မီးလောင်မှု ဖြစ်ပွား

အထက်ဗဟိုလမ်း မရမ်းကုန်း ၂ ရပ်ကွက် ၊ သာကူစေ့စက်ရုံ ၄နာရီ ၁၅ မိနစ်မှစ၍ မီးလောင်မှုဖြစ်ပွားရာ ၅ နာရီအချိန်တွင် မီးငြိမ်းသတ်နိုင်ပြီဖြစ်သည်။ အနီးရှိရပ်ကွက်မှာ လူနေအိမ်ခြေစိပ်သည့် လူနေရပ်ကွက်ဖြစ်သည်။ မီးသတ်ကား ၆ စီး ၇ စီး လာရောက်သည်ကိုတွေ့ရသည်။
ဆူပါကပ်စတန် ၁ စီး ဒိုင်နာ၁ စီး မီးလောင်ပျက်စီးခဲ့သည်။ စက်ရုံအ၀င်ဝတွင် အနားကပ်လျက်တိုက် ပြူတင်းပေါက်မှန်ကွဲ အပျက်အစီးများ တွေ့ရှိရသည်။

မီးလောင်မှု အကြောင်းရင်းမှာ ၆ နှစ်နှင့် ၈ နှစ်အရွယ် ကလေးနှစ်ဦး ဂက်စ်မီခြစ်ဆော့ရာမှ လောင်ကျွမ်းခြင်း ဖြစ်သည်ဟု မီးသတ်တာဝန်ရှိသူများက ပြောသည်။
မီးလောင်ခါစတွင် စက်ရုံအတွင်းမှ ပေါက်ကွဲသံများက ကြားရသည်ဟု အိမ်နီးချင်း မျက်မြင်သက်သေကပြောဆိုသည်။ ပိုင်ရှင်က မော်တော်ယာဉ် ဆုံးရှုံးမှု မပါဝင်သေးပဲ အတွင်းပစ္စည်း သိန်း ၁၃၀ ကျော်ဖိုး ဆုံးရှုံးသွားသည်ဟု ပြောဆိုသည်။ မီးလောင်သွားသည့် စက်ရုံမှာ နှစ်ထပ် အဆောက်အဦဖြစ်သည်။
မီးသတ်နှင့် ရဲများ မေးမြန်းစစ်ဆေးနေဆဲဖြစ်သည်။

Posted in: ပြည်တွင်းသတင်း