အတွင်းနားတု ခွဲစိတ်မှုကို ငွေကျပ်သိန်း ၁၅၀ မှ ၂၀၀ ကုန်ကျပြီး မြန်မာနိုင်ငံတွင် ခွဲစိတ်နိုင်တော့မည် ဖြစ်ကြောင်း နား၊ နှာခေါင်း၊ လည်ချောင်း အထူးကုဆေးရုံ (ရန်ကုန်)မှ သတင်းရရှိပါသည်။
ပြီးခဲ့သည့် ၂၀၁၁ ခုနှစ် နိုဝင်ဘာလအတွင်းက မြန်မာနိုင်ငံတွင် ပထမဦးဆုံးအကြိမ်အဖြစ် အတွင်း နားတုအစားထိုးခွဲစိတ်ခြင်းကို ဂျာမနီ နိုင်ငံရှိ Med Aid Germany အဖွဲ့မှ ဆရာဝန်များနှင့် မြန်မာနိုင်ငံရှိ နား၊ နှာခေါင်း၊ လည်ချောင်းအထူးကု ဆရာဝန်များပူးပေါင်းကာ လူနာ ငါးဦးအား အောင်မြင်စွာခွဲစိတ်ပေး နိုင်ခဲ့ကြောင်း သိရသည်။
ခွဲစိတ်ရာမှာ အသုံးပြုရမယ့် စက်တွေက ရောက်ရှိတော့မှာပါ။ ဒါပေမဲ့ အတွင်းနားတုစက်ကတော့ မြန်မာနိုင်ငံမှာ မရှိသေးပါဘူး။ ခွဲစိတ်မှုခံယူမယ် ဆိုရင်တော့ နိုင်ငံတကာနဲ့ ချိတ်ဆက်ဝယ်ယူရမှာ ဖြစ်ပါတယ် . . .
“ဒီနားတု အစားထိုးခွဲစိတ်မှုက နိုင်ငံတကာမှာပြုလုပ်နေတာ ဆယ်စုနှစ် တစ်ခုကျော်နေပါပြီ။ မြန်မာ နိုင်ငံမှာတော့ ၂၀၁၁ ခုနှစ်မှာ ပထမဦး ဆုံးလုပ်နိုင်ခဲ့တယ်။ ပထမအကြိမ် ခွဲစိတ်မှုလုပ်တုန်းကတော့ ဂျာမနီက ဆရာဝန်တွေက အဓိကခွဲစိတ်ပေးပြီး ဒီကဆရာဝန်တွေကို တိုက်ရိုက်ပြန် သင်ကြားပေးတဲ့ သဘောဆိုတော့ လူနာအများကြီး မခွဲစိတ်ပေးနိုင်ဘူး။ အခုတော့ အတွင်းနားတု ခွဲစိတ်မှုကို မြန်မာနိုင်ငံမှာတင် ပြုလုပ်လို့ရပါပြီ။ နား၊ နှာခေါင်း၊ လည်ချောင်းအထူးကု ဆေးရုံ(ရန်ကုန်)ကို ဆက်သွယ်နိုင်ပါတယ်” ဟု နား၊ နှာခေါင်း၊ လည်ချောင်း ဆေးရုံ(ရန်ကုန်)မှ ပါမောက္ခ ဌာနမှူးဒေါက်တာဦးသိန်းထွန်း က ပြောပြခဲ့သည်။
ထိုသို့ ပထမအကြိမ်အတွင်း နားတုခွဲစိတ်မှုတွင် လိုအပ်သည့် ခွဲစိတ်ခန်းသုံး ပစ္စည်းများကို မြန်မာစားဖိုမှူးများ အသင်း၏ စီစဉ်မှုဖြင့် ဂျာမနီ နိုင်ငံမှ ငှားရမ်း အသုံးပြုခဲ့ရခြင်းဖြစ်သည်။ ယခု ၂၀၁၂ ခုနှစ်နှစ်ဆန်းပိုင်းတွင် အဆိုပါ ခွဲစိတ်ခန်းသုံးကိရိယာများကို မြန်မာစားဖိုမှူးများအသင်းမှ လှူဒါန်းမှုဖြင့် ရောက်ရှိတော့မည်ဖြစ်ကြောင်း သိရပါသည်။
“ခွဲစိတ်ရာမှာ အသုံးပြုရမယ့် စက်တွေက ရောက်ရှိတော့မှာပါ။ ဒါပေမဲ့ အတွင်းနားတုစက်ကတော့ မြန်မာနိုင်ငံမှာ မရှိသေးပါဘူး။ ခွဲစိတ်မှုခံယူမယ်ဆိုရင်တော့ နိုင်ငံတကာနဲ့ ချိတ်ဆက်ဝယ်ယူရမှာ ဖြစ်ပါတယ်။ ခန့်မှန်း ကျပ်သိန်း ၁၅၀ ကနေ ၂၀၀ လောက် ကုန်ကျနိုင်ပါတယ်”ဟု ဒေါက်တာဦးသိန်းထွန်းက ဆက်လက် ပြောပြခဲ့သည်။
မြန်မာနိုင်ငံတွင် ပထမဦးဆုံး အတွင်းနားတု အစားထိုးခွဲစိတ်မှုကြောင့် အသက် ၇၈ နှစ်မှ ၁၄ နှစ်ရှိ လူနာငါးဦးအကြား အာရုံပြန်လည်ရရှိခဲ့ကြကြောင်း သိရသည်။
news-eleven.com
0 comments:
Post a Comment