မရမ်းကုန်မြို့နယ် ကျိုက်ဝိုင်းဘုရားလမ်းပေါ်တွင် အမှတ် (၅) အခြေခံပညာအလယ်တန်းကျောင်းတွင် မဲရုံ (၅)ရုံ ဖွင့်လှစ်ထားရာ နံနက် အစောပိုင်းတွင် အသက်ကြီးသူများနှင့် အလုပ်သွားမည့်သူများဖြင့် ဆန္ဒမဲပေးရန် လာရောက်သူများပြားကြောင်းသိရသည်။
“အလုပ်သွားရမှာမို့လို့ စောစောလာတာပါ။ ကိုယ်သဘောကျတဲ့ပါတီကို ကိုယ့်ယုံကြည်ချက်နဲ့ကိုယ် မဲပေးခဲ့ပါတယ်”ဟု ဆေရုံဝန်ထမ်း အမျိုးသမီးတစ်ဦး
“ ပါတီတွေကတော့ မဲဆွယ်ထားတာအများကြီးပဲ။ ကျွန်တော်ယုံကြည်တဲ့ပါတီကို မဲပေးခဲ့ပါတယ်။”ကိုဇော်ဇော် (ယာဉ်မောင်း)က ပြောပါသည်။
“၉၀ တုန်းကလည်းမဲပေးခဲ့တယ်။ အဲ့ဒီတုန်းက ခံစားချက်နဲ့ အခုခံစားချက်က အတူတူပါပဲ” အသက် ၇၀ အရွယ် အမျိုးသားတစ်ဦးက ပြောပါသည်။
ဝါးသင်္ခကျေးရွာ မဲရုံ အမှတ်(၁)တွင် ပထမဆုံးမဲပေးသူမှာ ဦးညီညီလတ်ဆိုသူဖြစ်ပြီး ၄င်းမှာ ရပ်ကျေးရွာကော်မရှင်အဖွဲ့ဝင်ဖြစ်သည်။ ၄င်းသည် ၆ နာရီ ၂ မိနစ်တွင် မဲပေးခဲ့ပြီး မဲရုံပြင်ပ၌ပြည်တွင်းပြည်ပသတင်းထောက် အယောက် ၁၀၀ ကျော် စောင့်ဆိုင်းလျက်ရှိသည်။
မင်္ဂလာတောင်ညွှန့် မဲရုံအမှတ် ၁၊ ၂၊ ၃ တွင် စတင်ဆန္ဒမဲပေးနေကြကြောင်း နှင့် အာဆီယံ ရွေးကောက်ပွဲ စောင့်ကြည့်လေ့လာသူများ မဲရုံအတွင်း ၀င်ရောက်သွားကြပြီ ဖြစ်ကြောင်းသိရသည်။
မန္တလေးတိုင်းဒေသကြီး၊ မဟာအောင်မြေမြို့နယ်ရှိ မဲရုံ ၇၉ ရုံအား နံနက် ၆ နာရီတွင်စတင်ဖွင့်လှစ်ခဲ့သည်။ ၇၈×၇၉ လမ်းနှင့် ၃၇ လမ်းကြား မဲရုံအမှတ်(၃)တွင်
ဈေးရောင်းသွားမည့်အမျိုးသမီးတစ်ဦး ပထမဆုံး စတင်မဲပေးခဲ့ကြောင်းသိရသည်။
ပှုဗ္ဗသိရီမြို့နယ် မြို့သစ်ရပ်ကွက်က ဦးဘသိန်း အသက် (၆၅)နှစ်နှင့် မိသားစုဝင် (၆)ဦးက “ဒေါ်အောင်ဆန်းစုကြည်ကို မဲပေးချင်းလို့ အစောဆုံးလာတာပါဟု” ပြောဆိုခဲ့ပါသည်။
ပှုဗ္ဗသိရီမြို့နယ် မဲဆန္ဒနယ်မှ အသက် (၆၀)အရွယ် လယ်သမားတစ်ဦးက ပထမဦးဆုံး မဲဆန္ဒလာရောက်ပေးခဲ့သည်။ “အလုပ်တွေရှိနေလို့ လယ်ထဲမဆင်းခင် မဲလာပေးတာပါ။” ဟု ၄င်းက ပြောပါသည်။
မင်္ဂလာတောင်ညွှန့် မဲရုံအမှတ် ၁၊ ၂၊ ၃ တွင် နံနက် ၆ နာရီ မထိုးမီ ကြိုတင်မဲများကို လွှတ်တော်ကိုယ်စားလှယ်လောင်များနှင့် မဲရုံကိုယ်စားလှယ်များ ရှေတွင် ရေတွက်နေကြောင်း သိရသည်။
သုံးခွ ကြိုတင်မဲမှာ NLD နိုင်ထားပြီ
ရန်ကုန်တိုင်းဒေသကြီး၊ သုံးခွမြို့နယ် ကြိုတင်မဲတွင် NLD ကိုယ်စားလှယ်ဒေါ်စုစုလွင်မှ အနိုင်ရရှိသွားကြောင်း သုံးခွမြို့သို့ေ၇ာက်ရှိနေသောမြစ်မခ သတင်းထောက် ထွန်းနေအောင်မှ သတင်းပေးပို့သည်။
"ကြိုတင်မဲပေါင်း ၂ထောင် မကျော်ဘူး၊ အဲဒီထဲမှာ ဒေါ်စုစုလွင်က ၁၆၅၀ နဲ့ အနိုင်ရနေတယ်" လို့ မြစ်မခ သတင်းထောက်က သတင်းပေးပို့သည်။
ဒေါ်အောင်ဆန်းစုကြည်ရောက်ရှိနေသော ၀ါးသင်္ခကျေးရွာရှိ မဲရုံအမှတ် (၁)သို့ မဲရုံမှူး ၅ ဦး ယနေ့နံနက် ၅ နာရီတွင် စတင်ရောက်ရှိလာသည်။
မဲပေးသူများ မဲပေးနိုင်ရန်အတွက် ထိုအချိန်မှ စတင်ပြင်ဆင်နေသည်။ ၀ါးသင်္ခကျေးရွာမဲရုံအမှတ် (၁)တွင် မဲပေးနိုင်သူဦးရေ ၉၃၂ ဦးရှိပြီး နံနက် ၅ နာရီမှစတင်၍ သတင်းထောက်များ မဲရုံသို့ စတင်ရောက်ရှိလာပြီး မဲရုံအတွင်းသို့ အပြင်မှ ဓာတ်ပုံမှတ်တမ်းရိုက်ယူခွင့်ရကြသည်။ သို့သော် ၅း၃၀ နာရီခန့်တွင် မဲရုံမှူးများက ကျောင်း၏ ခြံစည်းရိုးအပြင်ဘက်မှသာ သတင်းယူခွင့်ရမည်ဟုပြောသည်။ ဒေါ်အောင်ဆန်းစုကြည်မှာ အဆိုပါမဲရုံသို့ ယနေ့နံနက်ပိုင်းတွင် လာရောက်မည်ဟုသတင်းရရှိသည်။
ဝါးသင်္ခကျေးရွာတွင် မဲရုံ ၂ ရုံရှိပြီး အမှတ်(၁)တွင် ၉၃၂ ဦး၊ အမှတ်(၂)တွင် ၆၀၀ ၀န်းကျင်ရှိသည်။
သုံးခွမြို့နယ်တွင် လူဦးရေ ၁၅၈၈၃၀ ရှိပြီး မဲပေးနိုင်သည့်ဦးရေမှာ ၁၁၂၇၉၀ ဖြစ်ကြောင်း၊ မဲရုံပေါင်း ၁၃၅ ရုံရှိကြောင်းနှင့် မြို့နယ်ကော်မရှင်က ကြိုတင်မဲ ၂၀၀၀ မကျော်စေရကြောင်း ပြောကြားထားပြီး ယင်းအနက် ၁၆၅၀ ကို NLD က ရရှိခဲ့ကြောင်း သိရသည်။
0 comments:
Post a Comment