာ ဝင်ရောက် လုပ်ကိုင်နိုင်ဖို့ ဆိုတဲ့ ကိစ္စကိုလည်း စိတ်ဝင်စားမှုတွေ ရှိနေပါတယ်။ သူတို့သည် စီးပွားရေးဇုန်ထဲမှာပဲ လာရောက်လုပ်တာမဟုတ်ဘဲနဲ့ တနိုင်ငံလုံးကို အကျိုးရှိစေမယ့် စီးပွားရေးလုပ်ကိုင်မှုမျိုးလည်း သူတို့မှာ စဉ်းစားမှုတွေ ရှိနေတာ ရှိပါတယ်”

မြန်မာနိုင်ငံမှာ စက်မှုလက်မှု လုပ်ငန်းတွေကို ပုဂ္ဂလိကပိုင် လုပ်ခွင့်ပေးထားတဲ့ စီးပွားရေးဇုန်ပေါင်း ၂၀ လောက်ရှိပြီး ဘက်စုံ အဆင့်မြင့် စီမံကိန်းတွေအတွက် နိုင်ငံတကာက ဒေါ်လာသန်း ထောင်ချီ လာရောက် ရင်းနှီးမြှုပ်နှံမယ့် အထူးစီးပွားရေးဇုန်ကတော့ လောလောဆယ် ထားဝယ်နဲ့ သီလဝါ ၂ ခုပဲ ရှိပါတယ်ရှင်။

Read More

NLD တည်ထောင်သူများတွင် အမျိုးသမီး ထက်ဝက်ကျော်ပါဝင်

အမျိုးသား ဒီမိုကရေစီ အဖွဲ့ချုပ်မှ နိုင်ငံရေးပါတီ တည်ထောင်ခွင့် ဥပဒေအရ တင်သွင်းမည့် ပါတီတည်ထောင်သူ ၂၁ ဦး တွင် အမျိုးသမီး ထက်ဝက်ကျော် ပါဝင်သလို ကယားပြည်နယ်မှလွဲ၍ နယ်စုံမှပါဝင်သည်ကို တွေ့ရသည်။

၂ဝ၁ဝ ခု မတ်လ ၈ ရက် နိုင်ငံရေးပါတီမှတ်ပုံတင်ခြင်း ဥပဒေ ပုဒ်မ ၃ (က) အရ အမျိုးသားဒီမိုကရေစီအဖွဲ့ချုပ် အမည်နှင့်ပင် ပါတည်ထူထောင်လိုသူ အနည်းဆုံး ၁၅ ဦးရှိရမည်ဖြစ်သော်လည်း ၂၁ ဦးရွေးထားသည့် NLD စာရင်းတွင် အမျိုးသမီး ၁၁ ဦး၊ အမျိုးသား ၁ဝ ဦးပါဝင်ပြီး လူငယ်နှင့် သက်လတ်ပိုင်းများဖြင့် ပြောင်းလဲအားဖြည့် ထားကြောင်း ပါတီတွင်း သတင်းရပ်ကွက်က ပြောသည်။

အမျိုးသား ဒီမိုကရေစီ အဖွဲ့ချုပ်မှ နိုင်ငံရေးပါတီ တည်ထောင်ခွင့် ဥပဒေအရ တင်သွင်းမည့် ပါတီတည်ထောင်သူ ၂၁ ဦး တွင် အမျိုးသမီး ထက်ဝက်ကျော် ပါဝင် (ဓါတ်ပုံ မဇ္ဈိမ)

ဦးတင်ဦး၊ ဒေါ်အောင်ဆန်းစုကြည်၊ ဦးဝင်းတင် စသည့် NLD ပါတီကို စတည်ထောင်သူ သုံး ဦး၊ နောက်တိုး ဗဟို အလုပ်အမှုဆောင်ထဲမှ ဦးဉာဏ်ဝင်း၊ ဦးဟံသာမြင့်၊ ဒေါက်တာ ဒေါ်မေဝင်းမြင့်တို့ အပါအဝင် ပြည်နယ်/ တိုင်း ၁၃ ခုမှ ကိုယ်စားလှယ်များဖြင့် ရွေးချယ်လိုက်ခြင်းဖြစ်သည်။ ကရင်နီဟုလည်း ခေါ်ဝေါ်လေ့ရှိသော ကယားပြည်နယ် တွင် NLD ရုံးခွဲမရှိပေ။

“ကယားမရှိတဲ့အတွက် ရှမ်းကို နှစ်ယောက်လုပ်တယ်။ ရန်ကုန်အတွက်ကို ညီနောင်ပါတီက ဦးစိုးဝင်းကို ထည့်တယ်။” ဟု NLD အဖွဲ့ဝင်တဦးက ပြောသည်။ ဦးစိုးဝင်းသည် ဖျက်သိမ်းခံထားရသော အမျိုးသား ဒီမိုကရေစီ ပါတီမှဖြစ်ပြီး ညီနောင်ပါတီအဖြစ် နိုင်ငံရေးသဘောတူညီချက် ရှိကြသည်။

နိုဝင်ဘာ ၂၃ ရက်နေ့က NLD ဗဟိုအလုပ်အမှုဆောင်နှင့် တိုင်း/ပြည်နယ် ဗဟိုဦးစီးအဖွဲ့ဝင်များ တွေ့ဆုံကြပြီး သင့်တော်သူများအဖြစ် အပြီးသတ် ဆုံးဖြတ်ခဲ့သည့် အဆိုပါစာရင်းနှင့်အတူ ကိုယ်စားလှယ်အဖြစ် ဦးဉာဏ်ဝင်းနှင့် ဦးဝင်းမြင့်တို့က ပါတီတည်ထောင်နိုင်ရေး လျှောက်ထားရန် နေပြည်တော်သို့ သွားရောက်နေသည်။

နိုင်ငံရေးပါတီများမှတ်ပုံတင်ခြင်း ဥပဒေ အခန်း (၂) အရ ပုဒ်မ ၃ (ခ) အရ တည်ထောင်ခွင့်ရလျှင် ယခု ၂၁ ဦး ထဲမှ ရွေးချယ်ရမည့် ခေါင်းဆောင်နှင့် ဒုတိယခေါင်းဆောင်တို့က မှတ်ပုံတင်ကြေး ကျပ် သုံးသိန်း ပေးသွင်း၍ ပါတီအမည်၊ အလံနှင့် တံဆိပ်၊ နိုင်ငံရေးသဘောတရားနှင့် လုပ်ငန်းစဉ်၊ ပါတီစည်းမျဉ်းနှင့် ဖွဲ့စည်းပုံ၊ ပါတီ တည်ထောင်လိုသူများ၏ ကိုယ်ရေးအချက်များ၊ ၂ဝဝ၈ ဖွဲ့စည်းပုံအခြေခံဥပဒေကို လေးစားလိုက်နာပါမည့် အကြောင်း ဝန်ခံချက်နှင့် အတူ နိုင်ငံရေးပါတီအဖြစ် မှတ်ပုံတင်ပေးရန် ရွေးကောက်ပွဲ ကော်မရှင်သို့ လျှောက်ထား ရမည်ဖြစ်
သည်။

ထို့အပြင် နိုင်ငံရေးပါတီအဖြစ် မှတ်ပုံတင်ခွင့်ပြုသည့် နေ့ရက်မှစ၍ ရက်ပေါင်း ၉၀ အတွင်း ပါတီဝင်ဦးရေ အနည်းဆုံး ၁,၀၀၀ ကို စည်းရုံးရမည် ဖြစ်သည်။

လက်ရှိ ဗဟိုအလုပ်အမှုဆောင်နှင့် ဗဟိုဦးစီးအဖွဲ့ အပြောင်းအလဲ၊ အလံ၊ တံဆိပ်တို့ကိုမူ နေပြည်တော်မှ မှတ်ပုံတင် ခွင့်ပြုပြီးနောက်မှ ပြန်လည် ရွေးချယ်ကြမည်ဟု ပါတီအကြီးတန်းတာဝန်ရှိသူတဦးက ပြောသည်။

နိုဝင်ဘာ ၂၃ ရက်နေ့က ပါတီဌာနချုပ်တွင် ရွေးကောက်ပွဲအောင်နိုင်ရေးအတွက် တိုင်းနှင့်ပြည်နယ်မှ ကိုယ်စား လှယ်များက တာဝန်ယူသွားကြရန်လည်း ဆွေးနွေးခဲ့ကြသည်။

အမျိုးသားဒီမိုကရေစီ အဖွဲ့ချုပ် ပါတီ တည်ထောင်လိုသူ ၂၁ ဦးစာရင်း (ကြယ်ပွင့်ပြထားသူများမှာ ၁၉၉၀ ခု ရွေးကောက်ခံ အမတ်များ ဖြစ်သည်။)

Read More

ကလင်တန်နှင့်တွေ့လျှင် ပိတ်ဆို့မှုနှင့် နိုင်ငံရေးအကျဉ်းသားကိစ္စ တင်ပြမည်

မြန်မာနိုင်ငံသို့ လာရောက်မည့် အမေရိကန် နိုင်ငံခြားရေး ဝန်ကြီး ဟီလာရီ ကလင်တန်၏ ခရီးစဉ်အတွင်း စီးပွားရေး ပိတ်ဆို့မှုကိစ္စနှင့် နိုင်ငံရေးအကျဉ်းသား လွှတ်ပေးရေး ကိစ္စများ ဆွေးနွေးသွားမည်ဟု လွှတ်တော်အမတ်များက ပြောဆိုသည်။

မစ္စကလင်တန်မှာ အမျိုးသားလွှတ်တော်ဥက္ကဋ္ဌ ဦးခင်မောင်မြင့် အပါအဝင် ရေးရာကော်မတီ ဥက္ကဋ္ဌများ၊ တိုင်းရင်းသား
နှင့် တသီးပုဂ္ဂလ ကိုယ်စားလှယ် ၃၀ ဦး နှင့် နေပြည်တော်၌ ဒီဇင်ဘာလ ၁ ရက်နေ့တွင် တွေ့ဆုံမည် ဖြစ်သည်ဟု အမတ်များက ပြောသည်။

“အခြေအနေပေါ် မူတည်မှာပါ။ ကျနော်တို့မှာလည်း မေးမယ့်မေးခွန်းတွေ ရှိလာနိုင်ပါတယ်။ ဆန်ရှင်နဲ့ ပတ်သက်လို့
တော့ မေးခွင့်ကြုံရင် မေးကြမှာပဲ။ ဆန်ရှင်နဲ့ ပတ်သက်လို့လည်း ကျနော်တို့ ပြောပါတယ်” ဟု အစိုးရအဖွဲ့၏ ကတိကဝတ် စိစစ်ရေး ကော်မတီမှ ဒေါက်တာအေးမောင်က မဇ္ဈိမကို ပြောသည်။

အမေရိကန် နိုင်ငံခြားရေး ဝန်ကြီးတဦး၏ နှစ်ငါးဆယ်ကျော်အတွင်း ပထမဆုံး ဖြစ်လာမည့် နှစ်ရက်တာ လည်ပတ်မည့် ခရီးစဉ်အတွင်း အမျိုးသားလွှတ်တော်နှင့် တွေ့ဆုံမည်ဖြစ်သော်လည်း ပြည်သူ့လွှတ်တော်သို့မူ တရားဝင် အကြောင်း ကြားထားခြင်း မရှိသေးပေ။

“သူလာတဲ့အခါမှာ စီးပွားရေး ပိတ်ဆို့တဲ့ ကိစ္စ။ ဒီဥစ္စာ ဘာကြောင့်ပဲဖြစ်ဖြစ် အမေရိကန်နိုင်ငံကတော့ လိုက်လျော
ပေးမယ်လို့ မျှော်လင့်ပါတယ်။ ဒါပေမဲ့ သူ့အနေနဲ့က ကျန်သေးတဲ့ အကျဉ်းသားတွေကိစ္စကို လွှတ်ပေးဖို့ကို မြန်မာ အစိုးရကို တိုက်တွန်းမယ်လို့ ယုံကြည်တယ်” ဟု အမျိုးသားဒီမိုကရေစီအင်အားစု NDF ပါတီမှ ပြည်သူ့လွှတ်တော် ကိုယ်စားလှယ် ဦးခင်မောင်ရီက ဆိုသည်။

မြန်မာအစိုးရ၏ လူ့အခွင့်အရေး ချိုးဖောက်မှုများကြောင့် အမေရိကန်အနေဖြင့် မြန်မာနိုင်ငံအား တဖက်တွင် စီးပွားရေး ပိတ်ဆို့အရေးယူမှုများ ဆက်ထားရှိသော်လည်း တဖက်တွင် တွေ့ဆုံညှိနှိုင်းရေး မူဝါဒဖြင့် ဆက်ဆံနေခဲ့သည်။

အမေရိကန်မှ လက်ခံလာရန်မှာမူ နိုင်ငံရေးအကျဉ်းသားများ လွတ်ပေးရေးကိစ္စမှာ အရေးကြီးနေပြီး လျင်မြန်စွာ
ဆောင်ရွက်ရန်လိုကြောင်း လွှတ်တော်ကိုယ်စားလှယ်များက ဆိုသည်။ သို့သော် အစိုးရကမူ နိုင်ငံရေး အကျဉ်းသား အနည်းငယ်သာ ရှိတော့ကြောင်းနှင့် တည်ငြိမ်ရေးအတွက် စောင့်ကြည့်နေသေးကြောင်း သဘောထား ထုတ်ပြန် ခဲ့သည်။

“အခု ၈၈ ကျောင်းသားတွေ အနေနဲ့ အခုထပ်ထိကို မလွတ်လာသေးဘူး။ ၈၈ ကျောင်းသားအနေနဲ့ ပါဝင်သူ ဆိုရင် ကျနော်တယောက်ပဲ လွှတ်တော်ထဲမှာ ရှိတယ်။ ကျန်တဲ့ မင်းကိုနိုင်၊ ကိုကိုကြီး အပါအဝင် ကျောင်းသားအများစု လွတ်လာဖို့ အတွက်။ ဒါဟာ ထင်သာမြင်သာတဲ့ နိုင်ငံရေးအဖြစ် ဖြေလျော့ပေးဖို့ဆိုတာ ဒီဘက်အစိုးရမှာလည်း တာဝန်ရှိတယ်” ဟု ဦးခင်မောင်ရီက ဆိုသည်။

အမေရိကန် နိုင်ငံခြားရေးဝန်ကြီး၏ ခရီးစဉ်အတွင်း နိုင်ငံတကာ ငွေကြေးရန်ပုံငွေအဖွဲ့ IMF တို့ကဲ့သို့သော အဖွဲ့အစည်း
များမှ ကူညီမှုပေးနိုင်ရန်အတွက် ဦးဆောင်စေလိုကြောင်းနှင့် ၂၀၁၅ တွင် ကျင်းပမည့် ရွေးကောက်ပွဲအား တရားမျှတ စွာ ကျင်းပနိုင်ရေးကိုလည်း မြန်မာအစိုးရကို တိုက်တွန်းစေလိုကြောင်း လွှတ်တော် ကိုယ်စားလှယ်များက ပြောဆိုမှု
များရှိသည်။

Read More

KIO နှင့် အစိုးရ သောင်မတင် ရေမကျ

မြန်မာအစိုးရ ကိုယ်စားလှယ် မီးရထားဝန်ကြီး ဦးအောင်မင်းနှင့် ကချင်လွတ်မြောက်ရေးအဖွဲ့ KIO တို့ တွေ့ဆုံခဲ့သော်လည်း ငြိမ်းချမ်းရေးနှင့်ပတ်သက်၍ ဆက်လက်ဆွေးနွေးရန် မရေရာသေးဘဲ ဖြစ်နေသည်ဟု KIO က ပြောသည်။

KIO အတွင်းရေးမှူး ဒေါက်တာ လဂျာ၊ ဗဟိုကော်မတီအဖွဲ့ဝင် ဗိုလ်မှူးကြီး ဦးလဖိုင်လ၊ ဗိုလ်မှူးကြီးလအောင် သုံးဦး
တို့ ဝန်ကြီး ဦးအောင်မင်းနှင့် နိုဝင်ဘာ ၁၉ နှင့် ၂ဝ ရက်များတွင် ထိုင်းနိုင်ငံ မယ်ဆိုင်မြို့တွင် တွေ့ဆုံဆွေးနွေး ခဲ့ကြသည်။ သို့သော် KIO ဘက်မှ အစိုးရက လိုလားနေသော အပစ်အခတ် ရပ်ရေးနှင့် ပတ်သက်၍ ဆွေးနွေးခဲ့ခြင်း မရှိခဲ့သလို နိုင်ငံရေးတွေ့ဆုံဆွေးနွေးမှုကိုသာ ဦးတည်ထားသည်။

“သူတို့ပြောနေတဲ့ အပစ်အခတ်ရပ်ရေး လုပ်မယ်။ ဆက်ဆံရေးရုံးတွေ ပြန်ဖွင့်မယ်။ တဘက်နဲ့ တဘက်သွားရင် နယ်ကျော်သွားရင် ခွင့်ပြုချက်ယူပြီးတော့ သွားမယ်။ ဒေသဖွံ့ဖြိုးရေး လုပ်ရမယ် ဆိုတာတွေက နိုင်ငံရေးမှာ မပါတဲ့ အချက်တွေဘဲ။ ဒီအချက်တွေက သဘောတူညီချက်မှာ ပါစရာမလိုတဲ့ ကိစ္စပါ။ နိုင်ငံရေး ဆွေးနွေးမှုပဲ အရေးကြီး တယ်။” ဟု KIO ပြောရေးဆိုခွင့်ရှိသူ ဦးလနန်က မဇ္စျိမကို ပြောသည်။

“အစိုးရဘက်က နိုင်ငံရေးဆွေးနွေးဖို့ ဆန္ဒရှိရမယ်။ ဘယ်လိုတွေ့ဆုံကြမယ်ဆိုတဲ့ စီမံချက်တွေ ချပေးရမယ်။” ဟုလည်း ဦလနန်က ပြောသည်။

အစိုးရဝန်ကြီး ဦးအောင်မင်း ကချင်ပြည်နယ်တွင် ဖြစ်ပွားနေသော အခြေအနေများကို သမ္မတ ဦးသိန်းစိန်က မသိရကြောင်း ပြောဆိုသဖြင့် ကချင်ပြည်နယ် ဝန်ကြီးချုပ် ဖွဲ့စည်းလိုက်သော ငြိမ်းချမ်းတည်ငြိမ်ရေးနှင့် ညှိနှိုင်းရေး ကိုယ်စားလှယ်များနှင့် ဇွန်လ ၃ဝ ရက်၊ သြဂုတ်လ တရက်နေ့နှင့် နှစ်ရက်နေ့များတွင် KIO ခေါင်ဆောင်းများနှင့် ပဏာမ တွေ့ဆုံဆွေးနွေးခဲ့သော ဗီဒီယိုမှတ်တမ်းများကို ပေးပို့လိုက်သည်ဟုလည်း သိရသည်။

အစိုးရ၏ ငြိမ်းချမ်းရေးအစီအစဉ်အတွင် အပစ်အခတ်ရပ်ရေး၊ သက်ဆိုင်ရာ ပြည်နယ်မြို့တော်များတွင် တွေ့ဆုံ
ဆွေးနွေးမှု ပြုလုပ်ရေး၊ သက်ဆိုင်ရာဒေသအလိုက် ဖွံ့ဖြိုးရေး လုပ်ငန်းများကို အစိုးရနှင့် ပူးပေါင်း ဆောင်ရွက်ရေး စီမံကိန်းများ ရေးစွဲရန်နှင့် နေပြည်တော်တွင် တွေ့ဆုံဆွေးနွေးမှု ပြုလုပ်ပြီး တိုင်းရင်းသားအားလုံး၏ သဘောတူညီ ချက်များ ရရှိပါက လွှတ်တော် ကိုယ်စားလှယ်များရှေ့တွင် သဘောတူညီချက် လက်မှတ်ရေးထိုးကာ ပင်လုံညီလာခံ ကဲ့သို့ လုပ်ဆောင်ရေးတို့ ပါဝင်သည်။

KIO အပါအဝင် ရှမ်းပြည်တပ်မတော်-တောင်ပိုင်း SSA-S ၊ ကရင်နီအမျိုးသား တိုးတက်ရေးပါတီ KNPP၊ ကရင် အမျိုးသား အစည်းအရုံး KNUနှင့် ချင်းအမျိုးသားတပ်ဦး CNFတို့နှင့် ဦးအောင်မင်းက သီးခြားဆီ ဆွေးနွေးခဲ့ကြသည်။ SSA-S နှင့် CNF တို့က အပစ်အခတ်ရပ်ရေးကို မူအားဖြင့် သဘောတူညီခဲ့ကြသော်လည်း ကျန်အဖွဲ့များကမူ အဖွဲ့တွင်း
ဆွေးနွေးမှုပြုမည်ဟု ဦးလနန်က ပြောသည်။

"လက်နက်ကိုင်ထားကြပါ။ ဆက်ဆံရေးရုံး ပြန်ဖွင့်ကြမယ်။ ဒေသဖွံ့ဖြိုးရေးလုပ်ငန်းတွေ လုပ်ရအောင်ဆိုတဲ့ဟာမျိုး ကတော့ အရင် နဝတခေတ်မှာ သုံးနေတဲ့ နည်းလမ်းဟောင်းပါ။ ဒီပုံစံကတော့ အဆင်ပြေနေတဲ့ဟာမျိုး မရှိဘူး” ဟု မဇ္ဈိမကို ပြောသည်။

၁၉၉၄ ခုနှစ်မှသည် ၂ဝ၁၁ ခုနှစ်အထိ KIO နှင့် အစိုးရနှင့် အပစ်အခတ်ရပ်ခဲ့စဉ်က ဆက်ဆံရေးရုံးဖွင့်ခြင်း၊ ထိန်းချုပ်နယ်မြေ ခွဲခြားခြင်း၊ နယ်မြေ ကျော်ဖြတ်ရန် ခွင့်ပြုချက်ယူရခြင်း၊ ဖမ်းဆီးထားသူများကို ပြန်လွတ်ပေးခြင်း စသည့်အချက်များ ပါဝင်ခဲ့သည်။

ထိုအခိုက် ဗုဒ္ဓဟူးနေ့က မန္တလေး- နမ်းခမ်းလမ်းဘက်မှ မန်စီမြို့နယ် မန်ဝင်းကျေးရွာဘက် စစ်ကားအစီး ၄၉ စီးခန့်
မှ စစ်သည် အင်အား ၁,၄ဝဝ ကျော် ရောက်ရှိလာသလို၊ ဗန်မော်မြို့တွင်လည်း သင်္ဘော သုံးစီးစာ စစ်သားအပြည့် ဝင်ရောက်လာသည်ဟု KIO ဘက်က ပြောသည်။ ထို့အပြင် ရှမ်းပြည်နယ် မုန်ကိုမြို့နယ်အတွင်း KIO ၏ တပ်မဟာ ၄ နယ်မြေသို့ မြန်မာအစိုးရ၏ စစ်ကားအစီး ၂ဝ ကျော် ဝင်ရောက်လာမှု ရှိနေသည်ဟု ဆိုသည်။

KIO တပ်မဟာ ၅ ရှိရာ ဗန်မော်မြို့နယ်၊ မိုးမိတ်မြို့နယ်အတွင်း မြန်မာအစိုးရတပ်ဘက်မှ ၂,၀၀၀ နီးပါး ရှိနေပြီး ဆက်လက်ကာ တပ်တိုးချမှုများ ရှိနေသည်ဟုလည်း ဆိုသည်။

Read More

Gmail, Gtalk ကို မြန်မာအစိုးရ ကြားဖြတ် ဖောက်ဖတ်နိုင်ဟုဆို

ဂူဂဲလ်မှ အခမဲ့သုံးခွင့် ပြုထားသည့် ဂျီမေးလ်နှင့် ဂျီတော့ပ်များကို အစိုးရအနေဖြင့် ကြားဖြတ် စောင့်ကြည့်၊ ဖောက်ထွင်းနိုင်ကြောင်း အင်တာနက်လုံခြုံရေးဆိုင်ရာ လုပ်ငန်း ကျွမ်းကျင်သူများက ပြော သည်။

“သူက ကြားခံ ဆာဗာ သုံးခုကို ဖြတ်ရတယ်။ ဖြတ်တိုင်းမှာ ဆာဗာတွေက မှတ်တမ်းယူထားတယ်။ အဲဒီမှတ်တမ်းကို အခြေခံပြီး ပြန်ယူလို့လွယ်တယ်။” ဟု ပြည်ပအခြေစိုက် အိုင်တီလုံခြုံရေးဆိုင်ရာ ပညာရပ်ဖြင့် လုပ်ကိုင်နေသူ ကိုမောင်မောင်က မဇ္ဈိမကို ပြောသည်။

ကြားခံ ဆာဗာသုံးခုမှာ အသုံးပြုရာ နယ်မြေအခြေစိုက် သက်ဆိုင်ရာ မြို့နယ်အလိုက် ထားရှိသည့် Local ISP (Internet service provider), တနိုင်ငံလုံးအား အင်တာနက်ဝန်ဆောင်မှုပေးနေသည့် ရတနာပုံ တယ်လီပို့စ်နှင့်
မြန်မာ့ဆက်သွယ်ရေး MPT ကဲ့သို့သော Main ISP နှင့် ရန်ကုန်တိုင်း သံလျင်မြို့နယ်တွင် ထားရှိသည့် ဟံသာဝတီ National Gateway တို့ဖြစ်သည်။

မြန်မာနိုင်ငံတွင် ဂျီမေးလ်၊ ဂျီတော့ပ်အား တိုက်ရိုက်ကြည့်ရှု့ခွင့်ရနေသည်ဟု ထင်မြင်ရသော်လည်း အမှန်တွင်မူ အထက်ပါ ကြားခံဆာဗာသုံးခုအား ဖြတ်ကျော်ပြီးမှသာလျှင် ကြည့်ရှုရနိုင်ခြင်း ဖြစ်သည်။ ယင်းကြားခံ ဆာဗာသုံးခု မှာလည်း အစိုးရ၏ ထိန်းချုပ်မှုအောက်တွင် ထားရှိခြင်းဖြစ်ကာ ယင်းတို့မှ အဆင့်ဆင့် ဖြတ်ကျော် ဝင်ရောက်ရခြင်း
ဖြစ်သည်။

မြန်မာနိုင်ငံတွင် ၂ဝ၁ဝ ခုနှစ်အထိ မြန်မာ့ဆက်သွယ်ရေး MPT နှင့် ရတနာပုံ တယ်လီပို့စ်ဟူ၍ အင်တာနက် ဝန်ဆောင်မှု ပေးသည့် Internet Service Provider – ISP နှစ်ခုရှိပြီး ယင်းအထက်တွင် ဟံသာဝတီ National Gateway ရှိသည်။

ယင်းနောက် ၂ဝ၁ဝ နောက်ပိုင်းတွင် စစ်အစိုးရက အင်တာနက်လိုင်းစနစ်အား ပြောင်းလဲ ကျင့်သုံးခဲ့သည်။ ပြောင်းလဲ လိုက်သည့် ISP စနစ်သစ်တွင် MPT နှင့် ကာကွယ်ရေးဝန်ကြီးဌာန MOD ISP ဟူ၍ ပင်မနှစ်ခု ဖြစ်လာကာ ရတနာပုံ တယ်လီပို့စ် ISP အား MPT လက်အောက်သို့ ပြောင်းလဲထားရှိခဲ့သည်ဟု ပြည်ပ အခြေစိုက် မြန်မာ့သတင်းသမဂ္ဂ BMA မှ ၂ဝ၁ဝ ခုနှစ် နိုဝင်ဘာလတွင်း ထုတ်ပြန်ခဲ့သည့် “အမျိုးသားအဆင့် ရတနာပုံ မြန်မာ Web Portal - ဖွံ့ဖြိုးမှုလော၊ ဖိနှိပ်မှုလော” စာတမ်းတွင် ပါရှိသည်။

“တယောက်ချင်းစီ စစ်စရာမှ မလိုဘူးလေ။ ကိုယ်လိုချင်တဲ့ အကောင့်ကို ဖွင့်ရုံပဲ။ ဘယ်သူ ဘယ်လိုင်း သုံးတယ်ဆိုတာ ဆာဗာထဲမှာ အကုန်ရှိတယ်လေ။ ဆာဗာတွေက ISP လက်အောက်မှာ ရှိတာ။ လုပ်ပိုင်ခွင့်က ISP မှာ အပြည့်ရှိတယ်။ ISP မှာ ဘယ်သူ ဘာဆိုတာ အကုန်ရှိပြီးသား။ လုပ်ချင် လွယ်လွယ်လေးပေါ့။” ဟု ကိုမောင်မောင် က ဆိုသည်။

အစိုးရအနေဖြင့် အင်တာနက်သုံးစွဲသူ၏ သုံးစွဲမှုမှတ်တမ်းအား စစ်ဆေးမည်ဆိုပါက ဆာဗာအသီးသီးရှိ Main Memory (ပင်မ မှတ်တမ်းသိုမှီးရာနေရာ) မှသာမက Cache Memory ဟုခေါ်သည့် သီးခြားမှတ်တမ်း သိုမှီးရာ နေရာမှလည်း လွယ်လင့်တကူ စောင့်ကြည့် စစ်ဆေးနိုင်သည်။

မြန်မာ့အင်တာနက်လုံခြုံရေးဆိုင်ရာ အင်ဂျင်နီယာတဦးအဆိုအရ အစိုးရအနေဖြင့် အင်တာနက် သုံးစွဲသူ အားလုံး ကို စောင့်ကြည့်လေ့ရှိခြင်းမဟုတ်ဘဲ ထင်ရှားသူများ၊ ပစ်မှတ်ထားခံရသူများကို စောင့်ကြည့်ခြင်းဖြစ်ကာ ဦးသိန်းစိန် အစိုးရ တက်လာသည့်နောက်ပိုင်းတွင် စောင့်ကြည့်မှု လျော့ပါးလာသည်ဟု ဆိုသည်။


“ နိုင်ငံခြားသူတယောက် ပြောပြတယ် ကျနော့်ကို။ ရန်ကုန်သွားတော့ သူ ဂျီမေးလ် အသစ်တခုဖွင့်ပြီး သုံးတာ။ သူလည်း အစိုးရ မကောင်းကြောင်းတွေရေးတော့ ရက်ပိုင်းအတွင်း သူ့မေးလ် ပိတ်သွားတယ်တဲ့။ ” ဟု ပြည်ပ သတင်းဌာနတခုတွင် လုပ်ကိုင်နေသူ ချင်းမိုင်အခြေစိုက် အိုင်တီသမား ကိုထွန်းထွန်းအောင်က ပြောသည်။
သုံးစွဲသူအနေဖြင့် မည်မျှပင် လုံခြုံရေးစကားဝှက် Password ပြောင်းလဲထားစေကာမူ သုံးစွဲသူ၏ မှတ်တမ်း
အားလုံးမှာ ဆာဗာတွင် ကျန်ရစ်မည်ဖြစ်၍ မလုံခြုံနိုင်ခြင်း ဖြစ်သည်။

အစိုးရပိုင်းမှ စောင့်ကြည့်ခြင်း၊ ဖောက်ထွင်းခြင်းများ ရှိ၊ မရှိဆိုသည်ကိုမူ သေချာမသိသော်လည်း ထင်ရှား ကျော်ကြား သူအချို့ မည်သည့်ဝက်ဘ်ဆိုက်ကြည့်သည်၊ မည်သည့်သူနှင့် ဆက်သွယ်သည်ကိုမူ IP Address မှတ်သား၍ အာဏာပိုင်များသို့ သတင်းပို့ရလေ့ရှိသည်ဟု ရတနာပုံတယ်လီပို့စ် ဝန်ထမ်းဟောင်း တဦးထံမှ သိရသည်။

“စာရင်းကတော့ အတိအကျ မရှိဘူး။ ၅ဝ လည်း ဖြစ်ရင် ဖြစ်မယ်၊ ၁ဝဝ လည်း ဖြစ်ရင် ဖြစ်မယ်။ ဥပမာ ဘုန်းကြီး အရေးအခင်းဖြစ်မယ်ဗျာ။ ဘုန်းကြီးအရေးအခင်းဖြစ်တုန်းကဆိုရင် သူတို့ စောင့်ကြည့်ရမယ့်သူတွေ အများကြီးပဲ။ အယောက် ၂၀၀ လောက်ဖြစ်ရင် ဖြစ်သွားမယ်။ သာမန်ကတော့ အရေးကြီးတဲ့ အန်တီစုတို့ ဘာတို့ကတော့ Report အမြဲတမ်း လုပ်နေရမှာပေါ့နော်။” ဟု ရတနာပုံ တယ်လီပို့စ် ဆာဗာအင်ဂျင်နီယာဟောင်းတဦးက မဇ္ဈိမကို ပြောသည်။


စောင့်ကြည်ခြင်းလုပ်ငန်းကို ကာကွယ်ရေးဝန်ကြီးဌာနအောက်ရှိ ဆက်သွယ်ရေးတပ် (ကက-ဆက်) မှ စစ်ဘက် အရာရှိ အများစု ပါဝင်သည့် Net Security ကဲ့သို့သော အင်တာနက်လုံခြုံရေးဌာနမှ လုပ်ကိုင်ခြင်းဖြစ်ကာ အဓိက အားဖြင့် နိုင်ငံရေးနှင့် ပတ်သက်၍ လုပ်ဆောင်နေသူများကို စောင့်ကြည့်ခြင်း ဖြစ်သည်။ ယခုကဲ့သို့ လုပ်ဆောင်ခြင်း များအတွက် အသုံးစားရိတ်ကို စစ်ဘက် အသုံးစားရိတ်များတွင် ထဲ့သွင်း ဖော်ပြလေ့ရှိသည်။

စောင့်ကြည့်ခံရသူ အရေအတွက်မှာမူ အတိအကျမရှိနိုင်သော်လည်း ပြည်တွင်း၌ နိုင်ငံရေးလှုပ်ရှားမှု တစုံတရာ
ဖြစ်ပေါ်ပါက စောင့်ကြည့်ခံရသူ များပြားနိုင်ပြီး သာမန်ချိန်တွင်မူ ဒေါ်အောင်ဆန်းစုကြည်၊ လူရွှင်တော် ဇာဂနာ ကဲ့သို့သော သူများမှာ စောင့်ကြည့်ခံရနိုင်ဖွယ်ရှိသည်ဟု အင်ဂျင်နီယာက ခန့်မှန်းထားသည်။ ထိုသူမှာ အဓိက အားဖြင့် Network ပိုင်းဆိုင်ရာ စောင့်ကြည့်ထိန်းသိမ်းရေး၊ တဦးနှင့် တဦး မေးလ်ပို့ရာတွင် မှန်ကန်ကြောင်းဆိုင်ရာ မှတ်ပုံတင်ခြင်း Certificate Authority ပိုင်းဆိုင်ရာ ဌာနတွင် လုပ်ကိုင်ခဲ့သူ ဖြစ်သည်။

အင်တာနက် သုံးစွဲသူ အများစုအား ဝန်ဆောင်မှုပေးနေသည့် ရတနာပုံတယ်လီပို့စ်တွင် Net Security, Proxy, Mail, CA – Certificate Authority Team စသည်ဖြင့် ဌာနခွဲပေါင်းများစွာ ထားရှိ၍ ဝန်ဆောင်မှုပေးခြင်း ဖြစ်ကြောင်း၊ လုပ်ဆောင်ရမည့် လုပ်ငန်းစဉ်ကိုလည်း MPT မှ သတ်မှတ်ပေးကြောင်း သိရသည်။ ဆာဗာလုံခြုံရေးနှင့် စောင့်ကြည့်
ရေးပိုင်းနှင့် ပတ်သက်၍ မေးမြန်းရာတွင် မိမိ၏ ဌာနမဟုတ်သည့်အတွက် မသိကြောင်း ပြောဆိုသည်။

“MPT ကနေ ချပေးလိုက်တဲ့ လမ်းညွန်ချက်အတိုင်း ဘယ် Port ပိတ်မယ်၊ ဘယ် Port ဖွင့်မယ်ပေါ့နော်။ အဲဒါတွေ ကတော့ အပေါ်က လူကြီးပိုင်းတွေပဲ လုပ်တာလေ။ သူတုိ့အပေါ်က လမ်းညွန်ချက်က ဒေါက်တာ လွဏ်းဆွေပိတ်မယ်၊ ဒါမှမဟုတ် ဘယ်ဘလော့ဂ်ဆိုက်ပိတ်မယ်ပေါ့။ တခု ပိတ်မယ်၊ ဖွင့်မယ်။ အပေါ်မှာ သူတို့ ဘယ်လို လုပ်တယ်ဆိုတာ
တော့ ကျနော်တို့ သေချာမသိဘူး။” ဟု ဆာဗာ အင်ဂျင်နီယာဟောင်းက ဆိုသည်။

အစိုးရအနေဖြင့် အင်တာနက် သုံးစွဲခွင့်ပေးထားရာတွင် ဆာဗာအဆင့်ဆင့် ခံထားသည့်အပြင် ယင်းဆာဗာများတွင် DNS Poisoning နည်းလမ်းများသုံး၍ အင်တာနက်သုံးစွဲသူ၏ အချက်အလက်များအား ရယူနိုင်ဖွယ် ရှိသည်ဟုလည်း BMA ၏ စာတမ်းတွင် ပါရှိသည်။


DNS Poisoning ဆိုသည်မှာ ISP ဆာဗာတွင် ကြားခံ စက်ကိရိယာထားရှိ၍ အင်တာနက်အသုံးပြုသူ၏ အချက် အလက်များကို ခိုးယူခြင်း ဖြစ်သည်။ ယင်းသို့ လုပ်ဆောင်ရာတွင် သုံးစွဲသူမှ ရိုက်သွင်းလိုက်သည့် Login ဆိုင်ရာ အချက်အလက်များကို ကြားဖြတ်ယူထားကာ၊ ယင်းမှတဆင့် သက်ဆိုင်ရာ ဆာဗာသို့ ပေးပို့ခြင်း ဖြစ်သည်။

“လုံခြုံရေးကြောင့်ပဲပေါ့။ လိုအပ်ရင် လိုအပ်သလို ထိန်းဖို့လေ။ စစ်သားဆိုတာလုံခြုံရေးပဲ အရင်ကြည့်တာ ဘယ်ခေတ်ရောက်ရောက်။” ဟု ကိုမောင်မောင်က ပြောဆိုသည်။

ယင်းသို့ မိမိ၏ အချက်အလက်များအား ဆာဗာမှ ခိုးယူခြင်းအား ကာကွယ်နိုင်ရန်မှာ Virtual Private Network - VPN ခေါ် ကြားခံဆာဗာတခုမှ မိမိသွားလိုသည့် အင်တာနက်စာမျက်နှာသို့ သွားရောက်ခြင်း ဖြစ်သည်။

VPN မှာ မိမိအသုံးပြုနေသည့်နိုင်ငံရှိ ဆာဗာများကို ဝင်ရောက်ခြင်းမရှိဘဲ အခြားဆာဗာမှတဆင့် မိမိ သွားလိုရာ အင်တာနက်စာမျက်နှာသို့ ဝင်ရောက်ခြင်းဖြင့် ယာယီအကာအကွယ်ဖြစ်စေသလို သီးခြားလျို့ဝှက်ကုတ်ဒ်များဖြင့် ပုံစံပြောင်းအသုံးပြုခြင်း ( Encryption) ဖြင့်လည်း ကာကွယ်နိုင်သည်ဟု အင်တာနက်လုံခြုံရေးသမားများက လမ်းညွှန်ထားသည်။

Read More

ဆန္ဒပြခွင့်ဆိုင်ရာ နည်းဥပဒေ ထုတ်ပြန်ဖို့ ကျန်နေသေး

ငြိမ်းချမ်းစွာ စုဝေးခွင့်နဲ့ စီတန်းလမ်းလျှောက် ဆန္ဒပြခွင့် ဆိုင်ရာ ဥပဒေမူကြမ်းကို ပြည်ထောင်စု လွှတ်တော်က အတည်ပြုပြီးတာကြောင့် လာမယ့် ဒီဇင်ဘာလအတွင်း သမ္မတဦးသိန်းစိန် လက်မှတ်ရေးထိုးဖို့သာ ကျန်ပြီး နည်းဥပဒေကို ထုတ်ပြန်ပြီးတာနဲ့ တရားဝင် ဆန္ဒပြခွင့် လျှောက်ထားနိုင်တော့မယ်လို့ သိရပါတယ်။

၂၀၁၀ ရွေးကောက်ပွဲ ကျင်းပပြီးနောက် အမျိုးသား လွှတ်တော်နှင့် ပြည်ထောင်စု လွှတ်တော် နှစ်ရပ်ပေါင်း ကျင်းပသော ပထမဆုံး လွှတ်တော် အစည်းအဝေးကို နေပြည်တော်ရှိ လွှတ်တော် အဆောက်အအုံသစ်တွင် ဇန်နဝါရီ ၃၁ ရက်နေ့က ပြုလုပ်နေသည်ကို MRTV 4 ရုပ်မြင်သံကြားမှ ထုတ်လွှင့် ပြသနေပုံ ဖြစ်ပါသည်။ (Photo: AFP/MRTV 4)

လာမယ့် (၁၄)ရက် အတွင်း သမ္မတက လက်မှတ်ရေးထိုးဖို့ ရှိကြောင်း အမျိုးသားလွှတ်တော် ကိုယ်စားလှယ် တစ်ဦးဖြစ်တဲ့ ဒေါက်တာ မြတ်ဉာဏစိုးက RFAကို ပြောပါတယ်။

အခု အတည်ပြုလိုက်တဲ့ ဆန္ဒပြခွင့်ဆိုင်ရာ ဥပဒေမူကြမ်းမှာ ကန့်သတ်ချက်တချို့ပါဝင်ပြီး၊ လက်နက်ကိုင် တပ်ဖွဲ့ဝင်တွေ ဆန္ဒပြခွင့် မရှိသလို လူအများ စုဝေးတတ်တဲ့ ဆေးရုံ၊ ကျောင်း၊ ဈေး စတဲ့နေရာတွေရှေ့မှာ ဆန္ဒပြခွင့် ပိတ်ပင်ထားပါတယ်။

ဒါ့အပြင် နိုင်ငံခြားသံရုံးတွေ ရှေ့မှာလည်း ဆန္ဒပြခွင့်မရှိဘဲ သံရုံးရှေ့က ဖြတ်ပြီး စီတန်းလှည့်လည် ဆန္ဒပြတာမျိုးကိုတော့ ခွင့်ပြုထားတယ်လို့ သိရပါတယ်။

ဆန္ဒပြရာမှာ ကြွေးကြော်သံတိုင်တာ အလံလွှင့်ထူ ကိုင်ဆောင်တာ ဆိုင်းဘုတ်တွေ ကိုင်ဆောင်တာ မျိုးကိုလည်း ခွင့်ပြုထားပါတယ်။

ဆန္ဒပြခွင့်ဆိုင်ရာ ဥပဒေမူကြမ်း အတည်ပြုလိုက်တာနဲ့ ပတ်သက်ပြီး အမျိုးသားလွှတ်တော် ကိုယ်စားလှယ် ဒေါက်တာ မြတ်ဉာဏစိုးကို အာရ်အက်ဖ်အေဝိုင်းတော်သား ကိုဉာဏ်ဝင်းအောင်က ဆက်သွယ် မေးမြန်း ထားပါတယ်။

Read More

Washington University မှ ဇေကမ္ဘာ ဦးခင်ရွှေ အား မည်သည့် အခါကမှ မည်သည့်ဘွဲ့မျိုးကိုမျှ မပေးအပ်ခဲ့ကြောင်း တရားဝင် ထုတ်ပြန်ကြေငြာခြင်း

ထို့အပြင် ၄င်း၏ ကျောင်းနာမည်ကို အလွဲသုံးစားပြုလုပ်ပြီး ဒေါ်လာ ၈၀၀၀ ဖြင့်ဦးခင်ရွှေ အား PhD အတု ရောင်းချခဲ့သော အွန်လိုင်းပေါ်မှ ကျောင်းအတု အား တရားစွဲဆိုခဲ့ခြင်း၊ မကောင်းမှုဟူသည် စိတ်ကွယ်ရာမရှိကြောင်း လူငယ်များ နားလည်စေရန်ဖြန့်ဝေနိုင်သည်။

https://www.facebook.com/photo.php?fbid=10150388992291374&set=a.74759741373.78273.582151373&type=1&ref=nf

မကောင်းမှုဟူသည် စိတ်ကွယ်ရာမရှိကြောင်း လူငယ်များ နားလည်စေရန်
ဖြန့်ဝေနိုင်သည်။

ဒီမိုဖက်တီး

ဇေကမ္ဘာ ဦးခင်ရွှေ နှင့်ပတ်သတ်သည့်သတင်းများကိုအောက်ပါလင့်များတွင်ဖတ်ရူနိုင်ပါသည်.

http://www.asiantribune.com/news/2004/05/30/understanding-myanmar

http://www.ibiblio.org/obl/reg.burma/archives/199803/msg00108.html

Read More

ဆီးဂိမ်း ၂၀၁၁ ရလဒ်များ နှင့် ပိတ်ပွဲ အခမ်းအနား မြင်ကွင်းများ – SEA Games result and closing ceremony

ဓာတ်ပုံသတင်း
နိုဝင်ဘာ ၂၃၊ ၂၀၁၁

ယမန်နေ့က အင်ဒိုနီးရှား နိုင်ငံ Palembang တွင် ပြုလုပ်သော ဆီးဂိမ်း ၂၀၁၁ ပိတ်ပွဲ အခမ်းအနားတွင် တင်ဆက်နေသော မြန်မာအကအဖွဲ့ (ဓာတ်ပုံ-getty images)

မြန်မာအလံ (AFP)

နိုင်ငံအလိုက် ရွှေငွေကြေး ဆုရရှိမှု အခြေအနေ

AP

မြန်မာကချေသည်များ၏ တင်ဆက်မှု(AFP)

အိမ်ရှင် အင်ဒိုနီးရှား ကချေသည်များ၏ တင်ဆက်ဟန် (AFP)

မိန့်ခွန်းပြောနေသော အင်ဒိုနီးရှားရဲ့ ဆီးဂိမ်းအလုပ်အမှုဆောင်အဖွဲ့ ခေါင်းဆောင် အမျိုးသမီး (AFP)

၂၆ ကြိမ်မြောက် ဆီးဂိမ်း ပိတ်ပွဲအခမ်းအနား မြင်ကွင်းတခု (AFP)

ဆီးဂိမ်းအဖွဲ့အလံကို လက်လွဲယူပြီး ဝှေ့ယမ်းနေသော မြန်မာအားကစားဝန်ကြီး (AFP)

၂၇ ကြိမ်မြောက် ဆီးဂိမ်းကို မြန်မာနိုင်ငံက အိမ်ရှင်အဖြစ် လက်ခံ ကျင်းပမည် ဖြစ်သည်။

ပိတ်ပွဲ မီးရှူးပန်း (AP)

အင်ဒို ထီးယိမ်း (AFP)

အလံချ အစီအစဉ် (AFP)

AFP

Read More

Saffron Monks not welcome in Burma – ရွှေဝါရောင်သံဃာတွေ အလိုမရှိတော့ ဟု မေးစရာဖြစ်

နိုဝင်ဘာ ၁၉ မှာ အာဆီယံက မြန်မာကို သူတို့အသင်းရဲ့ ဥက္ကဋ္ဌအဖြစ် အလှည့်ကျ ၂၀၁၄မှာ ဆောင်ရွက်ဖို့ ရွေးချယ်လိုက်တယ်။ ဒေါ်စုခေါင်းဆောင်တဲ့ အင်န်အယ်ဒီပါတီကလည်း လက်ရှိအစုိုးရပြင်ဆင်ပြဋ္ဌာန်းမှုအတိုင်း လက်ခံပြီး ပါတီမှတ်ပုံတင်မယ်၊ ရွေးကောက်ပွဲဝင်မယ်လို့ ဆုံးဖြတ်ချက်ထွက်လာခဲ့ပြီးဖြစ်ပါတယ်

အဲသည်အချိန်မှာ မြန်မာသမ္မတ သိန်းစိန်နဲ့ မြန်မာသတင်းထောက်တွေ တွေ့ဆုံမေးမြန်းခွင့်ရတဲ့ဆီမှာ ကျန်ရှိနေသေးတဲ့ နိုင်ငံရေးအကျဉ်းသားတွေ (ယုံကြည်ချက်ကြောင့် အကျဉ်းကျနေသူတွေ) မရှိဘူး၊ ဥပဒေတွေကျူးလွန်လို့ ပြစ်ဒဏ်ကျခံနေရတာတွေပဲ ရှိတယ်။ အဲသည်အဖွဲ့တွေကို ခွဲခြားပြီး ပြောနေရင် အခြားသူတွေကို ကိုယ်ချင်းမစာရာကျတယ်လို့ သမ္မတသိန်းစိန်က ဖြေကြားသွားပါတယ်။

အဲသည်အချက်နဲ့ ပတ်သက်ပြီး လက်ရှိမန္တလေးနဲ့ အခြားမြို့ကြီးတွေမှာ အဖမ်းဆီးခံနိုင်ငံရေးအကျဉ်းသားများနဲ့ ရွှေဝါရောင် သပိတ်မှောက်သံဃာတော်တွေ လွတ်မြောက်ရေးလှုပ်ရှားနေသူ သံဃာတော်များအနက် ဦးကောသလကို မိုးမခက သဘောထားမေးမြန်းခဲ့ပါတယ်။ ဆရာတော်က သူ့သဘောထားကို ပြောကြားရာမှာ

ဖြေ။ ။ “ဦးသိန်းစိန်ပြောကြားချက်က လက်ရှိထောင်ထဲက သံဃာတော်တွေ၊ ဘုရားသားတွေကို ရာဇ၀တ်သားတွေလို့ ပြောလိုက်တာနဲ့ အတူတူပါပဲ။ ပြီးတော့ ၈၈ မျိုးဆက် ကျောင်းသားခေါင်းဆောင်တွေနဲ့ ရဲဘော်တွေကိုလည်း အပြစ်ရှိတဲ့ လူဆိုး လူမိုက်တွေလို့ ဆိုလိုရာ ရောက်ပါတယ်။ တပည့်တော်တို့ကတော့ နိုင်ငံရေးအကျဉ်းသားတွေလွတ်မြောက်ဖို့၊ သံဃာတော်တွေ လွတ်မြောက်ဖို့ကို အစွမ်းကို တောင်းဆိုမှုတွေ လုပ်သွားမယ်။ ဦးသိန်းစိန်ကလည်း သံဃာတော်တွေရဲ့ ပကတိဆန္ဒအစစ်အမှန်ကို သံဃာတော် ဆရာတော်ကြီးများနဲ့ တာဝန်ယူ ဆွေးနွေးသင့်ပါတယ်”

မေး။ ။ ဟုတ်ပါပြီ။ ဒါပေမယ့် ယမန်နေ့ကပဲ သံဃာ့မဟာနာယကအဖွဲ့ကြီးကတောင် ဒယ်အုိုးဆရာတော်ဦးသုမင်္ဂလကို တရားဟောကြားတာတွေမှာ နိုင်ငံရေးတွေ ဘာတွေ မပါဖို့ ခေါ်ပြီး သတိပေးတယ်လို့ သတင်းတွေ ထွက်လာတော့ အရှင်ဘုရားတို့အထက်က မဟနတွေကိုယ်တိုင်က အဲသည်လို ဆွေးနွေးတာနဲ့ အဆင်ပြေဖိ်ု့ ဖြစ်ပါ့မလား ဘုရား”

ဖြေ။ ။ “တပည့်တော်တို့ကတော့ ဆရာတော်ကြီးတွေအနေနဲ့ လည်း သံဃာထုတရပ်လုံးကို ထောက်ရှု့ပြီးတော့ သာသနာကောင်းမွန်ရေး၊ သန့်ရှင်းစေရေးကို လုပ်ဆောင်ပါလို့ တုိုက်တွန်းချင်ပါတယ်။ ဘုရားရှင်ရဲ့ သာသနာတော် ပြန့်ပွားအောင် လုပ်ကြစေချင်ပါတယ်။ အာဏာရှင်ရဲ့ သာသနာကို စောင့်ရှောက်တာမျိုးကို မလိုလားပါဘူး”

လက်ရှိအခြေအနေမှာတော့ သံဃာ့မဟာနာယကအဖွဲ့အစည်း အဆင့်ဆင့်က ဆရာတော်တွေကိုယ်တိုင်က ရဟန်း သံဃာငယ်များ၊ စာသင်သားသံဃာတော်များရဲ့ သဘောထားတွေ ဆန္ဒသဘောထားတွေကို ကန့်သတ်ထားတဲ့ အခြေအနေတွေရှိနေတာကြောင့် ၂၀၀၇ တုန်းက အများပြည်သူတွေအကျိူးအတွက် လမ်းပေါ်မှာ မေတ္တာသုတ်ရွတ်ဆုိုပြီး ငြိမ်းချမ်းရေးကို တောင်းဆိုသူ ရွှေဝါရောင်သံဃာတော်တွေအတွက် နေရာ မရှိတော့ပြီလားလို့ မေးစရာဖြစ်နေပြီလို့ သတင်းပို့လိုက်ပါတယ်။

ဦးသိန်းစိန်နဲ့ ဒုသမ္မတတွေကိုယ်တိုင်ကလည်း မဟနအဖွဲ့ကြီးရဲ့ ဗန်းမော်ဆရာတော်ကြီးကို လျောက်ထားတဲ့ဆီမှာ ၂၀၀၇ တုန်းက သံဃာတော်တွေကို စစ်တပ်က ရိုက်နှက် ဖမ်းဆီး နှိမ်နင်းတာတွေဟာ အတုအယောင် လုပ်ကြံဖန်တီးထားတဲ့ မီဒီယာတွေသာဖြစ်တယ်လို့ လျောက်ထားဖူးပါတယ်။ အထက်ပါ သတင်းစာရှင်းလင်းပွဲမှာလည်း တိုင်းရင်းသားတွေနဲ့ ငြိမ်းချမ်းရေး ညှိနှိုင်းရာမှာ စာမတတ် ပေမတတ်တွေ ပါနေလို့ အချိန်ယူနေရတယ်လို့ ပြောလိုက်ပါသေးတယ်။

မိုးမခအထောက်တော်

Read More

Save Irrawaddy SF ရဲ့ ဧရာဝတီချစ်သူများဆွေးနွေးပွဲ ရုပ်သံမှတ်တမ်း ဒုတိယပိုင်းထွက်

နိုဝင်ဘာ ၁၉၊ ဆန်ဖရန်ဘေးဧရိယာ၊ ဖရီးမောင့်မြို့၊ စင်ထရယ်ဗီးလ်ကွန်မြူနီတီစင်တာမှာ ကျင်းပတဲ့ မြန်မာပြည်ရဲ့ ဧရာဝတီချစ်သူများဟောပြောပွဲနဲ့ ဆွေးနွေးပွဲက ရုပ်သံမှတ်တမ်းဒုတိယပိုင်းကို Save Irrawaddy SF လုပ်အားပေးများက အများပြည်သူတို့ ကြည့်နိုင်ဖို့ ဝေမျှလိုက်ပါတယ်။



ဒုတိယပိုင်းမှာ ဟောပြောသူက ယူစီဘာကလေမှာ ပါရဂူဘွဲ့စာတမ်းပြုစုနေသူ သတင်းစာဆရာ ကိုမင်းဇင် ဖြစ်ပါတယ်။ မြန်မာပြည်နဲ့ တရုတ်ပြည်ဆက်ဆံရေး နယ်ပယ်အသီးသီးဖြစ်တဲ့ စစ်ရေး၊ နိုင်ငံရေး၊ စီးပွားရေး၊ လူမှုရေး၊ အနုပညာနဲ့ လူတန်းစားအလွှာအဆင့်ဆင့်ရဲ့ အနေအထားတွေကို ရှင်းပြပါတယ်။ ဧရာဝတီလှုပ်ရှားမှုကဲ့သို့ မြန်မာပြည်သားတွေ စုစည်းညီညွတ်တဲ့ လူတန်းစားပေါင်းစုံတဲ့ လှုပ်ရှားမှုမျိုးနဲ့ ဥာဏ်၊ ပညာ၊ သိက္ခာနဲ့ ချီတက်ကြဖို့ကို
တိုက်တွန်းသွားပါတယ်။

လူငယ်များ၊ ကျောင်းသူ ကျောင်းသားများ၊ မြန်မာပြည်အရေး၊ အာရှအရေး၊ တရုတ်ပြည်အရေး၊ ပတ်ဝန်းကျင်ထိန်းသိမ်းစောင့်ရှောက်ရေး စ်ိတ်ဝင်စားသူများ နားထောင်သင့်ပါကြောင်း တိုက်တွန်းလိုက်ပါတယ်။ သူရဲ့ ပါဝါပွိုင့်ဆလိုက်များကိုလည်း ကိုးကားနိုင်အောင် မေတ္တာရပ်ခံပေးပါ့မယ်။ နောက်ဆက်တွဲအပိုင်းများကို နေ့စဉ် ဆက်လက်တင်ဆက်ပါမယ်။

Read More

ဒဏ်ခတ်အရေးယူမှု ရုပ်သိမ်းဖို့ အစီအစဉ်မရှိသေး

ရှေ့သီတင်းပတ်ထဲ အမေရိကန် နိုင်ငံခြားရေးဝန်ကြီး မြန်မာနိုင်ငံကို သွားရောက်ဖို့အထိ အပြန်အလှန် ဆက်ဆံမှုတွေ တိုးတက် လာပေမဲ့ မြန်မာအစိုးရအပေါ် ပိတ်ဆို့ဒဏ်ခတ် အရေးယူထားတာတွေကိုတော့ ရုပ်သိမ်းဦးမှာ မဟုတ်သေးဘူးလို့ အမေရိကန် အဆင့်မြင့် အရာရှိတဦးက ပြောလိုက်ပါတယ်။

ဒါဟာလည်း မြန်မာနိုင်ငံတွင်းမှာ တိုးတက်အောင် လုပ်ဆောင်ဖို့ လိုအပ်နေတာတွေ အများအပြား ရှိနေဆဲ ဖြစ်တယ်လို့ အမေရိကန် အစိုးရက ယုံကြည်ထားတဲ့အတွက် ဖြစ်တယ်လို့ ပြောဆိုခဲ့တာပါ။ အပြည့်အစုံကိုတော့ ကိုအောင်လွင်ဦး က တင်ပြထားပါတယ်။

ရာစုနှစ်ဝက်အတွင်း ပထမဆုံးအကြိမ်အဖြစ် အမေရိကန် နိုင်ငံခြားရေးဝန်ကြီး ဟီလာရီ ကလင်တန် ဒီဇင်ဘာလ ၁ ရက်နေ့မှာ မြန်မာနိုင်ငံကို သွားရောက်ဖို့ ရှိနေတဲ့အထိ ၂ နိုင်ငံ သံတမန် ဆက်ဆံရေးတွေ တိုးတက်လာပေမဲ့လည်း မြန်မာအစိုးရအပေါ် အရေးယူ ဒဏ်ခတ်ထားတာတွေ လတ်တလော ရုပ်သိမ်းမှာတော့ မဟုတ်သေးဘူးလို့ အမေရိကန် အစိုးရက ပြောလိုက်တာ ဖြစ်ပါတယ်။ အမေရိကန် သမ္မတ ဘရက်ခ် အိုဘားမား အစိုးရက မြန်မာနိုင်ငံအပေါ် ပိတ်ဆို့ဒဏ်ခတ်မှုတွေ ချမှတ်ထားပေမဲ့ တချိန်တည်းမှာပဲ ထိတွေ့ဆက်ဆံမှုတွေ လုပ်ဆောင်ဖို့ ပြောဆိုထားတာလည်း ဖြစ်ပါတယ်။

ဒါပေမဲ့လည်း လတ်တလော မြန်မာနိုင်ငံက အခြေအနေတွေဟာ ဒဏ်ခတ် အရေးယူထားတာတွေကို အဆုံးသတ်ရလောက်အောင် အထိတော့ မဟုတ်သေးဘူးလို့ အမေရိကန် သမ္မတ အိမ်ဖြူတော်က ဒုတိယ အမျိုးသားလုံခြုံရေး အကြံပေးပုဂ္ဂိုလ် ဘန် ရုဒ်စ် (Ben Rhodes) က ၀ါရှင်တန် နိုင်ငံခြားသတင်းစာဆရာများ အသင်းတိုက်မှာ အင်္ဂါနေ့ကပဲ ပြောဆိုသွားတာ ဖြစ်ပါတယ်။
“ပိတ်ဆို့ အရေးယူမှုတွေ ရုပ်သိမ်းရေး ဆွေးနွေးဖို့ အချိန်မတန်သေးဘူးလို့ ကျနော်ထင်ပါတယ်။ နိုင်ငံခြားရေးဝန်ကြီးရဲ့ ခရီးစဉ် တစိတ်တပိုင်း အားဖြင့်ကတော့ လက်ရှိဖြစ်ပေါ်နေတဲ့ အခြေအနေတွေကို အရှိန်အဟုန် ပိုကောင်းလာအောင် လုပ်ဆောင်သွားဖို့ ဖြစ်သလို၊ ရှေ့မှာ ဘာတွေ ဖြစ်နိုင်သလဲ ဆိုတာကို စူးစမ်းဖို့လည်း ဖြစ်ပါတယ်။ ဒါပေမဲ့လည်း ပိတ်ဆို့မှုတွေကို အခုအချိန်မှာ ပြန်ပြီး ရုပ်သိမ်းဖို့တော့ အစီအစဉ် မရှိသေးပါဘူး။”

လူ့အခွင့်အရေးနဲ့ နိုင်ငံရေး အခြေအနေတွေ တိုးတက်မှု မရှိဘူးဆိုပြီး အမေရိကန် ပြည်ထောင်စု အပါအ၀င် အနောက်နိုင်ငံတွေက မြန်မာအစိုးရအပေါ် ဆယ်စုနှစ်တွေနဲ့ချီပြီး ပိတ်ဆို့ဒဏ်ခတ်မှုတွေ ချမှတ်ထားပေမဲ့လည်း မြန်မာအစိုးရဘက်က တိုးတက်မှုတွေ ရှိရင်ရှိသလို အပြန်အလှန် တုန့်ပြန်ဆောင်ရွက် သွားမယ်လို့ ပြောဆိုထားတာပါ။ ပြီးခဲ့တဲ့ နှစ်ကုန်ပိုင်းမှာ ရွေးကောက်ပွဲတွေ ကျင်းပပြီး အစိုးရသစ်အဖြစ် ဒီနှစ်မတ်လကုန်မှာ တက်လာတဲ့ သမ္မတ ဦးသိန်းစိန် ဦးဆောင်တဲ့ အစိုးရကတော့ ဒီမိုကရေစီကို ဦးတည်တဲ့ ပြုပြင်ပြောင်းလဲရေးတွေ လုပ်ဆောင်မယ်ဆိုပြီး ကတိပြုခဲ့ပြီးနောက်၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ကိုပြန်လွှတ်ပေးခဲ့သလို၊ သမ္မတ အပါအ၀င် အစိုးရတာဝန်ရှိသူတွေနဲ့ တွေ့ဆုံဆွေးနွေးမှုတွေလည်း လုပ်ဆောင်လာခဲ့ပါတယ်။ နောက်ပိုင်းမှာလည်း နိုင်ငံရေး အကျဉ်းသားတချို့ကို လွတ်ငြိမ်းချမ်းသာခွင့်ပြုတာ၊ နိုင်ငံရေး၊ စီးပွားရေး လွတ်လပ်ခွင့် ပေးတာတွေလည်း ရှိလာခဲ့တာ ဖြစ်ပါတယ်။ နောက်ဆက်တွဲအဖြစ်နဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီကလည်း နိုင်ငံရေးပါတီအဖြစ် မှတ်ပုံတင်ပြီး လွှတ်တော် ကြားဖြတ် ရွေးကောက်ပွဲတွေမှာ ပါဝင်ဖို့အထိ ပြင်ဆင်လာတာပါ။

ဒီလို ဖြစ်ထွန်းမှုတွေ တွေ့မြင်လာရပေမဲ့လည်း အခြေအနေတွေဟာ ရေရှည်ခံဖို့ လိုအပ်နေတာမို့ အမေရိကန် ပြည်ထောင်စုကတော့ မူဝါဒ အပြောင်းအလဲတွေ မလုပ်ခင် အသေအချာ စောင့်ကြည့်ဖို့ လိုလားနေတာဖြစ်ပါတယ်။
“သမ္မတရဲ့ ကြေညာချက်အပေါ်မှာ မြန်မာအစိုးရဘက်က အပေါင်းလက္ခဏာဆောင်တဲ့ တုန့်ပြန်မှုတချို့ တွေ့ရသလို၊ ဒေါ်အောင်ဆန်းစုကြည် ဘက်ကလည်း အပေါင်းလက္ခဏာဆောင်တဲ့ တုန့်ပြန်မှုတွေ ရှိနေပါတယ်။ ဥပမာအားဖြင့်ဆိုရင် နိုင်ငံရေး လမ်းစဉ်ထဲမှာ သူ့အနေနဲ့ ပါဝင်လာတဲ့ ကိစ္စမျိုးဖြစ်ပါတယ်။ ဒါပေမဲ့လည်း မြန်မာနိုင်ငံသွားနေတဲ့ လမ်းကြောင်းကို အဆုံးအထိ စောင့်ကြည့်လေ့လာဖို့ လိုအပ်တယ်လို့ ကျနော်ယုံကြည်ပါတယ်။ ဒီလမ်းကြောင်းဟာ အမေရိကန် ပြည်ထောင်စု မျှော်လင့်တဲ့ ပုံစံအတိုင်း ဖြစ်ရဲ့လားဆိုတာ အဆုံးအထိ စောင့်ကြည့်လေ့လာဖို့ လိုအပ်ပါတယ်။ ဒီလို အဆုံးအထိ စောင့်ကြည့် လေ့လာဖို့ လိုအပ်တယ်ဆိုတဲ့ ကိစ္စဟာ သမ္မတက ထောက်ပြထားတဲ့ ကိစ္စလည်း ဖြစ်ပါတယ်။”

မြန်မာနိုင်ငံမှာ နိုင်ငံရေးအရ ပြုပြင်ပြောင်းလဲမှုတွေ ရှေ့ဆက်ဖို့သာမက၊ လူ့အခွင့်အရေး အခြေအနေတွေ တိုးတက်ဖို့၊ အမျိုးသား ပြန်လည် သင့်မြတ်ရေးအတွက် တိုင်းရင်းသား လူမျိုးစုတွေအပေါ် လေးစားမှုရှိဖို့တွေဟာလည်း အရေးကြီးတယ်လို့ အမေရိကန် ဒုတိယ အမျိုးသားလုံခြုံရေး အကြံပေးပုဂ္ဂိုလ် ဘန် ရုဒ်စ် ကပြောသွားပါတယ်။

အမေရိကန် ပြည်ထောင်စုလို မြန်မာအစိုးရအပေါ် ပြစ်ဒဏ်ခတ် အရေးယူထားတဲ့ ဥရောပသမဂ္ဂ (EU) ကတော့ ဒေါ်အောင်ဆန်းစုကြည် ဦးဆောင်တဲ့ NLD ပါတီက ကြားဖြတ် ရွေးကောက်ပွဲ မတိုင်မီ နိုင်ငံရေးပါတီအဖြစ် မှတ်ပုံတင်ဖို့ ဆုံးဖြတ်ခဲ့တာ အပါအ၀င် မြန်မာနိုင်ငံက မကြာသေးခင်က ဖြစ်ထွန်းမှုတွေ အတွက် ကြိုဆိုကြောင်း ပြောဆိုထားတာပါ။ ဒီလိုပဲ မြန်မာနိုင်ငံဆိုင်ရာ မူဝါဒကိုလည်း ပြန်လည် သုံးသပ်နေတဲ့အကြောင်း EU နိုင်ငံခြားမူဝါဒရေးရာ အကြီးအကဲ ကတ်သရင်း အက်ရ်ှတန် (Catherine Ashton) က အရင်တပတ်ထဲမှာပဲ ပြောဆိုထားတာ ဖြစ်ပါတယ်။

Read More

၎တန်းနှင့် ၈တန်းစာမေးပွဲ မြို့နယ်ဘုတ်အဖွဲ့ဖြင့် စစ်ဆေးမည်

၎တန်းနှင့် ၈တန်း၏ အခန်းဆုံး စာမေးပွဲကို ကျောင်းတွင်း စစ်ဆေးခြင်းမှ မြို့နယ်ဘုတ် အဖွဲ့ဖြင့်ပြောင်းလဲ စစ်ဆေးတော့ မည်ဖြစ်ကြောင်း အခြေခံပညာ အသိုင်းအဝိုင်းမှ သိရသည်။ “ဒီနေ့ပဲ ကျောင်းမှာ အစည်းအဝေး လုပ်ပါတယ်။ ၄ တန်းနဲ့ ၈တန်းကို မြို့နယ်က မေးခွန်းထုတ်ပြီး စစ်တော့မယ် ဆိုပြီးတော့ပါ”ဟု အခြေခံပညာမှ အမည် မဖော်လိုသူ ဆရာတစ်ဦးက ပြောသည်။

ယခင် ဆယ်စုနှစ်ကျော် ကာလများတွင် ၄ တန်းနှင့် ၈ တန်းကို မြို့နယ်ဘုတ်အဖွဲ့ဖြင့် စစ်ဆေးပေးမှု များရှိခဲ့ကြောင်း၊ သို့သော် အကြောင်းကြောင်းကြောင့် ရပ်နားသွားခဲ့ပြီး ယခုမှ ပြန်လည် စတင်သည့်အတွက် အခြေခံပညာ အဆင့်ကို မြှင့်တင်သည့် ခြေလှမ်း တစ်ရပ် အသွင်ရှုမြင်ကြောင်း အခြေခံပညာ အထက်တန်းကျောင်း ဆရာတို့က သုံးသပ်ကြသည်။

လမ်းမတော်မြို့နယ် အတွင်းမှ ကျောင်းသားမိဘတစ်ဦးက

“ဒါက တရားမျှတတဲ့ ယှဉ်ပြိုင်ခြင်းမျိုးတွေ ဖြစ်သွားမယ့်အပြင်ကို ကိုယ့်ကလေးရဲ့ အရည်အချင်း အစစ်အမှန်ကို သိရှိရမယ့် အနေအထားတစ်ခု ဖြစ်သွား မယ်၊ဒါကိုကြိုဆိုတယ်”

ဟုဆိုသည်။

လက်ရှိတွင် ၈ တန်း၌ ပညာသင်ကြားလျက်ရှိသည့်ကျောင်းသား တစ်ဦးသို့ မေးမြန်းရာတွင် “စာမေးပွဲက ဘာတွေ ကွာခြားသွားမလဲ ဆိုတာတော့ သိပ်မသိဘူး၊ နှစ်တိုင်း လည်းစာမေးပွဲက ဖြေနေရတာ ပဲလေ” ဟု ပြောသည်။ နှစ်စဉ်နှစ်တိုင်း မြို့နယ် အဆင့်ထူးချွန်စာမေးပွဲများကို စစ်ဆေး နေသည့်အတွက်မြို့နယ်မှ မေးခွန်းထုတ်ခြင်းကိစ္စသည်ကျောင်းသားများအတွက် အခက်အခဲတစ်ခု မဖြစ်နိုင်ကြောင်း ကျောင်းသားမိဘအများစုက ထောက်ခံဆွေးနွေးကြသည်။

အခြေခံပညာအဆင့်အတန်း မြင့်မားရေးအတွက် လုပ်ဆောင်သင့်သည့် အနေအထားများကို အရပ် သားအစိုးရသစ် လက်ထက်၌ လျင်မြန်စွာဖြင့် လုပ်ဆောင်နေမှုများ ရှိနေပြီး၊ ထို့အတွက်ကြောင့် မြန်မာပညာရေး တိုးတက်ပြောင်းလဲမှုကို ကြုံတွေရတော့မည့်အနေအထားသို့ ရောက်ရှိလာတော့မည်ဟု မြန်မာ့ပညာရေး လေ့လာသုံးသပ်နေသူ အချို့ထံမှ သိရသည်။

Read More

ဆရာ ဥာဏ်ကျယ်ရဲ့ တတိယမြောက် တစ်ကိုယ်တော်

စွယ်စုံရ အနုပညာရှင်တစ်ဦးဖြစ်တဲ့ ဆရာ ဥာဏ်ကျယ်ရဲ့ တတိယအကြိမ်မြောက် တစ် ကိုယ်တော်ပန်းချီပြပွဲကို ၂၀၁၁ ခုနှစ် နိုဝင်ဘာ ၂၃ ရက်မှ ၂၇ ရက်နေ့အထိ ရန်ကုန်မြို့၊ ဗိုလ်ချုပ်အောင်ဆန်းဈေး အရှေ့ဘက်တန်းမှာရှိ တဲ့ မြန်မာ့ရိုးရာ ပန်းပညာရှင်များအစည်းအရုံး ပြခန်းမှာ ကျင်းပပြုလုပ်မှာဖြစ်ပါတယ်။

အုပ်စုလိုက် ပန်းချီပြပွဲ ၃၆ ကြိမ်နဲ့ တစ် ကိုယ်တော်ပန်းချီ ပြပွဲ ၃ ကြိမ်တိုင် ဖြတ်သန်း နိုင်ခဲ့တဲ့ ပန်းချီဥာဏ်ကျယ်ရဲ့ ဆီဆေး၊ ရေဆေး၊ သရုပ်မှန်ရေးဖွဲ့မှု လက်ရာများကို အနုပညာ ချစ်သူများ ကြည့်ရှုခံစားရပါလိမ့်မယ်။

Read More

ဒေါ်အောင်ဆန်းစုကြည်၏ လုပ်ဆောင်ချက်များကို ပံ့ပိုးသွားမည်ဟု ဗြိတိန်ဝန်ကြီး ပြော

အစိုးရအဖွဲ့ဝင်အဆင့် ဥရောပ သမဂ္ဂဝန်ကြီး တစ်ဦးအနေဖြင့် ဗြိတိန်ဝန်ကြီး လွှတ်တော်ကိုယ်စား လှယ် အန်(န်)ဒြူးမစ်ချယ်(လ်) သည် မြန်မာနိုင်ငံသို့ ပထမဆုံးခရီး စဉ်တွင် မြန်မာနိုင်ငံသူ၊ နိုင်ငံသား များအတွက် ဗြိတိန်နိုင်ငံ၏ ကူညီ ထောက်ပံ့မှုအစီအစဉ်ကို ပြန်လည် သုံးသပ်ရန်ရည်ရွယ်ပြီး လာရောက် ခဲ့ခြင်း ဖြစ်ကြောင်း အန်(န်)ဒြူး မစ်ချယ်(လ်)က ပြောကြားသည်။

"ဒီကိုလာခဲ့တဲ့ အကြောင်းက တော့ ဒေါ်အောင်ဆန်းစုကြည် လုပ် နေတဲ့အလုပ်တွေကို ပံ့ပိုးဖို့အတွက် ဖြစ်ပါတယ်" ဟု အန်(န်)ဒြူးမစ် ချယ်(လ်)က ပြောဆိုခဲ့သည်။ မစ်ချယ်(လ်)သည် မြန်မာ ပြည်ခရီးစဉ်အတွင်း နေပြည်တော် ၌ ဒုတိယသမ္မတသီဟသူရဦးတင် အောင်မြင့်ဦး၊ ပြည်သူ့လွှတ်တော် ဥက္ကဋ္ဌ သူရ ဦးရွှေမန်း အပါအဝင် အစိုးရအဖွဲ့ဝင်များ၊ အမျိုးသားဒီမို ကရေစီအဖွဲ့ချုပ်ခေါင်းဆောင် ဒေါ် အောင်ဆန်းစုကြည် အပါအဝင် အတိုက်အခံ နိုင်ငံရေးသမားများ တိုင်းရင်းသားလူမျိုးစုများ၊ စီးပွား ရေးလုပ်ငန်းရှင်များအပြင် လူမှုရေး အသင်းအဖွဲ့များသို့ သွားရောက် တွေ့ဆုံဆွေးနွေးခဲ့သည်။

ဗြိတိန်နိုင်ငံက မြန်မာနိုင်ငံသို့ လာမည့်လေးနှစ်တာကာလအတွင်း ပေါင်စတာလင် ၁၈၅ သန်း (အမေ ရိကန် ဒေါ်လာ သန်း ၃၀ဝ) ကူညီ ပေးသွားမည်ဖြစ်ကြောင်း UK aid ၏သတင်းထုတ်ပြန်ချက်အရ သိရ သည်။ အဆိုပါ ကူညီထောက်ပံ့မှု ကို ကုလသမဂ္ဂ၊ နိုင်ငံတကာနှင့် ပြည်တွင်းအစိုးရမဟုတ်သော အဖွဲ့ အစည်းများ၊ ရပ်ရွာအုပ်စုများမှ တစ်ဆင့် ပေးအပ်သွားမည် ဖြစ် ကြောင်း ယင်းထုတ်ပြန်စာ၌ ဖော်ပြ ထားသည်။

မိခင်ပေါင်း ၁၂၇çဝ၀ဝ အား အန္တရာယ်ကင်းစွာ မွေးဖွားနိုင်ရန်၊ ငှက်ဖျားရောဂါလျှော့ချနိုင်ရန်၊ လူ ပေါင်း ၁ ဒသမ ၈ သန်းအတွက် အထောက်ပံ့များ ပေးရန်၊ ကလေး ၂၇၇çဝ၀ဝ အား မူလတန်းကျောင်း နေစဉ် ထောက်ပံ့သွားရန် စသည့် နေရာများတွင် ကူညီသွားမည်ဖြစ် သည်။ ခရီးစဉ်အတွင်း တာဝန်ရှိသူ များနှင့်တွေ့ဆုံစဉ် နိုင်ငံရေးအကျဉ်း သားများ လွှတ်ပေးခြင်း၊ အဆင့် ဆင့်ပြောင်းလဲလျက်ရှိသော ဥပဒေ များအတည်ပြုပြဌာန်းခြင်း၊ မီဒီယာ လွတ်လပ်ခွင့် တိုးတက်လာခြင်း၊ လွတ်လပ်ပြီး တရားမျှတသော ကြားဖြတ်ရွေးကောက်ပွဲများ၊ တိုင်း ရင်းသား လူမျိုးစုများ နေထိုင်ရာ ဒေသများမှ လက်နက်ကိုင်ပဋိပက္ခ များနှင့် လူ့အခွင့်အရေး အပါအဝင် မြန်မာ အစိုးရ၏ပြုပြင်ရေး အစီ အစဉ်ကို ဆွေးနွေးခဲ့ကြောင်း UK aid ၏ သတင်းထုတ်ပြန်ချက်အရ သိရသည်။

ဆက်နိုင်

Read More

အိမ်ဖြူတော်ကို သေနတ်ဖြင့်ပစ်သူဟု သံသယရှိသူ အဖမ်းခံရ

ပင်နီဗေးနီးယား ရဲတပ်ဖွဲ့ သည် ပြီးခဲ့သောအပတ်တွင် အိမ် ဖြူတော်ကို ဆီမီးအော်တိုမက်တစ် ရိုင်ဖယ်သေနတ်ဖြင့် ပစ်ခတ်သည် ဟု သံသယရှိသည့် အမျိုးသား တစ်ဦးကို နိုဝင်ဘာ ၁၆ ရက်နေ့က ဖမ်းဆီးခဲ့သည်။ယင်း ပစ်ခတ်မှု ကြောင့်ကျည်ဆန်တစ်တောင့်သည် အိမ်ဖြူတော်၏ လူနေအပိုင်းရှိ ကျည်ကာပြတင်းပေါက်တစ်ခုကို ထိမှန်ခဲ့သည်။ အခင်းဖြစ်ပွားချိန် တွင် သမ္မတ အိုဘားမားသည် ဩစတြေးလျနှင့် အင်ဒိုနီးရှားသို့ ရောက်ရှိနေသည်။

လျှို့ဝှက်ထောက် လှမ်းရေးအဖွဲ့ပြောရေးဆိုခွင့်ရ ပုဂ္ဂိုလ်က အော်စကာရာ မီရိုအော်တီ ဂါ ဟာနန်ဒက်ဇ်ကို အင်ဒီယာနာ အနီးဟိုတယ်တစ်ခုတွင် ဖမ်းမိပြီး ချုပ်နှောင်ထားကြောင်း ပြောကြား ခဲ့သည်။ အိမ်ဖြူတော်ကို သေနတ်ဖြင့် ပစ်ခတ်မှုတစ်ခု ၁၉၉၄ ခုနှစ်တွင်ဖြစ် ပွားခဲ့ဖူးသည်။ ဖရန်စစ္စကို မာတင်ဒ ရန်သည် ပင်ဆီဗေးနီးယားရိပ်သာ မှနေပြီး ဆီမီးအော်တိုမက်တစ် ရိုင် ဖယ်သေနတ်တစ်လက်ဖြင့် အိမ်ဖြူ တော်ကိုကျည်ဆန်အတောင့် နှစ် ဒါဇင်ခန့် ပစ်ခတ်ခဲ့သည်။ ဒူရန် သည်ယခုအခါနှစ် ၄၀ ထောင်ဒဏ် ကျခံနေရသည်။

Ref: Internet

Read More