အိန္ဒိယ၀န်ကြီးချုပ် မန်မိုဟန်ဆင်း မြန်မာနိုင်ငံကို လာရောက် လည်ပတ်တဲ့အခါအမျိုးသား ဒီမိုကရေစီဥက္ကဋ္ဌ ဒေါ်အောင်ဆန်းစုကြည်ကို
အိန္ဒိယကို လာရောက်လည်ပတ်ဖို့ တရားဝင် ဖိတ်ကြားမှာ ဖြစ်ကြောင်း Time of India သတင်းစာကရေးသားဖေါ်ပြပါတယ်။
အိန္ဒိယ၀န်ကြီးချုပ် မန်မိုဟန်ဆင်းဟာ မြန်မာနိုင်ငံကို ၃ရက်ကြာ လာရောက်
လည်ပတ်ဖို့ ရှိနေပြီး၊ သူ့ရဲ့ခရီးစဉ်ကို လာမယ့် တနင်္ဂနွေနေ့မှာ
စတင်မှာဖြစ်ပါတယ်။ မြန်မာသမ္မတ ဦးသိန်းစိန်နဲ့တွေ့ဆုံဆွေးနွေးပြီး
အင်္ဂါနေ့မှာ အန်အယ်ဒီ ဥက္ကဋ္ဌ ဒေါ်အောင်ဆန်းစုကြည်နဲ့လည်း
တွေ့မှာဖြစ်ပါတယ်။
သူ့ရဲ့ခရီးစဉ်ဟာ ၂၅ နှစ်အတွင်း ပထမဆုံးအကြိမ်
အိန္ဒိယ ၀န်ကြီးချုပ်အနေနဲ့ မြန်မာနိုင်ငံကို လာရောက်မှာပါ။
သူ့ရဲ့ခရီးစဉ်အတွင်း အိန္ဒိယမြို့ကြီးတွေကနေမြန်မာနိုင်ငံကို
လေကြောင်းခရီးစဉ်တွေ တိုးချဲ့ပျံသန်းဖို့ ပါဝင်သလို၊ အင်ဖာကနေ
မန္တလေးကို ဘတ်စ်ကားလိုင်း ပြေးဆွဲဖို့ အစီအစဉ်တွေကိုလည်း
ဆွေးနွေးမှာဖြစ်ကြောင်း သိရပါတယ်။
ဒါ့အပြင် Calcutta နဲ့ ချနိုင်းကနေရန်ကုန် ပြေးဆွဲတဲ့ မော်တော်ယဉ်လိုင်းတွေ
ပြုလုပ်ဖို့ကိုလည်း ဆွေးနွေးဖို့ ရှိပါတယ်။
လောလောဆယ် မြန်မာနိုင်ငံက ရေနံနဲ့ သဘာဝဓာတ်ငွေ့ ထုတ်လုပ်ရေးတွေမှာ အိန္ဒိယ Gail,Essar နဲ့ ONCG ကုမ္ပဏီတွေက
ရင်းနှီးမြှုပ်နှံ လုပ်ကိုင်နေပါတယ်။
ဒီတစ်ခေါက် အိန္ဒိယ၀န်ကြီးချုပ် လာရောက် လည်ပတ်တဲ့အခါ
မြန်မာနိုင်ငံကို နောက်ထပ်ငွေ ထုတ်ချေးဖို့ အစီအစဉ်လည်း ပါဝင်မှာဖြစ်ပါတယ်။ ၂၀၁၀ နဲ့၂၀၁၁ ခုနှစ်တွေအတွင်း မြန်မာနိုင်ငံကို
အိန္ဒိယက ငွေထုတ်ချေးထားတာ ၂ ကြိမ်ရှိပြီ ဖြစ်ပြီး စုစုပေါင်း အမေရိကန်ဒေါ်လာ သန်း ၈၀၀ ထုတ်ချေးထားပြီး ဖြစ်ပါတယ်။
RFA Burmese
0 comments:
Post a Comment