ဒီကေဘီအေ ကလိုထူးဘော အဖွဲ့ ခေါင်းဆောင် ဗိုလ်မှူးချုပ်
စောလားပွယ်က မိမိအနေနဲ့ မူးယစ်ဆေးဝါးနဲ့ ပတ်သက်ခြင်း မရှိကြောင်း၊ စုံစမ်း စစ်ဆေးလိုပါက မြန်မာနိုင်ငံအတွင်း လာရောက်စုံစမ်း စစ်ဆေးနိုင်ကြောင်း ထိုင်း ဒုတိယ-ဝန်ကြီးချုပ် ချလမ် ယုဘမ်ရမ်း ရဲ့ ပြောကြားချက်ကို တုန့်ပြန်လိုက်ပါတယ်။
ဒီကနေ့ မနက်ပိုင်းက ထိုင်း-မြန်မာ နယ်စပ် မြဝတီမြို့၊ ဆုံဆည်းမြိုင်ကျေးရွာ ကော့သူမွဲခီး စခန်းမှာ ကျင်းပခဲ့တဲ့ သတင်းစာ ရှင်းလင်းပွဲမှာ ဗိုလ်မှူးချုပ် စောလားပွယ်က ပြောခဲ့တာပါ။
သူ့အနေနဲ့ ထိုင်းအစိုးရထံမှာ အဖမ်းခံမှာ မဟုတ်ဘူးလို့လည်း ပြောပါတယ်။
ကလိုထူးဘောအဖွဲ့ ထောက်လှမ်းရေး အကြီးအကဲ ဒုတိယဗိုလ်မှူးကြီး
အောင်ဆန်းကလည်း… မြန်မာ အစိုးရအနေနဲ့ ဗိုလ်မှူးချုပ် စောလားပွယ်ကို ဖမ်းဆီးပေးဖို့ ထိုင်းအစိုးရဘက်က တောင်းဆိုလာမယ်ဆိုရင် ထိုင်း-မြန်မာ နယ်စပ် ကုန်သွယ်ရေး လမ်းကြောင်းတွေကို ပိတ်ဆို့ပစ်မယ်လို့ ဒီကနေ့ သတင်းစာရှင်းလင်းပွဲမှာ ပြောပါတယ်။
ထိုင်းအစိုးရက အလိုရှိနေတဲ့ ထိပ်သီး မူးယစ်ရာဇာ ၂၅ ဦး စာရင်းထဲမှာ ဗိုလ်နှုတ်ခမ်းမွေး ခေါ် ဗိုလ်မှူးချုပ် စောလားပွယ်လည်း ပါဝင်ပြီး သူ့ကို ဖမ်းဆီးပေးနိုင်ရင် ထိုင်းဘတ်ငွေ ၁ သန်း ဆုချမယ်လို့ ထုတ်ပြန်ထား ပါတယ်။
ထိုင်းအစိုးရကတော့ ဗိုလ်မှူးချုပ် စောလားပွယ် ထိုင်းနယ်မြေထဲ လာရင် ဖမ်းဆီးမှာ ဖြစ်ကြောင်း ဘန်ကောက်ပို့စ် သတင်းစာမှာ ဖော်ပြထားပါတယ်။
RFA Burmese
0 comments:
Post a Comment