စာဖတ်နေသူပေါင်း

We can check your plugins and stuff
ဆုံနေကြ မှ လာရောက်ကြသော မိတ်ဆွေများကို အထူးကျေးဇူးတင်ရှိပါသည်..
We can check your plugins and stuff လူထုနဲ့ တိုင်းပြည်သာကောင်းစားအောင်လုပ်ပေး ဘယ်သူပဲ ဖြစ်ဖြစ် ဘယ်ပါတီပဲဖြစ်ဖြစ် ထောက်ခံတယ်

Wednesday, June 27, 2012

သွေးချင်းရင်းနှီးစေချင်သည်




သွေးချင်းရင်းနှီးစေချင်သည်

(ကိုအောင်ဆန်းဦးသို့)



အစ်ကို နှင့် နှမအရင်း
သွေးချင်းတူကြပေမယ့်
နှမကပြည်သူ့ဒုက္ခ အ၀၀ကို
နအဖ၀ဲသြဂမှ မုချလွတ်မြောက်အောင်
စွမ်းဆောင်နေခိုက်ဝယ်…..။

လူမိုက်အစ်ကိုမှာတော့
အကိုကြီး အဖအရာက မနေဘဲ
မြေနိမ့်ရာလှံစိုက်
နှမအကျယ်ချုပ်ခံနေခိုက်မှာ
အမိုက်မ မယားစကား
နားယောင်သွားပြီး
အမှားတထောင်မှားအောင်
ရန်အမျိုးမျိုးထောင် အိမ်တဆောင်
မီးတပြောင်နေတာကိုပင်မကြည့်ရက်
ရုံးတက်တရားစွဲ နှမအကျိုးနဲအောင်
လုပ်ဆောင်ရက်ပေတယ်…။

ဆဒ္ဒန်ဆင်မင်းဝတ္ထုလာ
အောင်ဆန်းဦးကြင်ရာခမျာ
မိဖုရားသုဘဒ္ဒါပမာ
သူ့လင်တော်မောင်ရင်ခွင်ကြား
ခေါင်းဝှက်ထားပြီး ဒီအိမ်မှမရလျှင်
သူ့ရင်တွေကွဲ သေပွဲဝင်ရပါတော့မယ်လို့
အတို့အထောင် အညှို့ဆောင်ပြီး
မောင်တော်ဘုရား အရည်ပျော်သွားအောင်
သွေးဆောင်ဖြားယောင်း
အမူကောင်းလေတော့
ဖယောင်းလိုပျော့ အကောင်းအဆိုး
အကြောင်းအကျိုးတွေမဝေဖန်နိုင်တော့
မယား(လဲ့လဲ့နွယ်သိန်း)ကြိ်ုးကိုင်ရာ
ထကရှာပါတော့တယ်…။

ပြောပါများမယားစကားအောင်ဆိုပေငြားလည်း
ယောက်ျားရင့်မာကြီးတယောက်
သမိုင်းတလျှောက်မှာ ဂုဏ်ရောင်တောက်ခဲ့တဲ့
ဘေးတော် မင်းကြီးရွှေလရောင် အဆောင်အခန်းခန်း
အခေါင်မမြန်းခင်က အောင်ပန်းညှို့ရရှာတဲ့
လွတ်လပ်ရေးဖခင်ကြီး ဗိုလ်ချုပ်အောင်ဆန်း
ဤမျှဂုဏ်ရောင်ဝင့်လျှမ်း
တင့်ဆန်းသူတွေရဲ့မျက်နှာတော်ကိုမှမထောက်
မယားကြောက်အသွင်နဲ့
သမိုင်းမှာအမဲစက်အထင်ခံနိုင်တာကို အံ့ရော
အံ့သြကုန်နိုင်ဖွယ်ပါ…။

သွေးချင်းတူပါလျက်
ဘယ့်အတွက်ကြောင့်သတ္တိချင်းကွာရမှာလဲ
နောက်မကျသေးပါ
ဒေါ်စုနိုင်ငံခြားမှပြန်လာတဲ့အခါ
မကြည်သာတဲ့အမှုကိုရုပ်သိမ်း
စိမ်းကားတဲ့အမူရာတွေဖျောက်
ရွှင်မြောက်အားရတဲ့လက်နဲ့
နှမတော်ကိုဖက်ပြီး ရှေ့ဆက်ရမယ့်
ဒီမိုကရေစီခရီးလမ်းကို စိတ်တူညီတူစွာနဲ့
ကြည်ဖြူစွာလှမ်းကြရင် မကောင်းပေဘူးလားဗျာ…။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
တက္ကသိုလ်ဘုန်းကြွယ် (ဇွန် ၂၅ ၂၀၁၂)

1 comments:

ကဗျာလေးကို သဘောကျလို့ ကူးယူသွားပါတယ်ရှင်။