စောင်းသံခါးခါး
(ကဗျာရှင် နေပြည်တော်သား)
(ဖယောင်းတိုင် ထွန်းသူများသို့)
ဝန်ကြီး.......တဲ့
တိုင်းပြည်အတွက် ထမ်းဆောင်ရတဲ့
တာဝန်တွေ ကြီးလေးလွန်းလို့
ဝန်ကြီး လို့ခေါ်တာနေမှာ......
ဗူးပေါက်တာ မလိုချင်ဘူး
ရေပါတာပဲ လိုချင်တယ်ဆိုတဲ့
ကြီးမားတဲ့ ၀င်ငွေတွေနဲ့
ဝင်ကြီး ဖြစ်တဲ့ ခေတ် ဟာ
ဥာဏ်ပညာ သည် အရည်အချင်း မဟုတ်လေတော့ ....
ခုတ်တဲ့သူက ခုတ်.....
စိုက်တဲ့သူက စိုက်....
ရိုက်တဲ့သူက ရိုက်....
မိုက်တဲ့သူက မိုက်.....
ရသမျှအချိန်တိုတို အတွင်း ၀င်ကြီး ဘ၀ မှာ.......
တပည့်တပန်းများစွာ ....
အိမ် ခြံ မြေ များစွာ ....
စိန် ရွှေ ရတနာ များစွာ ...
စီမံကိန်း များစွာ ....
မီးဖိုချောင် ယဉ်ကျေးမှုရဲ့ တံစိုးလက်ဆောင်များစွာ ....
အကြံပေးသူများစွာ ........
ရှေးစကားပုံတစ်ခုရှိရဲ့
ကံမရှိ၊ ဥာဏ်ရှိတိုင်း မွဲ သတဲ့ ....
ဘုန်းရှင် ကံရှင် တွေ စိုးမိုးအုပ်ချုပ်
မင်းကြိုက်ရာ မင်း လုပ်သွားတော့
ကြည့်စမ်းပါအုံး....
ကျုပ်တို့ တိုင်းပြည်
ဥာဏ်မရှိဘဲ မွဲခဲ့ရတာနှစ်ပေါင်း အတော်ကြာ .......
ဒါ့ကြောင့် ရွှေပြည်ဝန်ကြီးကပြောတာ
အစ်မ နှစ်မ၊ သမီးက ကို
စ၍ ဆက်နှင်း၊ လက်ဆောင်နှင်း၍၊ စိုးမင်း ချစ်မြတ်
...........................................
တော်ဘီဗျာ......
ဒီကျွဲတွေရဲ့ နားမှာ
ကျုပ်စောင်းသံ ဟာ ခါးချင်ခါးနေလိမ့်မယ် .........
နေပြည်တော်သား
ဓာတ်ပုံ .... ၂၀၀၉ခုနှစ် ရွှေလီလျှပ်စစ်ဓာတ်အားပေး စက်ရုံဖွင့်ပွဲ အခမ်းအနားမှာ တွေ့ရတဲ့ ယနေ့ ပြည်သူတွေရဲ့ ဖယောင်းတိုင်မီးဒဏ်ကို မခံနိုင်တဲ့ ပိုးဖလံ အမှတ်(၁)လျှပ်စစ်ဝန်ကြီး ဦးဇော်မင်း (တရုတ်ကုမ္ပဏီနှင့် အပြန်အလှန် လက်ဆောင် ရယူစဉ်)
ဒီမိုဝေယံ
0 comments:
Post a Comment