စာဖတ်နေသူပေါင်း

We can check your plugins and stuff
ဆုံနေကြ မှ လာရောက်ကြသော မိတ်ဆွေများကို အထူးကျေးဇူးတင်ရှိပါသည်..
We can check your plugins and stuff လူထုနဲ့ တိုင်းပြည်သာကောင်းစားအောင်လုပ်ပေး ဘယ်သူပဲ ဖြစ်ဖြစ် ဘယ်ပါတီပဲဖြစ်ဖြစ် ထောက်ခံတယ်

Tuesday, August 21, 2012

ဧရာဝတီတိုင်း၏ ၉၂ ရာခိုင်နှုန်း ရေမြုပ်နေ


သန့်စင်ငြိမ်းချမ်း

ဧရာဝတီတိုင်းတွင် မြို့နယ် ၂၆ မြို့နယ် ရှိသည့်အနက် ၂၄ မြို့နယ်မှာ ရေကြီးနစ်မြုပ်မှု ကြုံတွေ့နေရသည်ဟု ဧရာဝတီတိုင်းလွှတ်တော် ဥက္ကဋ္ဌ ဦးဆန်းဆင့်က ယမန်နေ့က သွားရောက်ခဲ့သည့် သာပေါင်းမြို့နယ် ကယ်ဆယ် ရေးခရီးစဉ်တွင် ပြောကြားသည်။

လွှတ်တော် ဥက္ကဋ္ဌ၏ ပြောဆိုချက်အရ ဧရာဝတီတိုင်း၏ ၉၂ ရာခိုင်နှုန်းမှာ ရေကြီးနစ်မြုပ်မှု ရင်ဆိုင်နေရခြင်း ဖြစ်သည်။

“သာပေါင်းမြို့ဆိုရင် မီးသတ်စခန်းရှိတဲ့ ကုန်းကွက်ကွက်ကလေးက လွဲလို့ တမြို့လုံး မြုပ်နေပါပြီ။ မီးသွေးတိုက်အုပ်စုက ရွာလေးငါးရွာဆိုရင် အိမ်ခေါင်တွေ အထိကို မြုပ်နေတာကို တွေ့ရပါတယ်
တော်တော်များများက အိမ်ခေါင်နားမှာ စင်လေးထိုးပြီး ၀မ်းလျားမှောက်နေ ရတဲ့ အခြေအနေတွေ ရှိပါတယ်” ဟု လွှတ်တော် ဥက္ကဋ္ဌက ၎င်းကယ်ဆယ်ရေးသွားစဉ် မြင်တွေ့ခဲ့ရသည့် အခြေအနေများအား ပြောပြ သည်။

ဧရာဝတီတိုင်းတွင် ပုသိမ်၊ မြောင်းမြစသဖြင့် ခရိုင် ၆ ခုရှိသည့်အနက် လပွတ္တာခရိုင်ရှိ မြို့နယ် ၂ ခုမှ လွဲ၍ ကျန်ခရိုင်များအားလုံး ရေကြီးမှု ကြုံတွေ့နေသည်။

တိုင်းမြို့တော် ပုသိမ်တွင် ရပ်ကွက် ၁၅ ခု ရေမြုပ်နေပြီး ကယ်ဆယ်ရေးစခန်း ၃၃ ခုတွင် ဒုက္ခသည်ပေါင်း ၇၅၅၉ ဦး ခိုလှုံနေကြောင်းနှင့် သာပေါင်းမြို့နယ်တွင် ကယ်ဆယ်ရေးစခန်း ၅၁ ခုရှိပြီး ဒုက္ခသည် ၁၂၀၀၀ ကျော် ခိုလှုံနေရကြောင်း မြို့နယ်အုပ်ချုပ်ရေးမှူးရုံးများ၏ စာရင်းအရ သိရသည်။

ထို့ပြင် ကန်ကြီးထောင့်၊ ဒါးက၊ ကျောင်းကုန်း၊ ရေကြည်၊ အသုတ်၊ ငါးသိုင်းချောင်း၊ ကျုံပျာ်စသည့် မြို့နယ် များတွင်လည်း ရေနစ်မြုပ်မှုကြောင့် သောင်းနှင့်ချီသော ဒုက္ခသည်များမှာ ကယ်ဆယ်ရေး စခန်းများတွင် ခိုလှုံနေရသည်။

လူနေအိမ်များသာမက စာသင်ကျောင်းများလည်း ရေမြုပ်နေသည့်အတွက် ပုသိမ်၊ သာပေါင်း၊ ဒါးက၊ ကျောင်းကုန်းအပါအ၀င် မြို့နယ် အတော်များများတွင် ကျောင်းများ ယနေ့တိုင် ပိတ်ထားရသည်။
ယမန်နေ့က ရရှိထားသည့် သတင်းများအရ တိုင်းတစ်ခုလုံးတွင် လယ်ဧက ၂ သိန်း ၅ သောင်း ကျော် ရေနစ်မြုပ်နေကြောင်း ဦးဆန်းဆင့်က ပြောသည်။

“ကျနော်တို့ မနေ့ကအထိ ရတဲ့သတင်းအရဆိုရင် လယ်ဧက ၂ သိန်း ၅ သောင်းလောက် ရေနစ်မြုပ်နေပါပြီ။ စပါးပင်တွေ ဘယ်လောက်သေမယ်၊ ဘယ်လောက်ကျန်မယ်ဆိုတာတော့ ရေကျတဲ့ အခြေအနေအပေါ် မူတည်ပြီးမှပဲ ပြောနိုင်မှာ ဖြစ်ပါတယ်”ဟု ဦးဆန်းဆင့်က ပြောသည်။

ရေနစ်မြုပ်နေသည့် စပါးများအနက် ဧက ၅ သောင်းခန့်မှာ ဆုံးရှုံးပျက်စီးသွားပြီဖြစ်ကြောင်း ဧရာဝတီတိုင်း ဆန်စပါး လုပ်ငန်းရှင်များအသင်း ဥက္ကဋ္ဌ ဦးဝင်းမြင့်လှိုင်က ဧရာဝတီကို ပြောသည်။

“စိုက်ပျိုးထားတဲ့ အရင်းအနှီးက တဧကကို ၁ သိန်းလောက်ရှိတော့ ဧက ၅ သောင်းဆိုတော့ သိန်း ၅ သောင်းဖိုး ဆုံးရှုံးသွားတာပေါ့”ဟု သူက ပြောသည်။

မြန်မာနိုင်ငံ ဆန်စပါးလုပ်ငန်းရှင်များအသင်းအနေဖြင့် ဆုံးရှုံးသွားသည့် စပါးခင်းများ ပြန်လည်စိုက်ပျိုးနိုင်ရန် တဧကလျှင် ၁ တင်းခွဲနှုန်းဖြင့် ဧက ၂၀၀၀၀ စာ မျိုးစပါး တင်း ၃၀၀၀၀ ကို ရေနစ်မြုပ်နေသည့် မြို့နယ်များမှ လယ်သမားများကို လှူဒါန်းပေးအပ်သွားမည်ဟု ဦးဝင်းမြင့်လှိုင်က ဆိုသည်။

သာပေါင်းမြို့နယ်တွင် ၂၀၀၄ ခုနှစ်က ရေကြီးနစ်မြုပ်မှု ဖြစ်ပွားခဲ့သော်လည်း ယခုတကြိမ်မှာ အဆိုးဝါးဆုံး ဖြစ်ကြောင်း သာပေါင်းဒေသခံများက ပြောဆိုကြသည်။

“ဒီရေကြီးမှုက စံချိန်တင်လို့ ပြောလို့ရတယ်။ ၂၀၀၄ ခုနှစ်တုန်းက ရေကြီးပေမယ့် ဒီလောက် မဆိုးဘူး။ အိမ်ကို တစ်ခါလောက် အဆင့်မြှင့်နေလိုက်ရင် ရတယ်။ ခုက ၃ ခါလောက် ဆင့်နေရတယ်။

အဲဒါတောင် ရေတက်မြုပ်လို့ ဒုက္ခသည်စခန်း လာနေနေတာ”ဟု သာပေါင်းမြို့နယ် ထန်းစင်လှကျေးရွာမှ ရေဘေးဒုက္ခသည်တဦးက ပြောသည်။

ရေကြီးမှုကြောင့် ဧရာဝတီတိုင်း လွှတ်တော်ဥက္ကဋ္ဌက အရေးပေါ် လွှတ်တော် အစည်းအဝေးကို သြဂုတ်လ ၁၅ ရက်နေ့မှ ၂၀ ရက်နေ့အထိ ခေါ်ယူထားသည်။

တိုင်းအနှံ့အပြားတွင် ရေကြီးမှုများ ကြုံတွေ့နေသည့်အတွက် အမြန်ဆုံး ကယ်ဆယ်ရေးလုပ်ရန် ကျုံပျော်မြို့နယ် တိုင်းလွှတ်တော်ကိုယ်စားလှယ် ဦးသန်းထွန်းက သြဂုတ်လ ၁၅ ရက်နေ့တွင် အဆိုတင်သွင်းခဲ့ရာ ယင်းအဆိုကို လွှတ်တော်က အတည်ပြုခဲ့ပြီးနောက် ယခုအခါ တိုင်းအစိုးရအဖွဲ့နှင့်လွှတ်တော်က ကယ်ဆယ်ရေးလုပ်ငန်းများ စတင်နေပြီ ဖြစ်သည်။

တိုင်းလွှတ်တော်ဥက္ကဋ္ဌဦးဆောင်သည့်အဖွဲ့က သာပေါင်းမြို့နယ်အတွင်းရှိ ကျေးရွာ ၁၃ ရွာမှ ရေဘေးဒုက္ခသည် ၂၀၀၀၀ ကျော်အတွက် ဆန်အိတ် ၁၃၀၊ ကယ်ဆယ်ရေးပစ္စည်း ၆ မျိုးတွဲ ၃၂၅ စုံနှင့် ခေါက်ဆွဲခြောက်ဖာ ၃၉ ဖာကို ယခုလ ၁၈ ရက်နေ့က သွားရောက် ထောက်ပံ့ခဲ့သည်။

ထို့ပြင် ယမန်နေ့ကလည်း လွှတ်တော်ဥက္ကဋ္ဌ ဦးဆောင်သည့်အဖွဲ့က ရေကြည်၊ ကျုံပျော်၊ ငါးသိုင်းချောင်း မြို့နယ်တို့တွင် ထမင်းထုပ် ၃၅၀၀၀ ဝေမျှခဲ့ပြီး လွှတ်တော် ဒု - ဥက္ကဋ္ဌ ဒေါက်တာ ထိန်ဝင်းအဖွဲ့က သာပေါင်း၊ ကန်ကြီးထောင့်မြို့နယ်တို့တွင် ထမင်းထုပ် ၂၅၀၀၀ ဝေမျှခဲ့သည်။

လက်ရှိတွင် ရေကြီးမှု နောက်ဆက်တွဲအဖြစ် တာတမံများ ကျိုးပေါက်ခဲ့ပါက ပြည်သူအများ သေကြေ ပျက်စီး မည်ဖြစ်သည့်အတွက် ကျိုးပေါက်မှု မရှိစေရန် ကြိုးစား ဆောင်ရွက် နေကြောင်း တိုင်းလွှတ်တော် ဥက္ကဋ္ဌက ပြောသည်။

“ရေကြီးမှုကို ကျနော်တို့ လွှတ်တော်နဲ့ အစိုးရအဖွဲ့က ဖိုးကာ သီချင်းလို တနေကုန်ထိုင်ပြီး တစိမ့်စိမ့်ကြည့် လုပ်မနေပါဘူး။ လုပ်နိုင်သမျှ အကောင်းဆုံး လုပ်ဆောင်ပေးသွားပါ့မယ်”ဟု ဦးဆန်းဆင့်က သာပေါင်းဒေသ ခံများအား ပြောဆိုခဲ့သည်။

ဧရာဝတီ

0 comments: