အိုင်ယာလန်နိုင်ငံတွင် ၄င်း၏ချစ်သူအမျိုးသားနှင့်လက်ထပ်ခဲ့သော မလေးရှားနိုင်ငံသားတဦး၏
လက်ထပ်ပွဲအား အွန်လိုင်းပေါ်တွင် ဒေါသတကြီးနှင့် တုန့်ပြန်မှုများရှိလာခဲ့ပြီး Facebook ပေါ်ရှိအဖွဲ့တခုမှ အဆိုပါမလေးရှားနိုင်ငံသားအား မလေးရှားနိုင်ငံသို့ပြန်လည်ခေါ်ဆောင်လာပြီး
ကယ်တင်ရန်တိုက်တွန်းခဲ့သည်။ မည်သို့မည်ပုံကယ်တင်မည်ကိုကား မသိရသေးပေ။
လွန်ခဲ့သောသုံးနှစ်ကတည်းက ပျောက်ဆုံးနေခဲ့သည်ဟု ၄င်း၏မိသားစုမှ သတင်းပို့ထားသော
မလေးရှားနိုင်ငံသားဖြစ်သူ ဒပ်ဘလင်ဆေးတက္ကသိုလ်ကျောင်းသား အာရစ်ဖ်အယ်လ်ဖီယန်ရိုစလီ
(Ariff Alfian Rosli) ၏ လိင်တူလက်ထပ်ပွဲမှ ဓါတ်ပုံများ ယခင်အပတ်က အင်တာနက်ပေါ်သို့
တက်လာခဲ့အပြီး အဆိုပါဖြစ်ရပ်ဖြစ်ပွားလာခဲ့ခြင်းဖြစ်သည်။
ဓါတ်ပုံများ၌ အနက်ရောင်ရိုးရာအင်္ကျီနှင့်မလေးအမျိုးသားဝတ်စုံအား ဝတ်ဆင်ထားသော အသက်
(၂၈) ပြီဖြစ်သော အာရစ်ဖ်အယ်လ်ဖီယန်ရိုစလီ အား အနက်ရောင်တပ်ခ်စီဒိုပွဲတက်ဝတ်စုံအား ဝတ်
ဆင်ထားသည့် ဂျိုနသန် (Jonathan) ဟုသာသိရသော ၄င်း၏သတို့သား/သမီး နှင့်အတူတွေ့ရသည်။
ဝန်ကြီးချုပ်နာဂျစ်ဘ်၏ဝန်ကြီးချုပ်ရုံးမှလည်း အဆိုပါမင်္ဂလာပွဲနှင့်ပတ်သက်ပြီး စုံစမ်းစစ်ဆေးမည်
ဟုဆိုခဲ့သည်။ အမ်နိုပါတီအရာရှိတဦးလည်း အာရစ်ဖ်အယ်လ်ဖီယန်ရိုစလီ အား အိမ်ပြန်လာဖို့
သွေးဆောင်ရန် အိုင်ယာလန်နိုင်ငံ၊ ဒပ်ဘလင်မြို့သို့ယခုပတ်အတွင်း ရောက်ရှိမည်ဟု ခန့်မှန်းရသည်။
လွန်ခဲ့သော (၈) နှစ်ခန့်တွင် ပက်ထရိုနတ်စ်ပညာသင်ဆု (Petronas Scholarship) ဖြင့် ဆေးပ
ညာသင်ရန် ဒပ်ဘလင်မြို့သို့ ထွက်ခွာသွားသော အာရစ်ဖ်အယ်လ်ဖီယန်ရိုစလီမှ ၄င်း၏ကိစ္စမှာ
သာမန်လူမှုရေးလား၊ လိင်တူလက်ထပ်ခြင်းလား ဖြေဆိုရန်ငြင်းပယ်ခဲ့သည်။
မိမိအနေနှင့် မမျှော်လင့်ပဲ အများအာရုံစိုက်မှုကိုခံနေရသော်လည်း အခြားမည်သူ့ကိုမှ စိတ်
အနှောင့်အယှက်ဖြစ်စေခြင်း၊ ဒုက္ခပေးခြင်း မပြုလိုခဲ့ပါဟု အာရစ်ဖ်အယ်လ်ဖီယန်ရိုစလီမှ
ဆိုသည်။ ၄င်းအနေနှင့် ဘာသာပြောင်းသွားခဲ့ပြီဆိုသော သတင်းများနှင့်ပတ်သက်၍မူ ဘာ
သာပြောင်းလဲခြင်းမရှိဟု ဆိုသည်။
ထို့ပြင် မိမိသည်ပျောက်ဆုံးနေခြင်း မဟုတ်ပဲ မိမိအနေနှင့် အိုင်ယာလန်နိုင်ငံတွင် တရားဝင်
နေထိုင်နေခြင်းအား အိုင်ယာလန်အစိုးရနှင့် မလေးရှားအစိုးရတို့အနေနှင့် နှစ်အတန်ကြာက
တည်းက သိရှိထားကြပြီးဖြစ်သည်ဟု ၄င်းမှဆိုသည်။
၎င်းအနေနှင့် မိသားစုနှင့်လည်း ပုံမှန်ဆက်သွယ်မှုရှိနေခဲ့သော်လည်း အငြိမ်းစားရေတပ်အရာရှိ
တဦးဖြစ်သူ ဖခင်နှင့်မူ (၂၀၀၉) ခုနှစ်တွင် အချေအတင်ဖြစ်ထားခဲ့ချိန်မှစပြီး စကားပြောဆိုမှုမရှိ
ပါဟု အာရစ်ဖ်အယ်လ်ဖီယန်ရိုစလီမှဆိုသည်။ ပက်ထရိုနတ်စ်ရေနံကုမ္ပဏီမှ အာရစ်ဖ်အယ်လ်ဖီ
ယန်ရိုစလီအား ပညာသင်စရိတ်ထောက်ပံ့ခြင်းအား (၂၀၀၉) ခုနှစ်တွင် ရပ်ဆိုင်းခဲ့ပြီး ကုမ္ပဏီမှ
၎င်းအတွက်ထောက်ပံ့ခဲ့သော ပညာသင်စရိတ် ရင်းဂစ် (၈၉၀၀၀၀) အားပြန်လည်ပေးဆပ်ရန်
တောင်းဆိုခဲ့သည်။
source - Freedom News Group
0 comments:
Post a Comment