လက်ရှိဖြစ်ပေါ်နေတဲ့အလုပ်သမားရေးပြဿနာတွေကိုကိုင်တွယ်ဖြေရှင်းနိုင်ရေးအတွက်နိင်ငံတော်အစိုးရ
အနေနဲ့အလုပ်ရှင်အလုပ်သမားပဋိပက္ခဖြေရှင်းရေး ကော်မတီတစ်ရပ်အမြန်ဆုံးဖွဲ့စည်း ဆောင်ရွက်ပေးဖို့
၈၈မျိုးဆက်ကျောင်းသားခေါင်းဆောင်တွေကတိုက်တွန်း တောင်းဆိုလိုက်ပါတယ်။
ကိုမင်းကိုနိုင်၊ကိုဌေးကြွယ်၊ကိုမြအေး အပါအ၀င် ၈၈ မျိုးဆက်ကျောင်းသားများအဖွဲ့က ဒီကနေ့ လှိုင်သာယာမြို့နယ် ဆန္ဒပြစက်ရုံတွေက အလုပ်အမားတွေနဲ့ တွေ့ဆုံပြီးနောက် အလုပ်သမားတွေ ရဲ့အခွင့်အရေးအတွက် အခုလိုတောင်းဆိုလိုက်တာပါ။
၈၈မျိုးဆက် ကျောင်းသားများအနေနဲ့အလုပ်သမားပဋိပက္ခဖြေရှင်းရေး ကော်မတီတစ်ရပ်ပေါ်ပေါက်ရေး
အတွက်သက်ဆိုင်ရာအစိုးရအဖွဲ့အစည်းအသီးသီးကိုတင်ပြတောင်းဆိုသွားမယ်လို့လဲ
၈၈မျိုးဆက်ကျောင်းသားခေါင်းဆောင် ကိုမင်းကိုနိုင်ကပြောပါတယ်။
အလုပ်သမားတွေအနေနဲ့လဲမိမိတို့ရပိုင်ခွင့်တွေအတွက် တောင်းဆိုရာမှာအကြမ်းမဖက်ဘဲ ငြိမ်းချမ်းတဲ့နည်းနဲ့
ညီညီညွတ်ညွတ် ဆောင်ရွက်ကြဖို့တိုက်တွန်းခဲ့တယ်လို့လဲ ဆိုပါတယ်။
၈၈မျိုးဆက်ကျောင်းသားခေါင်းဆောင်များအဖွဲ့နဲ့အတူ၊ မြန်မာနိုင်ငံလူငယ်များအစည်းအရုံး၊ဗမာနိုင်ငံလုံးဆိုင်
ရာကျောင်းသားသမဂ္ဂများအဖွဲ့ချုပ် နဲ့ မျိုးဆက်သစ်လူငယ်များအစည်းအရုံး Generation Wave စတဲ့ အဖွဲ့အစည်းအသီးသီးကလူငယ်အဖွဲ့ဝင်တွေလဲ ဆန္ဒပြအလုပ်သမားတွေ နဲ့ တွေ့ဆုံပြီးအလုပ်သမားအခွင့်အရေးအတွက်ကူညီတိုက်တွန်း တောင်းဆိုသွားမှာဖြစ်ကြောင်းပြောကြားခဲ့
တယ်လို့ သိရပါတယ်။
လှိုင်သာယာစက်မှုဇုန်စက်ရုံ၆ရုံကအလုပ်သမားတွေဟာအခြေခံလုပ်ခလစာတိုးမြှင့်ရေးအတွက်
ပြီးခဲ့တဲ့သီတင်းပတ်တွေကစပြီး နေ့စဉ်လိုဆန္ဒပြတောင်းဆိုနေခဲ့ကြပါတယ်။
အလုပ်ရှင်နဲ့အလုပ်သမားတွေကြားအလုပ်သမားရေးဝန်ကြီးဌာနက ၀င်ရောက်ညှိနှိုင်းဆောင်ရွက်ခဲ့ပေမဲ့ ပြေလည်မှုမရရှိသေးပါဘူး။
0 comments:
Post a Comment