ဒီနေ့ နေ့ခင်း အင်ဒိုနီးရှား အာချေးဒေသ ငလျင်ကြောင့် လှုပ်လှုပ်ရှားရှား ဖြစ်သွားတဲ့ ဒေသခံများ (ဓာတ်ပုံ -Getty Images)
အင်ဒိုနီးရှားနိုင်ငံ ဆူမတြားကျွန်းမှာ ဒီနေ့ နေ့ခင်း ငလျင်ကြီးတခု လှုပ်သွားတဲ့အတွက် ဆူနာမီဖြစ်လာမှာ စိုးရိမ်တဲ့အတွက် ဒေသခံတွေကို အရေးပေါ် နေရာပြောင်းရွှေ့ပေးလိုက်ပါတယ် လို့ AP သတင်းတပုဒ်မှာ ရေးထားပါတယ်။
ဟာဝိုင်ယီကျွန်း အခြေစိုက် ပစိဖိတ် ဆူနာမီ သတိပေးဌာန (Pacific Tsunami Warning Center) ရဲ့ ထုတ်ပြန်ချက်တခုမှာ မြန်မာ နဲ့ ကမ်းရိုးတန်းနိုင်ငံတွေ ဆူနာမီ ကျရောက်ဖွယ် ရှိတယ်လို့ ဆိုထားပေမယ့် နောက်ပိုင်းမှာတော့ ဒီအန္တရာယ်ကနေ လွတ်မြောက်သွားပါပြီ ဆိုပြီး AP သတင်း တပုဒ်မှာ ရေးထားပါတယ်။
အခြေအနေက ထင်ထားတာလောက် မဆိုးဘူးလို့ ဆူမတြားဒေသကို လေ့လာနေတဲ့ ငလျင်ပညာရှင် Roger Musson က ဆိုလိုက်ပါတယ်။
ငလျင်က အလျားလိုက် မလှုပ်ဘဲ ဒေါင်လိုက် လှုပ်သွားတယ်၊ ဒါကြောင့် ရေလှိုင်း အကြီးကြီးတွေ ဖြစ်မသွားခဲ့ဘူး တဲ့။
"ဆူမတြားနားမှာ ပြင်းအာ ၈ ဒဿမ ၇ လှုပ်သွားတယ် ဆိုတော့ ကျနော် အရမ်း လန့်သွားတယ်။ ဘယ်လိုငလျင်အမျိုးအစားလဲ ဆိုတာကို သိလိုက်မှဘဲ တော်တော်လေး စိတ်သက်သာရာ ရသွားတယ်" လို့ သူက ဆိုပါတယ်။
နောက်ထပ် ငလျင်တခု ထပ်လှုပ်ပြန်ပါတယ်။ ဒီတခါတော့ ပြင်းအာ ၈ ဒဿမ ၂ ရှိတယ်လို့ ဆိုပါတယ်။
အသေအပျောက်သတင်းများ၊ အပြင်းအထန် ထိခိုက်တဲ့ သတင်းများ မကြားရပါဘူး။
ဒေသခံများကတော့ အင်မတန် တုန်လှုပ်သွားပါတယ် (ဓာတ်ပုံ - Reuters)
အဲဒီအချိန်မှာ စင်ကာပူ၊ ထိုင်း၊ ဘင်္ဂလားဒေ့ရှ်၊ အိန္ဒိယ စတဲ့ ကမ်းရိုးတန်းနိုင်ငံတွေ ငလျင်လှုပ်တယ်၊ မလေးမှာဆို အထပ်မြင့် အဆောက်အအုံတွေ တမိနစ်ဝန်းကျင်လောက် ခါသွားတယ်လို့ ဆိုတယ်။
အဲဒီလိုဖြစ်နေချိန်မှာ ရန်ကုန်၊ မန္တလေးတို့မှာလည်း ငလျင်လှုပ်သွားကြောင်း အလဲဗင်းမီဒီယာရဲ့ ဖေ့စ်ဘုတ်သတင်းတိုတခုမှာ ရေးထားတာ ဖတ်လိုက်ရပါတယ်။
၂၀၀၄ ခုနှစ် အဲဒီဒေသမှာ ငလျင်လှုပ်ရာက ဆူနာမီ ဖြစ်ပေါ်လာပြီး အိန္ဒိယသမုဒ္ဒရာကမ်းရိုးတန်းနိုင်ငံတွေက လူပေါင်း ၂ သိန်းကျော် သေဆုံးတဲ့အထိ အပျက်အစီး ဖြစ်ခဲ့ပါတယ်။ အဲဒီငလျင်ဗဟိုချက်မအင်ဒိုနီးရှားရဲ့ အာချေးဒေသ လူပေါင်း ၁၇၀,၀၀၀ သေဆုံးခဲ့ရပါတယ်။
0 comments:
Post a Comment