NLD အမတ်များ
သြစတြေးလျနိုင်ငံရောက် မြန်မာနိုင်ငံသားများနှင့် NLD လွှတ်တော်အမတ်များ (Credit: ABC)
သြစတြေးလျင်ငံမှာ နိုင်ငံရေးသင်တန်းတက်ဖို့ရောက်နေကြတဲ့ NLD အမတ်တွေ ဟာ ဆစ်ဒနီတက္ကသိုလ်မှာ တပါတ်ကြာသင်တန်း တက်ရောက် အပြီး ကင်ဘာရာမြို့တော်ကို ရောက်ရှိနေကြရာမှာ ကင်ဘာရာမြို့တော်အခြေစိုက် မြန်မာသံရုံးက သံအမတ်ကြီး ဦးပေါ်လွင်စိန်က လှိုက်လှိုက်လှဲလှဲ ကြိုဆိုခဲ့တဲ့အကြောင်းသိရပါတယ်။
NLDလွှတ်တော်အမတ်များဖြစ်ကြတဲ့ ဦးဖြိုးမင်းသိန်း၊ဒေါ်စန္ဒာမင်းနဲ့ ဦးဖြိုးဇေယာသော် တို့ဟာ သြစတြေးလျလွှတ်တော်ကိုလဲသွားရောက်လေ့လာခွင့် ရ ကြပြီး၊ သြစတြေးလျဝန်ကြီးချုပ် Julia Gillard နိုင်ငံခြားရေးဝန်ကြီး Bob Carr အပါအဝင် သြစတြေးလျနိုင်ငံက ဝန်ကြီးတွေ အတော်များများနဲ့ တွေ့ဆုံခွင့် ရခဲ့ တဲ့အကြောင်း ကင်ဘာရာမြို့တော်ကိုသွားရောက်သတင်းယူနေတဲ့ ရေဒီယိုသြစတြေးလျ မြန်မာပိုင်းက သတင်းထုတ်လုပ်ရေးမှူး မူလှိုင်းသိမ့် က ကင်ဘာရာမြို့ကနေ သတင်းပေး ပို့ ခဲ့ပါတယ်။
ဟစ်ဟော့ပ်အဆိုတော်ကနေ နိုင်ငံရေးဘဝကိုပြောင်းလဲဝင်ရောက်ခဲ့တဲ့ NLD အမတ် ဦးဖြိုးဇေယျာသော်ကလည်း သြစတြေးလျနိုင်ငံမှာ ယခင်က Midnight Oil ဆိုတဲ့ နာမည်ကြီးဂီတအဖွဲ့ဝင်ဖြစ်ခဲ့ပြီး အခုအခါမှာ လေဘာပါတီလွှတ်တော်အမတ် နဲ့ အခြေခံပညာရေးဝန်ကြီးဖြစ်လာတဲ့ Peter Garrett နဲ့လည်း တွေ့ဆုံခွင့် ရခဲ့ပါတယ်။
Radio Australia - Myanmar
0 comments:
Post a Comment