မြန်မာနိုင်ငံတွင် ၂၀၁၁ ခုနှစ် ဖေဖော်ဝါရီလမှ စတင်ဖြစ်ပွားခဲ့သော ၀က်နားရွက်ပြာရောဂါ (PRRS) ကို ကူးစက်ရောဂါအဖြစ် တရားဝင် သတ်မှတ်သွားမည်ဖြစ်ပြီး ရောဂါထိန်းချုပ်ရေးလုပ်ငန်းများကို အဆင့်ခုနစ်ဆင့် ရေးဆွဲဆောင်ရွက်သွားမည်ဖြစ်ကြောင်း မွေးမြူရေးနှင့် ကုသရေးဦးစီးဌာနမှ တာဝန်ရှိသူတစ်ဦးက ဒီဇင်ဘာ ၁၇ ရက်နေ့က ပြုလုပ်ခဲ့သည့် ၀က်နားရွက်ပြာရောဂါနှင့် ပတ်သက်သည့် ဟောပြောပွဲတွင် ပြောကြားခဲ့သည်။
''တိရစ္ဆာန်ကျန်းမာရေးနဲ့ ဖွံ့ဖြိုးရေးဥပဒေအရ 'က' စာရင်းဝင် ကူးစက်ရောဂါ၊ 'ခ' စာရင်းဝင် ကူးစက်ရောဂါဆိုပြီး ရှိပါတယ်။ ကူးစက်ရောဂါအမျိုးအစား အလိုက်ဘာတွေလုပ်ရမလဲဆိုတဲ့ သတ်မှတ်ချက်တွေ ရှိပါတယ်။ အခုနောက်ဆုံး HPAI (အပြင်းစား ကြက်ငှက်တုပ်ကွေး)နဲ့ BSE (နွားရူးရောဂါ)ကို ကူးစက်ရောဂါအဖြစ် ထပ်ထည့်ခဲ့ပါတယ်။ အခု PRRS ကို ထပ်ထည့်ဖို့ ဆောင်ရွက်သွားမှာ ဖြစ်ပါတယ်။ ဒီလိုကူးစက်ရောဂါအဖြစ် သတ်မှတ်ပြီးရင်တော့ သတင်းပို့ရမယ့် ရောဂါဖြစ်သွားပါပြီ။ သတင်းမပို့ရင် အရေးယူလို့ ရပါတယ်'' ဟု ၎င်းက ပြောကြားခဲ့သည်။
''ကြက်ငှက်တုပ်ကွေးမှာတော့ ဆောင်ရွက်ရမယ့် အစီအစဉ်တွေ လုပ်ဆောင်ပြီးဖြစ်ပေမယ့် ၀က်နားရွက်ပြာရောဂါကတော့ ၂၀၁၁ မှာ စဖြစ်လာတဲ့အတွက် အခုမှ Road Map ဆွဲပြီးဆောင်ရွက်နေပါတယ်''ဟု ၎င်းက ဆက်လက်ပြောကြားခဲ့သည်။
လက်ရှိတွင် ၀က်နားရွက်ပြာရောဂါအတွက် ကာကွယ်ဆေးမထိုးရန် မူချမှတ်ထားသော်လည်း သက်ဆိုင်ရာဌာန၊ ပညာရှင်များ၊ မွေးမြူသူများ ကျယ်ကျယ်ပြန့်ပြန့် ၀ိုင်းဝန်းဆွေးနွေးညှိနှိုင်း အဖြေရှာပြီး ကာကွယ်ဆေးထိုးသင့် . .
အဆိုပါ Road Map တွင် Policy ၊ Management ၊ Surveillance & Reporting ၊ Outbreak Responding ၊ Restocking ၊ Farm Biosecurity ၊ Trade Biosecurity ၊ Research တို့ပါဝင်မည်ဖြစ်ပြီး လာမည့်ခြောက်လအတွင်း ဆောင်ရွက် သွားရမည့်ကိစ္စရပ်များလည်း ပါဝင်ကြောင်း သိရှိရပါသည်။
ဝက်နားရွက်ပြာရောဂါမှာ ၀က်မွေးမြူရေးကို ထိခိုက်မှုအများဆုံးဖြစ်စေသည့် ၀က်ရောဂါတစ်ခုဖြစ်ကာ မြန်မာနိုင်ငံတွင် ၂၀၁၁ ခုနှစ် ဖေဖော်ဝါရီလတွင် စတင်ဖြစ်ပွားခဲ့ပြီး တိုင်းဒေသကြီးခြောက်ခု၏ ခရိုင် ၁၂ ခုမှ မြို့နယ် ၃၄ မြို့နယ်တွင် ကူးစက်ဖြစ်ပွားခဲ့ကာ ၀က်ကောင်ရေ ၁၈၇၅ ကောင်သေဆုံးခဲ့ကြောင်း မွေးမြူရေးနှင့် ကုသရေးဦးစီးဌာနမှ တရားဝင်စာရင်းများအရ သိရှိရသည်။
ဝက်နားရွက်ပြာရောဂါ ထိန်းချုပ်နိုင်ရန်အတွက် နိုင်ငံတော်မှ ၀က်နားရွက်ပြာရောဂါဖြစ်သည်ဟု ခန့်မှန်းနိုင်သည့် သဏ္ဌာန်လက္ခဏာများကို သတ်မှတ်ပေးရန်၊ ၀က်နားရွက်ပြာ ရောဂါဟု သံသယဖြစ်ဖွယ် ရောဂါဖြစ်ပွားပါက လိုက်နာဆောင်ရွက်ရမည့် လုပ်ထုံးလုပ်နည်းများကို သတ်မှတ် ပေးရန်၊ ၀က်နားရွက်ပြာရောဂါ ဖြစ်ပွားလျှင်မှန်ကန်သည့် သတင်းအချက်အလက်များ မြန်ဆန်စွာထုတ်ပြန်ပေးရန် လိုအပ်ကြောင်း သိရသည်။ လက်ရှိတွင် ၀က်နားရွက်ပြာရောဂါအတွက် ကာကွယ်ဆေးမထိုးရန် မူချမှတ်ထားသော်လည်း သက်ဆိုင်ရာဌာန၊ ပညာရှင်များ၊ မွေးမြူသူများ ကျယ်ကျယ်ပြန့်ပြန့် ၀ိုင်းဝန်းဆွေးနွေးညှိနှိုင်းအဖြေရှာပြီး ကာကွယ်ဆေးထိုးသင့်သည်ဟု ဆုံးဖြတ်လာပါက မွေးမြူရေးနှင့်ကုသရေးဦး စီးဌာနအနေဖြင့် ကန့်ကွက်စရာ မရှိကြောင်းကိုလည်း ၎င်းက ထည့်သွင်းပြောကြားခဲ့သည်။
How to Claim Bonus in BajiLive Casino App?
4 days ago
0 comments:
Post a Comment