ရွှေဘိုထောင်မှလွတ်မြောက်လာသူ ၈၈မျိုးဆက်ကျောင်းသူ မမီးမီး(ခ) သင်းသင်းအေးနှင့် တွေ့ဆုံခြင်း

ယနေ့နံနက် ၁၂ နာရီ ၀န်းကျင်ခန့်တွင် ၈၈မျိုးဆက်ကျောင်းသား ကိုဋ္ဌေးကြွယ်နှင့်အခြားနိုင်ငံရေးအကျဉ်းသားများအား လာရောက်ကြိုဆိုခဲ့သောမမီးမီး(ခ) သင်းသင်းအေးကို ရန်ကုန်မြို့လေဆိပ်တွင် တွေ့ဆုံမေးမြန်းခဲ့ခြင်းဖြစ်ပါတယ်။



မေး။ ။ အစ်မထောင်ကျခဲ့တဲ့ ပုဒ်မနဲ့ နေခဲ့ရတဲ့ နှစ်တွေအကြောင်းအရင်မေးပါရစေ။

ဖြေ။ ။၂၀၀၇ခုနှစ် အောက်တိုဘာလ ၁၃ရက်နေ့မှာ အဖမ်းခံ၇တယ်။ အမိန့်ချတာကတော့ ၂၀၀၈ခုနှစ် နိုဝင်ဘာလ ၁၁ရက်နေ့ သင်းဖွဲ့-၆ ရယ်၊ အီလက်ထရောနစ် ၃၃-က ၊ အီလက်ထရောနစ် ၃၃-က က လေးနှစ် အမှု တစ်မှု့ကို သီးခြားစီ (၁၅)နှစ် ရယ်၊ သင်းဖွဲ့ -၆က ၅နှစ်ရယ် အားလုံးပေါင်း ပြစ်ဒဏ် ၆၅နှစ် ခံခဲ့ရတယ်။



မေး။ ။ ထောင်တွင်းအတွေ့အကြုံလေးကိုလည်း သိပါရစေ။

ဖြေ။ ။ ရွေဘိုထောင်က ကျွန်မရောက်ဖူးတဲ့ထောင်တွေထဲမှာ ကျွန်တော်ဆိုရင် ရန်ကုန်၊ပုသိမ်၊ ရန်ကုန်၊ မန္တလေး၊

အဲ့ဒီကနေ ကသာ အဲ့ဒီကနေ ရွေဘို၊ ရွေဘိုထောင်ရဲ့ထောင်ပိုင်ဦးစောထွဋ် သူ့သဘောထားနဲ့ စာနာတက်တဲ့စိတ်က ထောင်အားလုံးထက်စာလို့ရှိရင် ရွေဘိုထောင်မှာကျင့်သုံးနေတဲ့စည်းစနစ်က အကောင်ဆုံးလို့ ထင်ပါတယ်။ ဘာဖြစ်လို့လည်းဆိုတော့ အကျဉ်းသူ/အကျဉ်းသားတွေအပေါ်လူသားချင်းစာနာမှုတွေ ပေးပြီး၊ အဓိကက ထောင်ထဲမှာ စိတ်ဒုက္ခက အဓိကပဲပေါ့၊ အဲ့ဒီ စိတ်ဒုက္ခတွေကို အရှင်းပျောက်မသွားတောင်မှ အတတ်နိုင်ဆုံး သက်သာအောင်ထောင်ပိုင်ကိုယ်တိုင် စည်းကမ်းတကျ လုပ်ပေးနေတာကိုမြင်ရတဲ့အတွက် အဲ့ဒါကြောင့်ထောင်တွေရဲ့ စီးဆင်းမှုမှာ ရွေဘိုထောင်ရဲ့ စီးဆင်းမှုက ပိုကောင်းပါတယ်၊ ထောင်ပိုင်လို လူမျိုးတွေလည်း အကျဉ်းဦးစီးမှာ အများကြီးလိုအပ်ပါတယ်၊



မေး။ ။ အခုပေးတဲ့ လွတ်ငြိမ်းချမ်းသာခွင့်ပေါ်မှာ ဘယ်လိုမြင်လဲခင်ဗျ။

ဖြေ။ ။ လွတ်ငြိမ်းချမ်းသာခွင့်ကတော့ အမှန်တကယ်တော့ ဖမ်းထားတဲ့ယုံကြည်ချက်အကျဉ်းသားတွေ အားလုံးကို ပြန်လွတ်ပေးသင့်တယ်။ ဒါပေမယ့် အခုဟာက အပြည့်အ၀လွတ်ငြိမ်းချမ်းသာခွင့်ရယ်လို့ သတ်မှတ်လို့မရပါဘူး။ ဘာဖြစ်လို့လဲဆိုတော့တစ်ချို့ထောင်တွေမှာကသီးခြားထားတဲ့အကျဉ်းသားတွေကျန်ခဲ့သေးတယ်လို့လဲသိရတယ်။

ရွှေဘိုထောင်မှာဆိုရင်လည်း ကိုးယောက်ကျန်ခဲ့တယ်။ သူတို့က မြေပေါ်နိုင်ငံရေးမဟုတ်ပဲ ဖောက်ခွဲရေးနဲ့ ဆက်စပ်တဲ့ လုတွေလို့ပြောတယ်။ ဒါပေမယ့် ဘယ်လိုပဲဖြစ်ဖြစ်သူတို့ဟာ တစ်ချိန်က အမှန်တရားလို့ သတ်မှတ်ပြီးလုပ်ခဲ့တယ် ခုချိန်မှာ ပြည်တွင်းငြိမ်းချမ်းရေးကို ဖော်ဆောင်တဲ့အချိန် အကျဉ်းထောင်မှာ ဖောက်ခွဲရေးနှင့်ပတ်သတ်တာပဲဖြစ်ဖြစ် အဓိကက ကျောင်းသားတပ်မတော်ပေါ့နော်။ ABSDF နဲ့ပတ်သတ်တဲ့ရဲဘော်တွေ ကျန်ခဲ့ပါတယ်။ အဲလိုလူတွေကို ထပ်ပြီးတော့ လွှတ်ပေးသင့်ပါတယ်။ထပ်ပြီးတော့လွှတ်ပေးဖို့လည်းတောင်းဆိုပါတယ်။



မေး။ ။ လွတ်လာပြီဆိုတော့ ဒေါ်အောင်ဆန်းစုကြည်နဲ့ ပူးပေါင်းဖို့အစီစဉ်ရှိပါလား။

ဖြေ။ ။ နဂိုကတည်းက ၈၈ကျောင်းသားတွေကကျောင်းသားအဖြစ်နဲ့ပဲ ရပ်တည်ပြီးတော့ အယ်အန်ဒီရဲ့ နိုင်ငံရေးလှုပ်ရှားမှုတွေကို နောက်ကနေပြီးတော့ နဂိုကတည်းက ၀န်းရံပေးနေတာပါ။

အဲဒီ့အတိုင်းပဲ ဆက်လက်ပြီးတော့ရှိနေပါတယ်။



မေး။ ။အယ်အန်ဒီပါတီ ၀င်ဖို့လောက်ထိ ဖြစ်လာနိုင်လား။

ဖြေ။။ ။အဲဒီ့လောက်ထိတော့ မရှိပါဘူး။ ကျွန်မတို့ ကျောင်းသား Site ကပဲ ရပ်တည်ဖို့ ရှိပါတယ်။



မေး။ ။ နိုင်ငံရေးအကျဉ်းသား အများစုလွတ်မြောက်လာတော့ ဖြစ်ပေါ်လာနိုင်တဲ့ မြန်မာ့နိုင်ငံရေးအခင်းအကျဉ်း ကိုလည်းသုံးသပ်ပေးပါဦး။

ဖြေ။ ။ကိုယ်ပိုင်အမြင်ကတော့ ကိုယ်ပိုင်သုံးသပ်ချက်အရတော့ အခုလက်ရှိ ၈၈ကျောင်းသားတွေရဲ့ နဂိုရပ်တည်ချက်အရလည်း ကျောင်းသားအနေနဲ့အမျိုးသားပြန်လည်သင့်မြတ်ရေးကိုအရင်ဆုံးဖော်ဆောင်ပြီးတော့

ပြည်တွင်းငြိမ်းချမ်းရေးရအောင် ဘေးကနေလုပ်နေတဲ့အဖွဲ့အစည်းတွေအားလုံးကို တတ်နိုင်သလောက် ကိုယ်စွမ်းအားရှိပါတယ်။ ၈၈မျိုးဆက်ကျောင်းသားအနေနဲ့လည်း လတ်တလောမှာ လိုအပ်တဲ့ဘက်ကနေပြီးတော့ ပြည်သူရဲ့ လိအပ်ချက်ကို မားမားမတ်မတ်ရပ်တည်ပေးဖို့ အစီအစဉ်ရှိပါတယ်၊



မေး။ ။ သမ္မတနဲ့ဒေါ်စုတွေ့ဆုံဆွေးနွေးမှုကရော ဘယ်လိုမြင်လဲ၊ ဒီမိုကရေစီလမ်းကြောင်းအတွက် ရလာဒ်ကောင်းတစ်ခုဖြစ်နိုင်မလားခင်ဗျ။

ဖြေ။ ။ ဖြစ်သင့်ပါတယ်၊ဒေါ်အောင်ဆန်းစုကြည်နဲ့သမ္မတဦးသိန်းစိန်တွေ့ဆုံတဲ့ကိစ္စကို ကျွန်တော့်အနေနဲ့ကြိုလည်းကြိုဆိုပါတယ်၊လက်လည်းလက်ခံပါတယ်၊ ဘာဖြစ်လို့လဲဆိုတော့ မြန်မာနိုင်ငံသားတွေဖြစ်တဲ့အတွက် ရန်သူတွေလည်းမဟုတ်ပါဘူး၊ အဲ့လိုပဲတိုင်းပြည်ဖွံ့ဖြိုးတိုးတက်ရေးမှာ ပုဂ္ဂိုလ်တစ်ဦးတစ်ယောက်အဖွဲ့အစည်းတစုံတရာ ကပဲဆောင်ရွက်လို့မရပါဘူး၊ အားလုံးလက်တွဲဆောင်ရွက်ပါမှ မြန်မာနိုင်ငံကြီးတိုးတက်မှာဖြစ်တဲ့အတွက် အခုလိုတွေ့ဆုံမှုကို ထောက်လည်းထောက်ခံပါတယ်၊ ဆက်လက်ပြီးတော့ ကောင်းကျိုးဖြစ်ထွန်းလာနိုင်မယ်လို့ ယုံကြည်ပါတယ်၊



မေး။ ။ ဒီမိုကရေစီနိုင်ငံသစ်မြန်မြန်အကောင်အထည်ဖော်နိုင်ဖို့အတွက် ပြုပြင်သင့်တဲ့ကဏ္ဍတွေ ရှိရင် အစ်မအမြင်လေးကို အကြံပေးပြောကြားပေးပါဦး

ဖြေ။ ။ မြန်မာနိုင်ငံကအခုမှ ဒီမိုကရေစီဆိုတာ လသားအဆင့်လောက်ပဲရှိသေးတယ်၊ တစ်တိုင်းတစ်ပြည်လုံးမှာရှိတဲ့ ပြည်သူတွေအားလုံးဟာ စည်းကမ်းရှိရှိ၊ ညီညီညွတ်ညွတ်နဲ့ ငြိမ်းချမ်းစွာနဲ့လက်တွဲဆောင်ရွက်ရမှာဖြစ်ပါတယ်၊ အခုခေတ်မျိုးဆက်သစ်လူငယ်လေးတွေကို ပြောချင်တာကတော့ စာများများဖတ်ကြပါ၊ စာဖတ်မှ စာထဲက အမှန်တရားတွေ့မှသာလျင် ပတ်ဝန်းကျင်ရဲ့အမှားနဲ့အမှန် တိုင်းပြည်အတွက်ဆိုးကျိုးကောင်းကျိုးကို ဖန်တီးနိုင်မှာ ဖြစ်ပါတယ်။ အဲ့ဒါကြောင့်မို့ပညာရေးဆိုင်ရာမြှင်တင်မှုတွေ ကျမ်းမာရေးဆိုင်ရာမြှင့်တင်မှုတွေကို အဓိကထားလုပ်သင့်တယ်လို့ ကျွန်တော်ထင်ပါတယ်။

မေး။ ။ ပါတီဝင်မဟုတ်ပဲနဲ့ နိုင်ငံရေးလုပ်နေတဲ့သူတွေကို အစ်မဘယ်လိုအကြံပြုပြောချင်ပါသလဲ။

ဖြေ။ ။ ပါတီဝင်မဟုတ်ပဲနိုင်ငံရေးလုပ်နေတဲ့သူတွေကတော့ အဓိကက လက်ရှိ အန်အယ်လ်ဒီက ကြားဖြတ်ရွေးကောက်ပွဲမှာ ရွေးကောက်ပွဲဝင်ပြီးတော့ လွတ်တော်ထဲကိုရောက်သွားမှာဖြစ်ပါတယ်၊ အဲ့တော့ ဒီ နီးစပ်ရာတွေကနေ ကိုယ့်တိုင်းပြည်ရဲ့ဖြစ်ပေါ်ပြောင်းလဲမှုတွေကို ကိုယ့်ရဲ့ နီးစပ်ရာကနေ လွတ်တော်ထဲကို ပြည်သူ့အသံ အမှန်အကန်ဆုံးရောက်နိုင်အောင် ကြိုးစားဆောင်ရွက်ကြပါလို့ ပြောချင်ပါတယ်။



မေး။ ။ ပြည်သူတွေရဲ့နိုင်ငံရေးရေချိန်က ဘယ်လောက်ရောက်နေပြီလဲခင်ဗျ။

ဖြေ။ ။ အခုရေစီးကြောင်းကိုကြည့်ရတာတော့ တော်တော်အားရပါတယ်၊ အရင်က တိုင်းပြည်မှာ လူတွေက အကြောက်တရားလွမ်းမိုးနေတယ်၊ အခုအချိန်မှာတော့ အကြောက်တရားတော်တော်များများကွယ်ပျောက်နေတာတွေ့နေရပါတယ်။ နောက်ပြည်သူတွေက အမှန်တရားဘက်မှာ လိုက်ပြီးတော့နိုင်ငံရေးသမားတွေနဲ့အတူ လိုက်ပါစီးဆင်းနေတာကို တွေ့ရတယ်၊ ဒါကြောင့် မြန်မာနိုင်ငံရဲ့ အနာဂါတ်အလားအလာက အရင်ကထက်စာရင်တော့ ပိုပြီးရောင်ခြည်ထွန်းလင်းတောက်ပလာတယ်လို့ ထင်ပါတယ်။



မေး။ ။ ကျန်ရှိနေတဲ့ နိုင်ငံေ၇းအကျဉ်းသားတွေ လွတ်မြောက်ဖို့ ဆက်လက်ဆောင်ရွက်သွားဖို့ အစီစဉ်ရှိလား။

ဖြေ။ ။ အဲ့ဒါကတော့ ဆက်လုပ်ပေးရမှာပါ၊ ကျန်ရှိနေသေးတဲ့ ဒီမိုကရေစီ စစ်ကိုရရှိနေတဲ့တိုင်းပြည်မှာ နိုင်ငံရေးယုံကြည်ချက်နဲ့ အဖဖ်းခံရတဲ့သူ မရှိသင့်ပါဘူး၊ အဲ့ဒီအတွက်ကြောင့် အားလုံးပြန်လည်လွတ်မြောက်ဖို့ ဆက်လက်ဆောင်ရွက်သွားမှာပါ၊



မေး။ ။ ကျင်းပနေတဲ့ လွတ်တော်အခင်းအကျင်းကိုရော ဘယ်လိုမြင်လဲခင်ဗျ။

ဖြေ။ ။ အရင့်အရင်လွတ်တော်တွေထက်စာရင် အခုဒီမိုကရေစီနိုင်ငံသစ်ရဲ့လွတ်တော်က ပွင့်လင်းတယ်၊လွတ်လပ်တယ်လို့ ထင်ပါတယ်၊



မေး။ ။ မီဒီယာရဲ့အခန်းကဏ္ဍကရော ဘယ်လိုရှိလဲ။

ဖြေ။ ။ ကောင်းပါတယ်၊ မီဒီယာလွတ်လပ်ခွင့်တွေပေးလိုက်တဲ့အတွက်ကြောင့်မို့လို့ မြန်မာနိုင်ငံမှာရှိတဲ့ပြည်သူတွေ မျက်စိရောနားရော အလင်းရောင်ပေးလိုက်တာနဲ့ အတူတူပါပဲ။ မီဒီယာလွတ်လပ်ခွင့်ပေးတာကို အများကြီးကြိုဆိုပါတယ်။



မေး။ ။ အစ်မအနေနဲ့ ပြည်သူကို အာမခံပေးနိုင်တာရှိရင်ပြောပေးပါဦး။

ဖြေ။ ။ ကျွန်တော်တို့အတွက်ကတော့ ထောင်ထဲမှာပဲနေနေ၊ အပြင်မှာပဲနေနေ မြန်မာပြည်သူတွေအတွက်ကတော့ ထာဝရရှင်သန်နေမှာပါ၊ ဆက်ပြီးတော့ မြန်မာနိုင်ငံတိုးတက်ဖို့နဲ့ ပြည်သူတွေအတွက် အစစအရာရာကိုယ်တတ်နိုင်တဲ့ အပိုင်းကနေ တတ်နိုင်သလောက်တတ်စွမ်းသလောက် ဆက်ပြီးတော့လုပ်သွားမှာပါ။

သတင်း..မြစ်မခ မီဒီယာ

Posted in: အင်တာဗျူး