နအဖ အစိုးရဟာ ရွေးကောက်ပွဲ လုပ်မယ့်ရက်ကိုတော့ မကြေညာ၊ ကန့်သတ်ချုပ်ချယ်မှုတွေပဲ တခုပြီးတခု ကြေညာနေပါတယ်။ တနေ့တုန်းကပဲ နအဖ “ပြည်ထောင်စုရွေးကောက်ပွဲ ကော်မရှင်ရဲ့ ညွှန်ကြားချက်အမှတ်(၂)”ဆိုတာကို ကြေညာလိုက်တော့ ရွေးကောက်ပွဲဝင်မယ်လို့ အားခဲတားသူတွေဆီက စိတ်ပျက်သံတွေစီကနဲ ထပ်ပေါ်ထွက်လာပါတယ်။ နအဖရဲ့ ၀ှက်ဖဲတွေက ကုန်-မကုန်နိုင်ဘူးလို့ ပြောရမလိုပါပဲ။ စည်းကမ်းရှိတဲ့ ဒီမိုကရေစီကပေးတဲ့ စပေ့စ်လေးကိုလည်ပင်း ကိုးတောင်ကျော် မျှော်ကိုးနေသူတွေမှာ လည်ပင်းကို တပတ်ပြီး တပတ် မြွေပတ်ခံရသလို ဖြစ်နေပါတယ်။
ဒီလိုအခါမှာ နအဖရဲ့ပိုက်ဆံမပေးရတဲ့ ရှေ့နေတွေဟာ ဒီအချင်းအရာတွေကို မသိကျိုးကျွံပြုပြီး တခြားအကြောင်းအရာတွေကိုပဲ ပုံကြီးချဲ့ပြောဆိုနေကြပါတယ်။ အခုတလော သူတို့ပြောတဲ့ အထဲမှာရော၊ တချို့အလားတူ “ပညာရှင်” များထဲကရော အတော်အပြောများလာတဲ့ အသုံးအနှုန်းသစ်တခုကို သတိထားမိပါတယ်။ အဲဒါကတော့ “မျိုးဆက်သစ်”ဆိုတာ ဖြစ်ပါတယ်။ ဗမာ “နိုင်ငံရဲ့ကံကြမ္မာဟာ မျိုးဆက်သစ်တွေအပေါ်တည်နေတယ်”လို့ ပြောတဲ့ လေသံမျိုးတွေရဲ့ နောက်ကွယ်မှာ စဉ်းစားစရာတွေ အများကြီးရှိနေပါတယ်။
နိုင်ငံတနိုင်ငံမှာ နိုင်ငံရေးအကြပ်အတည်းကြီးပြီဆိုရင် မျိုးဆက်သစ်ဆိုတဲ့ အသုံးအနှုန်းကို အတော်လေး ကြားလာရတတ်ပါတယ်။ တော်တော်အသုံးတည့်တဲ့ ဝေါဟာရတခုပါပဲ။ ဒါပေမဲ့ေ၀၀ါးလှတယ်၊ ရှင်းဖို့လိုတယ်လို့ ထင်ပါတယ်။ မျိုးဆက်သစ်ဆိုတာ ဘယ်လိုလူတွေကို ရည်ညွှန်းတာလဲ။ နောက်ပြီး ဘယ်မျိုးဆက်ရဲ့မျိုးဆက်သစ်လဲ။ နအဖက မပြတ်
မွေးမြူနေတဲ့ စစ်အာဏာရှင်စနစ်ရဲ့ မျိုးဆက်သစ်တွေကို ပြောတာလား။ ခေတ်အဆက်ဆက်မှာ ဖိနှိပ်မှုအမျိုးမျိုးနဲ့ စစ်အာဏာရှင်စနစ်တွေကို ဆန့်ကျင်တိုက် ပွဲဝင်ခဲ့သူတွေနဲ့ လုံးဝမပတ်သက်တဲ့ အုတ်ကြားမြက်ပေါက်မျိုးဆက်သစ်လား။ အမျိုးသားဒီမိုကရေစီအဖွဲ့ချုပ်နဲ့ မပတ်သက်ဖူးတဲ့လူကို မျိုးဆက်သစ်လို့ဆိုချင်တာလား။ အဲဒီလူတွေဆိုလိုတဲ့
မျိုးဆက်သစ်ဆိုတာက ဗမာပြည်ရဲ့ နယ်ချဲ့ဆန့်ကျင်ရေး၊ ဖက်ဆစ်ဆန့်ကျင်ရေး၊ အာဏာရှင်ဆန့်ကျင်ရေး အစဉ်အလာတွေကနေခွဲထွက်တဲ့၊ အဲဒီမျိုးဆက်တွေနဲ့ကင်းလွတ်တဲ့ နအဖ အုပ်စိုးမှုနဲ့ ရင်အုပ်မကွာကြီးပြင်းတဲ့ မျိုးဆက်ကို ပြောနေတာလို့ တွေးစရာဖြစ်နေပါတယ်။
ဒါဖြင့် သူတို့ရည်ညွှန်းတဲ့ မျိုးဆက်သစ်နဲ့မတူတဲ့ တခြားမျိုးဆက်ဆိုတာကကော ရှိပါသလား၊ ဒီနေ့လို အခြေအနေမှာ ရှိနိုင်ပါသလားလို့ မေးကောင်းမေးလာပါမယ်။ ရှိပါတယ်။ တောက်လျှောက်ပေါ်နေမှာပါလို့ပဲ ဖြေရပါမယ်။ ဆရာဗန်းမော်တင်အောင်ပြောတဲ့ ခေတ်ကပေးအပ်တဲ့ တာဝန်ကို ထမ်းဆောင်မယ့် မျိုးဆက်သစ်ဆိုတာ ခေတ်ရဲ့လိုအပ်ချက်၊ တောင်းဆိုချက်အရ မုချ ပေါ်ကိုပေါ်နေမှာ ဖြစ်ပါတယ်။ နည်းတာ၊ နှေးတာတော့ ရှိကောင်းရှိပါမယ်။
ဗမာပြည် ပြည်သူတွေရဲ့ အရေးတော်ပုံဟာ ခက်ခဲကြမ်းတမ်းတဲ့ ခရီးစဉ်ကြီးကိုရာစုနှစ်နဲ့ချီပြီး မျိုးဆက်တဆက်ကို နောက်တဆက်ကဆက်ခံပြီး တိုက်ပွဲဝင်ခဲ့ကြတာဖြစ်ပါတယ်။ အင်္ဂလိပ်နယ်ချဲ့သမားကို မျိုးဆက်တဆက်ပြီးတဆက် ဆယ်စုနှစ်နဲ့ချီပြီး တွန်းလှန်ခဲ့ရ သလို စစ်အာဏာရှင်တွေကိုလည်း ဆယ်စုနှစ်နဲ့ ချီတိုက်ပွဲဝင်နေကြပါတယ်။ ရှေ့မှာလည်း အဲဒီလိုပဲဆက်ပြီး တိုက်ချင်တိုက်ရဦးမှာ ဖြစ်ပါတယ်။ ဒီလိုတိုက်ပွဲဝင်ကြရာမှာ ရှေ့က တိုက်ပွဲဝင်သွားသူတွေ၊ စွန့်လွှတ်မှု မျိုးစုံပြုသွားသူတွေနဲ့ အဆက်ဖြတ်လို့ဖြစ်ပါ့မလား။ အလွယ်လေးစဉ်းစားကြည့်ပါ။ ရှေ့က တိုက်ပွဲဝင်ခဲ့တာတွေ မရှိပဲနဲ့ ဒီနေ့ တိုက်ပွဲတွေရှိနိုင်ပါ့မလား။ ရှစ်လေးလုံးအရေးတော်ပုံမရှိခဲ့ရင် အမျိုးသားဒီမိုကရေစီအဖွဲ့ချုပ်တို့၊ န၀တ-နအဖတို့ ရှိနိုင်ပါ့မလား။ ၁၉၇၄-၇၅-၇၆တိုက်ပွဲတွေနဲ့ တခြားမြေအောက်-တောတွင်းလှုပ်ရှားမှုတွေမရှိရင် ရှစ်လေးလုံးအရေးတော်ပုံ ပေါ်ပေါက်နိုင်ပါ့မလား။ အကုန်လုံးဟာ ဆက်နေတာပါ။ သမိုင်းကြောင်းကို ဖြတ်တောက်ဖို့ကြံစည်-ကြံဆတဲ့ အာဏာရှင်တွေ အနိုင်နိုင်ငံမှာ ပေါ်ခဲ့ဖူးပါတယ်။ တခြားမပြောနဲ့ ဗိုလ်နေ၀င်းကအစ ဗိုလ်သန်းရွှေအထိ ဆရာကြီးသခင်ကိုယ်တော်မှိုင်းနဲ့ ဗိုလ်ချုပ်အောင်ဆန်းအခန်းကို ဖျောက်ဖျက်ဖို့ ကျိုးပမ်းခဲ့ကြတာ အသေအလဲပဲမဟုတ်လား၊ ဒါပေမဲ့ ဒင်းတို့ ဘယ်မှာ အောင်မြင်လို့လဲ။ အခုဆိုရင် နအဖဟာဒါကို လက်တောင်လျှော့လိုက်ရပြီ မဟုတ်ပါလား။
ဒါကြောင့် နအဖ နဲ့ သူတို့တပည့်လက်သားတွေနဲ့မတူပဲ မျိုးဆက်သစ်လို့ ပြောနေကြသူတွေက ဒီမျိုးဆက်သစ်ဆိုတဲ့ အသုံးအနှုန်းကို ဒီလိုအဓိပ္ပာယ်ဖွင့်ပါတယ်။ အဓိကအားဖြင့် အရင်မျိုးဆက်ဟောင်းတွေဟာ အသက်အရွယ်ကြောင့်အပါအ၀င် အကြောင်းအမျိုးမျိုးကြောင့် ဆက်လက်တိုက်ပွဲဝင်ရာမှာ အကန့်အသတ်အမျိုးမျိုးရှိနေလို့ သူတို့ထက်ပိုပြီး
ထက်ထက်မြက်မြက်လုပ်ကိုင်နိုင်မယ့်၊ လွန်ခဲ့တဲ့ အရေးတော်ပုံတွေရဲ့အစဉ်အလာတွေ၊ ကောင်းမွန်ချက်တွေနဲ့ သင်ခန်းစာတွေကို ဆက်ခံထားတဲ့ မျိုးဆက်သစ်ကို ဆိုလိုတာဖြစ်ပါတယ်။ သမိုင်းပေးတာဝန်လို့ ပြောလေ့ရှိကြတဲ့အရာဟာ ရှေ့ကသွားနှင့်သူတွေနဲ့ ပြည်သူလူထုတရပ်လုံးက ပေးတဲ့တာဝန်ကို ဆိုလိုတာဖြစ်ပါတယ်၊ ဒါကြောင့် ပြည်သူတွေလိုလားတဲ့ မျိုးဆက်သစ်ဆိုတာက ရှစ်လေးလုံးအရေးတော်ပုံနဲ့ ချက်ကြိုးပြတ်ပါတယ်လို့ အသားယူပြောနေတဲ့၊ ၇ ရက် ဇူလိုင်အရေးတော်ပုံနဲ့ ၁၉၇၄ အလုပ်သမား အရေးတော်ပုံ၊ ဦးသန့်ဈာပနတိုက်ပ၊ွဲ ဆရာကြီးမှိုင်းရာပြည့် လှုပ်ရှားမှုတွေဟာ တောထဲက သွေးထိုးလှုံ့ဆော်လို့ ဖြစ်ပေါ်တာလို့ သခင်အားရကျွန်ပါးဝပြောနေတဲ့ “မျိုးဆက်သစ်” မျိုးကို ဆိုလိုတာမဟုတ်ပါဘူး။ အဲဒီဟာတွေက ခေတ်အဆက်ဆက်လက်နက်ချတွေရဲ့ ဆိုးမွေနဲ့ အစဉ်အလာကိုဆက်ခံထားကြတဲ့ အလိုတော်ရိမျိုးဆက်သစ်တွေသာ ဖြစ်ပါတယ်။
ဒီသမိုင်းအကွေ့မှာ လူငယ်တွေကို ဘယ်လိုမျိုးဆက်သစ်လဲလို့ စမ်းသပ်မယ့် အဓိက မှတ်ကျောက်ကတော့ နအဖရဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေအပေါ် ဘယ်လို သဘောထား သလဲဆိုတဲ့ အချက်ပဲဖြစ်ပါတယ်။ အဲဒီတနိုင်ငံလုံး မျိုးဆက်ပေါင်းများစွာ စစ်ကျွန်ဖြစ်စေမယ့် ဖွဲ့စည်းပုံအခြေခံဥပဒေကို တိုက်ဖျက်မလား၊ ဒါကြီးကို မှီပြီး ကိုယ့်တကိုယ် ကောင်းစားမယ့် လမ်းကို ရှာမလားဆိုတာဟာ နိုင်ငံရေးအင်အားစုတွေအားလုံးအတွက် ဓာတုဗေဒ စမ်းသပ်ခန်းထဲက လစ်တ်မတ်စ်ပေးပါပါပဲ။ ဗိုလ်သန်းရွှေတို့ နအဖ စစ်အုပ်စုရဲ့ အရေးတော်ပုံကို ဆက်ခံမယ့် မျိုးဆက်သစ်လား၊ အာဇာနည်သူရဲကောင်း အထောင်အသောင်းရဲ့အရေးတော်ပုံကိုဆက်ခံမယ့် မျိုးဆက်သစ်လားဆိုတာ ကိုယ့်အခန်းကိုယ် ရွေးခြယ်ဆုံးဖြတ်ရမှာပါ။
ပြန်ကြည့်လိုက်ရင် ဗမာပြည်ရဲ့သမိုင်းမှာ ဖွဲ့စည်းပုံတွေဟာ ဖြိုဖျက်လို့ ပြိုပျက်ရတာတွေချည်းပါပဲ။ ၁၉၄၇ ခုနှစ် အခြေခံဥပဒေဟာ ဗိုလ်နေ၀င်းတို့ခြေနဲ့ဖျက်လို့ ပျက်သွားတာဖြစ်ပြီး မဆလ စစ်အစိုးရရဲ့ ၁၉၇၃ ခုနှစ် ဖွဲ့စည်းပုံ အခြေခံဥပဒေကတော့ ရှစ်လေးလုံးအရေးတော်ပုံကြီးနဲ့ မျိုးဆက်သစ်တွေကတိုက်ဖျက်လိုက်လို့ ပျက်သုဉ်းသွားတာ ဖြစ်ပါတယ်။ ၁၉၃၅ ခုနှစ်မှာ အင်္ဂလိပ်ကိုလိုနီ အစိုးရကချမှတ်ခဲ့တဲ့ ဗမာပြည်ရဲ့ပထမဆုံးဖွဲ့စည်းပုံအခြေခံဥပဒေလို့ဆိုရမယ့် ဥပဒေဟာလည်း (ကမ္ဘာစစ်ကြီးကိုကျော်ပြီးနောက်) ၁၉၄၆ ခုနှစ်မှာ ပျက်သွားခဲ့ပါတယ်။ အဲဒီလို ပျက်စေခဲ့တာမှာ အဲဒီတုန်းက မျိုးဆက်သစ် နိုင်ငံရေသမားတွေလို့ပြောရမယ့် သခင်အောင်ဆန်း၊ သခင်သန်းထွန်း စသူတွေဦးဆောင်တိုက်ပွဲဝင်ခဲ့လို့ ဖြစ်ပါတယ်။ အခုနအဖရဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေကို ဖျက်သိမ်းဖို့တာဝန်ဟာ မျိုးဆက်သစ်တွေရဲ့ခေါင်းပေါ်ကို ရောက်လာပါပြီ။
ဗမာပြည်လိုနိုင်ငံမှာ ဖွဲ့စည်းပုံအခြေခံဥပဒေဆိုတာဟာ မဖျက်ရင် မပျက်ပါဘူးဆိုတာ ရှင်းနေပါတယ်။ နအဖ က လှံစွပ်နဲ့ ရေးထားတဲ့ ၂၀၀၈ ခုနှစ် အခြေခံဥပဒေကို ပြည်သူတွေဟာ ညီညွတ်မှုအင်အားနဲ့ တိုက်ဖျက်ရပါလိမ့်မယ်။ ဒီတာဝန်ဟာ ပြည်သူတရပ်လုံးမှာသာမက အထူးသဖြင့် မျိုးဆက်သစ်တွေရဲ့ ပုခုံးပေါ်မှာ အထင်အရှား ကျရောက်နေပါတယ်။
ရဲဘော် ဖိုးသံချောင်း
0 comments:
Post a Comment